فعلا عندك حق!!!!!
شفيق مين يا عم....معقولة ...شفيق!!! ....فعلا المصريين شكلهم اتجننوا*** فى ايه...مالك..زعلان أوى ليه كدة*
ياعم بأقولك شفيق... ماهو دا اللى ناقص بقى***
طيب ماتسيب كل واحد براحته انت تنتخب اللى انت عايزه وهما ينتخبوا اللى هما عايزينه ..واشمعنا شفيق اللى مضايقك أوى كدة*
اشمعنا شفيق!! طبعا شفيق بالذات....عشان حاجات كتير أوى (فلول و اخر رئيس وزراء أيام مبارك ..وقائد موقعة
الجمل...ومش معترف بالثورة وبيقولك للأسف الثورة نجحت ..وقال ايه مبارك مثله الأعلى) ...عايز ايه تانى طبعا معاك حق تضايق*
!!!والغريب انه لسة فى ناس عايزة تنتخبه...حاجة تغيظ***
أكيد هتلاقى لسة فى ناس عايزة تنتخيه...لان اكيد لسة فى ناس مابتكتفيش بسماع الكلام دا....وبتدور ورا اللى بتسمعه ومش بتصدق اى حاجة كدة وخلاص ...اكيد لسة فى ناس ما بتكتفيش بقراءة شريط الأخبار وعناوين الجرايد ...فى ناس واقعية بتفكر تفكير عملى
تدور ورا ايه...هو لسة فى كلام اكتر من كدة؟؟*** طيب قولى كدة واحدة واحدة الكلام اللى مزعلك دا*
!!بأقولك فلول فلووول ..أمال الثورة لازمتها ايه عايزين حد جديد بقىوجهة نظر برضه ...الثورة لازمتها ايه...الثورة هى اللى جابته...مبارك لجأ ليه بعد ما الأمور احتدمت و كان بيدور على طريقة يهدى بيها الرأى العام ويمتص غضب الشارع...أول حاجة عملها انه انذاع لمطالب جرايد المعارضة اللى طالبت بيها من 3 سنين قبل الثورة ...عارف ايه المطالب دى ...تعيين نائب للرئيس و تكليف وزير الطيران بتشكيل الحكومة...يعنى مش حكاية انه جاب الراجل اللى بيثق فيه جاب الراجل اللى الناس كانت عايزاه عشان يهديهم عايز يقولهم "مش دا اللى كنتو عايزينه ...عشان ترتاحوا" والا ايه اللى خلاه يجيبه دلوقتى بالذات ؟ماجابوش ليه من ساعتها ...ماجابوش لانه لما كان وزير الناس طالبت بيه رئيس وزراء تفتكر لو بقى رئيس وزراء الناس هتطالب بايه؟؟ وطبعا انت عارف مخطط التوريث اللى كان مبارك بيسعى ليه...وبعدين ما شفيق قال "انا كنت متأكد انى "مستحيل أبقى رئيس وزراء طول ما جمال مبارك موجود
طيب ماهو كان وزير طيران ايام مبارك ...قبل ليه يبقى وزير فى الفساد دا لما هو حد كويس يعنى؟؟
شفيق شغل مناصب كتير اوى نجح فيها كلها ..تفتكر لما تجيله فرصة تولى وزارة أو اى مسئولية فى وجود المنظومة الفاسدة دى المفروض يعمل ايه...يرفض تولى اى مسئولية فى المنظومة دى ويرفض ان يكون مرؤوسا لحاكم فاسد وتظل المنظومة كلها على ماهى عليه ولا يقبل يصلح ولو فى جزء من المنظومة دى فى حدود مجاله ليساعد فى نهضة شئ فى هذا الوطن ؟؟
***طيب وما استاقلش ليه لما لقى نفسه فى وسط كل الفساد دا...سكت ليه؟؟طيب لو استقال كان هيحصل ايه؟؟مبارك هيتوب
حويبطل فساد مثلا!! كل اللى هيحصل انه هتفضل كل حاجة فاسدة و يسيب الطيران يفسد كمان بالمرة....يعنى ماكانش هيصلح بالعكس كان هيعك اكتر
***بس ساعتها كان الوزراء المحترمين بيستقيلوا زى عصام شرف مثلا؟؟ *عندك حق ...عصام شرف فعلا من الناس اللى احنا خسرناهم ...واحد محترم ماقبلش بالمنصب لمجرد المنصب ..قبل بالمنصب عسان عايز يعمل حاجة معينة...وجد ان منظومة الطرق والكبارى والسكك الحديد محتاجة اعادة هيكلة وطلب زيادة ميزانية الوزارة وعندما رفض طلبه ...وجد انه مش هيقدر يحقق الهدف اللى قبل الوزارة عشانه ففضل يستقيل...نفس الشئ تقريبا حصل مع احمد شفيق...اخد وزارة الطيران من مافيش ...ماكانش فى وزارة طيران اصلا وكانت ملحقة بالنقل والسياحة...طبعا كل شئ محتاج هيكلة مش اعادة هيكلة بس وميزانية الدولة مش ممكن تحقق حاجة بالرغم من انها وزارة غير نمطية ...عارف عمل ايه...طلب عدم ادراك وزارة الطيران فى ميزانية الدولة ...وطلب قرض من البنك الدولى الذى كان يرفض اقراض الوزارات و الذى طالب بالمشاركة فى مشروعات مصر للطيران بعد نجاح مطار الغردقة وشرم الشيخ لانه فى النهاية بنك واكيد يحب يشغل فلوسه فى مشاريع ناجحة...شركة مديونة و يطلب قرض و يضع استراتيجية تعتبر خيالية قرض لبناء مشروعات تشتغل وتنجح و الشركة المديونة تحقق فائض و يتم تسديد الديون قبل مواعيدها و يعتمد فائض الوزارة فى وزارة المالية وكل دا دون تكليف الدولة مليم واحد الوقت اللى كان العالم كله بيقول الراجل دا بيجازف ودا تصرف فى غاية المخاطرة... واحد حارب عشان ينجح ما استاقلش لانه يرفض الفشل مافضلش انه ينسحب...قدر ينجح تحت أصعب الظروف
وهل معنى انه كان وزير طيران ناجح انه يبقى رئيس جمهورية؟؟وبعدين بيقولوا ان مصر للطيران طلعت من اسوا 10 شركات؟؟
اكيد مش معناه كدة...بس حاجة ايجابية يعنى مثلا فى وسط المرشحين الاخرين اكثرهم لم يتولى منصب قيادى يبقى دى اكيد حاجة تميزه..نقطة فى صالحه يعنى وبعدين حكاية اسوأ 10 شركات دى غير صحيحة وتم نفيها ... شفيق دخل وزارة الطيران و عليها مديونيات طائلة و تركها وبها فائض خيالى ....كانت مطارات الدولة عبارة عن خرابات ترفض كل خطوط الطيران استعمالها فى رحلاتها فحازت مركزا متقدما جدا عالميا وحولت كل خطوط الطيران خدمة الترانزيت الى مطار القاهرة لرقى الخدمة به ...وتم اختيار وزير الطيران واحدا من 20 شخصية استشارية فى مجال الطيران على مستوى العالم يؤخذ برأيه فى كل المشاريع الخاصة بالطيران عالميا و تتم دعوته لكل المؤتمرات العالمية فى هذا الشأن!!!بس قبل يبقى رئيس وزراء للنظام اللى الشعب طالب بخلعه؟؟يعنى ايه يرفض الوزارة فى الوقت دا ...البلد بتنهار ويتم اللجوء اليه فى محاولة لانقاذ الوضع وتهدئة الرأى العام و يرفض...أمال يقبل امتى..يعنى يفضل وزير طيران 10 سنين والدنيا ماشية كويس وفى اول ازمة تحصل يقول انا اسف شوفوا حد تانى... هى دى بقى الوطنية وتحمل المسئولية؟ عارف لو رفض كنا هنقول ايه دلوقتى " ماعرفش يبقى رئيس وزراء هيعرف يبقى رئيس
***بس دا كان وزير فى حكومة نظيف و عاطف عبيد ..دا مش معناه انه سكت عن الظلم؟؟ *بالنسبة للسكوت عن الظلم اثناء العمل مع النظام السابق ...فقد عارض شفيق الكثير من قرارات النظام على رأسها رفضه خصخصة مصر للطيران بعد ان صدر بها قرارا من النظام.. وعندما سئل فى هذا الشان ايضا قال ان جميع محاضر اجتماعات مجلس الوزراء مثبتة بالتواريخ وموجودة فى أرشيف مجلس الوزراء وانه لو حد حب يرجعلها هيعرف كام قرار كان صادرا من النظام و تم ايقاف تنفيذه بجهود شفيق وبعض من كانوا معه واذا لم يكن معارضا لقرارات النظام فلماذا طالبت به صحف المعارضة رئيسا للوزراء ؟؟ وفى مجاله رفض الظلم و تغلب عليه وهذا بشهادة موظف بديوان عام وزارة الطيران المدنى دا اللينك بتاعها اذا اردت ان تقرأ نصها http://www.*************/ahmed.shafi...38750732846041
***دا كان رئيس وزراء موقعة الجمل !!! *شفيق مسك الوزارة يوم 1 فبراير و موقعة الجمل حصلت يوم 2 فبراير بعد 18 ساعة من دخوله مجلس الوزراء ...مافيش وزارة داخلية مافيش اى اجهزة امنية تحت ايديه الشرطة منسحبة من 28 يناير ...ومع ذلك تانى يوم (3 فبراير) تم تشكيل لجنة برئاسة المستشار عادل قورة للتحقيق فيها و تم احالة مسئولين للمحاكمة وكلهم اعضاء الحزب الوطنى صفوت الشريف وغيره و رهن الحبس لغاية النهاردة و منهم ناس اتحالت للتحقيق من قبل التنحى يعنى فى عز وجود مبارك وهى القضية الوحيدة من هذا النوع اللى تم احالة مسئولين فيها للمحكمة بالرغم من كتر القضايا اللى حصلت بعدها من محمد محمود لاحداث مجلس الوزراء لبورسعيد للعباسية وغيره ....هو دا رئيس وزراء موقعة الجمل الوحيد اللى احال مسئولين للتحقيق وهو من كلف المحافظين باطلاق اسماء الشهداء على الشوارع التى كانوا يسكنون بها
***دا ما اعترفش بالثورة اصلا وبيقولك للأسف الثورة نجحت...ايه رأيك فى دى بقى؟؟ ما اعترفش بالثورة عشان قال ان الثورة كانت حركة فى البداية و بعد سقوط النظام اصبحت ثورة؟؟ ...وقال انا قلت كدة لان ثورة 23 يوليو لم يعترف بها كثورة الا بعد الاطاحة بالحكم الملكى و تحول مصر من ملكية الى جمهورية يعنى فضلت حركة ولم تصبح ثورة الا بعد سنة ونص مع انها كانت ثورة عسكرية.. *وبعدين هو ماقالش" للاسف الثورة نجحت" قال "للأسف الثورة نجحت وكثير من نتائجها انتكست" لكن للأسف فى ناس ماشية بمنطق "لاتقربوا الصلاة" او "ويل للمصلين" دون تكملة الاية
***وايه رأيك فى ان مبارك مثله الاعلى..هنسقط مبارك ونجيب واحد يمشى على نهجه؟؟
حكاية مبارك مثلى الاعلى دى و ضحها اكتر من مرة الجملة دى كانت فى حوار مكتوب...المجلة من 3 سنين و السؤال كان مين مثلك الاعى وقال والدى وسئل ماذا عن رؤساءك فى العمل قال اعتقد انه مبارك يقدر يفصل بين علاقاته الشخصية وعلاقات العمل وانا احترم هذه الصفة لانى ارى انها موجودة فيا و فى البرنامج سألوه الكلام دا لغاية دلوقتى? قال "اعدت النظر فيه بعد تولى الوزارة لموقف حصل فى تانى اجتماع مجلس وزراء عندما حدثت مشادة بين انس الفقى وزير الاعلام وجابر عصفور وزير الثقافة وقال رأيت ان انس الفقى كان مخطئا فاحتديت عليه بعد الاجتماع وليس امام الوزراء ولكن مبارك اتصل بيا واكنه بيلفت نظرى انه بلاش تكلم الوزير دا بالذات بالطريقة دى وقال كنت اعلم انه صديق لجمال مبارك فاعتقد ان مبارك فقد الصفة دى فى السنوات الاخيرة"
***بس فى ناس بتقول انه مرشح المجلس العسكرى؟؟ * للعلم كل من يندرك أسمه في قائمة الشرطة او الجيش لا يمتلك حق الادلاء بصوته بمعنى : ان المجلس العسكري غير قادر تماما على دعم شفيق او غيره و لو بصووت واحد...وبعدين مش المجلس العسكرى دا اللى صدق على قانون العزل وافرض انه بيحابى لشفيق ما حاباش ليه لعمر سليمان!!
***بس دا عليه قضايا فساد واهدار مال عام؟؟ *فعلا تم تقديم اكثر من بلاغ للنائب العام تتهم شفيق بالفساد و اهدار المال العام....اى شكوى يتم بحثها فنيا اولا فاذا وجد انها تعتمد على شواهد صحيحة يتم التحقيق فيها جنائيا ...وتم التحقيق فى هذه البلاغات فنيا وتبين انها تعتمد على شواهد غير سليمة و لم ترقى للتحقيق فيها مع الاشخاص المسندة اليهم و بناء على ذلك تم حفظها و عايزة اقولك على حاجة بالنسبة لقانون العزل الذى تم تفصيله لاستبعاد شفيق لان سليمان كان خارج السباق اصلا و مرافعة شفيق فى التظلم اعتمدت على انه ليس قانونيا ان يتم حرمان اى مصرى من ممارسة حقوقه السياسية وهو ليس مدان جنائيا و لم يثبت ضده اى شئ يدينه فما يجعل لجنة تشريعية تقر قانون تعلم جيدا عدم دستوريته و تتوقع احتمال عدم تطبيقه لان ليس له شرعيه لاستبعاد شخص ان دل على شئ انما يدل على ان هذا الشخص لا غبار عليه لان اذا كان لديهم ما يثبت ادانته فى اى من هذه الاتهامات لكانوا قدموها كحجة لاستبعاده لان ادانته جنائيا تتطلب استبعاده قانونا ولا يجدى وقتها تظلم او طعن او غيره ...و اللينك دا فيه توضيح لكل الاتهامات التى صدرت ضده وكيف تم التعامل معها http://egyptconsultant.blogspot.com/...blog-post.html فمن الواضح ان هذه البلاغات لا تهدف الا للنيل من شعبيته فقط ...ودائما الناجحين لهم اعداء
***بس الناس رفضته رئيس وزراء هتقبل به رئيس؟؟ *الناس لم ترفض شفيق الناس رفضت اى شخص عينه مبارك و هذه سطحية بالعكس الناس طالبت بيه من قبل ماتحصل ثورة بسنين... وللأسف حدث هذا الاعتراض ايضا على حكومة عصام شرف الذى هتف له الثوار فى الميدان وطالبوا بتعيينه و اطلقوا على حكومته حكومة الثورة ...وتم الهتاف ايضا بعد تعيينه بفترة لاقالة حكومة شرف!! ويحدث نفس الشئ الان تجاه حكومة الجنزورى مما يعنى ان احمد شفيق الذى قضى شهرا واحدا فى الوزارة لم يفشل كرئيس وزراء .
***يعنى لو بقى رئيس مش هيطلع الوزراء الفاسدين دول من السجون او يتعاون مع الفاسدين لاخفاء ما سبق؟؟ *فى اول 10 ايام لتعيين شفيق رئيسا للوزراء قام بتشكيل لجنة تقصى حقائق برئاسة المستشار عادل قورة وتم احالة المتهمين فى موقعة الجمل للمحاكمة وكلهم من رموز النظام السابق ومنهم صفوت الشريف واخرين وتم وضع العادلى تحت الاقامة الجبرية وكان هذا قبل التنحى يعنى فى وجود مبارك لم يتواطئ معهم ليتواطئ معهم اذا اصبح رئيسا باذن الله و بعدها طالب جهاز الكسب غير المشروع بموافاته بمعلومات عن ثروات الوزراء واعضاء الحزب الوطنى و تم حبس احمد عز والمغربى وزهير جرانه و العادلى على ذمة التحقيق للاستيلاء على المال العام ثم تم القبض على انس الفقى لقضايا تتعلق ايضا باهدار المال العام وهو اول مسئول يصدر قرار يمنع مغادرة اى طائرة خاصة من المطار وقد نفذ قرارات امتنع النظام السابق عن تنفيذها مثل الغاء الحرس الجامعى
اللهم ارنا الحق حقا وارزقنا اتباعه وارنا الباطل باطلا وارزقنا اجتنابه واحفظ مصر من كل من اراد بها سوءا يارب العالمين
رد مع اقتباس
المشاركة الأصلية كتبت بواسطة dina j
