النتائج 1 إلى 10 من 10

الموضوع: قرار مواطن مصري

  1. #1
    Pb Elite
    تاريخ التسجيل
    Oct 2010
    الدولة
    Paradise
    المشاركات
    775

    افتراضي قرار مواطن مصري

    قرار مواطن مصري :-
    أولا :- أنا مع إن المجلس العسكري صفر سياسيا وأنّه متباطئ جدا وعجوز ,, وأنّ حكومة شرف فشلت في إدارة البلد في ظروف نسبيا أسهل من اللي جاي ,, وأنا مع تكليف حكومة إنقاذ وطني بس مش مع رحيل المجلس العسكري بمعنى رحيل كامل ,, أنا شايف رحيل عن السلطة بمعنى إن المجلس يضع إمكانياته تحت إدارة الحكومة دون الإنسحاب من المشهد السياسي الفوضوي الراهن لإن المجلس العسكري وإن كان لا يصلح لحكم البلد يبقى العمق الأمني والضامن الوحيد بعد الله عز وجل على عدم سقوط الدوله وانهيارها ,, وإليكم رأيي المتواضع ,, وفي انتظار سماع آرائكم :-
    في خضمّ الأحداث ,,, وبين تضارب الأخبار وتشتت أبناء الوطن وتمزّق النسيج المصري ,,, كنت قد أعلنت سابقا تأييدي لرحيل شرف والعسكر لكن ,,,,,,,,,,
    1) أ ليست حكومة الجنزوري حكومة إنقاظ وطني لها من الصلاحيات ما لم يكن يوما لحكومة داخل أو خارج مصر ...
    2) مما يعني أنّها ستدير البلد ,, وتتخذ ما تراه صائبا من قرارات دون العودة للمجلس العسكري ...
    3) للمعترضين على الجنزوري بداعي سابق عمله مع ( مبارك ) وكبر سنّه ألم يكن البرادعي يوما على رأس منظومة لا تخطو خطوة واحدة دون العودة لمعطيات السياسة الأمريكية ( شهادة علماء وخبراء روس ) كما أنّه كبير السن ...
    4) إن كان البرادعي أوّل من دعى للتغيير فإنّ الجنزوري هو الوزير ورئيس الوزراء الوحيد والأوّل الذي لقّب ب ( وزير الفقراء ) ,,, كما أنّه أعلن عصيانه لمبارك
    5) هل يستطيع البرادعي إعلان موقفه من تولّي الجنزوري تشكيل الحكومة ,,فإن كان موافقا لتولّي الجنزوري خرج على مناصريه واحتوى الأزمة وهدّأ من ثورة التحرير ,, وإن كان معارضا ,, فلماذا لم يعلن ذلك أثناء إجتماعاته بالمجلس العسكري والجنزوري
    6) إن كان للثوّار في التحرير ( المواطنين العاديين الذين لا يتمتعون بأيّ سلطة ) اتخاذ قرار بحلّ أو تشكيل حكومة ,,أليس من العدل ألاّ نغفل عن قرارات ثوّار العباسية ( المواطنين العاديين الذين لا يتمتعون بأي سلطة ) والذين لا يقلّون عن إخوانهم في التحرير وطنية وحب لهذا الوطن ,, أم هل ينظر إليهم ثوّار التحرير على أنّهم ليسوا من الثوّار ؟؟؟
    7) أ لم يكن الجنزوري شجاعا عندما قبل المهمّة بتشكيل حكومة الإنقاظ ,, إذ يعتبر بذلك قد فتح صفحاته السابقة بحسنها وسيئها ,, ووضع رقبته في مشنقة الثورة ,,, فأيّ إنسان عاقل سيلقي نفسه في النار إلاّ إذا كان متأكدا من نجاته وقدرته على الخروج منها سالما
    8) إلى أنصار البرادعي ,,,, عمرو موسى ,, عبد المنعم أبو الفتوح ,,, حمدين صباحي وأي مرشح آخر هل ستتقبلون نتيجة انتخابات مجلس الشعب وانتخابات الرئاسة أيّا كانت ؟؟؟؟ أم هل لميدان التحرير رأي آخر
    حفظ الله الوطن

  2. #2
    Moderator
    تاريخ التسجيل
    Aug 2011
    الدولة
    Mansoura
    المشاركات
    1,631

    افتراضي


    هقتبس لحضرتك ردي في موضوع تاني هنا ..

    ليه المجلس رفض البرادعي ؟

    مين هيضمننا انه مش هيكون زي د عصام شرف

    هو عصام شرف كان وحش ؟

    عملنا ايه برئيس وزراء كويس وممتاز بس مش ثوري ومش بيفرض شروطه على المجلس بيسمع كلامهم وينفذ بس

    دا اللي احنا خايفين منه

    مطلوب من رئيس الوزرا حاجات كتييييير

    يظبط الداخلية ويرجع حقوق الشهداء اللي كتروا أوووووووي ويكمل المحاكمات الخجولة اللي خاربة البلد دي

    عايزين رئيس وزراء قووووووووي بصلاحيات بجدددد

    المجلس طالع يقول انا مكنتش بتدخل في حكومة شرف أبدًا ..

