للي شايل أو محول و معاه علم النفس ...

[pharmacistina]

أصلا كلنا كنا جايبين امتياز في علم النفس دة ..

أقسم بالله ليلة امتحان السيكولوجي دة أنا طول الليلة دي كنت بعيط م الخنقة ..

المذكرة في ايد و المنديل في الايد التانية ..

بس الحمد لله ..

ربنا معاكم ..

ذاكر يا دكتور سنة ثانية ماكانتش سهلة ..

كفاية العقاقير الـ unorganized دمرت أعصابنا م الحفظ ..

ربنا يوفقكم جميعا ..

[Anas]

بسم الله الرحمن الرحيم

أعتذر عن اجابة السؤال الرابع ... لان الترجمة صعبة أوي في اني اوصل فكرتها

و عشان مش ألخبطكم فيها أكتر ... ف يا ريت تتقبلو اعتذاري عن السؤال ده

* * * * * * * * *

السؤال الخامس

Assessment of Personality

" يعني تقييم الشخصية "

1- الطريقة الاولى : المقابلة الشخصية

* و تعتبر من أقدم الطرق في الطب النفسي
و لكن يتم التعامل بها في معظم الشركات و الهيئات عند استقدام موظفين جدد
و كذلك في الكليات العسكرية
* ملاحظة : لا يتم الاعتراف بها وحدها ... و لكن كجزء من ضمن الاختبارات العامة للمتقدم

1- الطريقة الثانية : دراسة الحالة

* تجميع كل البيانات المتاحة عن الحالة منذ الولادة ، الطفولة ، المراهقة و البلوغ
بالاضافة الى معلومات عن العائلة و الماضي للشخص المعالـَج


2- الطريقة الثالثة : الارتباط الحر ... و تفسير الاحلام

* تستخدم في التحليل النفسي لكشف الجوانب الخفية العميقة للشخصية
* يسترخي المريض ذهنيا و جسديا و يبدأ فيي الحديث عن أي شيء يجول في خاطره
* في اثناء هذه الفترة يقوم الطبيب المعالج بمحاولة فهم و تحليل ما وراء هذا الكلام من معاني


3- الطريقة الرابعة : الطريقة الشيئية " هيا اسمها كده "

أ - درجات التقييم :

*نقوم باعطاء قائمة من الأسئلة للشخص محل الاختبار لقياس درجة صفة معينة
* على سبيل المثال ... العصبية ممكن ان تكون درجة من الآتي :

- أبــــــــــــــــــدا
- نـــــــــــــــــادرا
- أحـــــيــــــانــــا
- مـعـظـم الوقـت
- دائــــــــــمــــــا

" حاجة كده زي الاستبيان اللي المفروض اننا بنعمله كل ترم ده "


ب- الاستجواب :

* نقوم باعطاء قائمة من الأسئلة للشخص و نطلب منه الاجابة بـ " نعم " أو " لا "


ج- وسائل خططية :

عندنا فيها مثالين

* المثال الأول هو اننا بندي للشخص 10 كروت على كل واحد فيهم رسمة معينة
و بنسأله ايه الفكرة اللي جات له لما شاف كل رسمة فيهم

* المثال التاني هو اننا بنديله 20 كارت عليهم صور ... و بنطلب منه انه يعمل قصة من الفكرة اللي جات له


- - - - - - - - - - - - - -

و بكده الحمد لله السؤال الخامس خلص

و ان شاء الرحمن بكره السؤال السادس و السابع

بالتوفيق ان شاء الله

[Chimera]

تمام يا دوك ..
انا هخش بسؤال الكلب إللي بنشتغله ده و رزقي على الله

.,,

[rose_pharm]

منتظرين السؤال الرابع

[toma333]

ياريت تجيبوا بقيت حلول الاسئلة اصل الواحد محتاس

[toma333]

اية ياجماعة ماحدش هيجاوب على بقية الاسئلة على فكرة الاجابات بالعربى بتفهم جدا وبتخلى الحفظ اسهل ياريت تحاولوا تترجموا الباقى وشكرا على مجهودكم

[rose_pharm]

منتظرين بقيت الاسئلة

شكرا يا دكتر علي مجهودك

[lonley]

what about (case study method ) in Q no.5? w bgd merci ya dr
plz kamel e7na lw 3dena hayb2a el fadl lek
thanx

[Anas]

* أنا آسف يا جماعة والله على التاخير ... مش بإيدي والله لان النت فاصل من البيت

و ان شاء الله على يوم الأحد يكون كل الأسئلة جاهزة ان شاء الله

* في نقطة في السؤال الخامس كانت منسية ... هبقى أضيفها مع باقي الأسئلة ان شاء الله

بالتوفيق جميعا بإذن الله

[B@Ssma]

معلش يا د/ انس ... انا عارفه اننا تعبناك معانا كتير فى موضوع الترجمه ده

بس بجد بالنسبه للسؤال الرابع .... السؤال ده ضايع معايا تماما
فياريت بس حتى لو مش هترجمه كله .... يبقى بس العناوين دى نعرف معناها ايه
عشان نفهم فكرة السؤال نفسه
بدل ما الواحد قاعد يحفظ فى كلام مش عارف معناه ايه اصلا
وطبعا مستنيين ترجمه بقيه الاسئله

جزاكم الله كل خيييييير