مشاهدة نتائج الإستطلاع: اسباب الإعتماد على أوراق الكورسات ..

المصوتون
513. أنت لم تصوت في هذا الإستطلاع
  • الأوراق تعرض فيها المادة بطريقة منظمة و مركزة و شيقة

    381 74.27%
  • بها ما قل و دل و هو المطلوب

    299 58.28%
  • لأننى لا أحضر المحاضرات بإنتظام

    142 27.68%
  • لأننى لا إجيد تبييض المحاضرات او تلخيص الكتب

    206 40.16%
  • تركز معلوماتها على إجابات اسئلة الإمتحانات

    205 39.96%
  • اشتريها بإستمرار من اول الترم

    226 44.05%
  • اشتريها فقط قبل الإمتحانات بغرض المراجعة.

    52 10.14%
  • لأن الكتاب الجامعى غير جيد فأنا اشتريه و لكن لا اذاكر منه

    380 74.07%
  • لأننى لا أفهم من شرح الدكتور فى المحاضرة

    150 29.24%
  • اشتريها (و إن لم استخدمها) لأن هذا يجعلنى اشعر بالإمان اكثر.

    97 18.91%
  • لأننى تعودت على ذلك منذ الثانوية العامة.

    69 13.45%
  • لأنى لا أطيق المذاكرة من كتب كبيرة الحجم فهذا يرعبنى.

    182 35.48%
  • لأنى اريد الحصول على تقدير فالتالى احب ان اطلع على إنتاج غيرى

    83 16.18%
  • لأن كل الطلاب يشترونها فأكيد لا غبار عليها.

    85 16.57%
  • لأنها لا تكلفنى كثيرا مثل الدروس الخصوصية

    153 29.82%
  • أشترى لبعض المواد فقط دون غيرها (أكيد المواد الصعبة أو المملة)

    71 13.84%
  • لأن اسئلة الإمتحانات لا تخرج عنها

    145 28.27%
  • لأن الأساتذه لم يعودونا على التعلم الذاتى بأبحاث تطلب او سيمنارات او غيرها

    198 38.60%
  • أعترف بأننى أدمنتها و لا أدرى كيف استذكر المواد بدونها

    191 37.23%
  • اعترف بأن الإعتماد عليها قد قلل من قدرتى على التعلم الذاتى و البحث عن المعلومة بنفسى

    211 41.13%
إستطلاع متعدد الإختيارات.
صفحة 1 من 7 123 ... الأخيرةالأخيرة
النتائج 1 إلى 10 من 63

الموضوع: ورق الكورسات....... جريمة ام غنيمة

  1. #1
    عضـو هيئـة التـدريـس
    تاريخ التسجيل
    May 2007
    المشاركات
    765

    افتراضي ورق الكورسات....... جريمة ام غنيمة

    فى بحث استقصائى شمل حوالى 3200 من طلاب كلية الصيدلة فى اطار حصر اسباب انتشار الدروس الخصوصية كانت نسبة الطلاب الذين يعتمدون على ورق الكورسات 95-98% حسب الفرقة. اجرى هذا البحث من خلال استبيان ورقى فى الفصل الاول للعام الجامعى 2008/2009. بالطبع كانت نسبة ملفته بل مقلقة لنا كأعضاء هيئة تدريس. و على هذا فقد يعنى اعتماد الطلاب على هذه الأوراق هو:
    - عدم تعود الطالب على مهارة التعلم الذاتى.
    - قلة ثقة كثير من ابناء هذا الجيل فى أنفسهم.
    - قلة إيمان الطالب بجدوى المذاكرة المفصلة و التحصيل العميق للمواد.
    - الكتاب الجامعى غير جذاب او غير مرتب.
    - ثقافة الإستمتاع بالحياة و تأجيل المذاكرة اليومية و التى تجعل الطالب يحتاج لمنقذ له بأقل جهد و أقل وقت ليحصل الحدود الدنيا للمقررات.
    - عدم استشعار الطالب بسمو و عمق مهنة الصيدلة و خطورة الإعتماد على المعلومات المعدة (بأيدى غيره) أو الملخصة و الجاهزة للحفظ.
    - هم الطالب هو النجاح (يعنى يعدى بدون مشاكل) و ليس بناء الشخصية المهنية المحترفة.
    - لا يسعى الطالب الى تحديث او تعميق المعلومة بل معرفتها فقط ان امكن بأقل جهد.
    هناك قلة قليلة من الطلاب يشترون تلك الأوراق للحكم عليها و نقدها او مقارنة محتواها بما فعله هو و هذا افضل من الذى يعتمد عليها بدون تمحيص لمحتواها العلمى.
    و انى ا رى ان الإعتماد على تلك الأوراق مع عدم حضور المحاضرات او استشارة المراجع او الكتب المتخصصة او حتى المواقع العلمية على الإنترنت تمثل جريمة فى حق الطالب فى هذه المرحلة العمرية و ذلك لأن الأسرار العميقة للمهنة و روابط اتصال المعلومات الطبية و الدوائية ببعضها ستنعدم بما سيعقبها من نتائج لا تسر بعد التخرج.
    و حتى نلم بأسباب الإعتماد على هذا الورق فبرجاء التأشير على الإستبيان المرفق. بإتمام هذا الإستبيان ستتكون لديكم و لنا صورة واضحة غير مزينة لكثير من الأسباب الحقيقية للإعتماد على تلك الوسيلة و التى ستساهم الى حد كبير فى علاجها و الإتجاه الى اليات اصلاح فى العملية التدريسية لطلاب الصيدلة.
    فى حالة وجود أسباب أخرى او مقترحات برجاء كتابتها فى صورة مشاركات تحت نفس هذا الموضوع
    فى امان الله
    "من لا يتقدم يتقادم .. فلا بصمة و لا أثر"

  2. #2
    Pharma Student
    تاريخ التسجيل
    Nov 2007
    الدولة
    Mansoura
    المشاركات
    268

    افتراضي

    بسم الله الرحمن الرحيم

    طبعا شرف لي أن يكون لي أول رد في الموضوع الجميل و ألف شكر يا د/ عطا الله على فتح مثل هذه المواضيع الهامة و عدم الإكتفاء برصدها بل أيضا محاولة إيجاد الحلول

    أنا شخصيا لا إنكر إني أشتري هذا الورق و لكني أشتريه لعده أسباب :

    1- عدم ثقتي الشخصية فيما أكتبه في المحاضرة و خوفي إني أكون نسيت شيئ أو نقطة مهمة
    مع العلم إني في أغلب المخاضرات التي أحضرها لازم أكتب و أحيانا لا أترك شيئ لا أكتبه و لكن بيكون عندي خوف من أني أكون نسيت حاجة أو سرحت في جزء معين

    مع العلم إني أستعين بملاحظاتي في الدراسة حتى أتدارك وجود أخطاء بالورق

    و أنا و مجموعة من الأصدقاء لنا تجربة و هي إننا في الفصل الدراسي الأول في سنة ثانية في مادة الكيمياء التحليلية كان الورق اللي بينزل في المكتبات به الكثير و الكثير من الأخطاء و لذلك في الترم الثاني
    و بمساعدة من الأساتذة الأفاضل أعضاء هيئة التدريس في القسم :
    ا.د / فتح الله بلال
    د/ أمينة
    جهزنا المحاضرات بنفسنا و قدمناها للقسم ليراجعها و بعد كده ذاكرنا منها و هو بالتأكيد أحسن و أفضل بس صعب و يحتاج مجهود مش بسيط

    2- الكتاب غير مناسب و ده جربناه في عده مواد زي الميكرو في سنة ثانية و البايو هذا العام و غيرهم
    ( الكتب محتواها يختلف عن المحاضرة أو المعلومة غير واضحة و غير منظمة )
    أنا مش ضد إني أستخرج المعلومة و أرتبها بنفسي بس هي تكون موجودة

    3- الناس إتعودت على إنها تذاكر من ورق مش من كتاب و أظن ده موضوع نفسي بحت لا يمت للجودة بصلة

