مختلطة ولا موحدة؟؟؟؟

[N00R EL _SHAMS]

ليه ويزعل ناس كتير ليه؟؟

لان فيه ناس كتير مشتركين فى الاسر

وطبعا مش هيتقبلوا الراى الى يقول ان الاسره المختلطه متصحش وكده

ربنا يرزقنا الاخلاص فى القول والعمل

طب ليه لأ لو بنات بس؟

مش عارفه بس انا بصراحه عمرى ما فكرت انى اشترك ...حاجه مش بتيجى على بالى

يمكن عشان عارفه انى مش هكون اد المسئوليه ...او لانى معنديش ميول لحكايه الاسر دى

بس بصراحه اسرة الاصدقاء ...اسره تستحق الاحترام.. بالتوفيق دايمااا


بس عايزين نشوف لكم انشطه وكده ....اكيد فيه بس يمكن انا الى مش متابعه

وكمان اسره الحياه اسره كويسه جدا ..هى اكتر اسره بصراحه افادتنى من يوم ما دخلت الكليه



بالتوفيق للجميع

جزاكم الله خيراا

[الجنة مرادى]

طيب
شيئ رائع ....... اسره موحده
بس المهم بقي يكون فيه انشطه وكده
بالتوفيق

الحمد لله الأسرة لها أنشطة كتيرة جدا واللى ميعرفش يسأل

على عكس أسر تانية مختلطة كتير عمرنا ما سمعنا عنها حاجة

بالتوفيق لحضرتك يا دكتور

لان فيه ناس كتير مشتركين فى الاسر

وطبعا مش هيتقبلوا الراى الى يقول ان الاسره المختلطه متصحش وكده

ربنا يرزقنا الاخلاص فى القول والعمل

متهيألى لكل واحد فينا وجهة نظر وله حق انه يقولها

ودا المفروض مايزعلش حد

بس بصراحه اسرة الاصدقاء ...اسره تستحق الاحترام.. بالتوفيق دايمااا


بس عايزين نشوف لكم انشطه وكده ....اكيد فيه بس يمكن انا الى مش متابعه

ربنا يكرمك

ان شاء الله تنورينا فى أى نشاط نعمله بعد كدة


شكرا يا دكتورة على مشاركتك

[عبير الجنه]

جزيتم خيرا على طرح الموضوع

صراحه انا بشوف حاجات كتير تزعل من موضوع ان الاسره تكون مختلطه
مواقف غير لائقه بنات واقفين مع ولاد وضحك وهزار وحاجات ملهاش لازمه بالمره
وبعيدا عن كده كمان انا لو متكلمتش وتفاعلت مع اعضاء الاسره اكيد وجودى فى الاسره مش هيضيف جديد


وبجد العمل الجماعى فى وجود التوافق له قيمته ومتعته الحقيقيه

[تابعة محمد]

بسم الله الرحمن الرحيم
اولا مفيش اختلاف ان الاسر المنفصله هتكون احسن بكتير لكن ده ميمنعش ان يكون فى اسر مشتركة مادام فيها الاحترام بين الطرفين موجود و عدم التعدى على حرية الاخرين ، بمعنى تانى فى اسر مثلا فى الجامعة قد تكون انشات من اجل الاختلاط فقط و فى اسر برده فى الجامعة بتادى مجهود و شغل رائع على الرغم من وجود الطرفين و يشهد لها بالاحترام .
يعنى الموضوع نسبى و يعتمد على طريقة حوار الطرفين فبالتالى منعممش الحكم على كل الناس احنا ممكن نقول اسرة كذا مش كويسه فنبعد عنها و اسرة كذا كويسه ممكن نشترك بها ، لان و من غير زعل انتفاضة على كل الاسر بدون وسطية فى الموضوع و على الرغم من كده باكد ان الاسر الموحده احسن بكتير لكن الواقع الحالى مش سئ لهذه الدرجة .

[Al-Shaimaa]

انا مشتركة مش في أسرة واحدة لاء في 3 أسر وكلهم اسر مختلطة

اول ما فكرت اشترك في النشاط الطلابي السنة اللي فاتت
روحت في المكان اللي كان هدفي اكون جزء منه بهدف اني املا الابليكيشن
لكن لقيت في المقر هناك مظاهر من الاختلاط اللي بجد خلتني اكره الكيان ده لان دول اعضاء فيه
واللي زاد وغطا يعني فوق الهزار والضحك اللي مش لطيف اللي شفته هناك
الاقي ولد وهو بيديني الابليكشن بيقول انا عارف ان كل اللي بينضموا من اعدادي هنا عشاني انا
فطبعا خرجت فورا و ندمت اني فكرت اشترك معاهم اصلا رغم ان ليا اصحاب كتير هناك قمة في الاحترام

وبعد كده بارشاد اشخاص اكبر مني قررت انضم لاسرة النجاح
وبجد رغم انها اسرة مختلطة لكن فيه حدود في التعامل واحترام متبادل بين كل اعضاء الاسرة
وما فيش فيها صور التسيب اللي كنت بشوفها في بعض الانشطة التانية

وبردو الاسر ة اللي انضميت ليها السنة دي عملنا اكتر من نشاط
والحمد لله ما كانش فيه اختلاط الا في اضيق الحدود
والكلام بينا بيكون في نطاق الحديث عن الايفنت الجاري فقط

وانا لو لاحظت في وقت ان المكان اللي انا فيه فيه اختلاط بالصورة اللي حضرتك تقصديها
بدون تفكير هيكون قراري هو الانسحاب منه


وعموماً انا متابعة النقاش للنهاية

يمكن من خلاله اغير رأيي في بعض النقاط

وجزاكِ الله كل خير على طرح الفكرة

[Sarah Mohsen]

بسم الله الرحمن الرحيم

اولا شكرا علي طرح الموضوع

بس ثانيه واحده يا جماعه في حاجة مهمه احنا مش واخدين بالنا منها
هي ان الجامعه دي دنيا صغيره واحنا مهما كنا كبارفيها مصيرنا هنكبر اكتر ونطلع منها ونشوف دنيا اكبر وناس اكتر

انا مش هاتكلم عن الاختلاط في الجامعه كلها عموما لأن دي حاجة مفروغ منها ولأن ملوش لازمه حدوثها اصلا
يعني اللي بيسأل عن كشكول وعن الطريق لكليه ما او اي حاجة من اللي بنقول عليها عادي
الولد عنده سوبعميت الف ولد يسألهم عن اللي هو عايزه والبنت نفس الكلام عندها بنات كتييير جدا ممكن تسألهم وتصاحبهم وتستشيرهم

اما بقي موضوع الاسر فالاسره دي عامله زي شغل صغير
يعني احنا لازم ان شاء الله لما هنتخرج هنشتغل سواء كان فشركه مصنع صيدلية او حتي هيكون من اعضاء هيئةالتدريس
لازم في الشغل هتضطرتتعامل مع زمايلك واللي هيقول مش شرط هيبقي بينافي الواقع
يعني مثلا ممكن تكوني بنت ورئيسك في الشغل رجل او حتي زميلك في المكتب رجل
او لو فصيدلية يبقي واقف معاك صيدلي او مساعد صيدلي او حتي عامل
مش هينفع متتكلميش معاهم زي ما بنعمل مع زمايلنا في الجامعه لأني زي ما قولت ده حوارمالوش لازمه
انما الحوار مع الزمايل في الشغل ليه لازمه اكيد واكيد برضوه هيبقي فحدود الشغل

عشان كده الاسره زي الشغل معاكي فيها شباب لكن فيه حدود للكلام ومفيش حد بينفرد بحد ويكلمه
بيبقي مثلا شاب واقف مجموعه بنات بيقولهم حاجة
او العكس طبعا

وانا مع دكتورة تابعه محمد ودكتورة مشمش في رأيهم جدا جدا

وبعد كده بارشاد اشخاص اكبر مني قررت انضم لاسرة النجاح
وبجد رغم انها اسرة مختلطة لكن فيه حدود في التعامل واحترام متبادل بين كل اعضاء الاسرة
وما فيش فيها صور التسيب اللي كنت بشوفها في بعض الانشطة التانية

وبردو الاسر ة اللي انضميت ليها السنة دي عملنا اكتر من نشاط
والحمد لله ما كانش فيه اختلاط الا في اضيق الحدود
والكلام بينا بيكون في نطاق الحديث عن الايفنت الجاري فقط

وانا لو لاحظت في وقت ان المكان اللي انا فيه فيه اختلاط بالصورة اللي حضرتك تقصديها
بدون تفكير هيكون قراري هو الانسحاب منه

بسم الله الرحمن الرحيم
اولا مفيش اختلاف ان الاسر المنفصله هتكون احسن بكتير لكن ده ميمنعش ان يكون فى اسر مشتركة مادام فيها الاحترام بين الطرفين موجود و عدم التعدى على حرية الاخرين ، بمعنى تانى فى اسر مثلا فى الجامعة قد تكون انشات من اجل الاختلاط فقط و فى اسر برده فى الجامعة بتادى مجهود و شغل رائع على الرغم من وجود الطرفين و يشهد لها بالاحترام .
يعنى الموضوع نسبى و يعتمد على طريقة حوار الطرفين فبالتالى منعممش الحكم على كل الناس احنا ممكن نقول اسرة كذا مش كويسه فنبعد عنها و اسرة كذا كويسه ممكن نشترك بها ، لان و من غير زعل انتفاضة على كل الاسر بدون وسطية فى الموضوع و على الرغم من كده باكد ان الاسر الموحده احسن بكتير لكن الواقع الحالى مش سئ لهذه الدرجة .

واللي هو باختصار ان مدام فيه احترام وحدود والناس اللي فالاسره محترمه اصلا مش هيبقي فيه مشاكل ومش هيبقي فيه كلام من غير لزوم

وعلي فكرة لو الشباب الموجودين في الاسره محترمين والبنات محترمات محدش منهم هايبقي عايز يختلط او يعمل حاجةغلط وكله هيبقي في حدود

-------------------

حاجة كمان ومعلش عشان طولت

الحكايه دي خلها بسيط ان شاء الله

يكون مسئول عن الاولاد ....... ولد
ويكون مسئول عن البنات .....بنت

ومن خلال ذلك لا يحدث الاختلاط

والي مش عايز يختلط فعلا وده في نيته وعارف انه حرام ........ مش هيختلط

دي استراتيجيه ناجحه علي فكرة
وبنعملها في الجمعيه اللي انا فيها

وكان المسئول عن الولاد شاب ادنا والمسئولة عن البنات انسه كبيرة عندها 27 سنه مثلا والتواصل بيبقي بينهم هما
وبعد كده البنت بتوصل للبنات والشاب بيوصل للشباب

او ان الاتنين المسئولين بيبقوا مخطوبين او متزوجين ( ودي طبعا متنفعش في الجامعه لان مش كل الناس مخطوبه او متزوجه في الجامعه )

-------------

مهو شرط اساسي لتكوين اسره ان يبقي فيها ولاد وبنات

في رايي

الي بيشيل الاسره هم الولاد ...... يبقي الولاد اساسي
ويبقي فيه بنت او اتنين مسئوله عن افكار و اعمال البنات

