@@...%%% عودة الى كرسي الاعتراف معdr.bibo %%%...@@

[Amira]

انا كنت بفكر فى ده النهارده الصبح

اننا نعمل كرسى اعتراف تانى لحد لما د بيبو ترجع بالسلامه

وبالتالى

هنعمل كرسى اعتراف اخر ل

د amira

لانها اللى كانت بعد د بيبو فى الاصوات

استعدى يلا ياد اميره للموضوع بتاعك

نعم حد بينده ...
اللى بعد بيبو هو د.أنس انا بعده بقى وعليكوا خير

[محمد سمير]

نعم حد بينده ...
اللى بعد بيبو هو د.أنس انا بعده بقى وعليكوا خير

ما تحاوليش

الموضوع بيجهز

[تابعة محمد]

انا كنت بفكر فى ده النهارده الصبح

اننا نعمل كرسى اعتراف تانى لحد لما د بيبو ترجع بالسلامه

وبالتالى

هنعمل كرسى اعتراف اخر ل

د amira

لانها اللى كانت بعد د بيبو فى الاصوات

استعدى يلا ياد اميره للموضوع بتاعك

يا سلام
اهو ده الكلام ............................
اميـــــــــــــــــــــــــــــــــــــــــــــــ ـــــــــــــــــــرة المدير بتاعنا و الكبير علينا، اهلا بيكى
اقلك سر رمضان كريم ومفيش رحمة
وبعدين مرحناش بعيد . اهلا بيكى ومرحبا فى ارض الاشواك و الاسئلة الصعبة .

[DR.BIBO]

واضح ان دكتور biboهتستمر معانا شهر لقدام لما النت يجى

انا اسفة بجد على التاخير فى الرد بس والله غصب عنى وان شاء الله هرد على كل الاسئله وهقعد معاكو زى ما انتو عايزين لحد ما تقولوليلى خلاص بس الجهاز يتصلح
-----

تعاطفك لواحده مش كفاية

اتبرع ولو بسؤال

وبعدين دى دكتورة بيبو اللى وصلتنا للى وصلناله

هو الواحد بس يفوق شوية من الصدمة وهاجى اجيب حقى

طب ما الطيب احسن وعفا الله عما سلف يادكتور

[DR.BIBO]

دكتور ه بيبو كان نفسى اعرفكو
شخصيا انتى وايرة وامة الله وبقول شكرا لدكتورة نور الشمس وهى عارفة ع ايه بجد بجد الرقم طلع كويس ف الوقت المناسب الحمد لله واليكى يادكتورة بيبو شوية الاسئله دولد
حاجة تسعدنى انى اتعرف عليكى
من انتى؟؟؟؟!!!!!!!!!!!!!!!!!!!!
انا انسانه بسيطة شايفة الدنيا حواليها بسيطة ومش مستاهله انى اضايق او اقلق لانى عارفة دايما ان ربنا كاتبلى الخير بحب الناس جدا
لو وصف لى فى كلمةواحده يبقى متفائله
انتى علاقتك مع بيتكو شكلها عامله ازاى؟وخصوصا مامتك؟
الحمدلله علاقتى مع بيتنا كويسه جدا بحب اخواتى جدا وبحب ماما وبابا جدا علاقتى بماما مينفعش تتوصف انا شبهها جدا فى الشكل واحنا اصحاب جدا
انتى علاقتك مع صاحباتك عامله ازاى؟
الحمدلله علاقتى معاهم كويسه اى حد فينا بيحتاج حاجة او بيفكر فى حاجة بيروح للتانى وياخد رايه وبنساعد بعض يعنى زى اى اصحاب
ياترى ايه اهم ما يميزك ؟وياترى ايه عيوبك؟
مميزاتى اللى حواليا يقولوها مش انا
عيوبى برده الناس اللى حواليا هما اللى يقولوها بس بيتهيالى انى لما اتعصب اوى ممكن اغلط مع انى اصلا بطلت اتعصب الا كل فين وفين بس لما بيحصل بزعل اوى وبرجع اعتذر بسرعة ممكن ساعات انى اتعامل مع الناس ببراءة ويفهمونى غلط
انتى دخلتى صيدله مجموع ولا رغبة ؟
انا اول ماجالى جواب التنسيق حسيت كان كليه الصيدله ديه كانت رغبتى العمر كله مش عارفة ازاى ده حصل بس هو ده اللى حصل
وايه رايك ف كليتنا اللى انا بعشقها (متقوليش راى وحش عشان مزعلش)
اناكمان بحبها اوى مش هزعلك متقلقيش بحس فيها بانتماء غريب كفايا ان فيها اصحابى اللى بحبهم جدا وفيها دكاترة بحترمهم وبقدرهم وكفايا انها السبب انى عرفت منتدانا الجميل ده
ياترى بتحكمى ع اى حد قدامك ازاى؟وبناء ع اية بتقررى تبقو اصحاب؟
لا ده يبقى حسب الراحة النفسيه احكم عليه ازاى ده على حسب الاسلوب فى التعامل ونبقى اصحاب بسيطةجدا احس ان اللى قدامى قادر يفهمنى وعايزنا نبقى اصحاب من غير اى سبب او مصلحة ساعتها نبقى اصحاب بس كده
انتى موافقة ع الارتباط اثناء الدراسة؟
الارتباط بمعنى ايه انى اتخطب دلوقتى يعنى لو لقيت الانسان المناسب باالنسبالى معنديش مانع
اما اى ارتباط تانى انا معرفوش ومقبلوش
وايه رايك ف عمل المراة ؟
انا من الناس اللى شايفة المراه توفق بين بيتها وشغلها وتخلى البيت رقم واحد وبعد كده الشغل لانى مش مقتنعة انى اضيع العمر ده كله فى الدراسه وبعدكده مشتغلش بس فى نفس الوقت بيتى وولادى ان شاء الله اهم حاجة فى حياتى
عمرك قابلتى حد كداااااااااااااااااااااااااااااااااااااااب؟
كداب فى شخصيته او فى كلامه لا بس افتكر واحده صاحبتى فى تانيه ثانوى كانت بتكدب فى مجموعها مع ان كل الناس كانو عارفين مجموعها الحقيقى بس سبناها تكدب براحتها وخلاص مع ان ديه حاجةكانت مضيقانى جدا لان اكتر حاجة بكرهها فى حياتى الكدب
كنتى بتصرفى معاه ازاى؟
لخصيلى حياتك ف خمس كلمات فقط
الاسرة الاصحاب العيلة التفاؤل النجاح
مين اكتر حد صاحبتيه ف الحياه ؟ ولية ؟
كل خل ع خله )(الصديق مراة صديقة) الى اى مدى المقولتين دول صح ف حياتك؟
امنيه واميرة طلعو معايا من اولى ثانوى فى المدرسه واتصاحبنا اكتر فى الكليه
هى المقوله ديه بالنسبه لاصحابى القريبين منى مضبوطة جدا لكن انا ليا اصحاب كتير اوى فمش معقول كل اصحابى هيبقو زيى ممكن معظمهم
ملحوظة ياجماعة انا لسة عارفة ان دكتورة بيبو دكتورة وليست دكتور

هههههههههه عادى ناس كتير اوى كانو بيردو عليا فى المنتدى على انى ولد وانا مكنتش بعلق بس بعدكده بقيت بعلق
الاسم مش واضح انا عارفة
اسئلتك كانت كتيرة اوى على فكرة لو حابه تسالى تانى هستنى اسئلتك

[DR.BIBO]

عندك حق .......... ورينا شطارتك يا عصفورة ، ولانتى بتسخنينا وبس
-----
بسم الله الرحمن الرحيم
انا هسال مع انى كنت عايزة استنى لما الموضوع يسخن ، بس علشان ساعات بتوه منكم :-

1- رومانسية ولا لأ ؟
اه جدا
2- تتجوزى واحد بيشرب سجاير ؟
لا
3- تتجوزى واحد مش بيصلى ؟
لا
4- كام عريس اتقدموا ليكى ؟
اهلى كانو رافضين انى اتخطب قبل ما اخلص سنه تالته فعشان كده معرفش حاجة عن الموضوع ده
5- احساسك بيكون ايه لما بتتعاكسى ؟
بحس ان فيا حاجة غلط وده بيضايقنى
6- بتزعلى والدتك منك ؟ وغالبا بيكون السبب ايه ؟
هو فى الغالب لا بس ماما دايما بتقلق عليا وبتتصل بيا على الموبايل انا مبسمعوش وبتفضل قلقانه وديه اكتر حاجة بتزعل ماما منى وبرده لما
7- بتعرفى تطبخى ؟ ونظيفة فى شغل البيت ؟
اه بعرف اطبخ بس بكسل
8- بتكدبى ساعات ولا لأ ؟
لا مبحبش الكدب
9- واخر عمل خيرى عملتيه امتى وكان ايه ؟
مينفعش حد يعمل خير ويقول عليه
10- ممكن لو اتقدم واحد بنفس مواصفات شخصيتك ، تقبليه ؟ بمعنى تانى انتى راضية عن نفسك ؟
اه الحمدلله راضيه عن نفسى
كفاية كده لغاية دلوقتى ........ وفاصل ونواصل .

