مشاهدة نتائج الإستطلاع: اسباب عدم نجاح الإرشاد الأكاديمى فى كلية الصيدلة

المصوتون
52. أنت لم تصوت في هذا الإستطلاع
  • انا لا أعرف اهمية الإرشاد الأكاديمى لى.

    25 48.08%
  • انا لا أحب مرشدى الأكاديمى

    7 13.46%
  • سن المرشد الأكاديمى غير مناسب (إما انه يكون مثل عمر جدى و اما ان يكون شاب مثلى)

    14 26.92%
  • افضل ان يكون المرشد الأكاديمى من جنسى.

    15 28.85%
  • جربت الإرشاد الأكاديمى و لم أستفد به

    4 7.69%
  • ليس عندى وقت لأضيعه

    1 1.92%
  • الدكتور المرشد مشغول على طول و لا يعيرنا اى إهتمام

    21 40.38%
  • مواعيد الإرشاد الأكاديمى و وسائل الإتصال بالمرشد غير معلنه

    29 55.77%
  • المرشد لم يتصل بنا إطلاقا و لا حتى بدعوة جماعية.

    36 69.23%
  • انا مكسوف من الموضوع ده

    4 7.69%
  • انا معنديش مشاكل و مش محتاج إرشاد

    2 3.85%
  • انا غير إجتماعى و ارتبك مع عضو هيئة التدريس

    8 15.38%
  • أخاف ان يصدنى المرشد الأكاديمى او يحرجنى امام غيرى

    17 32.69%
  • نحن نحل مشاكلنا مع بعضنا كطلاب لأن لنا يفهمنا أحد الا ابناء جيلنا وزملاؤنا

    11 21.15%
  • انا استفدت من الإرشاد الأكاديمى. كفاية انى اتعلم بعض خبرات الحياة من الأساتذة

    0 0%
  • لقد حل لى المشرف الأكاديمى بعض المشاكل

    1 1.92%
  • شجعنا المرشد الأكاديمي بأنه أتصل بنا أولا وعمل لنا موعد.

    2 3.85%
  • المشكلة اننا لا نعرف كيف نستفد بالفرص المتاحة

    16 30.77%
  • اسباب اخرى (تفضل بذكرها فى المشاركة)

    4 7.69%
إستطلاع متعدد الإختيارات.
صفحة 2 من 3 الأولىالأولى 123 الأخيرةالأخيرة
النتائج 11 إلى 20 من 24

الموضوع: انا مش محتاج إرشاد

  1. #11
    عضـو هيئـة التـدريـس
    تاريخ التسجيل
    May 2007
    المشاركات
    765

    افتراضي

    اقتباس المشاركة الأصلية كتبت بواسطة Mohamed Al Gohary مشاهدة المشاركة
    لكن ازاى أبقى أنا المشرف الأكاديمي بتاعي دكتور .. طردني أول امبارح من المعمل .. واداني صفر فى الكتاب لمجرد ان كبسولة البالطو اللى فوق مفتوحه ؟؟
    يمكنك الذهاب للدكتور حسن الكاشف لطلب تغيير المشرف فى هذه الحالة و لكن اقول لك شيء كنت جربته كطالب فى موقف مشابه اننى ذهبت للدكتور فى مكتبه (عقر داره) و بمنتهى الأدب قلت له انا فلان اللى...... ممكن اعرف السبب لعلى اتجنبه. فقال ما قال و انا افهمته المشكلة التى لم يراها و تسرع فى فهمها. تصور انه تأسف لى. و من يومها الى الان علاقة جميلة و متينة جدا. يعنى خليك ايضا شجاع طالما عندك احساس قوى بالحق و بهذه النية النتيجة ستكون خير ان شاء الله احنا برضه عايزين الطالب يكون صدره واسع شوية و يعيش حياته بتجاربها.
    "من لا يتقدم يتقادم .. فلا بصمة و لا أثر"

  2. #12
    Pb Elite
    تاريخ التسجيل
    Oct 2009
    المشاركات
    6,117

    افتراضي

    اقتباس المشاركة الأصلية كتبت بواسطة ;282601

    طردني أول امبارح من المعمل .. واداني صفر فى الكتاب لمجرد ان كبسولة البالطو اللى فوق مفتوحه ؟؟

  3. #13
    Super Moderator
    تاريخ التسجيل
    Sep 2007
    الدولة
    Mansoura
    المشاركات
    7,739

    افتراضي

    اقتباس المشاركة الأصلية كتبت بواسطة Dr. Atallah F. Ahmed مشاهدة المشاركة
    يمكنك الذهاب للدكتور حسن الكاشف لطلب تغيير المشرف فى هذه الحالة و لكن اقول لك شيء كنت جربته كطالب فى موقف مشابه اننى ذهبت للدكتور فى مكتبه (عقر داره) و بمنتهى الأدب قلت له انا فلان اللى...... ممكن اعرف السبب لعلى اتجنبه. فقال ما قال و انا افهمته المشكلة التى لم يراها و تسرع فى فهمها. تصور انه تأسف لى. و من يومها الى الان علاقة جميلة و متينة جدا. يعنى خليك ايضا شجاع طالما عندك احساس قوى بالحق و بهذه النية النتيجة ستكون خير ان شاء الله احنا برضه عايزين الطالب يكون صدره واسع شوية و يعيش حياته بتجاربها.
    مش كل الدكاتره هيعرفوا اننا اتظلمنا او مغلطناش

    فى دكتور طردنى انا واتنين جنبى من المحاضره "والله اعلم طردنى ليه"

    روحت له بعد المحاضره وقولتله يا دكتور انا معملتش حاجه وحاولت افهمه انى مغلطتش

    قالى يبقى انا بكدب او انا مستقصدكم ! ! !

    وانا عارفه لو كونت طولت ف الكلام كان هيحصلى ايه

    وبعد مادخلت المدرج تانى الناس بتقولى هو انتم اتطردتم ليه

    مش كل الدكاتره بيتعاملوا مع الطلبه زى ماحضرتك بتعاملنا

    فى دكاتره كويسين جدا وبنحس منهم انهم عايزين يساعدونا فعلا

    ودكاتره تانيين عكس كده خالص

    الارشاد الاكاديمى اظن انه المفروض يكون لما العلاقه تكون كويسه بين الطالب والدكتور بتاعه

    لكن دكتور انا مبقدرش اروح اساله فى حاجه علميه لمجرد انه دكتور عصبى شويه او صعب او معروف عنه بانه صعب فى التعامل شويه هقدر اروح احكيله مشكله عندى ! ! ! اكيد لأ

    لو دكتور قرر انه يصعب الامتحان ويعاقب الدفعه كلها بسبب مشكله بسيطه حصلت من طالبه مستهتره

    لو كنت عنده ف الارشاد الاكاديمى هروحله ! ! ! اكيد لأ

    حاجه كمان انا بنت استحاله هروح احكى مشكله عندى لدكتور

    يبقى المفروض اننا مانتوزعش بالارقام البنات يبقوا دكتوره والاولاد عند دكتور

    انا رحت للمشرف الاكاديمى وخدت منه كشكول "انا معرفش الدكتور خالص بس كان شكله طيب "

    ملقيتش حد غير حوالى 2 او 3 راحوله والصراحه مامليتش البيانات ومروحتش تانى

    ولا حتى الدكتور جمع الطلبه معاه ولا اى حاجه من دى حصلت

    الخلاصه ان بعض الدكاتره ومعظم الطلبه مش مديين لموضوع الارشاد اهميه

    يعنى انا لو فى مشكله ...الاولى انى احكى لامى او والدى او اختى الاكبر او ........... هم اللى لهم الاولويه

    يادكتور فى دكاتره الواحد لما بيشوفهم ماشيين فى طريق ممكن نغير طريقنا ونمشى من طريق تانى

    صعب الارشاد يتحقق بالصوره المطلوبه عندنا فى الكليه

    شكـــراً يا دكتور عطاالله على اهتمام حضرتك بمشاكلنا وتواصل حضرتك معانا

    ربنا يبارك فى حضرتك

  4. #14
    عضـو هيئـة التـدريـس
    تاريخ التسجيل
    May 2007
    المشاركات
    765

    افتراضي

    اقتباس المشاركة الأصلية كتبت بواسطة amira مشاهدة المشاركة
    انا بنت استحاله هروح احكى مشكله عندى لدكتور

    يبقى المفروض اننا مانتوزعش بالارقام البنات يبقوا دكتوره والاولاد عند دكتور

    انا رحت للمشرف الاكاديمى وخدت منه كشكول "انا معرفش الدكتور خالص بس كان شكله طيب "
    حسب الإستبيان هناك حوالى 30% من الطلاب يفضلون ان يكون فعلا المشرف من نفس الجنس. هذا مثالى فى مجتمعنا. و لكن لو لم يتيسر هذا الأمر فالكلام بين الطالبة و الأستاذ او العكس هو الكلام بالمعروف كما امرنا ربنا و بدون زيادات عن الأمر المطلوب. ليس فى المشاكل الشخصية البحته (فهذا دور الأب او بمن تثقى فيه ممن لم يختلف عليه الناس فى خلقه) و لكن فى المشاكل الدراسية و مشاكل المذاكرة او الإستشارة فى الأبحاث او المساعدة فى إختيار المواد الدراسية (سيطبق هذا النظام قريبا كما فى برنامج الصيدلة الإكلينيكية) او حل مشكلة حدثت معك فى أقسام الكلية او معاملها مع بقية أعضاء هيئة التدريس او المعيدين. كذلك يمكن ان يعد المشرف بعض تقارير للإدارة و اللجان بناء عن مناقشة مع الطلاب الذى يشرف عليهم فى مختلف القضايا التى تعن للطلاب و هكذا.
    اقتباس المشاركة الأصلية كتبت بواسطة amira مشاهدة المشاركة

    يادكتور فى دكاتره الواحد لما بيشوفهم ماشيين فى طريق ممكن نغير طريقنا ونمشى من طريق تانى
    بعبع يعنى......... حرام ليس الأمر بهذه الدرجة
    اقتباس المشاركة الأصلية كتبت بواسطة amira مشاهدة المشاركة

    شكـــراً يا دكتور عطاالله على اهتمام حضرتك بمشاكلنا وتواصل حضرتك معانا
    جزاك الله خيرا يا أميرة فهذا واجبى نحوكم
    "من لا يتقدم يتقادم .. فلا بصمة و لا أثر"

  5. #15
    Pharma Student
    تاريخ التسجيل
    Aug 2008
    الدولة
    يارب مع الرسول
    المشاركات
    1,239

    افتراضي

    السلام عليكم ورحمة الله و بركاته

    شكرا جزيلا دكتورنا العزيز على الاهتمام بهذا الموضوع...الموضوع ده بدأ من زمان و لو كان العيب من الطلبة أو تقصير منهم فمش معقوله كل الكم اللى فى صيدلة لا يبحث عن فرص زى دى..أنا عن نفسى بدأت الخطوة الأولى و رحت بنفسى للمرشد الأكاديمى و لكن لم تكن هناك استجابة ...فحقيقة مش عارفة مين اللى المفروض يكون عارف دوره ..لأنى بجد كنت متفائلة بالموضوع ده و لكن للأسف لمدة سنه و نصف ومفيش حاجة اتغيرت...على العموم أنا مش هتفرق معايا اذا كت اختار المرشد بنفسى أو لأ و لكن المهم ان الدكتور اللى يكون معانا يتواصل و يبذل أقصى جهده وأظن ده كفاية...و يا رب نتحرك للأمام قبل ما نتخرج
    و جزاك الله خيرا د/ عطاالله