مع حضرتك برضوه ما عدا اللي بيشيل الاسره هم الولاد ويبقي فيه بنت او اتنين
اسره صيدلي المستقبل السنه اللي فاتت كانت المقرره بتاعتها بنت وما شاء الله كانواعاملين انشطه جامده جدا
ومش عارفه فيه اسر تانيه المقرره بتاعتها بنت ولا لأ لكن البنات فعلا بتقدر تمسك مسؤليات
وانا كنت ماسكه مسؤليات في الجمعيه والحمد لله اديتها علي اكمل وجه يمكن لو شاب كان مسكها مكانش يقدر يعملها بالصورة دي

دي مش خناقه بس انا بس استغربت كلمه الولاد اساسي وبنت او اتنين
وزي ما حضرتك قولت اسره الاصدقاء بنات فقط
وانشطتهم رائعه وكتيره

==========================

شكرا علي الطرح مرة تانيهواسفه اني طولت

[محبة الله ورسوله]

بسم الله

انا بجد كان نفسى اشترك فى اسرة كبيرة وليها نشاطاتها علشان اساعد وافيد واستفيد لكن نقطة الاختلاط دى بتخلينى اتراجع خصوصا ان احنا صيادلة والتعامل مع الناس شئ مهم والشئ اللى خلانى نفسى اشترك برده لما د-حسن الكاشف قعد يشجع على كده وقال ان اللى فى اسر بينجحوا وبيجيبوا تقدير كمان مش زى ما البعض متصور

يعنى باستخير وبعد ما اروح لمقر الاسرة واشوف ان ممكن يكون فى اختلاط واتعامل مع اولاد بتراجع فورا وكمان سمعت بعد كده حاجات كده فالغيت الموضوع من دماغى تماما وبقول من ترك شيئا لله عوضه الله خيرا منه

[رحيق]

بسم الله

انا بجد كان نفسى اشترك فى اسرة كبيرة وليها نشاطاتها علشان اساعد وافيد واستفيد لكن نقطة الاختلاط دى بتخلينى اتراجع خصوصا ان احنا صيادلة والتعامل مع الناس شئ مهم والشئ اللى خلانى نفسى اشترك برده لما د-حسن الكاشف قعد يشجع على كده وقال ان اللى فى اسر بينجحوا وبيجيبوا تقدير كمان مش زى ما البعض متصور

يعنى باستخير وبعد ما اروح لمقر الاسرة واشوف ان ممكن يكون فى اختلاط واتعامل مع اولاد بتراجع فورا وكمان سمعت بعد كده حاجات كده فالغيت الموضوع من دماغى تماما وبقول من ترك شيئا لله عوضه الله خيرا منه

نفس اللى حصل معايا
بس انا بقى السنة اللى فاتت اشتركت فى اسرة ولقيت الاختلاط فيها حاجة صعبة اوى ومبالغ فيها فالنتيجة انى اشتركت اسما فقط ولم احضر ولا اجتماع
اما دلوقتى ان شاء الله هاشترك الترم التانى فى اسرة هى مشهورة فى الكلية وانشطتها جميلة جدا والاحلى بقى انى قابلت واحدة مشتركة فيها وبتقول مافيش اختلاط الا بس وقت الاجتماع ولو مش عاوزة تحضرية ماتحضريش وحد يبقى يبلغك بالموضوع

[**SAMAR_RESALA**]

اما بقي موضوع الاسر فالاسره دي عامله زي شغل صغير
يعني احنا لازم ان شاء الله لما هنتخرج هنشتغل سواء كان فشركه مصنع صيدلية او حتي هيكون من اعضاء هيئةالتدريس
لازم في الشغل هتضطرتتعامل مع زمايلك واللي هيقول مش شرط هيبقي بينافي الواقع
يعني مثلا ممكن تكوني بنت ورئيسك في الشغل رجل او حتي زميلك في المكتب رجل
او لو فصيدلية يبقي واقف معاك صيدلي او مساعد صيدلي او حتي عامل

بتفق مع الرأى ده
وبرده لازم يبقى فى حدود للتعامل
وبعدين يا جماعه اللى عايز يختلط ويصاحب .. هيعمل كده
سواء فى أسره أو من غيرها