ملعون أبو دى كورة

[a7med.gamal]

لا نملك سوي الدعاء

[muna7assan]

مش مهم زياده الاجور مش مهم حد ادنى
مش مهم محاكمات الان تتاجل لما البلد تستقر
مش مهم التعويضات والوظايف للمصابين الى اكترهم لما شفتهم فى لقاءات معرفش ممكن يشتغلو ايه
مش مهم الدستور الاول ولا الرئيس الاول
كل ده حاجات متساويش الاستقرار

انا مع رجوع قانون الطوارئ والمحاكمات العسكريه ووجود كرامه ونفوز الداخليه

نعم رجوع قانون الطوارئ
نعم للمحاكمات العسكريه
نعم لفرض قانون منع التظاهرات والاعتاصمات

رغم انى كنت ضدهم بس الان معاهم وعايزياهم عشان اقدر امشى فالشارع واخرج وانا مامنه على نفسى

هوا انتى بتتكلمى بجد !

احنا عمرنا ماهنقول عايزين مبارك

لا لا هتقوليها قريب

هو كل واحد مش لاقى ليه شغله هيشتغل محلل سياسى

أه والله

[تابعة محمد]

بسم الله الرحمن الرحيم
كالعادة فى اى حاجة بتحصل فى مصر ان الناس تنقسم قسمين ...
ناس شايفة ان الجيش و الشرطة هم الى مدبرين الحكاية ديه ، وناس شايفة ان الجيش و الشرطة ملهمش دعوة بالحكاية ديه
طيب لو قلنا ان المجلس هو الى مدبر كده ... يجى السؤال وايه الاستفادة من كده ،اذا كانوا هيمشوا كمان اربع شهور ، و الحقيقة بقى ايه الناس الى معندهاش تفكير الى كل واحد فيهم رجليه و القبر و لسه بيفكر فى سلطة وجاه ، و السؤال الاصعب من كده مفيش ولا واحد فى المجلس عنده دم واخلاص شوية صغيرين للبلد ديه ؟؟؟

ولو قلنا ان المجلس برئ و الشرطة محترمة ... طب السؤال الى مجنن الكل ، ازاى الناس دول مقدروش يأمنوا مبارة كرة ... 74 قتيل ماتوا بدم بارد ومن غير رحمة ... يالله !!!!!!!!!

ياريت لو حدفاهم حاجة يبقى يفهمنى لان خلاص دماغى صدعت من كتر التفكير ....

بس عايزة اقلكم حاجة مصر هى المجلس و الشرطة و شباب الثورة و حزب الكنبة و البلطجية و 2 مليون عاطل و العلماء و الحشاشين و النخبة السياسية و المغتصبين ... هى ده مصر ، مجبناش حد من بره ..
مش كل حاجة تحصل تقولوا مؤمرة ، انتوا كده .. انتوا شعب تاهت بينكم القيم و الاخلاق ... شعب بلا هوية ...

لنــــــــــــــــا الله يا مصر .

وياريت تقرؤا الفاتحة لوفاة اربعة من المنصورة شيعت جنازتهم من مسجد النصر بالمحافظة .

[lost*soul]

انا م المنزله وفى طريق مفارق بين بورسعيد والقاهرة

جوزى جاى يسافر القاهرة لقى طريق اسمه رمسيس مقفول وده لان فى واحد مخطوف واهله قافلين الطريق وده من زمان فبيلفو ويمشو من طريق ترابى

الحمدلله لف ووصل للمرافق الجيش رجعه ولما سال ليه خير فى حاجه قالولهم الشهدا والمصابين اهاليهم عايزين يدخلو بورسعيد ياخدو حق ولادهم

ايه رايكو ؟
حرب بقى بين الاهالى وبعضها

[dr_orchida]

ودة من ايه في رأيك ؟؟؟؟؟؟؟؟؟!!!!!!!!!!
انهم مش لاقيين حد يجيبلهم حقهم!!!
كل يوم ندين ونشكل لجنة تقصي ومش تقصي وننااااااااااام وبعدين نلاقي براءة الضابط وبراءة الضابط ولا واااااااااااااحد فيهم اتحاكم !!!!!؟؟؟؟؟؟؟؟ اومال العيال اللي بتموت دي من ايه ؟؟؟ العمر الافتراضي بتاعهم انتهي يعني والا ايه !!!؟؟؟
.
.
إيه رأيك انتي بقي !!!؟؟؟

[chemist girl]

انا م المنزله وفى طريق مفارق بين بورسعيد والقاهرة

جوزى جاى يسافر القاهرة لقى طريق اسمه رمسيس مقفول وده لان فى واحد مخطوف واهله قافلين الطريق وده من زمان فبيلفو ويمشو من طريق ترابى

الحمدلله لف ووصل للمرافق الجيش رجعه ولما سال ليه خير فى حاجه قالولهم الشهدا والمصابين اهاليهم عايزين يدخلو بورسعيد ياخدو حق ولادهم

ايه رايكو ؟
حرب بقى بين الاهالى وبعضها

لا حول ولا قوه إلا بالله
شكل الايام اللي جيه هتبقى سلسله مجازر.

[A.Elrayes]

انا لله وانا اليه راجعون

[yojeena]

اوركيدا و مني تحيه ليكم علي كلامكم

بقالنا سنه بنسأل مين اللي بيقتل الشباب
سنه بنحاكم المجرمين في كلام فاضي وكئنهم حرميه غسيل مش سارقين مصر كلها
سنه مفيش امن في الشوارع اصلهم زعلانين مننا و مخاصمين الشعب الوحش دا ومفيش اي مسئوووووووليه!
مجلس الشعب دا تم علي دماء الشباب و مظاهراتهم اللي مبقتش عاجبه!
لما الاسعار تغلي و نسمع كل شويه ان الاقتصاد بينهار و هم بيشتروا قنبله غاز واحده ب 48 دولار!
لما البورصه تخسر بسبب تدميرهم للبلد و في يوم واحد تعلا و تكسر اعلي مؤشر ليها من 10 سنين بسبب ذكري الثورة
يبقي ميييييييييييين اللي بيخرب البلد
الثورة محكمتش عشان نحاكمها
محدش ييجي يقولي عاوز استقرار اهه بتخرسوا اصوات الشباب اللي بتحاول تكمل الثورة بعد ما شفتها بتتسرق قولتوا حرام عليكو عاوزين نستقر
طب ايه رأيكم في الاستقرار دا؟؟؟؟؟73 قتيل بس!!!!!!!
ما تفتحوا عيونكم بقي وتشوفوا الحقيقه
دا عقاب للالتراس اللي حمي الشعب يوم موقعه الجمل و في الذكري السنويه ليها بيتقتلوا عقابا ليهم
لو سكتنا كلنا هييجي علينا الدور
كل واحد يقوم بدوره بلاش دلع و قرف اللي يقصر يتعاقب
ومش هنشوف يوم حلو فيكي يا مصر الا لما يحصل تطهييييييييييييييييييييير للفساد من الكلاب الخونه

و اخيييييييرا مبروك عليك يا مجلس يا عسكري الثورة المضاده نجحت
و حسبي الله ونعم الوكيييييييل

[Amira]

و اخيييييييرا مبروك عليك يا مجلس يا عسكري الثورة المضاده نجحت

مانجحتش
والله ناس كتير وانا منهم كنت بقول نستنى على المجلس العسكرى الكام شهر دول عشان البلد تستقر
دلوقت وبعد اللى حصل امبارح ده الناس دى مش المفروض تمشى وبس دول المفروض يتعدموا

بس للاسف كل ده صعب .. الناس دى عندها استعداد تموت البلد كلها وماتمشيش ولا تتحاكم ولا ثورة ولا حاجه نافعه معاهم

[muna7assan]

اوركيدا و مني تحيه ليكم علي كلامكم

انا ما قولتش اى حاجه .. دا انا ربنا صبرنى ويادوب طلعت الكلمتين دول بس

ربنا يكرمها Mouri هيا اللى قالت كتير

مانجحتش
والله ناس كتير وانا منهم كنت بقول نستنى على المجلس العسكرى الكام شهر دول عشان البلد تستقر
دلوقت وبعد اللى حصل امبارح ده الناس دى مش المفروض تمشى وبس دول المفروض يتعدموا

بس للاسف كل ده صعب .. الناس دى عندها استعداد تموت البلد كلها وماتمشيش ولا تتحاكم ولا ثورة ولا حاجه نافعه معاهم

استنوا استنوا

انتى أميره ؟

أدينى اماره