رجاءا من المشرفين :
دعونا نعيش تلك هذه اللحظات من الديموقراطيه حتي النهايه
طلبه الفرقه الاولي مش بيدخلوا كتير علي قيم اتحاد الطلاب
فارجوكم سيبوا التوبيك ده هنا في الفرقه الاولي...
واي حد زيي عاوز برنامج انتخابي ... يعمله في فرقته لان محدش بيدخل علي قسم الاتحاد الا نادرا ...شكرا
البرنامج الانتخابي
بسم الله الرحمن الرحيم
بدايه.....
اتحاد الطلبه يعني الممثل الشرعي للطلبه
يعني هوه صوت الطلبه
...
وعشان كده قبل ما ننتخب حد ..... لازم نطمن ليه عشان مفيش حد يندم بعد كده
الاتحاد بيقوم بوظيفتين اساسيتين
اول وظيفه هي حل مشاكل الطلبه ....زي تعديل الجدول وتظبيط المواعيد و مشاكل المدرج وغيرها ...
ودي طبعا بتكون من خلال اتصال مجلس الاتحاد باكبر عدد ممكن من طلبه الدفعه سواء كان اتصال مباشر
او غير مباشر زي النت بكافه صوره
واحنا في نيتنا نركز علي النقطه دي كويس جدا باننا نقوي الاتصال بين الاتحاد وبين الطلبه عشان نقدر نسمع لمقترحات و افكار و مشاكل اكبر عدد من الطلبه ان شاء الله ....
انا هتكلم عن لجنه الاسر الي هترشح فيها
ودي هتكون بعض النقاط الي هركز عليها باختصار شديد
1.تشجيع الطلبه علي انشاء اسر طلابيه مفيده ...بهدف استغلال مواهب الطلبه المكبوته سواء كانت ثقافيه او ادبيه او رياضيه او فنيه
اليه التنفيذ :
هيتم ان شاء الله توعيه الطلبه من خلال منشورات او من خلال النت او من خلال لقاءات علي كيفيه انشاء اسره طلابيه وكيفيه ممارسه نشاط طلابي ..
2.حث الاسر الطلابيه الغير فعاله علي تفعيل دورها بشكل اكبر وتقديم كافه التسهيلات لتفيل هذه الاسر.
3. تقويه العلاقات بين الاسر المختلفه
ألآليه :عقد اجتماعات بين مقرري الاسر الطلابيه بصفه دوريه
4. التشجيع علي اقامه برامج مشتركه بين الاسر الطلابيه..
5.استغلال الاسر الطلابيه الاستغالال الامثل لافاده الطلبه من خلال دورات تدريبيه و برامج قويه ...
6. العمل علي توفير مقرات للاسر الطلابيه كي تجتمع فيها...
7.يجب العمل علي زياده دعم الاسر الطلابيه
لتوفير مصدر مادي تقوم من خلاله اقامه انشطه وفعاليات ناجحه لخدمه الطلاب...
* كلمه اخيره :
هناك مفهوم يجب ان يعيه و يفهمه الطلبه وهوه
كلنا اتحاد طلالب مش بس ال14 فرد
اي حد عاوز يشارك بفكره باقتراح بمجهود ...... يشارك
طبعا الوقت ضيق جدا التيرم التاني
و المهمه غايه الصعوبه ...بس طول ما فيه عزيمه و اراده ونيه صادقه لله
مفيش مستحيل باذن الله ...
_____________________
امضاء: محمد عليوه
محمد اسماعيل
ياريت لو حد عاوز يناقشني في اي نقطه ....يتفضل