ساحة حوار ومحاضرات مادة إدارة الأعمال الصيدلية

**The Phoenix** · 08-12-2011, 02:53 AM

عشان الفرقة التالتة عندهم امتحان في نفس اليوم

**white light** · 08-12-2011, 10:15 AM

المشاركة الأصلية كتبت بواسطة chocolata

هو اشمعنى مادة ادارة الاعمال الوحيدة اللى هنمتحنها الساعه 12 انا قرات دا فى الجدول النهاردة ؟

عشان صعبان عليهم ناخد الاجازه بدرى
لالالالا عشان فى فرقه تالته هتمتحن معانا ان شاء الله

-----

جزء د اسماعيل اتشرح فيه كام محاضره ؟

جزء د جلال اتشرح فيه كام محاضره؟

اصلى مش فاكره خالص انى حضرتك محاضره اداره لد جلال او د اسماعيل غير محاضره واحده اول السنه فقط

**sponge Bop** · 08-12-2011, 04:16 PM

هى فعلا يا جماعه ماده اداره الاعمال دى منتهيه يعنى مفيش فرصه الترم التانى بس هى فعلا صعبه ولا عاديه اصلى حسه انى بنساها اوى الماده دى ربنا يستر فيها ونعدى على خير السنه دى

**ELANDALEEB** · 24-01-2012, 02:17 AM

مفيش حد عايز يشارك ولو بكلمة ف الساحة دى ليه كدة ياجماعة !!!
حد يدخل كدة يعرفنا راسنا من رجلينا
انا حاسس ب انتخة رهيبة بجد ومحتاج اتحمس علشان نخلص من اليومين اللى جايين دول على خير
__________________
ناويين تذاكروا ايه الاول
وهل فعلا المسائل عليها 30 درجة ( كلام من المكتبة )
وجزء صيدلة اسئلته بتبقى ايه !!!
وياترى فيه حاجات مهمة نركز عليها !!!
والنجاح ف المادة دى من 50 % مش كدة !!!! واحنا معانا 10 درجات بتوع الشيت يعنى محتاجين 40 درجة كمان علشان نضمن النجاح !!!!! ( علشان اطمن نفسى وانا بذاكر !!! )
حد هيرد عليا بقى !!!!! والا هتسيبونى لوحدى

**Hope1** · 24-01-2012, 05:58 AM

بسم الله الرحمن الرحيم
صباح الفل عليكم جميعا

بيقولوا
ان د.جلال و د.اسماعيل قالوا ان أهم حاجة الاسئلة اللي في اخر الكتاب و د.مني قالت انها هتجيب mcq بس شكل الشيت كده اللي احنا سلمناه مفيش عليه درجات و لا ايه مش عارفة لان الورق اللي انا جيباه 25 د.جلال و 25 د.اسماعيل و 50 د.مني يارب يطلع عليه حاجة و د.مني قالت المسائل بـ 30 درجة و انها هتبقي هي هياها بتاع الكتاب ان شاء الله يعني بتاع الورق يعني بس كده ده اللي عرفته
ربنا يستر ان شاء الله
أما اقوم أشرب شاي بلبن
بااااااااااااااااااي

**dr_orchida** · 24-01-2012, 09:24 AM

المشاركة الأصلية كتبت بواسطة ELANDALEEB

مفيش حد عايز يشارك ولو بكلمة ف الساحة دى ليه كدة ياجماعة !!!
حد يدخل كدة يعرفنا راسنا من رجلينا
انا حاسس ب انتخة رهيبة بجد ومحتاج اتحمس علشان نخلص من اليومين اللى جايين دول على خير
__________________
ناويين تذاكروا ايه الاول
وهل فعلا المسائل عليها 30 درجة ( كلام من المكتبة )
وجزء صيدلة اسئلته بتبقى ايه !!!
وياترى فيه حاجات مهمة نركز عليها !!!
والنجاح ف المادة دى من 50 % مش كدة !!!! واحنا معانا 10 درجات بتوع الشيت يعنى محتاجين 40 درجة كمان علشان نضمن النجاح !!!!! ( علشان اطمن نفسى وانا بذاكر !!! )
حد هيرد عليا بقى !!!!! والا هتسيبونى لوحدى

بسم الله الرحمن الرحيم
احنا هنذاكر اول حاجة المساااااااااائل وبعدين د\جلال وبعدين د\ اسماعيل
جزء د\مني هيبقي مسئلتين وسؤال واكبر درجة عالمسائل
جزء صيدلة لسه معرفش والله بس نزاكر اسءلة الكتاب وخصوصا د\اسماعيل
بالنسبة للشيت معرفش نظامه ايه بصراحة بس معتقدش انه عليه حاجة ده كان بطاطااااا خالص
.
ردينا أهوه يا دكتور بالتوفيق ان شاء الله

**M_S_SH** · 24-01-2012, 10:23 AM

انا هزاكر الجزء العربي
وجزء د جلال (صفحتين فيهم كلام جديد والصفحة الاخيرة كلام صيدلانيات اخدناه قبل كدة)
والاسئله الي في اخر كتاب دك اسماعيل بس

**amira89** · 24-01-2012, 11:38 AM

جزء تجارة رخم جدا فى مذاكرته
انتوا متاكدين انه هيبقى Mcq يعنى اذاكر من غير حفظ

**mido17** · 24-01-2012, 12:26 PM

ياريت فعلا حد يتأكد من أسئلة جزء تجاره ويعرفنا

**Dr Deya** · 24-01-2012, 12:56 PM

الماده دي شيقه .......... بكل المقاييس ...
انا حاسس اني هقلب حمزاوي بعد شويه
كلام بسيط في صوره معقده .....
وصدق القائل : يخبرك بكل ماتعرفه بطريقة لا تعرفها

الموضوع: ساحة حوار ومحاضرات مادة إدارة الأعمال الصيدلية

أدوات الموضوع

عرض

ضوابط المشاركة