عملية زرعْ إلحاد....(ق.ق)

[محمد فهمي]

مممممممممم ،،هو أول جزء جميل أوووووى ،،وسببلى حاله من الغيظ بسبب هذا الشيخ الذى يٌدعى بالخطيب "لو كنت فظآ غليظ القلب لأنفضوا من حولك وتركوك قائمآ"""""
وللاسف فى ناس بتتعامل بالأسلوب دا ،،،وللاسف برده ملهاش تأثير.
وناس البسمه مش بتفارق وشها وبتتكلم بهدوء ،،،وبتلاقى تأثيرها ملهوش
حل ........

هههههههه ماشي يادوك..طالما غاظك ده المطلوب، كنت هزعل لو محصلش كده
ــــــــــــــــــــــــــ
أما بالنسبه للتحول الى حصل فى القصه ان الشيخ :::::فده بيدل إن دوام الحال من المحال ،،،وان حال الغير الى بتنفر منه ومش بتديهم بصيص من الامل انهم ممكن يتغيروا للافضل وانك جاهل بظروفهم وانهم ممكن يكونوا مجبورين على كدا ،،ممكن جدآ فجأه تلاقى نفسك فى نفس حالهم ،،،"وكما تدين تدان "،!
دوام الحال من المحال.....دي حاجة كويسة ممكن نطلع بيها برده بجانب حاجات تانية أكيد..بس دي نقطة مهمة جدا
ــــــــــــــــــــــــــــــــــ
قصه جميله اوووووووووووووووووى اوى دى يادوك ،،،هو ممكن تكون فرصتها قلت علشان خرجت شويه عن الموضوع علميآآآآآآآ،،،،واتجهت نحو جانب دينى
واجتماعى أكتر .....

ممكن فعلاً...وأنا أفتكر كده برده....بس كده القصة درامية أكثر علشان كده كنت ببتعد عن موضوع زراعة الاعضاء غصب عني..كنت لما أقرب منه بشكل كبير أحس إني بكتب مقال مش قصة..
ــــــــــــــــ
"تسلم إيديك يادوك"

وتسلم ايدك يادكتورة....وشكراً علي كلامك ده...منتظرك علي طول في قصصنا المتواضعة
خالص التحية دوك أماني وربنا يوفقك كده ونشوفك فيلسوفة وكاتبة كبيرة


-----

اولا:الفكرة جميلة جدا ومختلفة بجد
مبسوووووووووط وشكرااااااا يادوك
ثانيا: القصة ممتعة جدا وخلتنى اتشد قوى وانا بقراها
مبسووووووووط أكتر....
ثالثا: المعنى اللى وصلنى ان حضرتك بتناقش قضيتين قضية علماء الدين اللى بيتعاملو مع الناس من غير اى فهم للدين ومبيفهموش ان ربنا فاتح باب التوبه لكل الناس طول الوقت العاصى قبل المطيع وقضية زراعة الاعضاء
رابعا : مش عارفة ليه محستش ان حضرتك ركزت اوى على قضية زراعة الاعضاء بمعنى انك تناقش اسبابها , راى الدين فيها , افكار
وأنا حسيت بكده فعلاً...شكراً يادكتورة هبة علي لفت الإنتباه
الناس حواليها مع ان هى موضوع المسابقة متهيالى ان الشيخ ده ممكن كان يموت بتشدده او تشدد اهله على ان زراعة الاعضاء حرام مثلا او لو عرف ان القلب اللى هيتنقله هو قلب الشاب الملحد او اى حاجة تانيه مش عارفة لكن لو القصة ديه فى غير موضوع المسابقة
فهى رائعة بجد وفكرتها هايلة جدا
أنا حطيت النهاية كده علشان تبقي عالية في الدراما وحاولت أعملها سيناريو تاني لقيت ده أكتر حاجة توصل القصة للذروة..فحادت عن موضوع زراعة الأعضاء بشكل كبير واكتفت إشارات لا تتناسب مع موضوع المسابقة الأساسي

خامسا:حضرتك ماشاء الله عليك متمكن جدا فى كتابة القصة القصيرة وفعلا الدرجات كانت متقاربه جدا ودكتور احمد خالد قال انه ممكن يكون ظلم ناس لان رايه انطباعى ولانه مش هيقدر يقيم خمسين قصة لوحده
أها كنتي موجودة بقه يادكتورة هبة...طيب تمام الحمد لله...بس التقييم ده كان حاجة كبيرة الحقيقة..
سادسا: فى انتظار كتاب حضرتك قريب جدا وخلال سنتين من دلوقتى حضرتك هيبقى ليك اسم كبير فى السوق بس ياريت ساعتها متنساش المنتدى الادبى
يااااااااااه يادكتورة هبة..ربنا يخليكي يارب نكون عند حسن الظن ده وعند تخيلك الجميل ده اللي أسعدني جداااااا والله...ياااااارب..بس يبقي ليا اسم بس..وأنا ولا أعرفكم
متشكر جدا جدا علي كلامك ده والله حقيقي مبسوط بيه وبعدين هنا زملائي وأصدقائي وأخواتي.. ازاي هنساهم...والناس اللي بيشجعونا دايماً وكل حاجة بكتبها بتبقي هنا بس.... ربنا يديم الود والأخوة والمحبة بين أعضاء المنتدي الجميل ده ويديم تواجدنا فيه..آمين يارب
بالتوفيق لحضرتك واسفه للاطاله
فى انتظار المزيد

ربنا يكرمك يادكتورة هبة ويوفقك..أثلجتي صدري بكلامك الجميل ده وشرف ليا والله وبيهمني أعرف رأيك فعلاً..

[محمد فهمي]

بصراحة يا دكتور أنا من شدة إعجابى بها عجزت عن كتابةذلك
القصة فى منتهى الجمال والروعة جذبتنى لتكملة قرائتها ومتابعتها بشغف ٍ
الأسلوب جذاب ومتميز والمغزى عميق ومهم جداااااااااا
بجد كل شئ فيها رااااااااااااائع،حضرتك تمكنت منها بصورة هايلة
فأحييك على إبداعك وتألقك
هى تستاهل أكثر من 10على10 كمان وبالتوفيق يا دكتور

د.قطر الندي...ربنا يكرمك دايما بتشجعينا كده...ومبسوط بكلامك ده والحمد لله إنها عجبتك..وتقييمك ده يسعدني يادكتورة
منتظر تشريفك لينا علي طول..

[محمد فهمي]

امممممممم ...
القصة شدتنى بجد انى اكملها للاخر ، و بجد لو شوفت شيخ كدة مش عارفة ممكن اعمل ايه ... !!
هههههههههه أعصابك يادوك
لو كانت القصة دى حقيقية يبقى ذنب الشاب ده فى رقبة الشيخ ....
بجد قصة جميلة و الهدف منها خطير جدا بجد ....

بس فى حاجة مفهمتهاش فالقصة بصراحة و هى سبب الحاد الشيخ ، يمكن اكون لانى مفهمتهاش صح .... !!
حكاية ان الشيخ بعد العملية اتغير و قلبه اتملى الحاد و سال القلب ده كان بتاع مين و عرف انه بتاع الشاب الملحد ....
و كان مجبر انه يعيش مع القلب ده ، و اللى ادى بيه لنفس النهاية الاولى ....

معرفش حضرتك هنا قصدت ان نقل القلب هو السبب ... ؟؟
و لا ربنا ابتلاه بنفس الداء اللى كان عند الشاب اللى جه يلتمس على ايديه خلاصه من الحاده و طلب التوبة ، فنهره و كان سبب فى مجونه بعد كدة اكتر ، لان تصرف الشيخ شوه صورة الدين و القدوة فى عين الشاب اكتر ، و انتحر ... ؟؟
و لا ان ده حصله لانه لو كان شيخ بجد و مؤمن بجد كان ايمانه هيفضل ثابت جواه مش هيحصله كدة ... ؟؟
و لا لانه حقر منه و قال لا توبة له و مثواه النار ، فربنا عاقبه بانه اصبح زيه و انتهى لنفس نهايته مع تحمل وزر الشاب كمان ... ؟؟

ارجو من حضرتك التوضيح بجد ..... عشان الصورة توضح عندى اكتر ....
كلام حضرتك كله أسباب علي فكرة وكويس إن وصلك كل الأسباب دي..أنا هقول السبب علشان حضرتك توصلك الصورة كاملة مع إن غموضها كده احسن
الفكرة فيها: لما واحد يتنقل له قلب من واحد تاني تخيلي حضرتك هل مشاعره وأحساسيه وحبه وكرهه وتعامله وسلوكه بيقي فيه تغير...في حالات حصل لها كده فعلاً وكمان كانت بيتحط في الأفلام العربي خصوصاً كمان ان واحد حب واحدة اتنقل له قلب واحد تاني فحب واحدة تانية بتاعة الشخص اللي اتنقل منه القلب ده....بس القصة مش فيها الكلام ده طبعاً لأني بتكلم في نقطة تانية: هنا بقه الملحد لديه قلب لايعرف الطريق الي الله..قلب منزوع منه الإيمان..قلب خاوي ومريض ورغبات التخلص من الحياة تطارده...أراد التخلص من ده بس لقي معاملة سيئة من الشيخ..اتزرع في قلب الشيخ قلبه ده...وحصل اللي حصل وشعر بنفس المشاعر البائسة بتاعته ووصلت النهاية إنه ينتحر ويموت كافر نفس مصير الشاب ده...هنا بقه لو الشيخ ده كان ساعده من الاول هل كان ده ممكن يحصل!!....ممكن نطلع بدروس كتيرة جدا من النهاية دي بس الفكرة هيا اللي قلتها لحضرتك وتوالت بقه الدروس المستفادة والمترتبة علي النهاية الدرامية المأساوية دي..الشيخ تذوق من نفس الكأس..دوام الحال من المحال..بيناقش عملية التكبر والغرور..ودور الشيوخ في عملية النصح...إلخ حاجات كتيرة جداً علي فكرة..

ولذلك جاء العنوان:
عملية زرع إلحادْ..يعني مش زرع قلب عادي وانتهينا.. لأ..اتزرع إلحاد كما وضحت..فعلاً كأن الإلحاد ده اتزرع.. وتمت العملية بنجاح
و فعلا ملحوظة دكتورة هبة حسيت بيها ان القصة بعدت عن الهدف الاساسى بتاع المسايقة اللى هى زراعة الاعضاء ... بس هدفها اللى حضرتك خلقته هادف و سامى و فيه ابداع .....
صح كلامك..واشكرك يادكتورة والله..ده من ذوقك العالي

الاخطر من زراعة الاعضاء ، هو زراعة الافكار و المفاهيم و الاخلاقيات ................

ألف مبروك يا دكتور على تقييم قصة حضرتك ، أنا متخيلة فرحة حضرتك بالتقييم ده اد ايه ....
و يسعدنا كلنا ان كليتنا يكون فيها كاتب محترف زى حضرتك ربنا يزيدك
ده كلام كبير عليا يادكتورة...ربنا يخليكي أنا اللي أسعد والله بكلامك الجميل ده..واحنا علي باب الله وعلي قدنا وبنتعلم وعمرنا مهنبطل نتعلم أبدا
....

ارجو يا دكتور و قد اوشكنا جميعا على الانتهاء من حياتنا الجامعية ، الحياة العملية او الاسرية بعد كدة باذن الله
مش تاخد حضرتك اوى من الكتابة و تضطر لتنحية موهبتك جانبا ، حافظ على موهبتك يا دكتور و نميها
يااااااااارب..ربنا يكرمك يادكتورة علي النصيحة الغالية دي ويارب نستمر كده والله أنا حريص علي ده بالرغم من إن الطريق طويل وصعب فعلاً بس انا عارف كده ومتأكد إن الموضوع مش سهل و لأني بحب الكتابة جدا وبطلع فيها كل حاجة..والقراءة دي مهمة جدا بالنسبة ليا برده..علشان كده أنا حريص علي الكتابة
دى نعمة ربنا انعم عليك بيها ، فحاول بقدر امكانك تحافظ عليها ......
عاوزين نشوف لحضرتك كتب قريب ......
فعلاً والله نعمة كبيرة يمكن كان حصل حاجت مش كويسة لو مفيش متنفس لينا..الحمد لله..وبالنسبة للكتاب: أتمني كده والله علشان تبدا رجلي تتثبت وماشي في الموضوع ده فعلاً.. ادعولي بقه

مبسوط لإهتمامك يادكتورة ومرورك اللي أضاف لينا سعادة..وميّز القصة أكتر واكتر
مع خالص احترامي.. ربنا يكرمك وبالتوفيق إن شاء الله

[Aya Farouk]

بخصوص القصة بعيدا عن المسابقة
,,,,,,,,
ألفاظها أختيرت بعناية ومتعوب فيها وبناء الجمل قوى
فى سلاسة فى الكلام
لحد مقابلة الشيخ بالشاب كان فيها مبالغة شوية لأن فى شيوخ رخمة بس مش للدرجة دى
دى اول حاجة
ثانيا بدأت احداث القصة تكتر ومشاهد تختصر فى كلمتين فا حسيت انى بجرى ورا حد بس فى نفس الوقت قدرت استوعب
بس مستمتعتش للأسف
...
ثم النهايه كانت متوقعة اوى لو انها غير واقعية بس متوقعة انه هيطلع قلب الملحد والشيخ هيجراله حاجة
....
بص يا سيدى دا اللى حصل
انت تعبت فى انك تلاقى موضوع قريب من موضوع المسابقة تكتب فيه ولأانه حاجة مغلقة اوى حسيت انك اتكتفت فا جات فى دماغك فكرة القصة دى فاشتغلت فيها بكل جهدك وبنتها صح واستخدمت كل ادواتك عشان تطلع بالشكل دا
وفعلا طلعت جميلة ولكن المادة الخصبة بتاعتها (ألفكره الرئيسيه) هى اللى مزودتش كمية الابداع فى القصة فالانطباع الكلى لم يكن فى صفك لهذا السبب على ما أظن
.....
عالعموم انت اسلوبك القوى لا يختلف عليه احد ... مبرووك عالتقييم
وغقبال الجاااى ان شاء الله
تقبل مرورى

[Ahmed Elazab]

قصة راااااااااااااااااااااااااااااااائعة جدااااااااااااااااااااااااااا وكاتب متمكن بشدة من الفكرة والكلمات وموهبته طلعتهالنا بالشكل الجميل دا

[rose smile]

اولا قصه رائعه
ثانيا مش مملله
ثالثا مش عارفه اذا كان من حقى انقد على الفكره ولا لاء
انا شايفه ان موضوع زرع قلب ملحد يحول واحد لملحد دى غريبه شويه
لانى بزرع عضو مضغه يعنى مش بزرع فكر ومنطق
ممكن تفسرلى وجهه نظرك؟
بس فى الاول والاخر هى جميله

[soma abu el nasr]

قصه فكرتها جميله اوى ...بمعنى ان اى شخص معرض لتغيير مبادئه
بالرغم من انها تجاهلت المبادىء العلميه وهى اساس ومحور القصه
بمعنى ان المبادىء والافكار مصدرها التفكير والعقل مش القلب منفرد
ودى اشياء مش ماديه
لكن دا مش يمنع من ان الفكره وصلت

[محمد فهمي]

القصة بجد يا محمد جميلة جدا جدا .. و من أحسن كتاباتك فعلا ..

باين فيها مجهودك قوي و باين إنك تعبت فيها جدا ..

مبسوط جدا و فخور بيك .. و زي ما قلتلك كده .. إن شاء الله بكرة تبقى كاتب قصصي كبير ..

و إنتا خطيت أول سلمة أهو .. متبصش وراك بقى .. و بص على القمة و هتوصل هتوصل إن شاء الله ..

ربنا يوفقك يا صاحبي ..

ربنا يكرمك ياحجازي..مبسوط من كلامك الحلو ده.. روحك الجميلة اللي بتدفعنا لقدام..
ربنا يوفقنا كلنا إن شاء الله
نورت ياحبيبي كعادتك الجميلة ومتشكر جدا علي التثبيت..


-----

ما شاء الله يا دكتور محمد اكثر من رااااااااااااااائعة ابداع وتمكن بجد متهيالى ان السبب الوحيد فى انها مكسبتش فى المسابقة انها بعدت عن الموضوع شوية لكن غير كدة فهى ممتااااااااااازة انا بحسد حضرتك على افكارك دى (انا قولت فى الاول ماشاء الله )

ده الواضح فعلاً يادكتورة ايمان وشكراً علي كلامك الجميل ده ورأيك شرف لينا..
أنا قلت مردش عليكي ألا مجيب المبخرة
نورتيني يادوك..

[eeeman]

ده الواضح فعلاً يادكتورة ايمان وشكراً علي كلامك الجميل ده ورأيك شرف لينا..
أنا قلت مردش عليكي ألا مجيب المبخرة

نورتيني يادوك..

متقلقش يا دوك حضرتك بس اقرا المعوذتين ملهاش لزوم المبخرة

[الملاك الضاحك]

ماشاء الله على حضرتك د.محمد
اللهم لا حسد
قصه راااااائعه كالمعتاد
بالوفيق دايما