  6. #16

    افتراضي

    احب ان اشارك بمشاركة موجزة
    اعتقد ان من اهم اسباب عدم نجاح هذه الفكرة
    او بالأصح التطبيق الغير كامل
    هو افتقاد لغة الحوار بين الطالب والأستاذ
    الطالب لايجيد المناقشة بالشكل المطلوب
    ربما هناك رهبة خفية فى اعماقنا كطلاب
    من التعامل مع اعضاء هيئة التدريس
    رهبة من الخطأ فى التعامل او فى النقاش
    الذى قد يولد مشكلة للطالب
    الأختلافات بين اعضاء هيئة التدريس
    نفسها
    فهناك عضو هيئة تدريس يتقبل اسلوب الحديث المفتوح
    بينما عضو اخر لايتقبل سوى الحديث المتحفظ
    هذا الأختلاف لايمكن استيعابه
    لا بفهم متعمق لشخصية المشرف
    عن طريق التعرف عليه فى المحاضرات
    وعن طريق الأجتماعات الدورية الذى يعقدها هذا المشرف
    ولكن التواصل الفردى سيجعل الطالب مترددا كثيرا
    يعنى بالنسبة للطلبة الذين يخجلون من مقابلة المشرف الأكاديمى
    او يخشونه
    من الممكن ان يقوم اكثر من طالب بالتجمع والذهاب
    لمشرفهم الأكاديمى لتجنب المواجهة الفردية مؤقتا

    وطبعا مهما كانت شخصية المشرف الأكاديمى سواء كانت
    متحفظة او اكثر سلاسة فى التعامل مع الطلاب
    فان الأنسان يظل هو الأنسان
    يرغب فى التواصل والتقارب مما يبدون الأهتمام المماثل
    انا بصراحة تجربتى مع مشرفى الأكاديمى ليست على مستوى
    التوقعات التى اردت
    لكن اتخذت فيها عدة خطوات ايجابية
    وللعلم
    الكثير من الناس يعتبرونه من اكثر الأساتذة
    تحفظا مع الطلاب
    ولكن بصراحة عندما ذهبت اليه
    وعرفته بنفسى
    وتكررت وياراتى اليه
    بدأت العلاقة تتحسن
    حتى انه عرف اسمى

    ولكن فى النهاية عندما
    حدثت احد المشكلات
    لم يساندنا بالقدر الكافى
    ولم يقدم الدعم المطلوب
    فانسحبت تماما من الفكرة
    واكتفيت بزيارة بداية العام
    كانت تجربة غير مكتملة
    و
    اعتقد ان جزء من المسئولية على عاتق مشرفى الأكاديمى
    فى ذلك
    لكن الجزء الأخر
    يتحمله زملائى
    الذين لم يحاولوا حتى الأتصال
    بمشرفهم او حتى ملأ استمارة
    الأشراف الأكاديمى
    الذين سببوا عدم اكتمال التجربة
    واخرجها بالنضج المطلوب

    هناك امر اخر
    ايضا ذو علاقة بالأشراف الأكاديمى
    وهو الساعات المكتبية
    وهى فرصة ذهبية
    للطلاب للتواصل مع مختلف اساتذتهم
    بشكل مفتوح وغير محدد
    بصراحة استفدت كثيرا من الساعات المكتبية
    اكثر بكثير من الأشراف الأكاديمى
    وتعرفت على شخصيات اساتذتى
    وافكارهم وتواصلت معهم
    بشكل جيد للغاية
    شكرا يادكتور عطاالله
    على فكرة دى المشاركة الثانية لى فى الموضوع
    لكن المشاركة الأولى لم استطع ارسالها
    بسبب انقطاع النت
    وذهبت ادراج الرياح

    على الرغم انها كانت ضعف هذه المشاركة تقريبا..


  7. #17
    Pharma Student
    تاريخ التسجيل
    Jul 2008
    الدولة
    جمهورية مصرالعربية
    المشاركات
    3,069

    افتراضي


    ياسلام على الايجاز اللى كتبت بيه ياعبدالله

    فعلا انت بتتحفنى بموجزاتك

    بس انت قلت حاجة فعلا بتخلينى اخاف اتكلم مع الدكاترة

    وهو انى لو خدت راحتى معاه فى الكلام يبقى هطرد من الكلية

    وده طبعا عشان اسلوبى الرائع فى الحديث

  8. #18
    عضـو هيئـة التـدريـس
    تاريخ التسجيل
    May 2007
    المشاركات
    765

    افتراضي

    اقتباس المشاركة الأصلية كتبت بواسطة Dr/HULK مشاهدة المشاركة
    هههههههههه جميلة فكرة ان كل طالب يختار الدكتور اللى يبقى مشرف عليه


    بس لو اتطبقت يبقى دكتور عطاالله هيبقى مشرف على اكتر من 5000 طالب على الاقل

    دى حقيقة مش مجاملة مفيش غير دكتور عطاالله هو اللى بيتناقش معانا فى مشاكلنا وبيدور معانا على حلول ليها

    باقى الدكاترة وسيلة اتصالهم بالطلاب معدومة تقريبا


    يا محمد يا حبيبى و الله اعضاء هيئة التدريس لن يكونوا هيئة تدريس بحق و لن تكون الجامعة اسمها جامعة بحق الا بالطلاب و مدى سعيها للنهوض بهم و الرفع من شأنهم و جودة تعليمهم و العمل الدؤوب لتنمية شخصياتهم قبل ان ينطلقوا الى المجتمع لقيادة المستقبل.
    "من لا يتقدم يتقادم .. فلا بصمة و لا أثر"

  9. #19
    Pharma Student
    تاريخ التسجيل
    Mar 2008
    الدولة
    alone on the moon
    المشاركات
    639

    افتراضي

    بصراحه يا دكتور مش عارفه إيه فايدة الإرشاد الأكاديمى
    لو هو مثلا فائدته إنى أسأل دكتور الإرشاد فى أسئله واقفه معايا فى مادة تخصصه فى المشاكل الدراسية و مشاكل المذاكرة
    طيب ما هو فى ساعات مكتبيه معموله علشان نسأل دكتور الماده اللى بيدرسلنا فى المدرج
    عن المشاكل دى
    وده يغنى عن الإرشاد متهيألى
    ولا حضرتك شايف فايده تانيه للإرشاد الأكاديمى غير كده ؟؟؟

    مره تانيه يا دكتور بشكر حضرتك
    إنك متواصل معانا

  10. #20
    Pharma Student
    تاريخ التسجيل
    Jul 2008
    الدولة
    جمهورية مصرالعربية
    المشاركات
    3,069

    افتراضي


    على فكرة يادكتور حضرتك سمعت اراء الطلبة فى الارشاد

    وتجربتهم مع الدكاترة

    ياريت حضرتك برده كمرشد تعرفنا على المعوقات اللى واجهت حضرتك كمرشد اكاديمى مع الطلبة اللى حضرتك مسئول عنهم

    عشان نعرف على الاقل الدكاترة شايفينا كطلبة ازاى

صفحة 2 من 3 الأولىالأولى 123 الأخيرةالأخيرة

المواضيع المتشابهه

  1. محتاج مساعده ضرورى
    بواسطة Dr\n-a في المنتدى مناقشات زوار منتدى كلية الصيدله
    مشاركات: 2
    آخر مشاركة: 06-08-2011, 02:20 PM
  2. محتاج office 2007
    بواسطة end_point_ph في المنتدى قسـم الكومبيوتر والانترنت
    مشاركات: 3
    آخر مشاركة: 03-09-2010, 02:20 PM
  3. محتاج جداول التخلفات ؟؟؟
    بواسطة alnesr1988 في المنتدى الفرقة الرابعة 2010
    مشاركات: 2
    آخر مشاركة: 25-05-2010, 11:35 PM
  4. يا تري انت محتاج طبيب نفساني
    بواسطة tata7 في المنتدى المنتـدى العـام
    مشاركات: 13
    آخر مشاركة: 01-02-2009, 11:13 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •