نوادر التدريب الصيفى

[SHEREIF]

بصو يا جماعة بالنسبة لموضوع السرنجات اللى عاملكم قلق ده
السرنجات ال 5سم غالبا بتطلع مع الحقن اللى بتتحل بميه زى حقن المضاد الحيوى زى السيفوتاكس وكدة يعنى
اما ال3سم فمنها 3 انواع وبتطلع مع الحقن اللى هيا اصلا جاهزة ومش بتتحل
النوع الاولانى بيبقى 3سم اطفال وبيبقى لون السن بنى وطوله صغير جدا
والنوع التانى ال3سم كبار وبيبقى لون السن ازرق وطوله عادى
والنوع التالت 3سم سيدات وده بيبقى لون السن بنفسجى وبيكون طويل لان نسبة الدهون عند السيدات عالية
هابقى اصورهالكم بقى المرة الجاية واجيبلكم الصور ان شاء الله
الصور هاتعرفكو الفروق بينهم وهاتبقى سهلة باذن الله

[dr_koko]

ملحوظه يادكتور شريف

الالوان اللي حضرتك قلت عليها دي الوان السرنجات بتاعت شركه ماسكو

بس لو الصيدليه بتتعامل مع شركه تانيه السرنجات هتبقي الوانها مختلفه تماما

[friend]

يااااه نفسى اروح اتدرب

[dr.monalizaa]

الالوان اللي حضرتك قلت عليها دي الوان السرنجات بتاعت شركه ماسكو

بالزبط كدة
وبعدين فيه نوعين من الابر بتاعه الاطفال فيه نوع بتاع حديث الولاده والنوع التاني بتاع الاطفال من اول سنتين

يعني الشركات بتختلف في الانتاج والالوان كمان

يااااه نفسى اروح اتدرب

ايه اللي مانعك ؟؟

[SHEREIF]

كويس والله يا دكتور
الف شكر على المعلومة دى
ياريت والله اللى عنده اى حاجة يا جماعة يقولها علشان كلنا نستفيد منها

[الفراشة الرقيقة]

النهاردة كان أول يوم تدريب ليا , دخل واد بيقول للدكتور هات الدوا ده يا أسطى
و فيه واحدة تانية دخلت بتقول عايزة المرهم اللى بالأعشاب اللى ب 14.5

[white light]

جالى قبل كده ولد عايز شريط ابيمول فالحمد لله جبيهوله بسهوله
رجع تانى يقولى انا عايز التانى مش ده وانا طبعا تنحت تانى ايه يا بنى طب اسمه ايه الواد مش عارف وانا فضلت واقفه قدام حرب A ادور على التانى اكتر من 5 دقائق وانا محتاسه لحد ما العامل جه انقذنى المهم انه طلع ابيمول اكسترا الخيبه انه كان ورا الابيمول وانا مش شايفاه والواد اخد الشريط وطالع يضحك

-----
مره وانا واقفه فى الصيدليه فى امانه الله والدكتور كان بيتكلم فى التيلفون دخل ولد صغير فرحتله وسالته عايز ايه قالى عايز الدكتور قولتله قول عايز ايه وانا اجيبهولك قالى عايز الدكتور قولتله طب استناه
خلص الدكتور والواد طلع عايز حبيتين كتوفان انا كان هاين عليا اروح اضرب الواد ده هو انا مش ماليه عينه ولا ايه

[ameer]

و فيه واحدة تانية دخلت بتقول عايزة المرهم اللى بالأعشاب اللى ب 14.5

يووووووه دي حاجة عاديه بتحصل عشرتاشر مره في اليوم مثلا تلاقي واحد داخل ويقول عايز القطره اللي بـ4.5 وميقلش بتاعه ايه
او يقول عايز دواء الضغط اللي العلبه بتاعته لونها اخضر
ببقي هفرقع منهم
بس الدكتور بيفهم هو عايز ايه وبيجيبه

[Dr.N.Samy]

hhhhhhhhhhhhhhhhhhhhhh mwa2f 7lwa awe

[Anas]

و فيه واحدة تانية دخلت بتقول عايزة المرهم اللى بالأعشاب اللى ب 14.5

يووووووه دي حاجة عاديه بتحصل عشرتاشر مره في اليوم مثلا تلاقي واحد داخل ويقول عايز القطره اللي بـ4.5 وميقلش بتاعه ايه
او يقول عايز دواء الضغط اللي العلبه بتاعته لونها اخضر
ببقي هفرقع منهم
بس الدكتور بيفهم هو عايز ايه وبيجيبه

ده موقف بيحصل بنفس عدد مرات لما حد ييجي يسأل في فكة خمسين ؟؟؟

جالس واحد مره عاوز " الدوا البرتقاني بتاع بتاع الحاج عويس "

انا برقت و تنحت قدامه ... بس شوية و أضاف " اللي بسبعة و نص "

المهم قعدنا نحاول معاه يمين و شمال لحد ما اكتشفنا انه

spasmodigistine بس طلع بسبعة الا ربع