    4- بعض المواد بيكون من الصعب التركيز في المحاضرات مع تدوين الملاحظات و لا يوجد مصدر مناسب للمذاكرة لعدم جودة الكتاب و غياب البديل عدا ورق الدروس

    ده رأيي الشخصي و وجهة نظري في الموضوع و جزاك الله كل الخير يا أستاذنا الفاضل على طرح الموضوع للمناقشة و إن شاء الله نصل لحلول تنهي الأزمة و تريح الطلاب و تساعدهم
    التعديل الأخير تم بواسطة AhmadRaed ; 03-05-2010 الساعة 04:35 PM سبب آخر: أخطاء كتابة

  3. #3
    Pharma Student
    تاريخ التسجيل
    May 2008
    الدولة
    في أرض ٍ ..كل من عليها فان
    المشاركات
    634

    افتراضي

    جزاكم الله خيرا دكتور لتواصلك المستمر معنا
    - ثقافة الإستمتاع بالحياة و تأجيل المذاكرة اليومية و التى تجعل الطالب يحتاج لمنقذ له بأقل جهد و أقل وقت ليحصل الحدود الدنيا للمقررات.
    - عدم استشعار الطالب بسمو و عمق مهنة الصيدلة و خطورة الإعتماد على المعلومات المعدة (بأيدى غيره) أو الملخصة و الجاهزة للحفظ.
    - هم الطالب هو النجاح (يعنى يعدى بدون مشاكل) و ليس بناء الشخصية المهنية المحترفة.
    دى اهم النقاط يا دكتور

    بالنسبة للكتب فكتير منها اتحسن ومعظم الاقسام كتبها الحالية كويسة جدا
    بالنسبة لنا على الاقل فى تالتة
    انا كنت دايما لما اشوف كتب اختى فى طب اقول اشمعنى عندهم كتب طباعة وغلاف مميز واحنا لا
    السنة دى هى الى عجبها جدا كتاب د- فريد بدريه
    كتب الفيتو بصراحة مميزة جدا واهم من المحتوى والغلاف التوافق مع الشرح

    بس من اهم الاسباب يادكتور وراء انتشار الورق
    ان اولاد الدكاترة والاوائل يا بياخدوا دروس (وده الغالب ) يا اما بيذاكرو من الورق
    المعلومة واضحة ومرتبة وغالبا بيكون الى كاتب الورق الطلبة موصله له المحاضرة كويس
    واحنا بنقارن فعلا بالمحاضرة لو اتاكدنا انه نفس الكلام بس اكثر تنظيما بنذاكر منه
    احيانا بيكون الدكتور قال معلومة فى مجموعة وما اتقالتش فى المجموعة التانية فى الورق الشرح الى اتقال فى المجموعتين

    سبب كمان : طول اليوم الدراسي
    صحيح حضور المحاضرة والتبييض ومحاولة تجميع المعلومات ذاتيا بتدى للفرد ثقة اكثر فى نفسه وتنمى مهاراته
    بس المشكلة ان المحاضرات والسكاشن تستنزف كل طاقتنا يوميا
    المذاكرة بتتأجل
    يكون الورق نزل
    اسهل فى المذاكرة

  4. #4
    Moderator
    تاريخ التسجيل
    Oct 2007
    الدولة
    Mansoura
    المشاركات
    2,085

    افتراضي

    الورق ما هو الا تبييض للمحاضرة،، لو المحاضرة زي الكتاب فمش بتفرق اذاكر منين،، انا كنت بذاكر الفارما والمديسنال والفيتو والاساي السنة اللي فاتت من الكتاب وكنت بشتري الورق لسبب واحد، احيانا الدكتور بيقول معلومة في جروب ومش بيقولها في الجروب التانية، فالمعلومة دي باخدها من الورق ازودها على الكتاب،، ودي حاجات بسيطة جدا
    وده مش في كل المحاضرات كمان

    لكن اغلب السنوات بذاكر من الورق سواء حضرت محاضرات او محضرتش، وده لأن هو المحاضرة بالظبط،، لو استاذ المادة بيشرح من الكتاب والكتاب كلامه واضح يبقى مفيش فرق، لكن لو في اختلاف ساعتها يبقى الورق هو المصدر

    المراجعات بقى، في آخر الترم في مواد زي العقاقير لازم تتجمع في جداول مقارنات،، يا إما بعملها بنفسي كطالب يعني وده نادرا لما بيحصل بسبب نزولنا الكتير، يا إما الاسهل اجيب ورق متجمع من المكتبة
    وعلى فكرة ورق الدروس نفس فكرة طالب بيبيض محاضرة ويسيبها لزملائه، في ناس بارعة في تنسيق المحاضرة وتجميع المنهج بصورة أسهل والخيارات دي مفيدة للطالب

  5. #5

    تاريخ التسجيل
    Dec 2009
    الدولة
    يارب مع رسول الله
    المشاركات
    2,600

    افتراضي

    السلام عليكم
    اولا انا بشكر حضرتك جدا على التواصل الدائم معانا وحرصك الدائم على مصلحتنا والنهوض بنا
    وفعلا الموضوع ده فى منتهى الاهميه الى بيخلينا نلجا للورق
    هو اننا من الصعب جدا انى اذاكر من الكلام الى انا كاتباه ورا الدكتور وده لعدة اسباب
    1.اما انى مش بلحق اكتب كل الكلام ورا الدكتور
    2.او انى اصلا بكتب غلط وبالتالى مبيكونش عندى ثقه فى الى اناكاتباه ومقدرش اذاكر منه
    3.او انى مبكنش قادره افهم وده لان الدكتور بيشرح على مستوى عالى شويه اعلى من قدراتنا فبالتالى مبقدرش اوصل للمستوى ده ومبقدرش افهم واكيد العيب فى طبعا
    حاجه كمان بتخلينا نلجا للورق ده ان فيه دكاتره بتقولنا اهم حاجه الكلام الى انا بقوله متذاكروش من الكتاب لانه معقد فمبنقدرش نكتب كل الكلام فنلجا للورق
    ونقطه تانيه مهمه ان فيه دكاتره بتقول اشياء مهمه لمجموعه واشياء تانيه للمجموعه التانيه وبعدين الدكتور يطلب مننا ان كل مجموعه تشوف المحاضرات بتاع التانيه لان الامتحان هيجى من الى اتقال ف المجموعتين فاكيد مش كل واحد فينا هيروح يسال التانى انت كتبت ايه ورا الدكتور لانى اكيد مش هيكون عندى ثقه ف المعلومات الى هعطيها له او هاخدها منه فده بيخلينا من غير منفكر نشترى الورق ده
    كمان اول مدخلنا الكليه ولقينا الكتب من المستحيل المذاكره منها وسالنا الى اكبر مننا بمرحلتين او تلاته قالوا لنا انهم بيذاكروا من الورق وبيجيبوا تقديرات عاليه كمان
    انا عارفه كويس اننا اكيد غلطانين فى موضوع ورق الكورسات ده لكن بجد يا drاحنا ملجاناش له الا للضروره وصعوبة الكتب لكن طبعا فيه دكاتره كتير جدا(مع احترامى لكل اساتذتى ) شرحهم متميز جدا ويشهد الله على ذلك
    اسف ع الاطاله لكن الموضوع شدنى بجد
    شكرا لحضرتك وجزاك الله عنا كل خير وردك الله الينا سالما
    التعديل الأخير تم بواسطة N00R EL _SHAMS ; 03-05-2010 الساعة 06:05 PM

