انا ضد الاضراب لان بلدنا عاوزه مننا نشتغل وموقفش حياتنا
انا ضد الاضراب لان بلدنا عاوزه مننا نشتغل وموقفش حياتنا
و انا كمان ضد الاضراب بس هي اصلا الدراسة امتي يا جماعة ؟؟؟؟
واضح إن فى ناس كتير هتبقى ضد العصيان أو الاضراب المدنى ....
مع إن كدة يبقى البيان صدر عن ناس تانيين و عن كلية تانية مش احنا .... !!
و ده يدينى انطباع إن غالبية الناس هتنظر للموضوع بالمنظور ده برده ...
أنا مع أى فكرة صح ، سلمية ، متروية ، يقودها وعى حقيقى ....
تخلى البلد تاخد خطوة بجد لقدام ، حاجة تخلصنا من الكوارث اللى بنشوفها و نسمعها كل يوم ...
حاجة تخلينا بجد نمشى فى طريق الحرية و الديمقراطيه و تحفظ كرامة و حقوق المواطن ....
حاجة تجيب حق اللى راحوا و اللى لسة يمكن هيروحوا و حاجات كتير ....
فلو العصيان المدنى هيمثل ورقة ضغط حقيقى ع المجلس العسكرى و يخليه يرجع بأقصى سرعة لثكناته ...
فأنا أؤيد العصيان .....
بالنسبة لعجلة الانتاج و الشغل و كدة ....
أصلا أصلا احنا بلد غير منتجة .... و على رأى الدكتور سيف عبد الفتاح من شوية " العجلة اتسرقت من زمان ..."
بالنسبة للشغل اعتقد شايفين أهلنا من بداية الثورة لدلوقتى مقعدوش فالبيت و بيشتغلوا عادى ...
لأن الكلام ده بسمعه من البداية لحد دلوقت .....
بس أنا ضد فكرة التخريب لأى شىء علفكرة ، و أى تظاهر أو عصيان أو اضراب أو اعتصام ... لازم يلتزم السلمية ...
و اعتقد إن السلمية من أهم سمات ثورتنا و إن حاول تشويها بعض المندسين أو اللهو الخفى ....
التعديل الأخير تم بواسطة Nayroz ; 08-02-2012 الساعة 03:26 AM سبب آخر: تنسيقى ... :)
يوم السبت الجاى ان شاء الله 11/2//2012المشاركة الأصلية كتبت بواسطة Hope1
ضد الاضراب طبعا
هي البلد ناقصة خراب نوقف المصالح كلها بالأخص كدا التعليم ناقص خراب عشان نعمل اضراب ونوقف الدراسة!!
وكل واحد عايز حاجة يروح يعمل اعتصام !! مبقاش ورانا غير الاعتصامات؟!!
طبعا انا ضد العنف لكن الشرطة لازم تنزل وتضرب البلطجية اللي عند الداخلية لكن الشعب بقي هايف لو القوات لمست حد حتي لو غلطان يروحوا يعتصموا !!!!!!!!
وآدي البلجية في كل حتة والناس كل يوم بتموت بسبب تصرفاتنا الغلط برده ..
ربنا يخرج مصر من الأزمة دي علي خير ويارب اشفي مصر من الجهل والهيافة ..
ربنا ييسر لينا و للبلد اللى فيه الخير للكل ..
اللهم أرنا الحق حقا و ارزقنا اتباعه ، و أرنا الباطل باطلا و ارزقنا اجتنابه ...
كلام محترم جدا هو ايه اللى عصيان مدنى وهو اى واحد يقول كلمتين خايبين زيه هنمشى وراه .
الاجازة خلصت بسرعة جدا
احنا لو عاوزين نعمل حاجة لازم نعرف ايه نتيجتها وانا لو هعمل اضراب انا هكون بعاقب مين ؟؟؟ هو اللى دمر وخرب وقتل اكيد هيفرح ويحقق اللى بيحلم بيه لما البلد تقف وترفع راية العصيان
يعني ايه عصيان مدني ؟؟؟ يعني فساد مدني من وجهة نظري وانا اعترض وبشدة وبجد مش هنستفيد حاجة منه غير دمار وخلاص يجد مصر اصلا مش ناقصة دمار ولو في سبب واحد مقنع للعصيان ده بس اعرفة !!!!
ضوابط المشاركة
