عوده الى كرسى الاعتراف مع dr emy.hassan

[dr emy.hassan]

السلام عليكم

وعليكم السلام

ايه التصرف اللى عملتيه وحسيتى بعده بتأنيب الضميرواتمنيتى لو يعود بك الزمن لتتصرفى بشكل مختلف
اى تصرف عملته فى وقت نرفزة وبدون تفكير

هل أنتى من النوع المتوتر ولا واخده الحياه ببساطه
كنت من النوع المتوتر بس بحاول حاليا اعيش الحياة ببساطة

كم عدد صحباتك المقربات منك مع ذكر اسمائهم
امنه و حنان و حنان و زينب ونسرين

ايه اكتر مادة كنتى بتحبيها فى ابتدائى واعدادى وثانوى ؟؟ومين اكتر مدرس او مدرسة حبيتيها فى المراحل دى؟؟
ابتدائى كانت الرياضه
وكنت بحب ابله هيام مدرسه العربى
اعدادى كانت العلوم والانجليزى والرياضه
وكنت بحب ابله حنان مدرسه العلوم
ثانوى كانت الكمياء
وكنت بحب ابله هناء مدرسة الاحياء

هل دموعك قريبه

جداااااااااااااا للاسف

اخر مره نزلت دموعك كانت امتى وايه السبب
امبارح بالليل
كنت بكلم واحدة من اصحابى وعيطت لانها بتمر بمشكلة
لقتنى انا كمان بعيط

وانتى صغيره كان بابا بيزعقلك بس ولا بيضربك ولا الاتنين مع ذكر وسيلة الضرب ان وجد
لا طبعا مفيش ضرب
ممكن يزعقلى لان اصلا لما كان بيزعقلى كان بيبقى فى بحر دموع

مين الشخصيات اللى اثرت فى حياتك
جدو حسن الله يرحمه (عم بابا)
كان انسان بمعنى الكلمة

تقولى لمين انا اسفه
لاى شخص زعلته من غير قصد

تقولى لمين شكرا على اللى بتعمله ليا
بابا

صحيتى امتى النهارده
9 وشويه

ايه اكتر حاجة فرحتى لما عملتيها
مش فاكره بس فرحت لما عملت صنيه كيكه من يومين

ايه اللعبة اللى كنتى بتحبيها وانتى صغيرة
مش فاكره

كنتى بتلعبى ايه وانتى صغيره
بالعرايس و لعبة المطبخ

بتلعبى ايه وانتى كبيره
GTA
بس مش كتير

لو اتقدملك عريس كويس بس كليته مش طب ولا صيدله ولا هندسه ولا اسنان هتوافقى
والله على حسب الانسان ممكن الاقى حد كويس جدااا ومثقف يعوض النقطة دى
بس احتمال الرفض اعلى
واتمنى انه يبقى كليه عاليه

ايه اجمل هديه اتهدتلك وايه الهديه اللى نفسك حد يهديهالك
بابا جابلى لاب السنه دى فرحت بيه اوى
اما الهديه اللى نفسى حد يهديهالى مش عارفه

كام عريس اتقدموا ليكى

ليه الاحراج ده
عموما كتير
وخصوصا السنه دى

لو حد اذى مشاعرك بتتصرفي معاه ازاى
للاسف مش بعرف اتصرف وبزعل وخلاص وممكن اعتابه بعدها

الموقف اللى لو حد عمله فيكى عمرك ما هتسامحيه عليه
مش عارفه بس لو حد خان ثقتى ممكن مقدرش اسامحه
ولو انى طيبه وهسامح

الحياه بالنسبه ليكى ايه
الحياة اختبار كبير ولازم نجتهد فيه

اوصفيلنا شخصيتك
محدش بيعرف يوصف نفسه
بس عموما انا بعترف انى طيبه لدرجة صعبه
و راضية الحمد لله عن تصرفاتى لحد كبير

اوصفيلنا يومك عامل ازاى .. بتعملى ايه فيه يعنى
حاليا بقوم اصلى الصبح وبعدين جرى ع المطبخ علشان الحق اجهز الغدا
وبعدين انضف البيت
وبس عادى بقى بقيت اليوم اتفرج على التليفزيون او ادخل على النت

نضفتى اوضتك النهارده ولا لأ
نضفتها

اتغديتوا ايه امبارح
لحمه ورز ولبيه وشربه وسلطه وانا اللى كنت طابخه

اى بنت بتحلم بفرحها عاوزه فرحك بقه يكون ازاى
نفسى يبقى فرح جميل اوى وكل حاجة انا اللى اختارها فيه

سلام

[محمد سمير]