  6. #6
    Pharma Student
    تاريخ التسجيل
    Aug 2007
    المشاركات
    1,318

    افتراضي

    السبب يا دكتور ان عندنا شيت أساي يوم 8 هنمتحن فيه علي نظري الفارما
    في كمان خطوة خدتها الكلية خلت من المستحيل للطالب الاستغناء عن الورق وهي ضغط جدول الامتحانات
    السبب ان الكتاب بصراحة لا يعتمد عليه .. وغالي جدا جدا ولو أنا أقدر اني ما اشتريش ولا كتاب هعمل كدة ..
    وضع الأمور علي كفتي الميزان يا دكتور بيوضح الأمور تماما .. علي الكفة الأولي : أنا طالب ذكي جايب في الثانوية فوق الـ 97 (ده كل طلبة صيدلة) وطالب صيدلة من الصفوة .. يعني ببساطة يقدر يفهم لوحده الكلام اللي مكتوب .. أنا ممكن أتابع مع الورق باستمرار وأذاكر 4 أو 5 ساعات في اليوم طول الترم من غير حضور محاضرات وحر ومواصلات ووقت وغيره .. وفي الآخر هجيب تقدير فوق 80 % أو علي الأقل هنجح ده لو مستوي ذكائي تحت يعني .. ومع كدة عندي اختيارات أكتر لممارسة هواياتي او حتي الشغل
    علي الكفة التانية .. هقوم الصبح بدري أحضر المحاضرات وأفضل 5 ساعات متواصلة بدون فواصل أحاول أفهم من الدكاترة وأنقل بأسرع وسيلة وأكمل من أصحابي وعندي سكاشن يعني هفضل في الكلية 8 ساعات في اليوم والدكتور ده بيدي شيت وده عايز يمتحنا والمفروض اني أذاكر المادة دي عشان العملي ومفيش وقت ومضغوط
    أكيد نسبة كبيرة من الطلبة هتختار الكفة الأولي .. وفي نسبة مش صغيرة هتختار الكفة الأولي مع جزء من الكفة التانية .. و 2% علي حسب الاستفتاء هيختاروا الكفة التانية ومش هيعتمدوا علي الورق
    أنا طبعا من الشريحة اللي بتختار جزء صغير من الكفة الأولي وهي المذاكرة من الورق أثناء الامتحانات

    ومع كامل احترامي وتقديري لحضرتك يا دكتور .. الأسباب اللي حضرتك تفضلت بإلقاء الضوء عليها متعلقة بالطالب وأنا موافق علي كثير منها لكن مفيش غير سبب واحد أو اتنين حضرتك كتبته متعلق بالأستاذ والكلية والعملية التعليمية من البداية والمناخ العام اللي بنعيش فيه في مصر ومستقبل المهنة وسوقها اللي موجود ..مع اني شايف ان الطالب ده عامل زي الورقة البيضاء .. اللي بيكتب فيها والمسؤول عنه هو اللي بيحدد وجهته وطريقة تفكيره ومنهجيته في التعلم .. فمش صح اننا نحمل الطالب المسؤولية .. مع ان المفروض ان المسؤولية الكاملة علي المنظومة التعليمية اللي بيتعلم فيها الطالب .. ببساطة الطالب ملوش أي ذنب في أي مشكلة تخص انخفاض مستوي التعليم في مصر
    تحياتي لحضرتك

  7. #7
    Pharma Student
    تاريخ التسجيل
    Dec 2009
    المشاركات
    50

    افتراضي

    فعلا موضوع الورق ده موضوع محير بس احنا بنشتريه علشان لو كاتبين حاجه غلط ورا الدكتور وكمان مافيش وقت اننا نرجع للكتاب لان في بعض الكتب مش منظمة خالص
    بس انا لازم احضر المحاضرة قبل مازاكر من الورق علشان اقدر افهم مش احفظ بس وبعد الامتحان كله يتبخر لان شغلتنا عايزة فهم ولازم نحبها شكرا يادكتر على اهتمامك بنا واسفة على الاطالة وعلي فكرة الورق لا علاقة له بالدكاترة لان الدكاترة ممتازين بس هى تعود من الثانوية وضيق في الوقت المتاح فقط

  8. #8

    Pb Designing team


    تاريخ التسجيل
    Oct 2009
    المشاركات
    770

    افتراضي

    شكراً لطرح حضرتك الموضوع ده يادكتور..
    أنا فعلاً لسه شاريه ورق كورسات
    ويمكن كلينيكال ليها عذرها عن النظام العادى..
    وهو إن احنا معندناش كتاب أصلا!
    وبالتالى أنا اضطر الجأ لورق الكورسات..على الرغم من حضورى كل المحاضرات والله
    وتبييضي كمان..بس بيظل فى حاجات باكتبها غلط ورا الدكتور..
    نتيجة للسرعه اللى باكتب بيها..
    بالإضافه لإن بعض المواد..الhand outبتاعها بيكون سيءجداً جداً
    فباضطر اشترى الورق..
    وإن كان اكتر من90%الورق اللى باشتريه مبفتحوش..ولكن زى ماحضرتك قلت
    مجرد وجوده معايا بيشعرنى بأمان لأفصى حدود!
    بس فى أوقات كتيره بالاقي غلطات فادحه فى الورق ده..
    وباجد بعض الزملاء مقتنعين باللى ف الورق أكثر من اللى قاله الدكتور ف المحاضره كمان!!
    شكرا لحضرتك لطرحك الموضوع ده..وإعطائنا فرصه للتعبير عن انفسنا

  9. #9
    Pharma Student
    تاريخ التسجيل
    Oct 2007
    المشاركات
    280

    افتراضي

    اقتباس المشاركة الأصلية كتبت بواسطة Dr. Atallah F. Ahmed مشاهدة المشاركة
    و انى ا رى ان الإعتماد على تلك الأوراق مع عدم حضور المحاضرات او استشارة المراجع او الكتب المتخصصة او حتى المواقع العلمية على الإنترنت تمثل جريمة فى حق الطالب فى هذه المرحلة العمرية و ذلك لأن الأسرار العميقة للمهنة و روابط اتصال المعلومات الطبية و الدوائية ببعضها ستنعدم بما سيعقبها من نتائج لا تسر بعد التخرج.
    مش هقول اكتر من اللى الزملاء قالوة

    بس ليا تعليق على الاقتباس دة

    هوا مين فينا يا دكتور بيبقى فاكر كل اللى درسة ايام الكلية بعد التخرج ؟؟؟؟ و لو فضل فاكرة ... هيبقى اد اية ؟؟؟؟

    يعنى انا مثلا مش بدخل الامتحان غير لما أخلص المادة بكل فروعها و اكون على اتم استعداد للامتحان

    لكن السنة اللى بعدها ......... اية ظروف المادة دى ؟؟؟ اللى كنت مذكراها كويس جدا ؟؟؟؟؟

    يعنى مثلا افتكر فى عقاقير السنة اللى قاتت انى أخدت الـ bark الفلانى و الـ leaf الفلانية لكن استخدماتها اية ؟ و اهميتها ؟ ....... و لا اعرف

    كل الصيادلة الخريجين ( بصرف النظر عن اساتذة الجامعة ) بيقولوا ان الحياة العملية تختلف عن كل اللى اخدتوة فى الكلية تمامااااااااا

    الكلية دى مجرد تدريب لبعد كدة ......

    عشان كدة ورق الدروس هوا غايتى انى اعدى من الكلية بسلااااااااام

  10. #10
    Pharma Student
    تاريخ التسجيل
    Mar 2008
    المشاركات
    136

    افتراضي

    اوراق الكورسات احسن من الكتب لانها بتفيد جدا فى الهدف اللى المفروض نعرفه اما الكتاب كلام كتير ومش مفهم واعترف بجد ان اوراق الكورسات تزود وتنمى عن الكتاب الكتاب فى البيت بعتبره بياكدلى اى فى الكليه والورق بذاكر منه

صفحة 1 من 7 123 ... الأخيرةالأخيرة

المواضيع المتشابهه

  1. الكورسات المطلوبة مننا إيه ؟؟؟
    بواسطة ahmad_888 في المنتدى قسـم الخريـجين
    مشاركات: 0
    آخر مشاركة: 03-08-2010, 08:05 PM
  2. بدأ الحجز فى اول الكورسات لهذا العام
    بواسطة dr/elmallah في المنتدى ETOP
    مشاركات: 5
    آخر مشاركة: 06-04-2010, 09:42 PM
  3. جريمة في المرآة (لأغاثا كريستي)
    بواسطة ameer في المنتدى المنتدى الأدبي
    مشاركات: 4
    آخر مشاركة: 02-04-2010, 03:52 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •