>> @@ .. فضفضه .. فضفض وطلع اللى جواك .. @@ >>

[قطر الندى]

ولما تلاقينا على سفح رامة.....

[قطر الندى]

فيه وقت بتبقا قلقان على حد معين غصب عنك وبالذات لو عرفت انه وقته صعب ودايما تسأل هوا كويس ولا لا فبتبقا اللي عايزه انك تطمن عليه وتعرف اخباره حتى لومش ليك الحق في دا وممكن حد يشوف تصرفك مش صح بس المهم عندك انك تعرف انه كويس

[قطر الندى]

ممكن يجي يوم يبقا ليا نصيب ان اقابلك صدفة زي اول مرة اقابلتك فيها.. في رعاية الله وربنا يوفقك ويباركلك في حياتك واتمنالك الخير دايما

[قطر الندى]

ربنا يستر علينا ويعدي الظروف دي على كل الناس امين يارب
احساسك بالخوف من شي مش عارف هيصيبك امتي وحش اوووي ،واخد احتياطات وحذرك تمام بس بردو ميمنعش احساس القلق والخوف المستمر ربنا يحفظنا يارب

[قطر الندى]

احساس غريب بتحسه بالرغم انك مش بتبقا عارف ليه وازاي زي انك بتحس انك قلبك مقبوض وقلقان من غير سبب وبردو انك مرتاح ومبسوط ومن غير سبب بتبقا مستغرب نفسك وبتفكر كتيير

[قطر الندى]

ممكن الظروف والاوقات اللي بنمر بيها بتتحكم شوية في ردود افعالنا على مواقف معينة او ممكن احنا متخيلين دا ودايما نسأل نفسنا لو الوقت والظرف اختلف هتكون دي نفس ردود افعالنا ولا لا ،أو ممكن علشان حاجة تانية خالص بتكون دي ردود افعالنا, حتى لو مختلفة عن طبيعتنا والمفروض نعمله, بس بنتحجج في الوقت والظرف
علشان نداري وراه ضعف اوقلة حيلة او خوف على حد مميز بنحميه. ومع الاحساس دا بنفضل في حيرة ملهاش إجابة.....

[قطر الندى]

قلبي مقبوض... لعله خير يارب

[قطر الندى]

في وقت بيكون جوانا كلام كتييير بنتمني نقوله او نلاقي حد يسمعه بس مينفعش يتقال اكن مصيره انه يفضل جوانا وبالرغم كده بتبقا مبسوط بيه حتى لو متقالش....

وعل النقيض في كلام بتبقا عايز تقوله وبالذات لو انت في موقف اتهام بس ممكن خوفك من اللي بيسمعك وانك متأكد انك هتتفهم غلط وهتطلع غلط بتحتفظ بيه جواك وبيفضل مصيره بردو انه يبقا جواك بس بتحس انك مضغوط اوووي ومش مبسوط انه جواك...
احساسين مختلفين وكلام مختلف بالرغم انهم الاتنين جواك..

[قطر الندى]

‏اللهم اني نويت صيام رمضان إيماناً واحتساباً لوجهك الكريم، فاللهم أعني على صيامه وقيامه وتقبله مني واغفر لي ما تقدم من ذنبي وما تأخر، وإن توفيتني قبل حلوله، فاكتبني من الصائمين الصالحين......
رمضان كريم🌙

[قطر الندى]

في وقت بنحس ان قلبنا تقيل كده ومقبوض وبنستغرب السبب او علشان مش عارفين بس علي كل حال الحمد لله ولعله خير يارب