صفحة 1 من 3 123 الأخيرةالأخيرة
النتائج 1 إلى 10 من 24

الموضوع: مهم ومفيد جدااااااااااااااااااااا

  1. #1
    Pb Elite
    تاريخ التسجيل
    Nov 2008
    المشاركات
    763

    افتراضي مهم ومفيد جدااااااااااااااااااااا

    السلام عليكم ورحمة الله وبركاته
    (منقول للإفادة)
    الإمتحانات ع الأبواب !!!
    خلاص الوقت أزف
    إيه يا عم إنت جاي تقلب لنا بطننا ؟؟ إحنا قلقانين لوحدنا
    لا لا أنا مش جاي أقلقك أبداً .. وإنما أنا جاي أقولك لسة في فرصــــة
    فررررصة إييييه؟؟ .. أنا خلاص .. ضعت .. من أول السنة وأنا عمال ألعب خلاص الأمر منتهى بالنسبة لي

    ((الكلام ده مش كلامي .. ده كلام ناس كتير طلبة وطالبات))

    إنهاردة جايين نقولك إن لسة في فرصـــــة تطلع الأول على دفعتك وتطلعي الأولى على مدرستك
    أنا؟؟
    طبعا .. بس تعالى نشوف إزاى ؟؟

    إعلمى تمام العلم إن الله لا يضيع أجر من أحسن عمله .. وإحنا هنجتهد أشد إجتهاد في الفترة القادمة .. في الشهر اللي فاضل .. مذاكرة .. احتساب .. تنظيم وقت .. تقليل نوم .. اجتهاد فوق الحدود .. تميز .. وتفوق ..

    بإرادتك هتتخطي كل الحواجز والصعاب .. أهم شئ يكون عندك هدف <<<<<<<
    هدف قوي جدااا تسعى لتحقيقه ..
    إيه هدفك؟؟ :
    التميز .. لازم اتميز لأن ديني لا يقبل إلا أن أكون متميزاً .. متفوقأً .. لأنك مسلم لازم تكون الأول دايما

    إيه الكلام الكبير ده ..؟؟ أنا مش قد كدة ؟؟
    لأ .. إنت قد كدة وأكتر من كدة .. والله لو صدقت النية وعزمت على الإجتهاد وإحتسبت هذا المجهود عند الله هتلاقي نتايج مزهلة بمعنى الكلمة ..
    لا تستبعد أبداً إنك تكون من الأوائل .. اعقلها وتوكل ..

    تذكر يوم النتيجة .. وإنت بإذن الله تكون في قمة سعادتك لحصولك على أعلى الدرجات وأنتى حصلتي على أعلى التقديرات

    والدك ووالدتك .. والفرحة في عيونهم بيكي .. وتبقي أدخلتى السرور على قلبهم وكمان حققتي البر لوالديك اللذان طالما دعوا لكي وأعطوكي كل ما تريدي من أجل أن تنجحي فقط وتفرحيهم .. لا أنا مش هنجح بس أنا هتفوق لله ثم لوالدي ثم لبلدي الى محتاجة المتفوقين محتاجة علماء مسلمين وطلاب متفوقين وعقول مميزة


    **الوصفة السحرية لتنظيم الوقت**
    الصلااة على اوقاتها ..للبنت في اول الوقت
    وللشاب في المسجد ((بس تنزل تصلي وتطلع على طول))
    والله هتلاقي بركة رهيبة في الوقت .. ومن الله التوفيق
    واذا شعرت بضيق .. ألا بذكر الله تطمئن القلوب


    طب أنا عاوز برنامج عملى .. أنا إتحمست جدااا إنى أنجح مش بس إنجح لأ .. أتفوق وأتميز ..

    اولا تجاهلوا المثبطات زى
    إنت فاشل .. إنت ضايع .. المادة دي صعبة جدااا .. ده انت لو عملت ايه مش هتفهم الحتة دي .. بص المادة دي متشالة متشالة .. أنا سمعت دكتور (س) بيقول إن انا هبهدلكم في الإمتحان الفاينال (النهائي) .. الدكتور ده أخد إسمي وشكله هيسقطنى ...


    كفاااااااااية .. استنى هنا .. هو ده اللى مودينا ورااا .. الإيحائات السلبية ..
    ظبط نفسك نفسيا .. وإياك أن تستمع للإيحاءات السلبية أو تتناقلها أنت بلسانك .. وإنما أكثر من الإيحاءات الإيجابية ..


    هتفوق .. إن شاء الله هنجح ... يا رب خير .. الله المستعان .. ربنا ييسر لى أمرى .. هجتهد والتوفيق من الله .. المادة دي بدأت فيها إمبارح وطلعت سهلة بفضل الله .. لو وقفت معايا حاجة هسأل المعيد .. هسأل الدرس / الدكتور / أصحابي اللى فاهمين الحتة دي هيشرحوهالى .. ليرين الله منى ما أصنع ..
    ((العامل النفسي مهم جداااا ))
    **************
    ركز معايا هنا جدااااا
    حدد هدفك كويس جدا واسعى ليه
    أبدأ من الآن ادخل اشرب عصير واتوضا واقرأ على الأقل صفحة من القرآن الكريم وادعى ربنا يوفقك في مذاكرتك وأبدأ بسم الله والحمد لله واشتغل في المادة .. وقبل ما تحط قلم فيها .. حدد أنا هخلص انهاردة كذا وكذا .. واوعى تيأس إنك مخلصتش اللى إنت حددته .. لأ حاول جاهدا إنك تخصله والأفضل إنك تحدد حاجة معقولة بمعنى تحقيقها ليس بمستحيل ..

    المواد العلمية :
    1/اقرأ القواعد والنظريات وحاول تفهمها جيدا ..
    مفهمتهاش .. اقرأها تانى .. مفهمتهاش .. اقرأ مثال عليها .. حبذا لو استخدمت الورقة والقلم في كتابة المثال والنظرية ..
    2/ استخدم اكبر عدد من الحواس لتحقيق أفضل النتائج .. يعني عينيك وصوتك وإيدك في الكتابة وهكذا ..
    3/ حاول تحل ولو سؤال واحد بس على اللى ذاكرته علشان المعلومة تثبتعموما في المذاكرة عامة حط في دماغك 3 حاجات اساسية
    1/ تبعد عن المشتتات .. أو أى حاجة تحس انك ممكن تنشغل بيها او تضيع وقتك
    2/ اختيار مكان مناسب بعيداً عن السرير ((طبعا كلكم بتذاكروا على السرير وترجع تقول أول ما بفتح الكتاب معرفش إيه اللي بيحصل لى وأنااااام)) اختار مكان حيويى وشكله مريح بالنسبة لك
    3/ الحياة مش كلها أفش .. فروحوا القلوب ساعة بعد ساعة ده مش معناه ان كل نص ساعة اقوم انط من ع الكتاب وأقول بريح شوية
    وانما كل ساعتين او 3 ساعات ريح ربع ساعة تشرب فيها حاجة .. تقف شوية في البلاكونة .. ترد على تليفون (بس بلاش رغي كتير)

    أجمد أوقات المذاكرة .. بعد الفجر .. ثبت علميا أن وقت افجر تكون خلايا المخ نشيطة جدااا

    مليت من المذاكرة .. حاسس إنك تعبت من أقل شئ .. جاهد وافتكر على طول الهدف بتاعك وتوكل على الله واستغفر وكمل

    طب أنا بسرح كتيييير .. حاول تبعد عن كل ما يشغلك وفرغ ذهنك تماما وقت المذاكرة .. او ما تسرح .. متيأسش وانما استعيذ بالله من الشيطان وسمي الله وكمل مذاكرتك

    انجز في اليوم ما يرضي نفسك عنك .. بحيث تشعر بالرضا والتفاؤل وتواصل تاني يوم بكل جد وروح ونشاط قوي

    اخرج مع اصحابك آخر الأسبوع .. بس متتأخرش برة وحط في دماغك إنى خارج علشان استعيد قواى واقدر أواصل مذاكرتى .. واحتسب خروجك لله وإياك ثم إياك أن يكون في خروجك معصية لله .. ((وكلنا فاهمين كويس ))

    اكثر من الدعاااااء واطلب من والديك ومحبينك الدعاء لك وباذن واحد أحد سترى نتائج مذهلة .. ولح على ربنا في الدعاء فالله يحب العبد اللحوح .

    ساعد أصحابك لو طلبوا منك مساعدة .. ولا تبخل .. فهو مسلم مثلك مثله وتحب له الخير (حب لأخيك ما تحبه لنفسك) وأسأله الدعاء لك

    ((يارب اجعلنا سببا في نصرة هذا الدين .. يارب وفقنى وجميع المسلمين .. اللهم ذلل لنا الصعاب ووفقنا لما تحب وترضى))

    لا تنسوا نشر الموضوع .. لعل الله يوفقنا واياكم .. وودع النت ولو هذا الشهر فقط .. بالتوفيق ومنتظرين أكبر نتايج
    __________________





  2. #2
    Pharma Student
    تاريخ التسجيل
    Aug 2007
    الدولة
    City Of Angels
    المشاركات
    3,902

    افتراضي

    جزاكى الله كل خير يا سوزان .. الموضوع جميل جداً ..

  3. #3
    Co-Admin
    تاريخ التسجيل
    Oct 2007
    الدولة
    المنصورة
    المشاركات
    4,032

    افتراضي

    ((يارب اجعلنا سببا في نصرة هذا الدين .. يارب وفقنى وجميع المسلمين .. اللهم ذلل لنا الصعاب ووفقنا لما تحب وترضى))
    اللهم آمين
    جزاكم الله خيرا

  4. #4
    Pharma Student
    تاريخ التسجيل
    Apr 2007
    المشاركات
    344

    افتراضي

    شكرااااا يادكتوره كلا م فى وقته ومحله تمام

  5. #5
    Pb Elite
    تاريخ التسجيل
    Jul 2008
    الدولة
    in my wishes
    المشاركات
    1,840

    افتراضي

    موضوع تحفه ياسوزان ربنا يكرمك يارب

    حاجه كمان حابه اقولها بما ان احنا قاعدين الفتره دي ممكن نصوم اتنين وخميس على فكره والله الصيام حلو جدا وعلى عكس المتوقع بقى ان الواحد هيبقى تعبان ومدروخ ومش هيعرف يفهم ولا يذاكر بالعكس والله اليوم اللي هتصومه هتلاقي سبحان الله بركه غير عاديه سواء في الوقت او في فهمك انت وتلاقيك بتخلص ضعف اللي بتخلصه في اليوم العادي وصفه حلوه ومتجربه وثبت نجاحها في المختبرات كمان محدش ينسى ان للصائم دعوه لاترد دي لوحدها كفايه
    بالتوفيق للكل وربنا يحقق لكل واحد اللي بيتمناه يارب

  6. #6
    Pharma Student
    تاريخ التسجيل
    Aug 2007
    الدولة
    City Of Angels
    المشاركات
    3,902

    افتراضي

    اقتباس المشاركة الأصلية كتبت بواسطة summer breeze مشاهدة المشاركة
    موضوع تحفه ياسوزان ربنا يكرمك يارب

    حاجه كمان حابه اقولها بما ان احنا قاعدين الفتره دي ممكن نصوم اتنين وخميس على فكره والله الصيام حلو جدا وعلى عكس المتوقع بقى ان الواحد هيبقى تعبان ومدروخ ومش هيعرف يفهم ولا يذاكر بالعكس والله اليوم اللي هتصومه هتلاقي سبحان الله بركه غير عاديه سواء في الوقت او في فهمك انت وتلاقيك بتخلص ضعف اللي بتخلصه في اليوم العادي وصفه حلوه ومتجربه وثبت نجاحها في المختبرات كمان محدش ينسى ان للصائم دعوه لاترد دي لوحدها كفايه
    بالتوفيق للكل وربنا يحقق لكل واحد اللي بيتمناه يارب


    كلامك صح .. لأن ال blood flow معظمه بيكون رايح للمخ .. لكن لما بناكل .. ال blood flow بيروح ال intestine و نحس إننا دايخين و عاوزين ننام .. لأن الأكسجين اللى رايح للمخ قل ... و بالذات لما بنتقل ف الأكل !!!

    أنصحكوا بكلام سمر ..

  7. #7
    Pharma Student
    تاريخ التسجيل
    Jan 2009
    الدولة
    Under the blue sky
    المشاركات
    1,748

    افتراضي

    شكرا يا سوزان علي النصايح الغاليه دي
    ربنا يجازيكي كل خير و يوفقك
    يااااااااااا رب وفقنا الي ما تحبه و ترضاه

  8. #8
    Pharma Student
    تاريخ التسجيل
    Apr 2007
    الدولة
    كل عين تعشق حليوة..وانتي حلوة ف كل عين
    المشاركات
    101

    افتراضي

    جزاكي الله خيرا ياسوزان بجد الموضوع جه ف وقته وحقيقي الحاجات دي اللي يتمسك بيها عمره مايفشل في حاجه باذن الله بالعكس والله
    ربنا يجعلنا من الناجحين في الدنيا والناجين في الاخر

  9. #9
    Pb Elite
    تاريخ التسجيل
    Jun 2007
    الدولة
    المنصوره
    المشاركات
    3,112

    افتراضي

    اقتباس المشاركة الأصلية كتبت بواسطة ..::ciZar::.. مشاهدة المشاركة


    كلامك صح .. لأن ال blood flow معظمه بيكون رايح للمخ .. لكن لما بناكل .. ال blood flow بيروح ال intestine و نحس إننا دايخين و عاوزين ننام .. لأن الأكسجين اللى رايح للمخ قل ... و بالذات لما بنتقل ف الأكل !!!

    أنصحكوا بكلام سمر ..
    انا بقى عندى حاجه عجيبه شويه بحب اكل حاجات سبيسى وانا بذاكر بحس انى كده الدم بيوصل للمخ

  10. #10
    Pharma Student
    تاريخ التسجيل
    Sep 2007
    الدولة
    AS I GO
    المشاركات
    34

    افتراضي

    فعلا موضوع مهم ومفيد جدا
    جزاكى الله خيرا

صفحة 1 من 3 123 الأخيرةالأخيرة

المواضيع المتشابهه

  1. الإمتحانات ع الأبواب !! مستعد ؟!! (كلام مهم ومفيد جدااا)
    بواسطة طموح صيدلانيه في المنتدى المنتـدى العـام
    مشاركات: 30
    آخر مشاركة: 11-05-2010, 10:31 AM
  2. موضوع جديد ومفيد ..ياريت تشاركونى !!!
    بواسطة dano_90 في المنتدى articles & Papers
    مشاركات: 19
    آخر مشاركة: 14-11-2009, 02:07 AM
  3. مشاركات: 2
    آخر مشاركة: 12-06-2008, 11:20 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •