احب اعرف رأيكم

[le pharmacien]

على فكره اللى بيخلص زراعه كمان ممكن يدرس صيدله بالاضافه لعلوم وبيطرى
طبعا النقابه ىالعامعه قالت مش هتعترف بموضوع الدبل كورس ده وحصل وقفات احتجاجيه فى
طنطا وفى الزقازيق واتشالوا لسه المنصوره وكليتين كمان تقريبا وتقريبا هيبقى فى وقفه احتجاجيه على الموضوع ده برضوا عندنا المهم مش فكره طالما هيدرس نفس الكلام فخلاص وممكن ظروف مسمحتلوش
لا يا جماعه لما المجتمع يعرف يوفر الظروف الكريمه للصيدلى ويرجع كرامتوا يبقى يشوف غير الصيادله احنا بقينا خمسين الف صيدلى ولسه

[تابعة محمد]

بسم الله الرحمن الرحيم
المشكلة ان حتى فى صيدليات كبيرة بتعتمد عليهم اكتر من الصيادلة علشان توفر فى الرواتب .
يعنى حتى الصيدلى اصبح مش عليه طلب من اخوه الصيدلى .

[M.Hegazy]

بسم الله الرحمن الرحيم


على كده بقى ما كان الواحد يجيبها من قاصرها و يدخل زراعة و لا علوم و لا أي كلية تانية و ميهريش في نفسه و لا يبهدل أهله معاه .. و بعد ما يخلص زراعة أو أي كلية تانية يقعد سنتين و يبقى زيه زي اتخن صيدلي فيكي يا بلد !!!!

و لا ما يلغو صيدلة أحسن و تبقى مادة بتتاخد في أي كلية تانية و خلاص .. كده هنحقق تكافؤ للفرص و كل الناس هتبقى صيادلة .. و نوفر مكان الكلية و المعامل و الدكاترة عشان نسد في مكان تاني ..

و احلام سعيدة وكل عام و أنتم بخير ..

و حسبي الله و نعم الوكيل ..

لو كنت أعرف كده من الأول مكنتش خلتها و تعبت نفسي ..

[chocolata]

لا حول ولا قوة الا بالله
طب معلشى طلبه طب محتاجين شغلنا فى ايه وليييييييييييييييه؟
داهم ليهم الدور الكبير والاهم والاول
هيتنازلوا عنه ؟
وطلبه زراعه ليييييييييييييييييه مع احترامى
ليه مينشطوش فى مجالهم
انا ممكن ارحب بدمج الكليات فى التعاون فى مجال العمل لكن مش المشاركه فى كل تخصص
ربنا يستر احنا بيتقال عليننا كتييييييير
ليه فجاه حسيت اننا بقينا محط انظار واهتمام اوى فجاه من اللى سمعته دا ؟
-----
ايا كان اللى الامور هتسير عليه انا هجتهد واحاول اثبت نفسى وربنا يقدرنى واتميز فى مجالى ولو انه صعب مش عارفه التميز هيبقى معياره انت خريج صيدله بس ولا كمان خريج كليه تانيه ؟

[الفراشة الرقيقة]

مش الصيدلى ده اللى بيقولوا عليه بياع ؟ دلوقتى كله عايز يبقى صيدلى ؟!!!
و فعلا دلوقتى بقيت بسمع إن فى ناس خريجين زراعة و فاتحين شركات أدوية و زيهم زينا بالظبط و الله شئ مؤسف

[عصفورة]

طيب ياجماعه تعالوا نفكر نحل الموضوع ده ازاى؟اصل لو بجد الصيادله ما اتحركوش هتبقى مهزله
والموضوع هيكبر وهينتشر اكتر يعنى خلاصه الكلام اننا نشوف حل

[florist]

في رأيي إن الموضوع مش هيتحل إلا بأن النقابة تهتم بالموضوع..و تسعى لاستصدار قوانين تطبق فعلياً بعدم عمل غير الصيادلة في الصيدليات و شركات الأدوية..دلوقتي كل الناس بتتدخل في الموضوع..وكتير شايفين إن شغل الصيدلي حاجة سهلة جدا يقدر أي حد يعمله..أنا لما نزلت الصيدلية في الأجازة اللي فاتت لقيت بنت داخلة الصيدلية و بعدين لما اللي في الصيدلية عرفوه عليا و عرفت اني في صيدلة ..كانت أول حاجة قالتها لي :على فكرة تجارة أصعب من صيدلة!..أنا اشتغلت في صيدلية و عرفت كل حاجة في شهر بس..أنا في المواقف دي بحس ان الواحد لازم يبان هادي و يرد من غير عصبية أو تجريح ..قلت لها..اللي بتعرفيه في شهر..احنا مش بندرسه أصلاً..ده بيبقى للتدريب الصيفي.أما الدراسة حاجة تانية خالص..احنا بندرس الأدوية بالتفصيل..يعني من المادة الفعالة نقدر نعرف كل حاجة عن الدوا ..زائد الكيميا طبعاً..و كل كلية أكيد بتحتاج مجهود..بس تجارة مش أصعب من صيدلة..

[عصفورة]

في رأيي إن الموضوع مش هيتحل إلا بأن النقابة تهتم بالموضوع..و تسعى لاستصدار قوانين تطبق فعلياً بعدم عمل غير الصيادلة في الصيدليات و شركات الأدوية..دلوقتي كل الناس بتتدخل في الموضوع..وكتير شايفين إن شغل الصيدلي حاجة سهلة جدا يقدر أي حد يعمله..أنا لما نزلت الصيدلية في الأجازة اللي فاتت لقيت بنت داخلة الصيدلية و بعدين لما اللي في الصيدلية عرفوه عليا و عرفت اني في صيدلة ..كانت أول حاجة قالتها لي :على فكرة تجارة أصعب من صيدلة!..أنا اشتغلت في صيدلية و عرفت كل حاجة في شهر بس..أنا في المواقف دي بحس ان الواحد لازم يبان هادي و يرد من غير عصبية أو تجريح ..قلت لها..اللي بتعرفيه في شهر..احنا مش بندرسه أصلاً..ده بيبقى للتدريب الصيفي.أما الدراسة حاجة تانية خالص..احنا بندرس الأدوية بالتفصيل..يعني من المادة الفعالة نقدر نعرف كل حاجة عن الدوا ..زائد الكيميا طبعاً..و كل كلية أكيد بتحتاج مجهود..بس تجارة مش أصعب من صيدلة..

اقولك ايه؟ده مش بس جهل ده حقد كمان والله اعلم بالنيات