    يا سلاااااااام ! دا لو واحد في حضانة أكيد عارف قد ايه اتدخلوا في حكومة شرف

    دا حتى الراجل استقال خمسميت مرة ورفضوا وطلب حاجات كتير رفضوا مين مش عارف كدا ؟

    أنا كان نفسي حد غيره يتعين بس بردو هستنى لما يشكل حكومته ونشوف قرارته لإني بحترمه ومش عايزة أظلمه

  3. #3
    Pb Elite
    تاريخ التسجيل
    Nov 2008
    الدولة
    In my own mind
    المشاركات
    1,508

    افتراضي

    ربنا يخليك يادكتور ربنا يكرمك
    قلت كل اللى اتمناه
    انت متتصورش فرحه اهلى هنا باختيار الجنزورى
    وانا متاكده ان اللى يعرفه اكتر ويعرف تاريخه يشكر فيه وان شاء الله اختياره للحكومه هتكون باذن الله جيدة باذن الله
    وفعلا هى مسئوليه كبيرة
    المهم ميبقاش فيه تحيز لحد ونبقى فريقين فى كل قرار
    ونلاقى اعتصام تانى عشان الجنزورى اتقبل
    او عشان البرادعى اتقبل
    او او او او

  4. #4
    Pb Elite
    تاريخ التسجيل
    Oct 2010
    الدولة
    Paradise
    المشاركات
    775

    افتراضي

    1) اسم البرادعي لم يطرح كرئيس وزراء من قبل المجلس العسكري أصلا لإن المجلس العسكري يعلم حجم المعارضة الشديدة التي سيلاقيها القرار من التيار الإسلامي بنوعيه ,,, ومما لا شك فيه أن التيار الإسلامي يمثل الأغلبية وإن كان هناك شك في ذلك سينجلي في أي انتخابات هتتعمل سواء الإنتخابات إتأجلت أو اتعملت في ميعادها ....
    2) أنا احترمت حمدين صباحي عندما أعلن رفضه تولي منصب رئيس الوزراء وأعلن ما في نيته أنّه وضع خطته ليتولى الرئاسة لفترة أربع سنوات وليس في حكومة لن تدم أكثر من أربعة أشهر أو ما يزيد قليلا ..
    3) أنا ضد تولي الدكتور سليم العوا لهذا المنصب لأنّه ينتمي لمدرسة المعتزلة ( الفلسفة في الدين )
    حفظ الله الوطن

  5. #5
    Pb Elite
    تاريخ التسجيل
    Sep 2008
    المشاركات
    2,071

    افتراضي

    بسم الله الرحمن الرحيم
    يا جماعة بلاش نحرق ورقنا ........
    انتوا بتتكلموا فى واحد من اهم المرشحين للرئاسة و عايزين تخلوه يمسك الوزارة !!!
    طب لو مسكها هيلحق يعمل كل انتوا طالبينه !!!
    ولا هو المفروض هيقعد معانا كتير ، انتخابات الرئاسة اخرها شهر يونيو و بعد كده هيجى رئيس جديد و كل حاجة هتتغير ، الا اذا دكتور البرادعى حاطط فى نيته انه هيعمل حاجة تانية .

    علشان كده خلوا المرشحين للرئاسة اقوياء زى ما هم و المنافسة بينهم قوية علشان نقدر نحتار صح ، ظلم لو اى حد منهم تخلى عن ترشيحه ...
    وفى نفس الوقت الى هيمسك الحكومة لازم يحط جدول زمنى يوضح فيه مواعيد انتقال السلطة علشان تكون كل حاجة واضحة من الاول .....

  6. #6
    Pb Elite
    تاريخ التسجيل
    Oct 2010
    الدولة
    Paradise
    المشاركات
    775

    افتراضي

    [HTML][/HTML]
    اقتباس المشاركة الأصلية كتبت بواسطة تابعة محمد مشاهدة المشاركة
    بسم الله الرحمن الرحيم
    يا جماعة بلاش نحرق ورقنا ........
    انتوا بتتكلموا فى واحد من اهم المرشحين للرئاسة و عايزين تخلوه يمسك الوزارة !!!
    طب لو مسكها هيلحق يعمل كل انتوا طالبينه !!!
    ولا هو المفروض هيقعد معانا كتير ، انتخابات الرئاسة اخرها شهر يونيو و بعد كده هيجى رئيس جديد و كل حاجة هتتغير ، الا اذا دكتور البرادعى حاطط فى نيته انه هيعمل حاجة تانية .

