مشاهدة نتائج الإستطلاع: رأيك فى إمتحان الألكالويد 2010

المصوتون
32. أنت لم تصوت في هذا الإستطلاع
  • هل الإمتحان فى مستوى الطالب العادى؟

    8 25.00%
  • هل يقيس الإمتحان المهارات الذهنية العليا كالربط و التحليل؟

    23 71.88%
  • هل الإمتحان يقيس بعض الخبرات المهنية؟

    9 28.13%
  • الأسئلة صعبة

    4 12.50%
  • الأسئلة سهلة

    2 6.25%
  • الأسئلة سهلة و لكن تحتاج لحذر و تروى.

    23 71.88%
  • الإمتحان لا يتناسب و طريقة مذاكراتنا التقليدية.

    9 28.13%
  • هل تحبذ الإكثار من برامج التعلم الذاتى (مثل التاميفلو) ليضاف للمنهج

    15 46.88%
  • هل عرض نموذج الإجابة مفيدة لك بعد الإمتحان كما تم.

    14 43.75%
  • هل عندك إضافات او ملاحظات (من فضلك دونها فى مشاركات هذا التوبيك)

    2 6.25%
إستطلاع متعدد الإختيارات.
صفحة 2 من 2 الأولىالأولى 12
النتائج 11 إلى 20 من 20

الموضوع: امتحان الألكالويد أعطنا رأيك

  1. #11

    افتراضي

    اقتباس المشاركة الأصلية كتبت بواسطة Dr. Atallah F. Ahmed مشاهدة المشاركة
    الـ acyl moity المقصودة هى الـ side shain فقط التى تنتهى بـCO

    تمام انا عملتها كده .. اللى هو الـ homo capsacin اللى بيبقى عباره عن 10 ذرات كربون او الـ nor capsacin اللى بيبقى 8 ذرات كربون .. يعنى عدد ذرات الكربون بتاعة الـ side chain زادت او قلت وده بيأدي الى تقليل الـ pungency ..
    وكمان الـ dihydro capsacin لما بنعمل sturation للـ double bond اللى بين C6 و C7 ..

    مش بقولكم السؤال ده كان بجد روعة ..

  2. #12
    Pharma Student
    تاريخ التسجيل
    Jul 2009
    الدولة
    Away from the way
    المشاركات
    703

    افتراضي

    اقتباس المشاركة الأصلية كتبت بواسطة Dr. Atallah F. Ahmed مشاهدة المشاركة
    مفيش مشكلة حتى للى كتبها 318نم, المهم انه استخدم الفكرة الصح فى المكان المناسب.
    -----


    شكرا دكتور عطا الله

    وفعلا هو دا المطلوب انى أعرف الطريقة والمفتاح

    انما التفاصيل مش مهم احفظها لانى لو اضطريت للموقف دا
    هفتح اى فارماكوبيا والاقى فيه تفاصيل التستات ومعلومات عن المركبات


    وياريت لو دا يبقى الغرض من تدريس المناهج ازاى استفيد منها

    مش ازاى احفظها ف وقت معين وبكفاءة معينة وارجع انساها تانى




    و جازاكم الله خيرا مثله.
    الـ acyl moity المقصودة هى الـ side shain فقط التى تنتهى بـCO


    ياااااااه هو الواحد ممكن ينسى حاجة بديهية زى دى


    acyl .. acylation .. acetylation ... acetyl gp ... CH3C=O





    اقتباس المشاركة الأصلية كتبت بواسطة Gohary مشاهدة المشاركة

    تمام انا عملتها كده .. اللى هو الـ homo capsacin اللى بيبقى عباره عن 10 ذرات كربون او الـ nor capsacin اللى بيبقى 8 ذرات كربون .. يعنى عدد ذرات الكربون بتاعة الـ side chain زادت او قلت وده بيأدي الى تقليل الـ pungency ..
    وكمان الـ dihydro capsacin لما بنعمل sturation للـ double bond اللى بين C6 و C7 ..

    مش بقولكم السؤال ده كان بجد روعة ..
    انا بقى كنت مذاكرها كويس جدااااااا
    بس قلت الاسايل مويتى غير السايد شين
    دا يمكن عشان اول مرة اروح الامتحان بعد 24 ساعة من غير مانام




    اقتباس المشاركة الأصلية كتبت بواسطة ...مصر... مشاهدة المشاركة
    مثلا لو في طالبين واحد حفظ 30 استركشر وجاب امتياز والثاني ماحفظهمش وجاب جيد
    في فرق
    لكن لما يتخرجو بعد سنة أو اتنين هيكون اللي حفظ ال 30 استركشر نسيهم أكيد
    والمحصلة إن الاتنين متساوين في الكفاءة

    وقد يكون اللي جاب جيد كان بيهتم بالفهم أكتر







    بنهتم باللي بيهتم بيه الدكتور والللي عليه درجات
    يعني لو الدكتور بيهتم بحاجات مفيدة هنذاكر الحاجات المفيدة
    ولو بيهتم بأرقام واستركشرات هنحفظها ...


    هيا دى المشكلة كل الاهتمام بينصب ع الامتحان والدرجات
    واسيب جزء ايه وادخل بجزء ايه
    انما لو التركيز ازاى استفيد من المادة العلمية واقدر استخدمها
    أكيد هتتغير نظرة الطالب للمنهج والا متحان



    وجزاكم الله خيرا يا دكتور عطا الله
    ووفقك لما يحب ويرضى





  3. #13
    Pharma Student
    تاريخ التسجيل
    Aug 2007
    المشاركات
    1,318

    افتراضي

    بسم الله
    شكرا دكتور عطا الله علي مجهودك معانا
    أنا بس هقول رأيي بصراحة
    أنا مش شايف ان المشكلة في الامتحان
    أنا شايف ان المشكلة في المادة نفسها وفي الحفظ اللي هي محتاجاه
    يا دكتور عطا الله ويا كلية صيدلة كلها احنا عندنا مشكلة
    أنا في امتحانات الثانوية العامة ذاكرت الفيزياء في 3 أيام بس والحمد لله جبت 49
    وما كنتش مذاكرها قبل كدة
    وده مستوي معظم الطلبة اللي وصلوا لكلية صيدلة
    طيب ايه الفرق بين المواد دي ومادة زي الفيتو؟
    الفيتو ومعظم المواد بتاعتنا مش مرتبطة مع بعضها
    مش علي مستوي المادة أو الفرع لا ده علي مستوي السطر الواحد
    بمعني : الدواء أو الألكالويد الفلاني التركيب الكيميائي بتاعه كذا والاستخدام بتاعه كذا وكذا وكذا والكيميكال تست بتاعة كذا وكذا وكذا
    وبعد كدة ألكالويد تاني واستخدام تاني وتركيب تاني وهكذا
    عشرات المركبات وكل واحد له تركيبه واستخدامه وتست له
    ايه العلاقة المنطقية بين المركب و الاستخدام والتست وفين فهمي للعلاقة دي؟ مفيش
    كل العلاقة اللي بتربطهم اني محتاجهم في الامتحان زي ما هما كدة
    بتخلي المذاكرة حفظ جدا وصعبة جدا ومملة جدا جدا

    تعالوا نشوف مادة زي الفيزياء اللي ذاكرناها في ثانوي أو الكيمياء أو أي مادة
    ببساطة بقرأ الباب من أوله لآخره مرتبط ببعضه ومترتب ترتيب منطقي علي بعضه
    بقرأ الفقرة كدة وبخلصها كأني أكلت بونبوناية لذيذة
    فهمت واستفدت وذاكرت وحفظت بأقل مجهود
    أنا طبعا مش هفصل مناهج علي مزاجي بس هو ده الواقع وهي دي مشكلتنا
    وبسأل دلوقتي؟ هل مطلوب مننا وهنستفيد من حفظ كل الحاجات اللي مش مترتبة علي بعضها وملهاش أي علاقة بعضها
    طيب احنا بنعمل كدة ليه
    أعتقد ان لو الغرب بيعملوا كدة يبقي تقدمهم في التعليم كدبة كبيرة

    بجد نفسي حالتي وأنا بذاكر تبقي شبه حالتي وأنا بقرأ في كتاب ممتع كل اللي مطلوب مني اني أفهم محتواه واني أقدر أستفيد من المعلومات اللي فيه لما أحتاجها
    يا دكتور عطا الله
    ثقافتنا في التعامل مع المراجع شبه معدومة
    أنا جربت وطلعت المكتبة
    قلت ياااااااااه ده العلم حلو أوي
    وقلت كدة عشان جبت كتاب عضوية وفتحته وقرأت واستمتعت وفهمت وبدأ يتكون عندي أفكار بسبب الفهم اللي فهمته
    أفكار تخليني أتخيل نفسي في المعمل وأنا بجربها
    أرجو تقبل كامل احترامي وتحياتي
    التعديل الأخير تم بواسطة Dr.A7med ; 19-01-2010 الساعة 07:08 PM

  4. #14
    عضـو هيئـة التـدريـس
    تاريخ التسجيل
    May 2007
    المشاركات
    765

    افتراضي

    اقتباس المشاركة الأصلية كتبت بواسطة 3ayish مشاهدة المشاركة
    بسم الله
    شكرا دكتور عطا الله علي مجهودك معانا
    أنا بس هقول رأيي بصراحة
    أنا مش شايف ان المشكلة في الامتحان
    أنا شايف ان المشكلة في المادة نفسها وفي الحفظ اللي هي محتاجاه
    يا دكتور عطا الله ويا كلية صيدلة كلها احنا عندنا مشكلة
    أنا في امتحانات الثانوية العامة ذاكرت الفيزياء في 3 أيام بس والحمد لله جبت 49
    وما كنتش مذاكرها قبل كدة
    وده مستوي معظم الطلبة اللي وصلوا لكلية صيدلة
    طيب ايه الفرق بين المواد دي ومادة زي الفيتو؟
    الفيتو ومعظم المواد بتاعتنا مش مرتبطة مع بعضها
    مش علي مستوي المادة أو الفرع لا ده علي مستوي السطر الواحد
    بمعني : الدواء أو الألكالويد الفلاني التركيب الكيميائي بتاعه كذا والاستخدام بتاعه كذا وكذا وكذا والكيميكال تست بتاعة كذا وكذا وكذا
    وبعد كدة ألكالويد تاني واستخدام تاني وتركيب تاني وهكذا
    عشرات المركبات وكل واحد له تركيبه واستخدامه وتست له
    ايه العلاقة المنطقية بين المركب و الاستخدام والتست وفين فهمي للعلاقة دي؟ مفيش
    كل العلاقة اللي بتربطهم اني محتاجهم في الامتحان زي ما هما كدة
    بتخلي المذاكرة حفظ جدا وصعبة جدا ومملة جدا جدا

    تعالوا نشوف مادة زي الفيزياء اللي ذاكرناها في ثانوي أو الكيمياء أو أي مادة
    ببساطة بقرأ الباب من أوله لآخره مرتبط ببعضه ومترتب ترتيب منطقي علي بعضه
    بقرأ الفقرة كدة وبخلصها كأني أكلت بونبوناية لذيذة
    فهمت واستفدت وذاكرت وحفظت بأقل مجهود
    أنا طبعا مش هفصل مناهج علي مزاجي بس هو ده الواقع وهي دي مشكلتنا
    وبسأل دلوقتي؟ هل مطلوب مننا وهنستفيد من حفظ كل الحاجات اللي مش مترتبة علي بعضها وملهاش أي علاقة بعضها
    طيب احنا بنعمل كدة ليه
    أعتقد ان لو الغرب بيعملوا كدة يبقي تقدمهم في التعليم كدبة كبيرة

    بجد نفسي حالتي وأنا بذاكر تبقي شبه حالتي وأنا بقرأ في كتاب ممتع كل اللي مطلوب مني اني أفهم محتواه واني أقدر أستفيد من المعلومات اللي فيه لما أحتاجها
    يا دكتور عطا الله
    ثقافتنا في التعامل مع المراجع شبه معدومة
    أنا جربت وطلعت المكتبة
    قلت ياااااااااه ده العلم حلو أوي
    وقلت كدة عشان جبت كتاب عضوية وفتحته وقرأت واستمتعت وفهمت وبدأ يتكون عندي أفكار بسبب الفهم اللي فهمته
    أفكار تخليني أتخيل نفسي في المعمل وأنا بجربها
    أرجو تقبل كامل احترامي وتحياتي
    شكرا على مشاركتك يا 3ayish
    الحقيقة لو نظرنا الى الخيمة ستجد انها عبارة عن قماشة و حبال و اوتاد لو اجتمعت مع بعضها لأصبحت خيمة اما إذا كانت وحدات منفصلة فهى ليست ذلك الشيىء الهام الذى يمكن ان تستخدمه. الخلايا العصبية الخاصة بالتذكر - لكى تكتسب معلومة لا تنسى - يلزمها ان تقوم انت بمهمة الربط بغيرها من مواد اخرى او بالتطبيقات المنتشرة او بجهد تقوم به لدعمها بشواهد أخرى. طبيعى حضور المحاضرة فى كثير من الأحيان يعلمك هذا الفن و لكن يكفى للطالب اكتساب مفتاح للفهم حتى يلقط كيف يصنع لنفسه مفاتيح أخرى لكى يتعلم هو بنفسه. و بالتالى التغيب عن المحاضرة يفقدك هذا الفن او على أقل تقدير يفقدك بعض من خبرة استاذك فى المادة العلمية بوجه خاص و الحياة العملية بوجه عام. هذه نقطة. النقطة الأخرى هو ان كل الطلاب اللذين يحبون علم الصيدلة كمؤهل لمهنة راقية و حساسة لايجدون غضاضة فى الصبر على التعلم و تفهيم النفس. من أجل هذا اثبتنا لكم بمقرر التاميفلو كيف ينجح الطالب فى تعليم نفسه مع توجيه بسيط من المشرف. اريد ان تقارن كيفية تعاطى معظم الطلاب المصريين فى العملية التعليمية و أقرانهم من الدول الأخرى حتى لو كانت ماليزيا (الجدية و المواظبة و الإتصال بالأساتذة و إزحام المكتبه و الإستفادة الجيدة من الإنترنت) بالتالي ستصل الى مفهوم صحيح فى توجيه دفة التفكير. كثير مما تدرسونه موجود فى مقررات كثير من الجامعات العالمية: و لكن الطلاب مختلفون أيضا. صحيح هناك بعض المشاكل عندنا و لكن اذا توفرت الإرادة فى التعلم و وضوح الهدف منه فى ذهن الطلاب لما كان الحال هو الحال.
    تمنياتى بالتوفيق
    "من لا يتقدم يتقادم .. فلا بصمة و لا أثر"

  5. #15

    افتراضي

    بصراحه الامتحان كان مش جاي للتسميع خالص ..

    انا شفت امتحانات من سنين قبل كده كان بتيجي تسميع تسميع تسميع ..

    يعني حتى لما دكتور عطالله طلب chem. test محددش .. يعني ساب لنا المجال مفتوح للى فاهم او حافظ اى Cem. test انه يقوله ..

    كمان مقالش سمع srtucure الفلاني .. بالعكس جابهم .. والمفروض انت تتعرف عليهم .. وده طبيعية المخ البشري .. هو انت حافظ شكل اصحابك .. يعني لو قلت لك محمد شكله ايه .. هتقولي وشه عامل كذا وشعره لونه كذا وايده طولها كذا .. وفيه ميثيل وكربوكسيليك

    لا لكن لما بتشوف محمد او صورة لمحمد بتعرف انه محمد على طول ..من خلال حاجات مميزه فيه بتفرقه عن اى واحد صاحبك تاني .. وهو ده بالظبط اللى دكتور عطالله عمله .. جاب لك الاستركشر والمطلوب منك انك تعرف ده ايه .. وحسب فهمك يسالك زى سؤال الـ acyl moity of capsacin بالظبط ..

    وده المطلوب مننا بعد كده لو فتحنا اى بامفلت لاى دوا ولقينا الاستركشر بتاعه الاقي اجزاءه فيها حاجه انا عارفها وعارف استخداماتها .. فاقدر من خلال ده اعرف استخدام الدوا وكمان الـ side effects بتاعته وكمان اعرف اعمل ازاى modification عليه عشان احسن منه او اقلل من عيوبه زى ما احنا بناخد فى الميديسنال وهكذا ..

    في رايي الشخصي ان الامتحان كان من اجمل الامتحانات اللى امتحنتها فى الكليه بصراحه

  6. #16
    Pb Elite
    تاريخ التسجيل
    Nov 2007
    الدولة
    Dakahleia
    المشاركات
    2,549

    افتراضي

    لكى تكتسب معلومة لا تنسى - يلزمها ان تقوم انت بمهمة الربط بغيرها من مواد اخرى او بالتطبيقات المنتشرة او بجهد تقوم به لدعمها بشواهد أخرى. طبيعى حضور المحاضرة فى كثير من الأحيان يعلمك هذا الفن و لكن يكفى للطالب اكتساب مفتاح للفهم حتى يلقط كيف يصنع لنفسه مفاتيح أخرى لكى يتعلم هو بنفسه.

    أتفق تماما مع هذا الرأي ..

    زميلنا 3ayish

    انت لو حاولت تربط الحقائق دي هتنجح في تحويل الحفظ الى فهم بأكبر نسبة ممكنة ..


    كلنا زمان حفظنا جدول الضرب .. حفظناه و كنا بنسمعه


    كلنا كنا حافظين ان 5 ضرب 5 = 25

    أنا لو نسيت المعلومة دي هجمع 5 + 5 +5+5+5 = 25

    كل انسان و شطارته بقى ,

    أنا على فكرة ما بحبش الحفظ خالص ولا بعرف أحفظ , مستوى الحفظ بتاعي ما ينجحكش أي حد , ولا أنا من النوع اللي بيذاكر كتير .. بجد و الله

    بس لو عايز تفهم يبقى لازم تعرف الحدوتة من الأول و دة اللي مش متوافر في مناهجنا ..

    ابخث ع النت عشان تعرف أصل و فصل المعلومة اللي عندك , بدل ما تحفظها كدة زي ماهي

    أنا كنت بروح امتحان الرياضيات مش حافظة القوانين .. أقسم بالله

    كنت بروح أستنتجها في الـ Draft و أحل بيها

    ولا قانون في الصيدلانيات ولا في أي حاجة بحفظه

    انت و شطارتك بقى شوف ازاي هتحول الحفظ الى فهم

    الحفظ و الفهم متكاملان , و الفهم يؤدي الى الحفظ , اذا فهمت سوف تقلل الحفظ

    مفيش حاجة تستاهل تتحفظ غير القرآن الكريم لأنه كلام ربنا

    غير كدة تفهم و تعبر بنفسك ..


    و طبعا أسلوب الامتحان برده بيحكم الواحد


    في الأجازة ممكن نعطي أمثلة ..

  7. #17

    افتراضي

    جزاكم الله خير يادكتور عطا الله الامتحان جميل وبجد بيعتمد على الربط والتحليل زى ماحضرتك كنت دايما توصينا فى المحاضرة على النقطة دى وجزاكم الله خير

  8. #18
    Pharma Student
    تاريخ التسجيل
    Jul 2008
    الدولة
    جمهورية مصرالعربية
    المشاركات
    3,069

    افتراضي


    للاسف انا مش هقدر اقيم الامتحان

    اليوم ده الواحد دماغه ضاعت خالص

    لدرجة انى معرفتش معنى كلمة (in brief)

    يلا الحمدلله

    بس بجد اكتر حاجة ضايقتنى فى الامتحان

    التركيز على طريقة عمل ال drug

    mechanism of action

    معرفتش اذاكرها عشان مكنتش بفهم الكلام لان الحاجات دى مخدنهاش لا فى فارما ولا حتى فى الفيسيولوجى

    انا بس كل اللى ركزت عليه كان الاستخدام

    لان الميكانيزم المفروض انه يبقى تبع مادة الفارما مش الالكالويد(ده رأيى)

    بس الامتحان كله على بعضه من غير الزيوت الطيارة(اصلى مذاكرتهاش)

    جميل بس فيه اسئلة شبه تقليدية

  9. #19
    Pharma Student
    تاريخ التسجيل
    Feb 2008
    المشاركات
    488

    افتراضي

    أنا رأيى أن الامتحان كان معقول رغم انى غلطت فى حاجات كتير وماحليتش حاجات أكتر بس حاسة ان الوقت كان قليل أنا ماحليتش فولاتيل والوقت ماكفاش بس الحمد لله على كل شئ.

  10. #20

    افتراضي

    اقتباس المشاركة الأصلية كتبت بواسطة لؤلؤتى مشاهدة المشاركة
    أنا رأيى أن الامتحان كان معقول رغم انى غلطت فى حاجات كتير وماحليتش حاجات أكتر بس حاسة ان الوقت كان قليل أنا ماحليتش فولاتيل والوقت ماكفاش بس الحمد لله على كل شئ.
    والله لو حتى الفولاتيل كان ليها الساعتين لوحدهم مكنش لتحل بردةالمشكلة مش فى الوقت

صفحة 2 من 2 الأولىالأولى 12

المواضيع المتشابهه

  1. شفت المعرض ده ...طب إيه رأيك ؟؟؟
    بواسطة متفائل في المنتدى المنتدى الاسلامى
    مشاركات: 3
    آخر مشاركة: 18-04-2010, 01:58 PM
  2. ايه رأيك فى اللى انت عملته فى نفسك؟ (رأيك مهم)
    بواسطة a_elkamhawy في المنتدى المنتـدى العـام
    مشاركات: 9
    آخر مشاركة: 01-08-2009, 01:10 AM
  3. ما رأيك فى امتحان العضوية
    بواسطة m_pharmacist89 في المنتدى الفرقة الثانية 2009
    مشاركات: 53
    آخر مشاركة: 17-06-2009, 11:36 PM
  4. قول رأيك في امتحان الأبلايد
    بواسطة Alaa_Resala في المنتدى الفرقة الرابعة 2009
    مشاركات: 11
    آخر مشاركة: 13-06-2009, 04:53 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •