يا تري فاكرين اول يوم ليكوا في المدرسة عملتو اية.......؟

[D.NOOR]

انا كنت اول يوم مدرسة داخلة بكل ثقة
طبعا دة لانى كنت مع اخويا وقرايبى وجيرانى
بمعنى ان(المدرسة مدرستنا)
صحيح ايه اللى فكركم بالايام السودة دى؟؟؟

[Al-Shaimaa]

أنا كنت بحلم باليوم اللي ادخل فيه المدرسة من اول يوم روحت فيه الحضانة
ولما عرفت اني هروح المدرسة خلاص
بدأت استعد قبلها باسبوعين
لكن اول يوم روحت فيه وصلت تقريبا الساعة 8 ونص
عشان مش كنت متعودة اصحا بدري اوي كده
وروحت لوحدى ولما دخلت المدرسة حسيت ان انا تايهه
(نفس احساسي في اول يوم ليا في الكلية)
وبعدين في مدرس شافني تايهه ومش عارفة اعمل ايه
فاخدنى ووصلني لفصل من فصول اولى ابتدائي
ولقيت ان المدرسة كانت صديقة لماما
لكن في الحصة الرابعة لقيتهم بينادوا على اسمي
عشان انا كنت في فصل خطأ
والمفروض اروح فصل تاني

روحت الفصل التاني كان عندي ميس منى
وقعدت في اول درج بين اتنين بقوا بعد كده اصحابي أميرة وحسناء
وكان يوم لذيذ خالص وكنت فرحانة اوي



دلوقتي بندم على اليوم اللي فكرت ادخل فيه مدرسة اصلا


معلش طولت عليكم

[ameer]

احلي حاجة فيا اني بنسي قبل ما افتكر فاكيد مش فاكر اول يوم في الكلية يبقي هفتكر اول يوم في المدرسة بس اكيد مكنتش تايه لان ماما مدرسه في المدرسة اللي كنت فيها فاكيد هي اللي وصلتني

[احمد شبند]

حلو الوضوع

كل الى انا فاكره ان كل الناس كانت جاية معاهم ابوهم وامهم

وانا كنت رايح لوحدى


اه

وكنت لابس مريلة كمان

[اميرة الاحلام]

انا مش فاكرة ايه اللى حصل وانا فى ابتدائى بس فعلا كانت من اجمل ايام حياتى ....................... مكنش لسة اعلان الضرايب الجديد نزل .......مصلحتى اولا.................... بس فاكرة ان وانا رايحة اعدادى اول يوم تهت ؟....لانى بصراحة مشيت ورا بنات ثانوى اصلهم كانو لابسين زى .......يس والله كانت ايام حلوة

[S!lent Tear]

بصراحة مشيت ورا بنات ثانوى اصلهم كانو لابسين زى .......يس والله كانت ايام حلوة

ده انتى يتخاف عليكى بقه

[اميرة الاحلام]

ده انتى يتخاف عليكى بقه

لا خلااااااااااااااااااااااااااااااااااااااااص بقى مانا اتعلمت ............ولو انها حصلت تانى وركبت انا وواحدة صحبتى عربية غلط..........و اخدنا مواصلتين تانى عشان نروح .....وعدت على خير

[بسطامى]

أنا مش فاكرة غير انها كانت أجمل أيام حياتى
كان كل زميلى عاوزين يوصلو إعدادى وانا كان نفسى الوقت ميعديش ومكنتش حابة انى اسيب المدرسة دى
كنت بحب المدرسين بتوعى وكانو بيحبونى ولسه مازالو فاكرنى
يلا متفكرونيش باللذى مضى
أما الجامعة دى فمش طايقة
أولا لأنى لسه مصاحبتش حد
بحس دايما فيها انى لوحدى
كل واحد له الجروب بتاعه بيهزرو ويضحكو ويذاكرو وأنا لوحدى مش لاقية حد
بجد بيبقى وقت وحش اللى بين المحاضرات علشان كده

[ASOOOM]

انا بقى كان بابا بيوديني كل يوم من ابتدائي لحد ثانوي ( الصغيرة بقى) و كمان اول يوم في الكليه ايام المدرسه كان اول ما يمشي اديها عياط لحد ما اروح بس اول يوم بس بعد كده من تاني يوم بكون اتعودت و النظام بيبقى عادي اعتقد ان علاقتي بمدرسينى الحمد الله كويسه كمان بالنسبه ليا مرحلة ابتدائي و ثانوي كانوا حلوين جدا و كمان اعدادي لان فيها عرفت ناس كتير لسه مكملين معايا لحد دلوقتي


اسفة طولت



آه نسيت اقول اننا و انا في المدرسة كنت بفهم مش زي دلوقتي عبقرية

[Jailan]

و ده يوم يتنسى
اول يوم ده كان بعد اسبوعين من بدء الدراسه
كنت لسه رايحه كي جى و اخواتى كانوا فى ابتدائى بس نفس المدرسه لانها للاخر
و اول يوم كانت المدرسه فيها اصلاحات
فبعد اما لبست الهدوم الجديده و خلاص هنزل اخويا رجع و قال الى فى كى جى ما يجوش الى بعد اسبوعين قعدنا
بس بابا اخدنى صورتين لسا عندى لحد الان
و مش فاكره بعد كده غير انى كنت فاهمه ان اول يوم اكون فى كى جى و التانى فى اولى ابتدائى و التالت تانيه ابتدائى و هكذا اخلص المدرسه و الدراسه فى اقل من شهر