السلام عليكم و رحمة الله

بجد موضوع فكرت فيه كتير و خاصة انى بيجيلى رسايل و طلبات انى أدخل و أعمل بلوك للموقع دا و دا ...عمرى ما جربت أدخل أو حتى انى أنشر مش لأنى ضد الدفاع عن الاسلام بالعكس لأنى خايفه أكون سبب فى زعزعة ايمان أى انسان أو انشر كلام ميصحش أصلا أقرأه علشان يوصل كمان لغيرى...و أكيد زى ما فيه ناس مشتركه فى المواقع دى (على فكرة فى ناس بتشترك مخصوص علشان ترد على اللى بيتقال بس المشكلة هل عندك علم و درايه بكل كلمة انت بتقولها و لا بتفتى بأى كلام و خلاص علشان الموضوع منرفزك؟؟؟!!!) المهم فيه مواقع تانية كتير و لله الحمد للتعريف بالاسلام و الدفاع عن الرسول و التعريف بالصحابه يعنى من الآخر مش مهمتى انى أدخل و أنشر المواقع المسيئه علشان بلوك و لا لأ الاحسن انى أعمل شير للمواقع اللى هتفيد للتعرف على الاسلام بدل ما نشوف كلام كدا و لا كدا مينفعش أصلا نقرأه--بجد اللى معندوش ايمان قوى و لا معرفه كافية و وافيه بدينه ميدخلش لا علشان يشوف المحتوى و لا بلوك و لا غيره و ربنا يثبتنا و كل واحد يخاف على ايمانه أحسن لأنك مهما جادلت الناس دى صدقنى معظمهم مش هتوصل معاه لحاجة لأنهم مش غرضهم معرفة الاسلام أو حتى فهمه هو مجرد كلام وكراهية ملهاش نهاية.. و بعدين فيه مواقع كتير للأسف مش عربيه كمان أدور أنا على ايه و لا ايه؟؟؟ يبقى الأحسن أوجه نفسى للتعلم و نشر الحاجة الايجابية قبل ما أقول بلوك للسلبى...ربنا يثبتنا و يهدينا و يهد بنا اللهم آمين...