ايه اكتر حاجة فرحتى لما عملتيها
مش فاكره بس فرحت لما عملت صنيه كيكه من يومين

خيانه

صنية كيكه وما تعزميش علينا

كام عريس اتقدموا ليكى

ليه الاحراج ده
عموما كتير
وخصوصا السنه دى

وايه اسباب عدم القبول

اتغديتوا ايه امبارح
لحمه ورز ولبيه وشربه وسلطه وانا اللى كنت طابخه

خيانه عظمى بقه

وما فيش اتفضلوا ولا اى حاجه

ده انا بموت فى اللبيه

خايفه نحكم على اكلك ولا ايه

اى بنت بتحلم بفرحها عاوزه فرحك بقه يكون ازاى
نفسى يبقى فرح جميل اوى وكل حاجة انا اللى اختارها فيه

اللهم امين

[dr emy.hassan]

خيانه

صنية كيكه وما تعزميش علينا

معلش المرة الجاية ان شاء الله

وايه اسباب عدم القبول

مش هم السبب هم ناس كويسين جدااا ودكاترة ومهندسين
بس بابا شايف ان لسه بدرى وخايف انى اتعطل عن دراستى
فبيقول السنه الجاية او لما ابقى فى رابعة
ممكن يوافق على خطوبة
لكن زواج اثناء الدراسه لا يمكن
وكمان ممكن لان لسه مجاليش نصيبى

خيانه عظمى بقه

وما فيش اتفضلوا ولا اى حاجه

ده انا بموت فى اللبيه

خايفه نحكم على اكلك ولا ايه

لا انا واثقة من اكلى الحمد لله
بيقولوا نفسى حلو فى الطبيخ

[محمد سمير]

معلش المرة الجاية ان شاء الله

لما نشوف هتفتكرينا ولا لأ

وكمان ممكن لان لسه مجاليش نصيبى

ربنا يرزقك بابن الحلال وتكون البطيخه حمرا

لا انا واثقة من اكلى الحمد لله
بيقولوا نفسى حلو فى الطبيخ

طب كويس

بس المهم عاوزين نجرب عشان نحكم بنفسنا

[dr emy.hassan]

لما نشوف هتفتكرينا
ولا لأ

ان شاء الله

[FONT=Arial Narrow]ربنا يرزقك بابن الحلال وتكون البطيخه حمرا

ههههههههههه ماشى يا دكتور اللهم امين
[

/FONT]

طب كويس

بس المهم عاوزين نجرب عشان نحكم بنفسنا

[/QUOTE]

هبقى اجبلكم طبق

[محمد سمير]

السلام عليكم

كنتى فى مدرسة ايه وانتى فى الابتدائى والاعدادى والثانوى ؟وهل كانت مشتركة ولا بنات بس؟

ايه الرياضه اللى بتحبيها

ايه الرياضه اللى بتلعبيها ولا ما فيش رياضه

ايه الرياضه اللى كان نفسك تلعبيها

ما فيش فى يوم جه فى بالك وقلتى يارتنى كنت ولد ؟ وكان ايه السبب

اتخانقتى مع حد من صحباتك قبل كده ؟ ولو اتخانقتى كان ايه السبب

كنتى بتشاركى فى انشطه ايام المدرسه ؟ ولو فى ايه هيا

بتشاركى فى انشطه فى الكليه ؟ ولو فى ايه هيا

ايه هيا احلامك وامنياتك

احكيلنا عن مواقف فى حياتك مش بتنسيها

ايه الصفات اللى فيكى وتتمنى تغيريها

ايه الصفات اللى فيكى و بتحبيها فى شخصيتك

ايه الصفات اللى تحبى تكتسبيها

ليكى صديقة معينة صاحبتك من زمان وليها مكانة خاصة ف قلبك وبتعتبريها اقرب واحدة ليكى ؟ ومين هيا

غمضي عينك و اتمني امنية ... ايه اول حاجة خطرت علي بالك

لو واحد عاكسك فى الطريق هتعملى ايه

اتدربتى فى صيدليه ولا لسه ؟ ولو اتدربتى ايه اللى استفدتيه

اخر مره بوستى ايد بابا امتى

واخر مره بوستى ايد ماما امتى

بتحبى تسمعى قرآن لمين من الشيوخ

ايه الاكل اللى مش بتحبيه

لو رجعتى من الكليه ولاقيتى ماما طابخه اكل مش على هواكى بتعملى ايه

اخر مره ماما زعقتلك امتى وايه السبب

واخر مره بابا زعقلك امتى وايه السبب

اخواتك بيعملوا فيكى مقالب ؟ ولو فى احكيلنا بعض منها

ليكى ورد يومى من القرآن ؟

احكيلنا موقف خلاكى تضحكى النهارده

سلام

[dr emy.hassan]

السلام عليكم

وعليكم السلام

كنتى فى مدرسة ايه وانتى فى الابتدائى والاعدادى والثانوى ؟وهل كانت مشتركة ولا بنات بس؟
سؤال غريب اوى
عموما الابتدائى والاعدادى كان فى مدرسة برهام المشتركة
والثانوى كان مدرسة كفر الاطرش الثانوية الحديثة بنات

ايه الرياضه اللى بتحبيها
المشى

ايه الرياضه اللى بتلعبيها ولا ما فيش رياضه
مفيش بصفة يومية بس لما بتتاح الفرصة بحب اتمشى

ايه الرياضه اللى كان نفسك تلعبيها
التنس

ما فيش فى يوم جه فى بالك وقلتى يارتنى كنت ولد ؟ وكان ايه السبب
هههههههههه
لا طبعا
(سؤال اغرب )

اتخانقتى مع حد من صحباتك قبل كده ؟ ولو اتخانقتى كان ايه السبب
مش بتخانق مع حد
ممكن يبقى زعل وعتاب بس مش بتوصل لخناق وبنتصالح فى نفس اليوم

كنتى بتشاركى فى انشطه ايام المدرسه ؟ ولو فى ايه هيا
جدااااااااااا
كنت الطالبة المثالية كمان
بس كان فى الاعدادى والابتدائى واتشغلت بالمزاكرة فى الثانوى
وكان معظمها ابحاث للمكتبة و مسابقات فى الرسم وحفظ القرآن
والاذاعة المدرسية

بتشاركى فى انشطه فى الكليه ؟ ولو فى ايه هيا
مفيش انشطة شاركت فيها اوى
كنت مشتركة مع اسرة ليتس جو
و حضرت ندوة كانت ناجحة جدااا الحمد لله
وبعدين سبت الاسرة
لانى فضلت اتفرغ للمزاكرة وكمان لانى كنت بسافر وكنت مابصدق اخلص محاضرات واروح

ايه هيا احلامك وامنياتك
ان ربنا يوفقنى فى دراستى وتكون حياتى سعيدة مستقبلا

احكيلنا عن مواقف فى حياتك مش بتنسيها
فى مواقف كتير جداا الانسان ميقدرش ينساها
زى فرحة نتيجتى على مختلف مراحل تعليمى
وفى مواقف حزينة زى موت حد من العيلة

ايه الصفات اللى فيكى وتتمنى تغيريها
التسرع

ايه الصفات اللى فيكى و بتحبيها فى شخصيتك
الطيبة وحسن الظن بالناس
والاخلاص لصديقاتى

ايه الصفات اللى تحبى تكتسبيها
الخبرة بالحياة اكتر
والهدوء فى اتخاذ اى قرار

ليكى صديقة معينة صاحبتك من زمان وليها مكانة خاصة ف قلبك وبتعتبريها اقرب واحدة ليكى ؟ ومين هيا
هم كتير ولو قلت واحدة التانية هتزعل
فهقول ماما بجد امى صديقة رائعة ربنا يخليها

غمضي عينك و اتمني امنية ... ايه اول حاجة خطرت علي بالك
مفيش حاجة خطرت على بالى

لو واحد عاكسك فى الطريق هتعملى ايه
مش هرد عليه وهمشى واعمل نفسى مأخدتش بالى

اتدربتى فى صيدليه ولا لسه ؟ ولو اتدربتى ايه اللى استفدتيه

روحت 3 ايام بس
يدوب حاجات بسيطة عن اماكن الادوية وصرف الروشته

اخر مره بوستى ايد بابا امتى
وهو مسافر يوصل ابن عمى وعروسته للمطار

واخر مره بوستى ايد ماما امتى
من ساعة تقريبا

بتحبى تسمعى قرآن لمين من الشيوخ
ماهر المعقيلى
محمد جبريل
العفاسى

ايه الاكل اللى مش بتحبيه

الملوخية والاوراك فى الفراخ ومش فاكره ايه تانى

لو رجعتى من الكليه ولاقيتى ماما طابخه اكل مش على هواكى بتعملى ايه
ولا اى حاجة عادى ربنا يكون فى عونها ده احيانا ممكن لو رجعت بدرى من الكلية الاقيها لسه مجتش من الشغل اطلع من الفريزر واطبخ

اخر مره ماما زعقتلك امتى وايه السبب
امبارح بالليل علشان محمد اخويا مكنش بيزاكر وانا مالى اعمله ايه

واخر مره بابا زعقلك امتى وايه السبب
لما كنا بنتناقش فى موضوع المدينة وقالى لازم تسكنى ومينفعش تسافرى بالليل
بس مش زعيق اوى بس كلام بعصبيه شوية من خوفه عليا

اخواتك بيعملوا فيكى مقالب ؟ ولو فى احكيلنا بعض منها
كتيييييييييييييييييييير
اختى الصغيرة مثلا تروح تجيب مكعبات تلج وترميها عليا علشان اصحى
اخويا بأه
بيستخبى ورا الباب ويطفى النور او مثلا اكون متابعة فيلم ويفصل الكهربا ويقولى الكهربا قطعت او........................كتير بس معدتش فاكره
كفاية رنة موبايله تخوف لوحدها

ليكى ورد يومى من القرآن ؟
الحمد لله
بس ممكن انشغل وانسى
وبحاول اعوض بعدها
ربنا يعينى واواظب عليه

احكيلنا موقف خلاكى تضحكى النهارده
النهاردة كنت فى المنصورة والمفروض راحة اشوف المدينه وادفع مصروفات الكليه
خرجت من الكليه قولت اشترى شويه حاجات انا وماما وبعدين خلصنا شرى ولقينا الاتوبيس بتاع شربين فركبنا وروحنا وافتكرت فى الطريق انى نسيت اروح المدينه اللى هى السبب الرئيسى انى اروح المنصورة النهاردة

سلام

اظن خلاص كده الاسبوع خلص بجد كانت تجربة لذيذة اوى شكرا لكل الناس اللى شاركوا فى التوبيك

[محمد سمير]

ان ربنا يوفقنى فى دراستى وتكون حياتى سعيدة مستقبلا

اللهم امين

هم كتير ولو قلت واحدة التانية هتزعل
فهقول ماما بجد امى صديقة رائعة ربنا يخليها

ربنا ما يحرمك من والدتك ابدا

اخر مره ماما زعقتلك امتى وايه السبب
امبارح بالليل علشان محمد اخويا مكنش بيزاكر وانا مالى اعمله ايه

تلاقى ماما كانت زعلانه منك وزعقتلك بحجة اخوكى

واخر مره بابا زعقلك امتى وايه السبب
لما كنا بنتناقش فى موضوع المدينة وقالى لازم تسكنى ومينفعش تسافرى بالليل
بس مش زعيق اوى بس كلام بعصبيه شوية من خوفه عليا

ومش عاوزه تسكنى مدينه ليه

ليكى ورد يومى من القرآن ؟
الحمد لله
بس ممكن انشغل وانسى
وبحاول اعوض بعدها
ربنا يعينى واواظب عليه

اللهم امين

احكيلنا موقف خلاكى تضحكى النهارده
النهاردة كنت فى المنصورة والمفروض راحة اشوف المدينه وادفع مصروفات الكليه
خرجت من الكليه قولت اشترى شويه حاجات انا وماما وبعدين خلصنا شرى ولقينا الاتوبيس بتاع شربين فركبنا وروحنا وافتكرت فى الطريق انى نسيت اروح المدينه اللى هى السبب الرئيسى انى اروح المنصورة النهاردة

هههههههههههههه

المدينه شكلها مش جايه على هواكى اصلا

عشان كده نسيتى

وتقريبا ماما برضه مش عاوزاها عشان ما تبعديش عنها فنست هيا كمان

تلاقيكوا متفقين مع بعض ان تنسوا عشان تعملوا حزب على بابا

اظن خلاص كده الاسبوع خلص بجد كانت تجربة لذيذة اوى شكرا لكل الناس اللى شاركوا فى التوبيك

الحمد لله ان التجربه عجبتك

ونورتينا

[dr emy.hassan]

ربنا ما يحرمك من
والدتك ابدا

اللهم امين

تلاقى ماما كانت
زعلانه منك وزعقتلك بحجة اخوكى

لا والله مش زعلانه ولا حاجة
بس هى عايزانى اشجعه وازاكرله

ومش عاوزه تسكنى مدينه
ليه

مش بحبها وكمان انا مش بعيدة اوى عن المنصورة فى خلال ساعة ونص ببقى فى البيت
بس اعمل ايه مضطرة اسكن علشان يوم هتتأخر فيه

هههههههههههههه

المدينه شكلها مش جايه على هواكى اصلا

عشان كده نسيتى

وتقريبا ماما برضه مش عاوزاها عشان ما تبعديش عنها فنست هيا كمان

تلاقيكوا متفقين مع بعض ان تنسوا عشان تعملوا حزب على بابا

ههههه حزب لا بجد نسينا

الحمد لله ان التجربه عجبتك

ونورتينا

الحمد لله عجبتنى جدااا
ومتشكرة جداااا لكل الناس اللى سألتنى