اسئلتك صعبه على فكرة

[DR.BIBO]

طب ما تبتدى انتى .................وتسخنى الموضوع شويه

بقة كده يا زينب بتسخنيها عليا ليكى يوم
معلش يادكاترة حصل غلطة مطبعية غريبة جدا كتبت نفس الرد فى الموضوعين وانا بنقل من الموضوع ده للموضوع التانى
-----

عندك حق .......... ورينا شطارتك يا عصفورة ، ولانتى بتسخنينا وبس
-----
بسم الله الرحمن الرحيم
انا هسال مع انى كنت عايزة استنى لما الموضوع يسخن ، بس علشان ساعات بتوه منكم :-

1- رومانسية ولا لأ ؟
رومانسية جدا
2- تتجوزى واحد بيشرب سجاير ؟
لا ده انا بكرة ريحتها حتى لو حد شربها وجه غير بتدمر الصحة وبتضيع الفلوس يعنى من كل النواحى مش مفيدة
3- تتجوزى واحد مش بيصلى ؟
لا طبعا لانى عايزة انسان يتقى ربنا فيا
4- كام عريس اتقدموا ليكى ؟
اهلى كانو رافضين انى اتخطب قبل ما اخلص سنة تالته عشان كده معرفش حاجة عن الموضوع ده
5- احساسك بيكون ايه لما بتتعاكسى ؟
مش عارفة بس اكيد مش ببقى مبسوطة بالعكس ساعات بقول اكيد انا فى حاجة غلط وساعات بتبقى قلة ذوق من غير داعى
6- بتزعلى والدتك منك ؟ وغالبا بيكون السبب ايه ؟
لا الحمدلله حتى لو ضايقتها برجع اصالحها بسرعة ومعرفش انزل من البيت غير وهى راضية عنى
7- بتعرفى تطبخى ؟ ونظيفة فى شغل البيت ؟
اه الحمدلله بعرف اطبخ وبيقولو نفسى حلو بس مبدخلش المطبخ كتير
8- بتكدبى ساعات ولا لأ ؟
بحاول قدر الامكان انى مكدبش ابدا لانى مبحبش الكدب وده اكتر حاجة مقبلهاش من اللى حواليا بحاول اقول الحقيقة مغلفة بشكل حلو لو معرفتش يبقى مش هكدب وربنا بيسترها
9- واخر عمل خيرى عملتيه امتى وكان ايه ؟
10- ممكن لو اتقدم واحد بنفس مواصفات شخصيتك ، تقبليه ؟ بمعنى تانى انتى راضية عن نفسك ؟
اه الحمدلله راضية عن نفسى ممكن نقول بنسبة 85% امتياز اهوه
كفاية كده لغاية دلوقتى ........ وفاصل ونواصل .

ماشى ياجميل وانا مستنية اسالتكتنورى الموضوع

[asfourelgana]

بيبو حبيبتي

بجد والله وحشتيني مع كل اعضاء المنتدى

بس انتى ليكي شوية معزة زياده

ها بقه جاوبتي ع كل حاجة ورفعتي راسنا ولا ايييييييييييييه؟

طمنيني

[DR.BIBO]

بيبو حبيبتي

بجد والله وحشتيني مع كل اعضاء المنتدى

بس انتى ليكي شوية معزة زياده

ها بقه جاوبتي ع كل حاجة ورفعتي راسنا ولا ايييييييييييييه؟

طمنيني

ربنا يخليكى ياعصفورة وانتى كمان وحشتينى اوى
بجاوب اهوه على قد ما اقدر انا عدت الرد على الاسئلة اللى جاوبتها وبكمل اجابات اهوه بس ما شاء الله الاسئلة كتير وربنا يقدرنى عليها بس انا مستنيه اسئلتك اللى اكيد هتنور الموضوع سيبتك شهر اهوه تمخمخى فى الاسئلة
بس انا بعمل اقتباس للاسئلة وبرد فى الموضوع ده كتجميعة للاسئلة اللى فى الموضوعين
http://www.pharma-board.com/board/sh...ad.php?t=22241
شوفتى دلع اكتر من كده كرسين اعتراف لما خلاص هتجنن

[asfourelgana]

ههههههههههههههههه

انتى قدها وقدود يا حبيبتي

والحمد لله انك رافعه راسنا

بس بالنسبه للشهر انا اصلا كنت مدية لمخي اجازة

وده طبعا من حسن حظك