ملعون أبو دى كورة

[Mohamed7755]

انتظروا نتائج لجنة تقصى الحقائق

بس أنا فى ماتش الأهلى وكيما اسوان لما الأمن اتدخل حصلت برده مشادات بين الأمن والجمهور واعتقد ساعتها كل عربيات الأمن المركزى اتحرقت

وبين الشوطين لما الأمن حب يمنع نزول جماهير المصرى تم إلقاء الألعاب النارية على الأمن ونزل حوالى 20 واحد قعد يضرب فى رجال الأمن

ولما الأمن قبض على 2 بلطجية كانوا يمارسوا أعمال البلطجة على أهالى القرية وتم التعامل معهم على أساس إنهم بلطجية الإعلام قام وهيج الدنيا على الأمن

أنا فى رأى اللى قتل شهداء محمد محمود ومجلس الوزراء و ستاد المصرى بلطجية ولازم نعرف مين اللى ممولهم مهما كان وده اللى احنا منتظرينه من لجنة تقصى الحقائق لازم تعلن مين المسئول ولازم يعاقب مهما كان اسمه ومركزه

عاوزين نعرف مين الطرف الثالث

والأهم لازم نطهر الإعلام اللى عمال يسخن فى المواضيع

الوقتى المفروض يتكلموا بجد هما الثوار الحقيقيون وليس شوية العاهات اللى على كل قناة

[الملاك الضاحك]

العالم كله بيشوفنا ع الفضائيات اننا اصبحنا شعب همجى لا ينفع معانا غير مبـارك

حسبى الله ونعم الوكيل وربنا يصبر اهالى الشباب اللى ماتوا كل اما البلد تكون هتستقر يقوم اللى ربنا ينتقم منهم من ورا القضبان يولعوها وده طبيعى جدا واكبر دليل على ان الفساد ما زال مستمر ماهوا طول مافيه ناس بتضربلهم تعظيم سلام من جوه السجن ومن بره السجن
حقهم يعملوا فينا اكتر من كده
(ربنا ينتقم من كل ظالم)

الوضع بقى بجد خطير مش مجرد احداث مؤسفه فى مباراه وراح ضحيتها مشجعين أبرياء

ارتفاع العدد فى القتلى دليل على النيه المبيته والقصد العمد فى القتل والله فى مخطط شيطانى عاوزين يدمروا
أكيد ف البلد دى عشان نقول ولا يوم من أيامك يامبارك



والجيش والأمن وكل ده مكنش قادر يأمن البلد من اللى
حصل امبارح ده لأ أعتقد انه كان قادر وقادر وقادر كمان
يعنى المفروض ان الجيش دا يحارب بلد مش بس انه يحمى ولاد بلده ليه بس اللى بيعملوه ف البلد ده
ولا دا غضب من ربنا عشان جينا على مبارك
اللى هو أعتقد السبب ف كل ده من الأول خالص
ربنا ينتقم منه ومن أعوانه وأحبابه اللى عاملين فينا كده

اللهم عجل الفرج وأرح العباد والبلاد ممن خربوها وأذلوا أهلها
اللهم كن لأهلنا في مصر ناصراً ومعيناً
اللهم ارزقهم الأمن والأمان والسلامة والإيمان
اللهم اعصم دماء العرب و أعراضهم و أموالهم
اللهم خذ الظالمين أخذ عزيز مقتدر
اللهم يا حي يا قيوم يا من بيده ملكوت كل شيء أنت تعلم ما حل بإخوان لنا و وأخوات لنا فيك فمن لتلك الأعراض ومن لتلك الدماء ومن لتلك الأرواح إلا أنت اللهم احفظهم بحفظك وأمن خوفهم وأبرم لهم أمر رشد يعز فيه أهل طاعتك ويذل فيه أهل معصيتك اللهم آمين
ياااارب احمى مصر وعزتها وكرامتها


يسقط يسقط حكم العسكر


طب مثلا ف اليوم اللى قبله لما قناه المحور طلبت النجده من الجيش انهم يحموا ضيوفها اللى معاهم ماس
ساعتها جه كميه كبيره من المدرعات والجنود وطلع ف الأخر الموضوع فيلم
جم بس عشان ذكر ف الموضوع إساءه لرموز النظام السابق
http://www.youtube.com/watch?v=Q4lY-mBZAAk


للدرجه دى الموضوع دا كان مهم عندهم عن اللى بيحصل
ف البلد دا تقريبا كده وصلوا القناه ف خلال نص ساعه
مكنوش قادرين بقى يوصلوا للأحداث ينجدوا الناس
حسبى الله ونعم الوكيل
وربنا يسترها على مصر ف الفتره اللى جايه

أسفه ع الإطاله

[yojeena]

اقصد موري و شكرا ليكي بردو يا مني علي اي حال

مانجحتش
والله ناس كتير وانا منهم كنت بقول نستنى على المجلس العسكرى الكام شهر دول عشان البلد تستقر
دلوقت وبعد اللى حصل امبارح ده الناس دى مش المفروض تمشى وبس دول المفروض يتعدموا

بس للاسف كل ده صعب .. الناس دى عندها استعداد تموت البلد كلها وماتمشيش ولا تتحاكم ولا ثورة ولا حاجه نافعه معاهم

طب الحمد لله ان الناس بدئت تفوق وتعرف اللعبه
اصلا كلها مسرحيه حتي لو شلنا الجنزوري نفسه..... ولااااا حاجه
كلها عرايس لعبه و اللي ماسك خيوطها المجلس العسكري اللي هو امتداد لنفس السياسات القديمه
الحل بقي ان الناس تنزل للميدان و تتوحد تاني مع اني اشك ان الاخوان هتسيبهم يعملوا كدا اصلا
والبشاير بانت من جلسة النهارده في البرلمان
والله العظيم حاجه تكسف انه يتم اقتران اسمه بالثورة
عملوا ايه نواب الشعب المحترمين لا سمعنا عن تشكيل حكومه جديده او محاسبه رئيس الدوله اللي هو المجلس الحالي عن الكارثه او المذبحه اللي حصلت
لو كنا ف بلد تانيه كانوا عزلوا كل المسئوليين من اصغر واحد لاكبر واحد
عاوزين يدمروا صورة مصر قدام العالم
دا السعوديين بيقولوا مصر علي طريق العراااق .....يالهوي
ومابالك دول عرب زينا و بيقولوا كدا .....سابو ايه للاجانب

حسبي الله ونعم الوكيل
حسبي الله ونعم الوكيل

[Amira]

استنوا استنوا

انتى أميره ؟

أدينى اماره

أيون انا والله

أكيد بتتأكدى عشان الرد اللى كنت كتبته عالفيس بوك انا مش بقول عالجيش نفسه انه وحش " نخلى بالنا من الكلام " انا بتكلم عن المجلس العسكرى

ثم ان سواء معاهم او ضدهم مليش دعوه بالمظاهرات

إتغيرت انا بعد كارثه بورسعيد صح
-----

الحل بقي ان الناس تنزل للميدان و تتوحد تاني مع اني اشك ان الاخوان هتسيبهم يعملوا كدا اصلا

مالهم بس الاخوان !
انا حاسه انى بقيت المحامى بتاعهم .. من كتر ما دافعت عنهم !

هم الاخوان مالهم ؟؟ _ سؤال عادى والله عشان افهم بس انتو زعلانين منهم ليه ؟؟ _

[lost*soul]

فى ناس عايزة تستغل اى حاجه عشان الفوضى وزياده الدم

كل واحد فينا عارف فى بلده مقر للمنتخبين يروحلهم ويقدم ليهم ورقه بطلباته

لو عايزين مظاهرات او حداد ياريت بلاش اشتباكات واى مكان فيه اشتباكات ياريت تبعدو عنه فورا

[Amira]

شهاده احد جماهير (المصرى) بورسعيد

والله اللى حصل ده مؤامره رخيصه مدبره بشكل يفو...ق الوصف
انا هقول اللى شفته واللى اعرفه واللى متأكد منه
متصدقوش اى حد يقولك اللى حصل بسبب يافطه اترفعت ولا شتيمه
فى بلطجيه معروفين كانوا ف الاستاد ومعاهم سلاح ابيض ف الماتش وطول الشوط التانى كانوا موجودين جوا الملعب
الظباط شايفين معاهم السلاح ومش بيمسكوا حد .. سايبينهم ليه؟؟
اول م الحكم صفر بوابات الاستاد اللى بتودى على الملعب كلها اتفتحت
هنقول مثلا مثلا ان جمهور بورسعيد كان متعصب وكسر البوابات اووووكى انا معاكوا وهنمشيها كدا
طيب مين بقى اللى فتحت بوابات مدرجات الاهلى؟؟؟
جمهور الاهلى هو اللى فتحها عشان يموت يعنى؟؟؟
هنقول جمهور الاهلى كان ليه مزاج يموت امبارح ف فتحها اوووووكى
مين بقى اللى حط سلالم عشان الناس تطلع لمدرج جمهور الاهلى ؟؟؟؟؟؟؟؟؟؟؟؟؟؟
جمهور بورسعيد داخل بسلم الاستاد كمان ولا ايه !!!!!!!!!
ومين قفل باب الخروج الخاص بجمهور الاهلى ومنعهم من الخروج واتسبب ف اختناق ناس كتير ولم حاولوا يكسروا الباب وقع عليهم ومات بسببه ناس كتيييييير
اول م ده حصل النور طفا ف الاستاد وسمعنا ضرب النار وده اللى اكدته النيابه النهارده الصبح بوجود طلقات ناريه وخرطوش
جمهور بورسعيد هو اللى كان بيودى جمهور الاهلى المستشفيات عشان الجيش كان قافل الشوارع والاسعاف معرفش يوصل
جمهور بورسعيد هو اللى كان بالاااااف عند بنك الدم بيتبرع بدمه عشان نقدر ننقذ اى مصرى مصاب
لو فى نيه مبيته من جمهور بورسعيد لعمل شغب كان الناس كسرت اتوبيس الاعيبه قبلها بيوم وهو داخل بورسعيد
او كانوا استنوا جمهور الاهلى اول م يدخل بورسعيد
ايــــــــــه السبب انه البورسعيديه يعملوا كدا وهما كاسبنييييييين
لو البورسعيديه عايزين يعملوا كدا مين قال للناس تقفل محلاتها والبلد كلها طافيه النور والقرآن ف كل مكان
لسه مش متأكد ان كلامى بيأكد المؤامره اللى حصلت
طب قولى ليه ف نفس الوقت فض اعتصام ماسبيرو وحرق الخيام وسحل المتظاهرين؟؟؟؟
نفس طريقه حرق المجمع العلمى اللى عمرنا م كنا نعرفه وشغلوا الرأى العام بيه وسابوا البنت اللى اتعرت وكانت لابسه ايه ومش لابسه ايه !!!!!
برده مش مصدق كلامى اسمع شهادة شباب الالتراس العائد اليوم .من بورسعيد بيقول
الهجوم اللى حصل علينا مش من ناس بتتخانق ..احنا متعودين على الاشتباك والخناقات.
دول كانوا ناس كل ماتوصل لواحد فينا تقتله مباشرة بضربة واحدة وكانوا بيستخدموا حركة كسر الرقبة اللى بتقتل فورا علشان كده معرفناش نتعامل معاهم

لسه برده مش مصدق كلامى ؟؟؟؟
ممكن تقولى طيب ازاى بعد م البورسعيديه جامدين اوى كدا وبيقتلوا مصريين بسهوله ودم بارد عشان ماتش كوره ف الوقت اللى بكتب فيه الكلام ده وقت اذان الضهر صلاه الجنازه على 27 واحد بورسعيدى ماتوا امبارح؟؟؟؟؟؟؟؟؟؟؟؟؟؟؟
طب ماتوا ازاى ومين اللى موتهم؟؟؟؟
من الاخر اللى فتح البوابات للجماهير هو اللى سمح للجمال تعدى وتوصل للميدان يوم موقعه الجمل اللى بتشبه احداث بورسعيد جداااا ف كل حاجه حتى ف التاريخ موقعه الجمل 2/2/2011 واحداث بورسعيد 1/2/2012
لو تشويه بورسعيد والبورسعيديه هيكون اخر مسمار ف نعش طنطاوى ومجلسه فأهلا وسهلا بالتشويه والشتيمه
دى شهادتى قدامك وقدام ربنا على اللى انا شوفته واللى متأكد منه
تحيا مصر والمجد للشداء
الثوره مستمره ... يسقط يسقط حكم العسكر

................

[muna7assan]

أيون انا والله

أكيد بتتأكدى عشان الرد اللى كنت كتبته عالفيس بوك انا مش بقول عالجيش نفسه انه وحش " نخلى بالنا من الكلام " انا بتكلم عن المجلس العسكرى

ثم ان سواء معاهم او ضدهم مليش دعوه بالمظاهرات

إتغيرت انا بعد كارثه بورسعيد صح
_

لأ ماشوفتش حاجه عالفيس بس الى حد ما شايفه اللى هنا

محدش بيقول عالجيش وحش وكل اللى بيتكلم بيتكلم عن المجلس

ربنا ينتقم من اللى كان السبب والله

[yojeena]

[/quote]

مالهم بس الاخوان !
انا حاسه انى بقيت المحامى بتاعهم .. من كتر ما دافعت عنهم !

هم الاخوان مالهم ؟؟ _ سؤال عادى والله عشان افهم بس انتو زعلانين منهم ليه ؟؟ _[/quote]

يا ريت تتفرجي علي جلسة مجلس الشعب الثوري الشجاع الجميل و قراراته
ولما تكون الاخوان نسبتها 50 %...شجبوا ونددوا ورفضوا ما شاء الله
يا أميرة بلاش عشان خاطري تبقي محامي ليهم دافعي عن الناس اللي بتموت احسن

[DR.BIBO]

مانجحتش
والله ناس كتير وانا منهم كنت بقول نستنى على المجلس العسكرى الكام شهر دول عشان البلد تستقر
دلوقت وبعد اللى حصل امبارح ده الناس دى مش المفروض تمشى وبس دول المفروض يتعدموا

بس للاسف كل ده صعب .. الناس دى عندها استعداد تموت البلد كلها وماتمشيش ولا تتحاكم ولا ثورة ولا حاجه نافعه معاهم

انا مش مصدقة نفسى اميرة اللى بتقول كده يحيا العدل كده اتاكدت ان الثورة هتنجح ان شاء الله

يسقط يسقط حكم العسكر

[Amira]

لأ ماشوفتش حاجه عالفيس بس الى حد ما شايفه اللى هنا

محدش بيقول عالجيش وحش وكل اللى بيتكلم بيتكلم عن المجلس

ربنا ينتقم من اللى كان السبب والله

هنا فين .. انا مبحبش اتكلم فى السياسه اصلا

يا ريت تتفرجي علي جلسة مجلس الشعب الثوري الشجاع الجميل و قراراته
ولما تكون الاخوان نسبتها 50 %...شجبوا ونددوا ورفضوا ما شاء الله
يا أميرة بلاش عشان خاطري تبقي محامي ليهم دافعي عن الناس اللي بتموت احسن

والله انا مش بدافع عنهم علشان اى حاجه غير انى معرفش عنهم حاجه وحشه ..
شوفت شويه من الجلسه
مين قال انى مش بدافع عن اللى بيموتوا دول !! ،، لما واحده تيجى تقولى الاخوان والسلفيين تاجروا بالدين المفروض اسكت !! ولما كل حاجه تحصل يقولوا الاسلاميين ! ...
دا غير انى كل ما اقول لحد هم عملوا ايه عشان تكرهوهم كده مبيقولوش اى سبب !! ومعلش المجلس اغلبه اخوان ماشى لكن مش كله و مش الاخوان بس اللى قعدوا يقولوا انهم زعلانين ومعرفش ايه كلهم قالوا كده او اغلب الناس مش الاخوان بس ولا الاسلاميين بس

انا مش مصدقة نفسى اميرة اللى بتقول كده يحيا العدل كده اتاكدت ان الثورة هتنجح ان شاء الله

يسقط يسقط حكم العسكر

لا اله الا الله ايه يابنتى حد قالك ان انا فِله
انا قولتلك قبل كده عاوزاهم يمشوا بس نستنى الكام شهر دول ،، والكلام ده كان ساعه البنت بتاعه العبايه دى .. وقولتلك انا مش مقتنعه ان الجيش اللى عمل كده ( ومازلت مقتنعه بكده ) ،، لكن دلوقت لما هم مش عارفين يأمنوا ماتش و ناس ملهاش ذنب ماتت والموضوع كله شكله متخطط يبقى ما يستاهلوش يقعدوا ولا يوم زياده

بس برضو زى ما قولتلك على نزول المظاهرات لو فاكره الرد