لما يكون في طلاب عاوزين يصلوا ولكن إدارة الكلية _ أكيد بدون قصد _ وضعت امتحان الكيمياء التحليلية لإعدادي وقت صلاة الظهر . والعصر بيأذن قبل انتهاء وقت الامتحان بنصف ساعة تقريبا . والوضع ده من أيام ماكنت في اعدادي أو قبل كده ومستمر لغاية دلوقتي . مئات الطلاب والمراقبين بيواجههم الموضوع ده من السنين اللي فاتت وبيتكرر كل سنة .. لو واحد عايز يصلي الفرض في وقته يعمل إيه ؟
مش احنا في دولة إسلامية ؟ يعني لو أنا في مكان تاني ممكن أقول ظروف الدولة كده بس في مصر ؟؟
( ومن يعظم شعائر الله فإنها من تقوى القلوب )
ياريت اتحاد الطلبة يقدم طلب بالموضوع ده . لأننا لازم نكون ايجابيين وما نسكتش على تكرار الموضوع ده .
ليه ما نكونش زي الإمارات اللي أوقف حكم مباراة كرة قدم المباراة لفترة لحين انتهاء الأذان ... تعظيما للأذان ولحرمته ....
الموضوع أكيد ما خطرش على بال اللي بيحط الجدول لكن ياريت بعد ما الكلية تاخد بالها من الموضوع ده يكون في حل .