الحمد لله
الحمد لله
الفين مبروك يا دكاتره
يا رب كل الناس تكون مبسوطه
عقبال سنه اولى يا عينى صعبوا عليا قوى
ياربي لك الحمد كما ينبغي لجلال وجهك وعظيم سلطانك
هل كل المواد مبسوطين من درجاتها ؟
درجات العضوية وحشة جدا
وناس شايلاها وناس ناجحة فيها بالرفع
طبعا يا جماعة الف مبروك لكل الناجحين
بس انا فعلا متضايقة
ليه دفعتنا احنا بالذات الي يشيلوا المواد وتقديراتهم في النازل
ليه تقدير معظمنا يبقي جيد وتقديرات باقي الفرق جيد جدا وامتياز
انا والله بتمنالهم كل خير ويجيبوا اعلي الدرجات
بس احنا كمان من حقنا نفرح ونجيب تقديرات عالية
من حقنا ان يبقي فيه بينا مساواة في الامتحانات والتصحيح
ومرة تانية الف مبروك لكل الناجحين بس نفسي اعرف رأيكم ايه في الدرجات بأمانة
الف مبرووووووووووووووووووووووووووووووووووووووووووووووو ووووووووووووووووووووووك ليكم كلكم
تم قطع نصف المشوار بنجاح...... هانت
الي الأمام دائما
أنا كمان درجه العضويه للاسف عندى مش تمام ..
مش عارفه بحس ان العضويه مشكله دفعتنا ..
دايما الاقى الناس ناجحه فيها لا بالرفع لا شايلينهم ..
للاسف واحده معايا ف السكشن شايله عضويه اعدادى واولى وكانت بتقولى انا زهقت من الماده دى وشكلى هشيل عضويه تانيه كمان بالمره ..
سبحان الله انا فاكره ف امتحان العضويه انا ذاكرت اسبكترو ولقيت امتحان تانى خالص فيها ..
مشكله الترم الاول الامتحان جه سهل وبرضه الاقى الدرجات وحشه ..
بجد انا بحمد ربنا انى فلت من الماده دى ..
ربنا يتولانا..
الحمد لله الحمد لله الحمد لله
الحمد لله نجحت و عدت على خير
الغير متوقع هو
1-الصيدلانيات : جايب درجة تعباة زي الترم الأول مع إني حالل أحسن من الترم الأول مليوون مرة و متأكد من الإمتحان نفسي أعرف السبب و ده اللي غايظني !!
2- الميكرو : جايب و لله الحمد درجة عالية و لا كنت أحلم بيها خصوصا مع الإمتحان و مستواه , مع العلم إني كنت جايب كويس الترم الأول !!
3- العضوية : حالة خاصة دايما درجاتي وحشة - ذاكرت / ماذاكرتش و إمتحان سهل /إمتحان صعب - فأنا مش زعلان
4- العقاقير : الحمد لله مفاجأة سارة و درجة كويسة و راضي عنها الحمد لله
التحليلية : سبحان مغير الحوال هيا للي ضيعتني الترم الأول و الترم التاني أجيب إمتياز !!
الحمد لله رب العالمين
ألف ألف مبروك لكل الناجحين ويارب دايما كدا نهنى ونبارك ويلا شيدوا حيلكم واستعدوا لتالته
التعديل الأخير تم بواسطة Dr nour ; 12-07-2009 الساعة 09:17 PM