على بينة من ربه ...
السلام عليكم ورحمة الله وبركاته
كيف حالكم يا أهل المنتدىإن شاء الله تكونوا بخير:
قال الله
( أفمن كان على بينة من ربه كمن زين له سوء عمله وأتبعوا أهوائهم )
كل عمل يحتاج الى علم
وكل علم يحتاج الى بينة
وحتى يكون العلم عن بينة لا بد أن يكون من الله ( من ربه )
إلى أقصده إن فى الأيام إلى فاتت بعد الأحداث إلى فاتت كنت برجع بلاقى كلام غريب أوى فى النت هنا والمواقع الاخرى دون تحقق
علشان كدا قلت المرادى أكتب النصائح دى لينا كلنا:
1- قد تكون فى وسط من هم على حق وعلى بينة من ربهم وتكون من الخاسرين
فلما تغزل الناس فى شجاعة وقوة أحدهم فى القتال قال فيههو فى النار ووجدوه بعد ذلك منتحرا .
يعنى كان مع النبى
الفرق هو النية
اراد بذلك نصرة نفسة لا نصرة ربه
ما نفرحش أوى أنى أثبت إنى تابع لمن أظن إنهم على صواب و قد يكون رب العزة عنى غير راض حتى وإن صح قولى
2- ليه بننسى الهدف ..؟؟
لما خلق الله ءادم
يعنى الأصل الجنة
الهدف نرجعلها تانى
يبقى لازم كل فعل وكل كلمة أقلها و كل مناقشة أدخل فيها يكون هدفى الجنة
ليس أنى أنتصر لرأى شخصى
والتجرد من كل كيان أو مكان ليا
وأكون عارف أن ده بيتكتب فى صحيفتى دلوقت
وهتسأل عنه يوم القيامة وممكن بسببه مدخلش الجنة
لابد من البينة قبل كل خبر
لابد من البينة قبل كل فكر
لابد من البينة قبل كل نقد
3- لما الطرق بتتعدد وتتشعب والدنيا تتلخبط ومتعرفش الصح فين؟؟
أجرى بسرعة على كتاب الله
وأخلص النية إنك تلاقى هدايتك فيه
وبكرم ربنا ليك هتلاقى هدايتك فيه
( واعتصموا بحبل الله جميعا ولا تفرقوا )
قال جل فى علاه
( إن هذا القرءان يهدى للتى هى أقوم )
أقوم فى كل شئ
فى الكلام
( ولا تقف ما ليس لك به علم إن السمع والبصر والفؤاد كل أؤلئك كان عنه مسؤلا )
فى الدين
(ومن يسلم وجهه لله وهو محسن فقد استمسك بالعروة الوثقى وإلى الله عاقبة الأمور )
أسلم أنت بس وسيب العاقبة لله
وهكذا
ربنا يهدينا وإياكم إلى كل خير
ودعواتكم لينا
فى أمان الله
سبحانك اللهم وبحمدك أشهد أن لا إله إلا أنت أستغفرك وأتوب إليك
رد مع اقتباس
المشاركة الأصلية كتبت بواسطة amira89