    علشان كده خلوا المرشحين للرئاسة اقوياء زى ما هم و المنافسة بينهم قوية علشان نقدر نحتار صح ، ظلم لو اى حد منهم تخلى عن ترشيحه ...
    وفى نفس الوقت الى هيمسك الحكومة لازم يحط جدول زمنى يوضح فيه مواعيد انتقال السلطة علشان تكون كل حاجة واضحة من الاول .....
    رأي حضرتك مظبوط ,, وكمان الجنزوري مش محسوب على أي اتجاه سياسي ودي ميزة ,, بالإضافة إنّه شبه الأرض المحايدة ,, لا مع طرف على طرف وأنا إحساسي إنّه ملهوش مصلحة يسعى لها

  7. #7
    Pb Elite
    تاريخ التسجيل
    Oct 2007
    المشاركات
    2,246

    افتراضي

    متهيالى وضحت اوى ان البرادعى عاوز السلطة
    يعنى ايه واحد عاوز يرشح نفسه رئيس جمهورية ووافق انه يمسك رئيس وزرا هو يعنى سلق بيض ولا ايه مجتش دى تبقى دى

    دى حاجة تنرفز والله
    انا بقيت بكره الراجل ده
    لو بجد كان خايف على البلد كان يقول طالما الجنزورى راجل كويس اصبرو يا جماعة لحد يونيو وخلاص
    انما بالطريقة دى وضحت اوى انه عاوز السلطة وخلاص

  8. #8
    Pharma Student
    تاريخ التسجيل
    Apr 2009
    المشاركات
    1,168

    افتراضي

    أنا أساسا كارهة البرادعي ده من اول يوم نزل فيه مصر وادلي بتصريحه من المطار ان مبارك لازم يمشي وهو مستعد يمسك مكانه ؟؟؟؟!!!! هو حد طلب منه انه يتدخل اساسا والا عامل نفسه الراجل الفدائي اللي هينقذنا من الضياااع خلاص ؟؟؟!!!
    بجد الراجل ده لو وصل للرئاسة انا هنزل التحرير بنفسىىىى وأرفضه مليووووووووون مرة
    وربنا يعين الجنزوري ويكرمه بإذن الله ويعدي بينا من عنق الزجاجة دي بقي

  9. #9
    Pb Elite
    تاريخ التسجيل
    Oct 2010
    الدولة
    Paradise
    المشاركات
    775

    افتراضي

    أولا أنا مش ضد البرادعي أنا مش مقتنع أصلا بيه ,,,
    الفكرة كلها إن الناس اللي في التحرير ( طبعا مش كلهم ) بس الناس اللي بينتموا لقوى سياسية مثل 6 إبريل وما شابه عاوزين يكونوا حكومة إنقاظ ويمشي المجلس العسكري ,, حكومة الإنقاظ دي عوزين يمسكوها لواحد ينتمي لنفس تيارهم الفكري ( دول كمان وزعوا استمارات استبيان في الميدان ودي كانت مطبوعة ودا ملهوش غير معنى واحد إن اللي بيحصل دا سيناريو مدروس ) الشخص اللي هيرأس الحكومة دي وفي غياب المجلس العسكري هيقدر يأجل الإنتخابات وبالتالي يبقى انضحك علينا ويبقى في ظل الديمقراطية الواهية بتاعتهم ,,, القرار أصبح في يد الأقليّة,, تاني الكلام دا بالنسبة للناس اللي بتنتمي لتيارات سياسية ,, لإن معظم اللي في التحرير ناس نزلت لمّا شافت ناس بتموت فقرروا ينزلوا ,,, ودول ميفرقش معاهم مين يترأس الحكومة قدر ما يفرق معاهم دم أبناءنا اللي ماتوا خلال المواجهات مع الشرطة .........
    وبعدين الجنزوري قال إن البرادعي نصحه بقبول الوزارة ,, فياريت البردعي ( اللي كان موافق على وثيقة السلمي ومنزلش الميدان غير يوم الجمعة ) ,, لو كان حريص على مصلحة البلد يقف خلف الجنزوري لإن هذا هو صالح البلد
    حفظ الله الوطن

  10. #10
    Pharma Student
    تاريخ التسجيل
    Jan 2010
    المشاركات
    616

    افتراضي

    اقتباس المشاركة الأصلية كتبت بواسطة SHEREIF مشاهدة المشاركة
    متهيالى وضحت اوى ان البرادعى عاوز السلطة
    يعنى ايه واحد عاوز يرشح نفسه رئيس جمهورية ووافق انه يمسك رئيس وزرا هو يعنى سلق بيض ولا ايه مجتش دى تبقى دى

    دى حاجة تنرفز والله
    انا بقيت بكره الراجل ده
    لو بجد كان خايف على البلد كان يقول طالما الجنزورى راجل كويس اصبرو يا جماعة لحد يونيو وخلاص
    انما بالطريقة دى وضحت اوى انه عاوز السلطة وخلاص

    فعلا كان بيسعى للسلطة جدا !!

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •