ما هو اليوم الذى لا تنساااااه !!

[dr.ghada s]

men el mawakef elly mesh bansaha heya lama ana we 25oya da5lna sh2et geeran 2s7abna we7na so3`yareen.da5lna men shobak el matba5 nezlna 3la el botagaz ,ba3deen tl3na 3la el salaa ,we7na gamb bab el sh2a l2ena ragel gay ne7ytna men 25er el sh2a ,3ada men gambna men 3`eer may2ol wala kelma we fat7lena el baab.i was scared sa3tha bas lama baftker el 7kaya de ba3od 2d7ak

[samersalem]

يوم ظهور نتيجة الثانوية العامة يوم لم ينسى وكذلك اول يوم ادخل فيه الكلية دى

[محمد وجدي]

يوم وفاة ابي ( رحمة الله عليه )
كان عندي 9سنوات

واستيقظت في الساعه الثالثه صباحا ( فجرا )
يوم الاحد 14/12/1997

علي صوت امي وهي تنادي عليه .... وجدي ........وجدي ......
ولم يكن مريضا
فقط اصابه الصداع الشديد ومات بعدها بنصف ساعه
وقضي الامر
وكان أمر الله قدرا مقدورا

[أمــ هـنـد ــة الله]

البقاء لله يا دكتور انا لله وانا اليه راجعون
يارب تكون حضرتك بتدعيله علطول
وربنا يرحمه رحمة واسعه وكل موتى المسلمين

[hawsalek]

كان يوم التلات 4/10/2005
الساعة 8:30 فى سكشن الفيزياء
شعاع اول شرارة حب
مش مالف تاريخ
دة لقيته فعلا محفور جوايا

[tweetykakkak]

اليوم اللى مش هنساه اول يوم دخلت فيه الكليه لانى كنت حسه انى لوحدى لدرجة انى قعدت اعيط

[semosoro]

أحسن يوم يوم ماقابلت بنى أدمه كويسه
وكله فى التمام وسبحان الله
أسؤ يوم فى حياتى مع نفس البنى أدمه
لما انتها كل حاجه

[Eman * SAMPS]

أنا مستغربة أوى موضوع الثانوية العامة دى ... مش للدرجة دى ..

أنا مش هحكيلكوا أسعد أو أحزن يوم ...
أنا هقولكوا المواقف المتخلفة اللى حصلت فى حياتى ...

أول موقف و إحنا فى إعدادى صيدلة و كان عندنا شيت فارما الترم التانى و الامتحان المفروض الساعة 10 ... إذ فوجئت برسالة الساعة 7 إلا 10 من واحدة صحبتى إن الامتحان الساعة 8 مش 10 ... و مكنتش لسة خلصت مذاكرة و لا مراجعة طبعا ... لبست بسرعة جدا و رحت الكلية لاقيت البشر بتوع إعدادى كلهم هناك و فى الآخر يطلع مقلب من واحد ظريف جدا ( نفسى أعرف هو مين ؟؟ )...

الموقف التانى و إحنا فى أول حفلة تخرج فى الكلية .. كنا تنظيم فى الحفلة و أنا واقفة فى أمانة الله إذ فوجئت برده بخبطة على ضهرى نفس خبطة كف الإيد ... و أنا قلت فى عقل بالى " أكيد بيتهيألى يا إما حد بيستظرف " ... بعد بضع ثوانى ... مى صحبتى قالتلى " إيمان فيه حشرة كبيرة خالص واقفة على الطرحة " ... تخيلوا الإحساس .. طبعا مينفعش أتحرك ربع حركة و لا أصدر أى صوت .. الحفلة شغالة و الناس قاعدة .. و لازم محدش ياخد باله .. بقول لمى شيليها .. مى سابتى و بعدت .. بالشنطة و قمت حدفاها ... محمد زميلنا يحاول يموتها .. نوووووووو إفكت ... و الحمد لله مر الموقف بسلام ..

فيه مواقف كتير متخلفة مثل ذلك ... بس كفاية عليكو كدة دلوقتى ...

[Dr. Dody]

مش عارفة والله عندي أيام كتيرة مقدرش انساها سعيدة واكتر منها الحزينة

[tamerkamal]

الحقيقه اننى شوفت فى الكليه اتعس وابيخ المواقف وقمة الاستظراف والخفه من بعض البياعين آسف الدكتره ونسوا انهم المفروض ميباشوا تقال على الناس