المشاركة الأصلية كتبت بواسطة snow years
من معمل الميكرو فى الدور الاول
من معمل الميكرو فى الدور الاول
الدور الارضى ولا الاول علوى ؟؟؟من معمل الميكرو فى الدور الاول
د اسامه قال النهارده ان الاسبوع الجاى ان شاء الله هيخش مكان شرح العملى الصبح
يعنى هيدينا الصبح وهيدينا المحاضره الاساسيه اخر النهار ان شاء الله
حد عارف هنجيب ادوات ايه بكره فى سكشن الميدسنال؟؟؟؟؟؟؟؟
ياريت اللى يعرف ادوات المديسنال ايه يعرفنا
زي أدوات المرةاللي فاتت
حامل وسحاحه وفلاسك ( ستوبرد) وماصات والذي منه.gif "Fop (18)")
بسم الله الرحمن الرحيم
السلام عليكم ورحمة الله وبركاته
بعد اذنكم يا جماعه انا عاوز أوضح حاجه بسيطة
أولا انا مش اخوان ولا سلفي (وانا مش بقول الكلام ده انتقاصا لهم أو تقليل من شأنهم بالعكس في ناس منهم من أعز اصحابي واحبهم ليا ........ واتمنى في يوم ان اخدم ديني زيهم وربنا يوفقهم ويهدينا ) ولا اتبع اي جماعه أو حزب ........... انا بقول الكلام ده عشان رد الفعل والكلام الكتير اللي اتقال عليا النهارده .........
ثانيا ... انا اعتراضي على الحفل لم أفرضه على أي شخص كائنا من كان ....
ولما طلعت على المدرج (وكنت رافض اطلع من الاول عشان الموضوع ميتفهمش غلط أو الناس تفتكره دعايه ... مع العلم اني ان شاء الله معدتش داخل الاتحاد تاني .......... ) انا طلعت بس عشان اوضح للناس وجهة نظر الالفي وهي انه بيسأل الطلاب عن رأيهم مش أكتر وده شيئ الناس متفقه عليه من امبارح وناس من بره الاتحاد ..... والناس اللي اعترضت علينا النهارده محدش فيهم اعترض عشان الحفله كحفلة لكن عشان الحريه....... بس انا بقلهم ان اعتراضهم اتفهم غلط (مع انهم مش هيحضرو الحفل) .......... وملهمش حق الاعتراض لان دي مش حريه دي تعدي على حقوق الغير وبالتالي تخرج من دائرة الحريه ....
وده ردي في موضوع تاني ........
بسم الله الرحمن الرحيم
السلام عليكم ورحمة الله وبركاته .................
انا مقدر اعتراض الناس على حفلة الاتحاد وانا كنت واحد منهم (من المعترضين) وعلى فكره مش كل الاتحاد للاسف كان عارف بالموضوع ده .............. وحتى لما عرفنا متأخر (والحفله شغالة ) كان ليهم وجهة نظر بيدافعو عنها وهي ان الحفلة نشاط طلابي وعرض مواهب طلاب الكليه (بغض النظر عن حرمانية الاغاني بس كان في هدف) اما بصراحة حفلة النهارده انا مش لاقي ليها اي صفة ....
الحفلة على حسب كلام زميلنا الالفي بيقول ان رائد الاسرة ميعرفش عنها حاجه ...... ولا وكيل الكليه .... ولا عميد الكليه ......... (سلامي للادارة) ........ وانا كاتحاد انا فعلا مجاش ليا حد منهم ولا راح لحد من زملائنا (يمكن عشان الناس لسه مش متعوده تعامل الاتحاد ) بس اللي اقصده انا الحفلة لا تمت لكلية الصيدل بصلة
انا لما كلمت الناس النهارده على المدرج عشان نلم توقيعات بالغاء الحفل بعد ما الالفي اتكلم الناس زعلت .......... انا عارف انهم ميقصدوش التشجيع على الحفلة هم بيشجعو فكره الحريه .......... بس الحريه لو تعدت على حق الاخرين بيبقى اسمها (بلطجة) ما هو البلطجي برده بيمارس حرياته
اللي هيقول ان الحفلة مش هتأثر على حق الغير هقول لا معلش هتأثر
هتأثر كسمعة كليه.... ودي مش حاجه بسيطه على الاقل بالنسبه لي
هتأثر كتعدي على حرمانية الحرم الجامعي ككل وده مش شيئ بسيط
هتأثر على الناس اللي شغاله في الكليه (على فكره احنا كان عندنا محموعه بتاخد سكشن مديسنال من 5-7 ) يعني الوقت ده يعتبر تبع ساعات العمل في الكليه
وفي معيدين واعضاء هيئة تدريس وموظفين وعمال بيفضلو لغاية الوقت ده كل يوم وده هيأثر عليهم .......
انا مع اني ضد الحفلة النهارده بس لما طلعت على المدرج مفرضتش رأي وسألت الطلاب عن رأيهم عشان ننفذه بس للاسف ناس فهمت غلط
بالنسبه لموضوع الكتاب :
انا شغال في الموضوع ده من تاني اسبوع في الكليه (وزمايلي في الاتحاد شغالين بدون انقطاع )وانا في حوارات ونقاشات مع دكتور احمد جوهر ...... ومع دكتور حسن الكاشف ودكتور ماجده وكيل الكليه .... وانا طلبت من الدفعه انها متشتريش الكتاب لغاية لما نلاقي حل بس للاسف مكنش ينفع اقول الكلام على المدرج والدكتوره ماجده (الوكيل ) هي اللي طلبت اني مكلمش الدفعه (عشان معملش مشكله) وهي كفيله انها تكلم د / حسن الكاشف وده حصل وتم تنزيل السعر ل 100 جنيه الاول وبعد كده تم فصل الكتاب بس للاسف بالسعر المستفز ده ....... وكنت لسه بتكلم مع دكتور احمد جوهر في محاولة اخيرة يوم الاتنين بعد ما هو اللي طلب يقابلني عشان المشاكل اللي حصلت في السكشن بسبب التصحيح في الورق ............. والحمد لله وصلنا لحل شبه كويس وقلت للناس اني هتكلم يوم السبت عشان يبقى المعظم من الدفعه حاضر وكل واحد يقول رأيه لو عد رأي مخالف .......الصبر بس
وبرده شغالين على موضوع زحمة الصناعيه وفي نقاش مع دكتور جلال وانا بقالي اسبوع برحله مكتبه عشان نوصل لحل ............. بس للاسف معدش قدمنا غير حل وحيد وهو ان الدكتور يستحمل ويقسم الدفعه تلاته (ده بعد اعتراض دكتور حسن الكاشف على الاراء الاخرى وموافقته على هذا الحل فقط ) ولسه مش عارف رأي دكتور جلال ايه ؟؟؟؟؟؟؟؟ خصوصا وانه هو اللي قالي خليه كحل اخير (وادينا وصلنا للاخير )
ده غير ان زمايلي شغالين في الموضوع على محاور تانيه .......... وشغالين على مواضيع تانيه
اللي اقصده ان الاتحاد والله شغال بس مينفعش كل خطوه اجي اقول انا عملت الخطوه دي .......... وادي اول تجربه نكلم فيها الدفعه حصل اللي حصل !!
انا اسف جدا على الاطاله ............. واسف لو الكلام زعل حد
منقدرش نقول غير .............. حسبنا الله ونعم الوكيل
بالتوفيق جميعا
الارضى وبقى 37 العملى والنظرى التيرم الاول
السلام عليكم ورحمة الله وبركاته
هو يا دكاتره الي كان عندهم اخدو سكشن باثولوجي الاسبوع ده ولا لأة
التعديل الأخير تم بواسطة dodo-ght ; 27-10-2011 الساعة 01:56 AM
لا يا دكتورة
مفيش باثولوجى لحد دلوقتى
بارا فقط
ضوابط المشاركة
