هى والشغل و البيت

[A.Elrayes]

السلام عليكم

الحياة الزوجية مشاركة و حاجة شبه team work الكل بيساعد بعضه ، لكن محدش بيشتغل عند التانى .
اتمنى انى اكون قدرت اوصل راى ]

اسمحيلي اختلف مع حضرتك تماما في النقطة دي بالذات......
الحياة الزوجيه عمرها متكون تيم ورك لان التيم ورك معناها اتنين بيشتغلوا في اتجاه واحد ولهدف واحد
بس الزوج والزوجة مش كده
الزوج والزوجه المفروض يكونوا كيان واحد مش تيم ورك ....
دا بس تعليق عالنقطة دي ورأيي في الاخر ان شاء الله

المشكلةالى بشوفها كتير قوى ان فى ناس بتعاقب زوجاتها........ازاى؟ انت عايزةتشتغلى يبقى تساهمى فى مصروف البيت وشوية شوية ......تلاقى البيت أصبحمعتمد على مرتبهم هما الاتنين ........فى الحالة دى يصبح شغل الستفرضوليس اختيار......وتلاقيها تقولك يقطع اليوم الى فكرت اشتغلفيه..........وهنا تكمن المشكلة الحقيقية ؟ من الآخر مفيش حد مرتاحوالانسان هو الى بيتعب نفسه.

معلش سؤال يا دكتورة.....
حضرتك بتقولي ان المرأه تشتغل لو بيتها محتاج كده.....
ايه المشكله انها تشارك في مصروف البيت؟؟؟
طيب هي نازله الشغل ليه اصلا؟
اقول لحضرتك حاجه؟؟؟
انا كان في ناس اعرفهم الزوج والزوجة بيشتغلوا
وكانت الزوجه بتقول زي حضرتك كده...
كان لما يكون زوجها تعبان صحيا وطالع عينه عشان يكفي بيته وبالعافيه قادر يغطي مصاريفه ومش بيحاول يقولها حتي تساعده
وتلاقيها هي نازلة تشتري عطر جديد عاجبها ب 100 جنيه وتجيب لبنتها فيست روعه عند محل ب250 جنيه وترجع البيت مبسوطة .....
هو ده الشغل؟ كده هي حققت كيانها؟؟......
اسمحولي اقول رأيي بقي........
انا عن نفسي ان شاء الله لو فكرت في الارتباط هارتبط بصيدلانية ان شاء اللهيعني واحده تعبت في دراستها وطلع عينها علي ما تاخد الشهاده......
اولا الزوج والزوجة كيان واحد وراحت اي منهم هي راحة للطرف التاني
لما الزوج بيرفض شغل الزوجه بيكون غالبا لسبب مش تعنت منه او انه عاوزخدامة وخلاص والا كان اختار واحدة مش متعلمة علي الاقل مش هاتوجع دماغهبحكاية الشغل دي....ولا ايه؟
انا من رأيي لو زوجتي عاوزة تشتغل هاتفق معاها ان بيتها وقبل بيتها اولادها لازم يكون المحور الرئيسي في حياتها
لو عاوزة تشتغل وتقدر تخلي بيتها مش ناقصه حاجه مفيش مشكله...
ولو مش عاوزة تشتغل مفيش مشكله ومش هاتحس ان في حاجه نقصاها لان فلوس الزوج هي فلوس الزوجة وده اللي اتعلمته واتربيت عليه....
ومش معني ان الزوجه مبتشتغلش انها متقدرش تتواصل مع زوجها ومش هايبقي عندهاخبرة بالحياة بل بالعكس هاتكون علي مقدرة اكبر انها تساعد زوجها لانالاستقرار الداخلي بينعكس علي الزوج في المجتمع
انا مثلا والدتي ربة منزل ومكنتش مكمله تعليمها ومع ذلك هي اللي كانت بتساعدني في دراستي في كلية الصيدلة وهي مصدر معلوماتي لما بحتاج اسأل عن اي حاجه.... وهي المسؤلة عن مصاريف تعليمي...طيب منين
ما انا قلت ان فلوس الزوج هي فلوس الزوجه وعشان الحمل ميكونش عالزوج لوحدهعليه كل المسؤليه والدي بيعطي لامي في اول كل شهر فلوس اللي منها بتصرفعليا وكمان شوية حاجات هما متفقين عليها
عشان كده الزوج والزوجه انا قلت انهم واحد ولو حتي الاتنين بيشتغلوا فلوسهمواحده وحياتهم واحده ومش معني انهم بيقسموا المسؤليات ان خلاص كل واحدملتزم بمسؤلياته وخلاص لا لازم يكون برضو في تشارك يمكن طرف ميقدرش يسدمسؤلياته في وقت معين الطرف التاني يساعده فيها ومش كل شويه بقي يقوله داانا وانا لان مفيش زوج ولا زوجه المفروض تقول الكلمة دي.......
الخلاصة اني لو متزوج من امرأه محترمة تقدر تحافظ علي نفسها مفيش مشكلهانها تشتغل وبكده نقدر نبني بيتنا ومستقبلنا بشكل اسرع ولو بيتها احتاجهاتقدر توقف الشغل لحد ما تسد حاجه بيتها وممكن ترجع بعد كده شغلها او ممكنربنا يكرمنا بصيدليه بتاعتنا تشتغل فيها في الوقت اللي يناسبها وتكون بترضينفسها ومتأثرش علي بيتها
انا اسف لو كنت طولت بسبجد موضوع مهم جدا ولو حد شايف اني قلت حاجه غلط يا ريت يعرفني
-----

لكن كتير هيقول امال البنات بيتعلمو ليه يعنى واحده خريجه صيدله 5سنين مع مجهود بدنى وزهنى متشتغلش وفى الاخر تعقد فى البيت انا من رأى ان المرأه بتتعلم عشان تواكب العصر ويكون مستواها الفكرى والتعليمى موافق لمستوى زوجها الفكرى والتعليمى وانها تكون ام متعلمه فاهمه امور الحياه

بصراحة رأي اكثر من رائع احب احيي حضرتك عليه

[تابعة محمد]

المشكلةالى بشوفها كتير قوى ان فى ناس بتعاقب زوجاتها........ازاى؟ انت عايزةتشتغلى يبقى تساهمى فى مصروف البيت وشوية شوية ......تلاقى البيت أصبحمعتمد على مرتبهم هما الاتنين ........فى الحالة دى يصبح شغل الستفرضوليس اختيار......وتلاقيها تقولك يقطع اليوم الى فكرت اشتغلفيه..........وهنا تكمن المشكلة الحقيقية ؟ من الآخر مفيش حد مرتاحوالانسان هو الى بيتعب نفسه.

بس ده الى بيحصل فعلا ....... واتفق مع الراى ده .
وزى ما دينا بيقول الراجل مش من حقه يتصرف فى فلوس زجته او يطلب منها او حتى يرغمها على انها تدفع لكن العكس هو الى صح .

انا من رأيي لو زوجتي عاوزة تشتغل هاتفق معاها ان بيتها وقبل بيتها اولادها لازم يكون المحور الرئيسي في حياتها

اتفق مع حضرتك فى الرأىيا دكتور احمد بس لو هى اشتغلت فعلا انت كزوج هتساعدها و هتخلى كل حاجة عليها .

وبعدين فى نقطة لازم توضح مش كل الناس الى مامتهم بتشتغل طلعوا مش متربين كويس ، ومش كل الى مامتهم مش بتشتغل اتربوا كويس .

الخلاصة اني لو متزوج من امرأه محترمة تقدر تحافظ علي نفسها مفيش مشكلهانها تشتغل وبكده نقدر نبني بيتنا ومستقبلنا بشكل اسرع ولو بيتها احتاجهاتقدر توقف الشغل لحد ما تسد حاجه بيتها وممكن ترجع بعد كده شغلها او ممكنربنا يكرمنا بصيدليه بتاعتنا تشتغل فيها في الوقت اللي يناسبها وتكون بترضينفسها ومتأثرش علي بيتها

يعنى الخلاصة موضوع نسبى بيختلف حسب البيئة و المجتمع ، يمكن حضرتك شخص محترم و يمكن غيرك مش بيقدروا قيمة المرأة .
و المرأة مش بتشتغل علشان بس تجيب فلوس لكن بتشتغل علشان تحقق ذاتها وطموحها ، واظن فى ستات كتير يقدروا يتحملوا مسئوليات صعبة ، و ينجحوا فيها .......... يا جماعة المرأة مش بس واحدة كل مهمتها فى الحياة تجيب اولاد وتربى وبعد ما تربيهم يبعدوا عنها و ينشغلوا بحياتهم وتكون هى وحيدة .
لكن كيان بيحس وبيفكر و ليه طموحات و احلام من حقه يحققها ، ومش اظن ان الراجل الشرقى ممكن يتزوج مراة وهو حاسس انها اذكى منه او اكثر مهارة ونجاح عنه .

الزوج والزوجه المفروض يكونوا كيان واحد مش تيم ورك ....

لو ده قصد حضرتك ، فهو مش يختلف عن قصدى خالص .

[A.Elrayes]

اتفق مع حضرتك فى الرأىيا دكتور احمد بس لو هى اشتغلت فعلا انت كزوج هتساعدها و هتخلى كل حاجة عليها .
.

اكيد طبعا هاساعدها بس في حاجات مينفعش اساعدها فيها.......مش هاولد مثلا
يا جماعة الشغل للمرأة مينفعش نقول انه غلط بس للاسف المرأه مع التحر اللي احنا عايشينه نست ان ليها اولويات
فياريت نرجع للاسلام شويه هاتلاقوا ان السيدة خديجة كانت ثرية وكانت تاجرة ولكنها كانت تستأجر الرجال للقيام باعمال التجارة لها وذلك لعدم مخالطتها مع الرجال

وبعدين فى نقطة لازم توضح مش كل الناس الى مامتهم بتشتغل طلعوا مش متربين كويس ، ومش كل الى مامتهم مش بتشتغل اتربوا كويس .


.

انا مقلتش كده لان في مقومات تانيه في تربيه الاولاد منها حب الزوج لزوجته والتفاهم بينهم بس ده ميمنعش اننا لو افترضنا بيتين متماثلين في كل حاجة بس الفرق ان في بيت الزوجة بتشتغل والبيت التاني الزوجة مش بتشتغل اكيد هاتلاقي البيت التاني تربية الاولاد هاتكون احسن.....اتمني وجهة نظري تكون وصلت

و المرأة مش بتشتغل علشان بس تجيب فلوس لكن بتشتغل علشان تحقق ذاتها وطموحها ، واظن فى ستات كتير يقدروا يتحملوا مسئوليات صعبة ، و ينجحوا فيها .......... يا جماعة المرأة مش بس واحدة كل مهمتها فى الحياة تجيب اولاد وتربى وبعد ما تربيهم يبعدوا عنها و ينشغلوا بحياتهم وتكون هى وحيدة .
لكن كيان بيحس وبيفكر و ليه طموحات و احلام من حقه يحققها

.

مع احترامي الشديد لحضرتك بس لو حضرتك سألتي والدتك كانت عامله او لاء ايه اكتر وقت حسيتيفيه انك ارضيتي طموحاتك وحققتي كيانك
هاتقولك اني ربيتكم علي القيم والاخلاق ووضعتكم في مستوي رفيع
وحكاية تجيب اولاد وتربي دي ان لم تكون مهمتها الوحيده فهي مهمتها الاولي وتأتي بعدها كل المهام بعد فراااااغ كبير فلا يمكن مقارنة هذا العمل باي عمل اخر

[The Princess]

السلام عليكم يا شباب
وحشتنى الكلية و الله و ايام الكلية و النقاشات اللى من النوع ده ... كلها حاجات بتتكلم عن بكرة و هنعمل ايه و هنبنى حياتنا ازاى كلام جميل بيرجع الواحد شباب من تانى ههههه معلش اصل التخرج و الجواز و الشغل بيحسسوا الواحد انه عجز بصراحة
المهم ... طبعا ايام ما كنت فى الكلية انا و اصحابي كنا بنقعد نقول الشغل لا البيت و احقق ذاتى كلام عظيم كله اتخرجنا و اتجوزنا و اشتغلنا و خلفنا كمان و اكتشفنا حاجه واحدة بس ان الشغل ما هو الا شقى من اجل لقمة العيش الحياة الواقعية غير كده خالص يا جماعه البنات اللى بيتمسكوا بالشغل فى حال رفض الزوج فاكرينها رحلة جربي تقومى من النوم من 6 و لا 5 و نص تلبسي و تفطرى و توضبي البيت و تجهزى البيبي و تشوفيلك حتة تسبيه فيها و تتطلعى جرى على مستشفى الحكومة تقعدى من 8 ل 2 مع الدفاتر و الورق زى بتوع الارشيف و اللى يقولك يا ابله و اللى يرخم عليكى لا شطبوا لا الحوافز مجتش لا مش عارف مين عمل ايه ... قرف من الاخر
و ترجعى بعد كل ده تاخدى ابنك تحميه و تاكليه و تعملى شغل البيت و ترتاحى ساعه علشان يا دوب تدخلى تنامى من 10 هو ده الكيان و هو ده الذات ؟؟؟ بلا نيله قعدة البيت قبل ما الواحد يشتغل و الله ما كان فى احلى منها و اوعى تفتكرى انك هتكونى فاضيه البيوت مسئولية جامدة فيه طفل و فيع زوج و في طبيخ و غسيل اطباق و هدوم عاوزه تتنشر و تتلم و تتطبق و تروح الدولايب و مسح و كنس و تنضيف و مكواه و الله انا اول ما اتجوزت كنت باجى على اخر اليوم بحس انى مضروبه علقه الى انى اتعودت بعدين غير لبخة الاطفال و مشكلة سيبانهم عند الناس حتى لو مامتك او حماتك و كانت طيبة برضه مشكلة فعلا
اللى عاوزه اقوله ان من الاخر ان اللى مش محتاجه الشغل تقعد فى البيت احسنلها بجد الواحد ان كان بيشتغل هو بيشتغل علشان الظروف المادية لانك كده كده هتساعدى فى مصروف البيت و ان لم تساعدى على الاقل هتتحملى مصاريفك الشخصية بالكامل و لبسك و موبايلك و الخ يعنى زى عدمه
و الله انا اصحابي كتير اجوازهم هما اللى عاوزينهم يشتغلوا واحدة منهم جوزها ظروفه ممتازة و عندها بيبي و مش عارفه توديه فين يقولها اشتغلى علشان تشيلي مصاريفك ..... من الاخر الرجالة ما بتصدق تريح دماغها
الشغل شغل مش فسحة سواء حكومة سواء صيدليات يعنى كله بتمنه و المرتب اللى الواحد بياخده بيدفع تمنه من صحته و اعصابه و راحته فالتفكير ضرورى قبل اتخاذ قرار زى ده
ربنا يوفقكم جميعا و اشوفكم على خير

[Pharmcist_girl]

اعجبتنى ردودكم كلها يا جماعة
اتمنى التوفيق للجميع

[تابعة محمد]

اكيد طبعا هاساعدها بس في حاجات مينفعش اساعدها فيها.......مش هاولد مثلا
يا جماعة الشغل للمرأة مينفعش نقول انه غلط بس للاسف المرأه مع التحر اللي احنا عايشينه نست ان ليها اولويات
فياريت نرجع للاسلام شويه هاتلاقوا ان السيدة خديجة كانت ثرية وكانت تاجرة ولكنها كانت تستأجر الرجال للقيام باعمال التجارة لها وذلك لعدم مخالطتها مع الرجال

انا مقلتش كده لان في مقومات تانيه في تربيه الاولاد منها حب الزوج لزوجته والتفاهم بينهم بس ده ميمنعش اننا لو افترضنا بيتين متماثلين في كل حاجة بس الفرق ان في بيت الزوجة بتشتغل والبيت التاني الزوجة مش بتشتغل اكيد هاتلاقي البيت التاني تربية الاولاد هاتكون احسن.....اتمني وجهة نظري تكون وصلت


مع احترامي الشديد لحضرتك بس لو حضرتك سألتي والدتك كانت عامله او لاء ايه اكتر وقت حسيتيفيه انك ارضيتي طموحاتك وحققتي كيانك
هاتقولك اني ربيتكم علي القيم والاخلاق ووضعتكم في مستوي رفيع
وحكاية تجيب اولاد وتربي دي ان لم تكون مهمتها الوحيده فهي مهمتها الاولي وتأتي بعدها كل المهام بعد فراااااغ كبير فلا يمكن مقارنة هذا العمل باي عمل اخر

كلام جميل ، بس لسه عند راى وهو ان الموضوع نسبى ، وبيختلف حسب طبيعة الزوجين . يعنى ممكن اكون عايزة اشتغل دلوقتى بس بعد كده اغير راى ومش اشتغل او العكس .

يعنى مش حاجة كده زى الافطار فى رمضان حلال ولا حرام ، موضوع قطعى وليه اجابة محددة ، لكن موضوع مختلف وبيعتمد على طبيعة الحياة الزوجية .

[kannoone]

اولا السلام عليكم ، والله انا تقريبا قريت الردود كلها وعاجباني جدا لانه طبعا كل واحد بيتكلم حسب ظروفه ، اذن نتفق من الاول انه مفيش حاجة مطلقة والحاجة الي مناسبة لحد دلوقتي ممكن تكون مش مناسبة بعد كده.
بالنسبة لرايي انا بقة، ليه البعض مش مصدق ان خروج المراة للعمل تحقيقا لذاتها اولا وعلي فكرة انا لا اقصد العمل الحكومي مطلقا لاني دايما بقول انه بيرجع مستواها الفكري الا ما رحم ربك ، باستثناء يعني انها بتقابل ناس وبتاخد خبرة . وايضا بالتاكيد لا اقصد مجال الدعاية فهو مرفوض بالنسبة لي جملا وتفصيلا ولكن ان كان هيرضي طموح البعض فكل واحد وظروفه .
انا بتكلم مثلا علي البنات الي عايزة تكمل دراستها العليا بعد التخرج مثلا وبتفكر تشوف فرصة شغل مناسبة لتفكيرها ، بيتهيقلي انه المفروض مفيش راجل يعترض علي كده بحجة مثلا انها هتقضي ساعات طويلة في الدراسة وهتاثر في البيت او كده يعني .
وانا معاكم انه اكيد هيبقي في تاثير سلبا علي البيت بس ايه المانع ان الكل يستحمل علشان يحقق طموحه زي بالظبط الرجل الي بيعمل وبيقصر في بيته و اولاده وبيكون معاه حق بس الست ممكن تستحمل ليه بقة مش عارفين نستحمل المراة الي عايزة تشتغل علشان ترضي طموحها الي في رايي ده من اهم حقوقها كانسانة ربنا وهب لها عقل و عايزة تستخدمه !!!!!!!
وليه دائما رابطين شغل المراة بانها تساهم في مصروف البيت ولو البيت مش محتاج يبقي متنزلش وليه مش بنشوف هي محتاجة ايه ؟؟؟
واعتقد انه في بنات واعية جدا لدرجة انها تقول امتي ممكن تشتغل وامتي ممكن توقف شغل ولو لفترة معينة لانه طبعا مفيش اختلاف انه بيتها واولادها مهمين جدا بس هي الي تقرر كده وطبعا كل شئ بالاتفاق .

[DR DOOLA]

تنزل تشتغل عشان تعرف اول حاجه القرش بيجى ازاى ؟ و الشغل بيعلم و بيدى خبره فى الحياه و بيحسسها بقيمتها و كمان لو قعدتها فى البيت هتقرف فيا و هتبقى دماغها فاضيه و عندها فراغ قاتل و عشان ايه ؟ عاوزه تشتغلى ؟ اتفضلى ,,, و لكن ,, الاهتمام ببيتنا مطلوب مطلوب مطلوب

[drpinkysnow]

بصراحة شغل المراة او عدم شغلها الاتنين ليهم مميزات وعيوب مفيش حاجة كلها مميزات
شغلها من عدمه حاجة قدرية مش هى الى بتحددها وسواء لو اشتغلت وساعدت فى مصروف البيت وبيتهيالى دى حاجة دلوقتى كل راجل بيطلبها نظرا لصعوبة المعيشة والمراءة الى مبتشتغلش دى حاجة حلوة جداااا لانها فى البيت بتهتم باولادها وبيبقوا حاجة فى الاخر دى ميزة بس مش فى كل الحالات بس فى حالة اما يكون الزوج مكفى بيته ومش محتاج مساعدة من زوجته

دى حاجة تبع الظروف ومش ثابته
اتمنى ان كلامى يكون واضح ومفهوم

دة مجرد راى شخصى

[Rooose]

مفيهاش حاجة لما تشتغل وخصوصا قبل مسئولياتها متبقي كتير وبعد كدا ظروف حياتها أكيد هي اللي هتحكم والأولوية أكيد لاسرتها وبيتها.. بعد كل البهدلة اللي بنشوفها في الكلية دي صعب انها تقعد في البيت..
وبعدين الشغل مش هيبقي طول اليوم ولا كل يوووووووووم طول الاسبوع ،وأكيد فيه بدائل وكل واحد يختار اللي يناسبه.