فكرة الموضوع ده ان اى حد قرأ او سمع كلام

وعجبه يجيبه هنا

وده كلام كده عجبنى


******

***
*


في مدرسة الحياة أتعلمت حاجات كتير
شوفت اللى عاش فقير وفى الآخر مات أمير
عشان كان عنده حلم بس شبه مستحيل

قدر يحققه مستسلمش للبديل
إحساس جميل لما توصل وتكسب .. والناس بتكدب عشان توصل هتتعب
لازم تفضل صاحي لما تيجي لك فرصه تركب .. متخليش حد يقف في طريقك هتسبق وتلحق
واللى يحاول يشوشك ويشتتك .. عن اللى انت واثق انه في يوم هيسعدك .. متصدقوش .. خليك أد كلمتك .. مستقبلك جوه قلبك متخليش حد يحبطك
ولو وقعت مره حاول مره كمان .. عشان احنا في زمان الضعيف مالوش مكان
ركز يلا وانجز مفيش وقت للكلام .. ده حتى الأكل مالوش طعم لو مكنتش جعان




بتعدي بينا وتلف بينا أيام ..واحنا تلاميذ في مدرسة الحياة


الحياة زى المدرسة وفيها كتير مدرسين .. والباقي تلاميذ مش عاجبهم الروتين
اللي بقوا مهندسين واللي بقوا مجرمين .. منهم الحقيقي والمزيف بوشين
والسؤال .. لو متابع الكلام...
إنت شاري نفسك ولا بايع القضية ؟
إنت دارى بنفسك ولا عايش للتسلية ؟ .. مانت عارف نفسك مش محتاج تحليل شخصية
إصحي .. الناس بتجري حوالينا .. واحنا الوقت بيجري من إيدينا .. ونسينا اللي حصل للي تاهوا قبلينا
بلاش نغلط زيهم ونفتح عينينا للي جاي علينا .. مهما كان .. مدرسة الحياة وده ميعاد الامتحان .. وزى ما واحد صاحبي قالها من زمان ..
الحقيقة مسيرها تبان وهنعرفها مع الأيام



********
****
*


اتمنى فكرة الموضوع تعجبكم