مش فاهمة؟؟؟

[M.32L]

ياجماعة أولا السلام عليكم أحب أقول حاجة واحدة أنه من حق كل فرد ان يطالب بحقه ولكن بأسلوب محترم و مهذب وهذا هو ما فعله زملائنا فطالبو بحقوقنا البسيطة المتواضعة بكل أدب و احترام فما العيب فـــــــى ذلك أجـــــــــــــــــــــــــــــيـبـونـــــــــــــ ــــــــــــى

[dr emy.hassan]

كمان أما دكتور عبد المنعم اتسأل عن سعر الكتاب وقال ان فى كتاب ما حالته كذا وكذا وبثمن كذا من المنطقى جدا جدا جدا انى ما اقارنش بحاجه غلط

وهنا هقول مثال بفكر فيه من امبارح
بصوا يا جماعه لو أنا بقالى عشر سنين بشترى بسكوته تمنها الحقيقى جنيه وأنا بشتريها بعشره جنيه
وأى حد فى حضراتكم بتشتروا بسكوته أحسن شويه تمنها الحقيقى 2 جنيه وهوا بيشتريها ب 12 جنيه
وبعد عشر سنين انتوا قلتوا مش هناخد البسكوته ب12 جنيه والبياع قال ليكوا ما هوا فى واحد تانى بشترى بعشره جنيه وحاجه اوحش
ياترى هيكون اى الرد ؟
طبيعى ان ده وده غلط
فمش ينفع أقارن غلط بغلط
كلام حضرتك يا دكتور تمام
بس دكتور عبدالمنعم كان مترفز فى التوقيت ده فعلشان كده فهم حضرتك غلط
وكلنا متأكدين ان حضرتك متقصدش الاهانه

كمان نقطه بجد أنا آسف جدا جدا جدا على اللى حصل بعد المحاضره منى شخصيا لكن بجد اتنرفزت جدا جدا جدا من الدكتوره اللى قامت وقالت احنا مش بنفوض حد يتكلم بامنا ودكتور عبد المنعم وجه الكلام ليا انا بس وطبعا أنا اتعصبت جدا جدا جدا من الكلمه دى بدرجه لاتوصف وعملت حاجه مش لطيفه بالمايك فياريت بجد اللى من جروب b وكان حاضر وعارف مين اللى اتكلم يعتذر لحضرتها بالنيابه عنى وكمان ياريت يقول انى فعلا مش اتكلمت باسم حد لأنى غير مفوض بده لكن انا طالب واكيد فى حاجات كتير جدا بعانى منها زيى زى كتير جدا فى الدفعه فأكيد بحاول أطلب حقى بس من غير من أسيئ الأدب

لكن كالعاده العصبيه تفعل بى ما تفعل بدون اى تمالك للأعصاب فقط الغيظ والنرفزه هما اللى بيتحكموا فى بعض الأوقات

فأنا آااااااااااااااااااااااااااسف جدا

عامه انا معرفش ايه اللى حصل بعد المحاضرة لانى خرجت علطول
بس الدكتورة اللى وقفت اكيد مكنتش تقصد اى اهانه هى لمجرد انها حسيت ان دكتور عبد المنعم زعل حاولت تخفف من حده الموقف
وتهدى دكتور عبد المنعم
وانا لما خرجت بعد المحاضرة كلمنا دكتور عبدالمنعم انا وبعض البنات واتأكدنا انه مش زعلان

-----

على فكره ي جماعه فى حاجه نسيت أقولها وهيا انى لما اعتذرت لدكتور عبد المنعم اعتذرت على سوء الفهم اللى حصل

مش انى غلطت لانى فعلا مش غلطت

تمام يا دكتور
وكلنا فاهمين اللى حصل وان حصل سوء تفاهم

[لؤلؤه النيل]

كمان نقطه بجد أنا آسف جدا جدا جدا على اللى حصل بعد المحاضره منى شخصيا لكن بجد اتنرفزت جدا جدا جدا من الدكتوره اللى قامت وقالت احنا مش بنفوض حد يتكلم بامنا ودكتور عبد المنعم وجه الكلام ليا انا بس وطبعا أنا اتعصبت جدا جدا جدا من الكلمه دى بدرجه لاتوصف وعملت حاجه مش لطيفه بالمايك فياريت بجد اللى من جروب b وكان حاضر وعارف مين اللى اتكلم يعتذر لحضرتها بالنيابه عنى وكمان ياريت يقول انى فعلا مش اتكلمت باسم حد لأنى غير مفوض بده لكن انا طالب واكيد فى حاجات كتير جدا بعانى منها زيى زى كتير جدا فى الدفعه فأكيد بحاول أطلب حقى بس من غير من أسيئ الأدب

لكن كالعاده العصبيه تفعل بى ما تفعل بدون اى تمالك للأعصاب فقط الغيظ والنرفزه هما اللى بيتحكموا فى بعض الأوقات

فأنا آااااااااااااااااااااااااااسف جدا

على فكره ي جماعه فى حاجه نسيت أقولها وهيا انى لما اعتذرت لدكتور عبد المنعم اعتذرت على سوء الفهم اللى حصل

مش انى غلطت لانى فعلا مش غلطت

اولا انا كنت ناويه احيى حضرتك بدون تعليق
لكن لما شوفت الجزء ده غيرت رايى
طبعا بحيى حضرتك برده على اللى قولته فى المدرج وهنا فى المنتدى
لكن انا بتضايق اوى لما الاقى حد بيعتذر وهو مش غلطان لا وكمان بيعتذر للمخطئ
حضرتك لو كانت الدكتوره مفوضتش حد يتكلم عنها فى غيرها فوض وغيرها عاوز يطالب بحقه
وعليها وعلى غيرها انه يحترم ده
وحتى لو كنت بتتكلم باسم نفسك بس ليك الحق ان رايك يتسمع وليك الحق انك تاخد فرصتك فى طلب حقك لكن اللى حصل انها ضيعت كل تعبنا بكلمتها ووضعت حضرتك والدكتورتين زمايلنا اللى اتكلموا فى موقف محرج موقف الطالب اللى اهان استاذه
مع ان ده طبعا محصلش
ومره تانيه بحيى حضرتك وبقول ان كلامك مكنش غلط ولا حاجه كلام حضرتك صح مليون فى الميه
ولا اسات الادب ولا فى حد فينا عمل كده
لكن للاسف احنا اتعودنا هنا فى مصر ان اللى يطالب بحقه يبقى قليل الادب وهناخد وقت طويل اوى على ما الفكره دى تتغير فلازم نتحمل لحد مايحصل التغيير
-----

كتاب الفسيولوجى بتاع طب
الترم الاول كان منظم جدا
وبرده الناس مش اشترت الكتاب واكتفت بورق الكورسات
مع ان الكتاب كان فيه كل الكلام اللى الدكتور بيقوله
خلاص احنا اتعودنا على كده والدليل ان طلبة طب بيذكروا من نفس الكتاب ده
والله ياريت كتب كليتنا زى كتب طب
بصراحه فرق شاسع بينا وبينهم
بس خدى بال حضرتك يادكتوره
كتب طب كان فيها ماده علميه محترمه ومنسقه وكتاب فعلا جيد
ده غير كده لو مشتريتيش الكتاب مش هتنقصى فى الدرجات ولا حاجه يعنى مفيش اجبار على شرا الكتاب
عشان كده منقدرش نقلهم قللوا السعر كده بقى يبقى بجد بنبخسهم حقهم
ده غير ان طب دول عندنا سنه وحده يعنى نستحملهم حتى لو مش على المستوى المطلوب (لا سمح الله وطب اعلى من المستوى بكتيير)
تعالى بقى قارنه ده بكليتنا
ماده علميه سيئه بلاش اقولك صفر
تنسيق كتاب مفيش كتاب شكله ميفتحش النفس ابدا
ده غير ان فى اجبار على سرا الكتب ومعانا الخمس سنين مش سنه واحده وخلاص
طبعا ساعتها يبقى لينا الحق نطالب بتقليل سعر الكتاب وتحسين محتواه
حكاية ان برده اشترينا ورق الكورسات مش الكل عمل كده ده اولا
واللى عمل كده بسبب التعود وانعدام الثقه فى الكتاب الجامعى ككل
وده طبعا بسبب كليتنا المصونه واساتذتنا الافاضل
يعنى مش من فراغ

ورق الكورسات خلاص بقى المصدر الاول والاخير
لانه بيقول المختصر المفيد عشان الامتحان
بس اللى بيتعلم عشان يفيد نفسه اكيد يفضل المصدر
تانى هقول ده مش من فراغ
واه عشان الامتحان امال انتى فاكره ان عندنا ماده علميه بجد ولا ايه ؟؟؟
واللى بيتعلم عشان يفيد نفسه اكيد مش هيتعلم الحاجات العقيمه اللى احنا بندرسها دى مفيش حد بيحب يدرس تاريخ التاريخ
وماضى العلم
اللى عاوز يفيد نفسه بيدور على ماده علميه بجد ومحتوى يغذى العقل
مش يخليه خراب

وبالنسبة لكلام د/عبد المعنم
فى مجموعة A مش قال ان تكلفة العملى اعلى من الاتنين
وكلامه كان مقنع جدا ده من وجهة نظرى المتواضعة
بس انا مش سمعت كلامه فى مجموعة B
يعنى انتى عاوزه تقنعينى ان مفيش اى مكسب؟؟؟
وبعدين مايفهمنا ازاى ؟؟؟
يقولنا كلام يقنع مش يضايق اننا بنتناقش معاه ويقفل باب الحوار

وبالنسبة اننا نختار الدكتور
لما كل الكلية تطبق النظام نبقى احنا وقتها ممكن نختار من يدرسلنا
لو سمحت تخيل نفسك مكان الدكتور.....ارجوك
طيب ما الدكتور يتخيل نفسه مكانا وينزل لمستوانا
ليه يبقى الحمل كله علينا كطلبه
وبعدين ليه منبدأش احنا بالتطوير ليه نستنى ونقول لما ده يعمل وده يعمل ابدأى بنفسك هتلاقى كل اللى حواليكى بيتصلح

وكمان الاسلوب فى الطلب يكون كويس مش بالاسلوب اللى اتعرض علينا فى المدرج
ليه بتاخدى الكل بذنب الجزء
مين قال ان الكل موافق على اسلوب الاسائه
مع مراعاة ان المطالبه بالحقوق متعتبرش اسائه

هاكرر كلامى تانى
نطلب من الدكتور انه يشرح ببطىء شوية اوك مش مشكلة
(وفعلا ده حصل بس بعد ما الاول اتعملنا بالاسلوب اللى مش يليق بطلبة كلية صيدلة)
ومجموعة من الطلبة يطلبوا منه ان الامتحان يكون كويس عشان ظروف الترم ده

والدكتور بجد طيب جدا وحضرته اكيد مش ضد مصلحتنا واكيد هيراعى ده

واتعمل ده فعلا
وفى انتظار التنفيذ

[heba yusuf]

نفسي اعرف ليه في ناس بتعامل الدكتور علي اساس انه حاجة خارقة و ماليش حق اقوله انا مش بفهم منك....... العييب عندنا في مصر ان اي حد خد دكتوراه ادخله يدرس للطلبة و ده غلط شنييييع لأن في حاجة اسمها ملكة توصييل المعلومة و ده للاسف عند عدد قليل جدا من دكاترتنا.... و مفهاش اي حاجة علي فكرة و لا تقلل من الدكتور في حاجة لما يعرف ان احنا مش بنفهم منه لان احنا محتاجيين شرح ابسط و اذا كان الدكتوور مش قادر علي ده يبقي يتفضل بكل ادب لان الهدف من التعليم الطلبة مش بنكرم الدكتوور انه يدرسلنا يعني!!!!!! يبقي انا من حقي اني اختار الدكتوور اللي يدرسلي عشان انا افهم و اتخرج افييد بلدي مش اكرم الدكتوور و اطلع و لا فاهمة حاجة!!!!!

[dr\h elfe2e]

الموضوع ده اول مره اشوفه
وتحياتى لجميع الاراء
اولا بالنسبه للعضويه
احنا كنا بناخدها
شفهيا
ماكنش فيه شرح ع البورد
خاااااالص ( قليل يعنى)
وطبعا احنا مش عبقره
علشان نفهمها بالطريقه دى
وكمان كان الكلام بيبقى سريع
يعنى ياتلحق يامتلحقش
بس دلوقتى فيه تغييير
بقى الدكتور بيشرح ع البورد
والكلام بقى عادى
بس لسه برضه محتاجين اكتر من كده
يعنى مثلا لما تيجى حاجه
احنا اخدناها قبل كده الترم ال فات
وع اساسها هنفهم
الجزئيه دى
ايه المانع ان الدكتور يفكرنا بيها
ونبقى مواصلين معاه
بس انا الترم الاول كنت بخرج1%
دلوقتى يعنى40%
طبعا ده كويس جدا
(دكتور عنده علم بس ماكنش عارف يوصلنا ده ازاى
يبقى احنا نتناقش معاه ونقوله ع ال محتجينه منه
طالما فيه تغير للاحسن نبقى نستمر معاه ونقوله احنا لسه محتاجين ايه)صح؟؟؟؟؟؟؟
اما بالنسبه للصيدلانيات
د\حسن شرحه مش معقد وكلامه مفهوم
انا عن نفسى بتابع معاه اول نص ساعه
وبفصل ع الاخر
محتاج مجهود ع اسمعه وركز معاه
وده غلط ايه المانع انه يعملنا ريفرش
ودا الصح انا شوفت محاضرة زويل
وهو بيشرح الDNA
والله ماتزهق لازم كده المحاضر يجذب انتباه ال بيسمعله
اما عن المذكرات فهيه حاجه مأسويه
تتوه لو فتحت مذكره فى اى ماده
مش صيدلانيات بس
مايشجعش ان الواحد يفتحه
وياجماعه فى الاول وفى الاخر احنا كلنا اخوات
والدكاتره هما ابائنا
واحنا مش عاوزين غير اننا نتعلم صح
احنا بنطالب بايه يعنى؟؟؟
كل اللى عوزينه اننا نتعلم ونستفيد مش اكتر
ودى مش خلافات شخصيه
ندعوا الله ان يوفقنا لما يحبه ويرضاه
وان يزيدنا بالعلم النافع

[drkimo 4 ever]

هو فيه نقطه صغيره جدااااااااااااااااا
بسال فيها الناس اللى معترضه على كلام الدكتور عبد المنعم
هو ليه دلوقتى بس مش عاجبنا الدكاتره كلهم حلوهم ووحشهم
دكتور عبد المعم محترم جدااااااااااااااااا
واللى اعتذر للدكتور مجرد تحسين للموقف
مش اننا خلاص الموضوع انتهى
لا لازم يتفصل العملى عن النظرى
بس الموضوع محتقن بجد
اما الدكتور عادل اه مش بفهم منه حاجة ومش بحضر محاضراته
بس مش عشان اشيله نروح نقول عليه انه مش بيعرف يشرح

[cute girl]

السلام عليكم ورحمة الله وبركاته

د/لؤلؤة
انا موافقة حضرتك تجيبى ليا الاسماء واروح لد/عبد المنعم
بس احب اقول لحضرتك حاجة
فى حاجة اسمها بحث اجتماعى للى مش بيقدر يشترى الكتب
وكمان احب اقول لحضرتك
انه الدكتور من حقه انه يستفيد من الكتاب
لان حضرته بذل مجهود انه يكتبه

وبلاش ننقلل اوى من كليتنا يادكاترة ولا من الدكاترة اللى بيدرسوا لينا
وكمان انتم قصدوا دكاترة بجد محترمين وانا بفهم منهم كويس جدا ومش انا لوحدى
مع ان فيه دكاترة تانية مش بنفهم منهم ولا كلمة ولا حد اتكلم عليهم

بالتوفيق
وشكرا

[الفراشة الرقيقة]

يا جماعة للمرة المليون إحنا و الله العظيم قادرين نشترى الكتاب بس إحنا طلبنا كتاب العملى يتفصل عن النظرى يعنى مينفعش الطالب يكون مجبر على شرا حاجة هو مش عاوزها
كليات كتير فصلت من زمان كتاب العملى عن النظرى و من الكليات دى طب و تجارة و كمان وصل تمن كتاب العملى 15 جنيه

[cute girl]

يعنى حضرتك ينفع نقول للدكتور بعد اذن حضرتك

احنا مش عايزين كتاب حضرتك
لاننا هنعتمد ع الورق الخارجى

بأى منطق يعنى
وخصوصا اذا كانت المادة نظرى زى الصيدلانيات
يعنى كويس جدا ان اى حد ممكن يفهمها من الكتاب

يعنى عايزة افهم اذا كانت الثورة دى مش اتعملت كان برده ده كان هيبقى رد فعلنا

ولا احنا واثقنا فى نفسنا زيادة وفقدنا الثقة فى كل السلطات اللى حولينا

بلاش الموضوع يوصل لأزمة ثقة بينا

يا جماعة لازم نلتمس العذر للدكاترة

ولا كل واحد خلاص بيقول هو كده وخلاص

حد هيقولى طيب ليه الدكاترة مش تلتمس العذر لينا

تلتمس العذر ازاى ؟؟؟؟؟؟؟

واحنا بنقول اننا نقدر نشترى بدل الكتاب عشرة
بس احنا مش مجبرين على حاجة

وهم فعلا ملتمسين العذر بدليل ان فيه بحث اجتماعى
واذا حضرتك مش عملته ممكن تطلب ده من اى دكتور ومش عيب واكيد الدكتور هيحترمك ومش يقلل من قيمتك

يا جماعة
اذا الدكتور شايف ان حضرته اذا فصل الكتاب مش يضره اكيد هيفصل الكتاب

اكيد مش يتأخر .....عناد وخلاص
اكيد احنا مش وصلنا للمرحلة دى يعنى

كلمة اخيرة

هو كل حد فينا مقتنع بوجهة نظره...اوك......مش مشكلة
بس بلاش يتحول لصراع
فى الاخر احنا هدفنا واحد

[dr\h elfe2e]

[quote=cute girl;397092]

السلام عليكم ورحمة الله وبركاته
وعليكم السلام ورحمة الله وبركاته
د/لؤلؤة
انا موافقة حضرتك تجيبى ليا الاسماء واروح لد/عبد المنعم

بس احب اقول لحضرتك حاجة
فى حاجة اسمها بحث اجتماعى للى مش بيقدر يشترى الكتب
انتى ليه حضرتك مش فاهمه قصد الناس ايه؟؟؟؟؟؟؟؟؟؟؟؟
انا ممكن اشترى كتاب اغلى من كده بس بستفيد منه
حاجه مش بتفيدنى
اشتريها ليه؟؟؟؟؟ سبحان الله!!!!
وكمان احب اقول لحضرتك
انه الدكتور من حقه انه يستفيد من الكتاب
لان حضرته بذل مجهود انه يكتبه
واحنا كمان من حقنا نستفيد
انت بستفيدى منه
غيرك وده الاغلبيه مش مستفيده
ياجماعه مش معنى انى بقول مش عاوزه المذكره
او مش فاهمه من الدكتور
انى كده ضد الدكتور
ياريت نفرق
بقى


وبلاش ننقلل اوى من كليتنا يادكاترة ولا من الدكاترة اللى بيدرسوا لينا
مش تقليل والله الدكاتره علماء لهم كل التقدير والاحترام
وكمان انتم قصدوا دكاترة بجد محترمين وانا بفهم منهم كويس جدا ومش انا لوحدى
عادى مش كل الناس بتتفق ع حاجه بس دى الاغلبيه
مع ان فيه دكاترة تانية مش بنفهم منهم ولا كلمة ولا حد اتكلم عليهم
طيب ماكده حاجه للاسف سلبيه ليه ماتقوليش انتى محتاجه ايه
وفى الاول والاخر هدفنا كلنا واااااااااااحد والله