مواااااااااااااااااااااااااااااااااااااقف

[أمــ هـنـد ــة الله]

فى اول او تانى سكشن برضو مديسنال الترم ده
حطيت الحاجات فى الفلاسك وكان فى تسخين تقريبا وبعد التسخين بنحط ال indicator المهم سخنت وخلصت كل حاجه و بدل ما احط ال Indicator ألخاص بالتجربه دى حطيت واحد تانى وقعدت اعمل titration ان اللون يطلع ابداااااا وصلت تقريبا لحد 15 مل هههههه ولما ملقتوش طلع رحت اتاكد لقيتنى حطاه غلط

وفى نفس السكشن حطيت اللى المفروض يكون فى السحاحه حطيته فى الفلاسك والعكس

والسكشن اللى بعدهم حطيت الانديكاتور المفروض بعد التيتراشن اللون يبقى احمر
انا يدوب حطيت الانديكاتور من هنا طلعلى احمر من غير مااعمل تيتراشن وكمان اللون الاحمر لزق فى الفلاسك ومرضاش يروح
ترم عجيب والله

اللى بيحصل معاكى داا من المواقف اليومية المتكررة اللى بتحصل معايا ^^

اخرهـا سكشن الفيتو انا وصحابى كل اتنين عملو فلاسكة بتاعت تجربة الايودين

وحطينا الفلاسكتين فى الضلمة .... انا مكنتش عارفة التجربة بتتعمل ازااى او بمعنى اصح معرفش انها زى بتاعت التحليلية

فبعد المدة وقفنا التفاعل وقولت بقى اروع اساعد واعمل اى حاجة بدل ما انا واقفة

قولتلهم ياجمماعة عايزين ستارش اد ايه

ورحت جبته وحطيته على الفلاسكة علطول مش استنى لما نعمل تيتراشن واللون الاصفر يجى لألألألألأ

وبااااااااااااظت التجربة وطبعا كنت ف نص هدومى لانى ديمااا ببوظ تجارب ^^

قولنا بقى املنا الوحيد الفلاسكة التانية وبرده قولت لازم اساعدهم رحت عشان اجيب التيترانت ورحت وتعبت عما جبته

ولسه رايحلهم لقيتهم جابو تيترانت واشتغلو

وياعينى فضلو ينزلو وينزلو وينزلو وبرده مفيش اصفر قشى دااا لحد ما السحاحسة خلصت

وبعدها اكتشفو ان التيترانت كان Na2CO3 والحمد لله مش انا اللى جبته


ولم يكتب لنا فى هذا السكشن السكشن الاخير ان نــرى لون الـ straw yellow

بعد حرمانا من رؤيته من سنة تانية ترم اول باين ^^

[ahmed kewan]

ياااااااااه ده واد ندل اوى معندوش دم للدرجادى
بتخنق جدا من السواقين دول على فكرة ببقى نفسى اضربهم وربنا

-----

بليز اه
عارف المشمش
هناك ان شاء الله
وكمان اشتمنا يعنى اجى معاك ويحصلى اللى حصلى بسببك واشتم كمان
احسبن عليك يعنى ولا اعمل ايه ؟
هههههههههه لا طبعا انا اقدر اكدبك انا اللى كداب طبعا
اصبر لما احكى بس

نو كومنت

[محمد سمير]

اليكم هذا الموقف
وأنا كنت قاعده فى أوضتى امبارح قال ايه
بذاكر يعنى على غير العاده
قمت اتخايلت بحاجه بتتحرك ف الأوضه قمت صرخت
أنا بأقول بكل صراحه وبابا جه يقولى فيه ايه

عوووووووووووووووووووووووووووووو

صرخى يلا تانى

ولمى المنتدى بقه المره دى مش البيت

قعدت أضحك أنا وصحبتى طول الطريق
وربنا كريم الحمد لله كان تقديرى فى النبات الترم الأول جيد جدا..

موس

بس الترم التانى اضربت فى النبات ضربة جامدة..

اضربتى بايه بقه

[الملاك الضاحك]

عوووووووووووووووووووووووووووووو

صرخى يلا تانى

ولمى المنتدى بقه المره دى مش البيت

ايه جو الرعب ده بس
مقبوله من حضرتك يا دكتور

[* lovely heart *]

والله ياجماعة مواضعكم جميلة جداااااااااااا
وانا مبسوطة اوى انكم نورتونى
دة احنا حياتنا كلها مواااااااااقف

انا اقولكم بقى على حاجة حصلتلى وانا فى ثانوى

انا مرة كان عندى درس احياااااء ورايحة الدرس متاخرة بقى
وانا بضايق اوى من كدة
المهم اخويا كان هو كمان عندة درس فى نفس الميعاد
وخارج معايا بالعجلة بتاعته
اسيبه بقى يمشى لوحدة كدة عادى لاااااااااااااااااااااااااطبعا
خدنى وراك خدنى وراك على الدرس بتاعى يلا معاك
ويارينى ماركبت وحدثت الصاعقة ...............
الجيبة بتاعتى كان من النوع الواسع
وانا بقى فرحانةوركبة والجيبة بتطير والبال الرايق بقى
مرة واحدة ملقتش الجيبة بتاعتى بتطير ولقيت العجلة مش راضية تمشى وبدات تبقى تقيلة
خير ايه اللى حصل ياشباب






ببص لقيت الجيبة ملفوفة على الجنزير وملفوفة على العجلة اللى ورا
والمشكلة ان احنا وقفنا عند حتة مكان
مكان عام كل العربيات والناس بتمشى وتعدى من عليه
ووقفنا وقعدنا نسلك فى الجيبة بتاعتى
ووقفنا الناس والناس جبولى كرسى اقعد وامة لا اله الا الله ملمومة بتتفرج
ونوقف العربية دى ناخد منها مفك والموتوسكل دة ناخد منه اية ........والعجلة دى ومواااااااااااال

وفى الاخر العجلة اتفصصت على مافكوها علشان يخرجوا الجيبة بتاعتى
وبعدين اخويا اتاخر على درسة ومش لحقة وانا رحت الدرس متاخر جداااااااا
والاستاذ قعد يتريق على تاخيرى وانا مش عارفة انطق بنص كلمة
والجيبة كمان اتقطعت وباظت خالص

والله يوم فى حياتى ماهنساااااااااااااااه خالص
ومعنتش ركبة عجل فى حياتى بعد كدة
وكل ام افتكر افتكر على الموقف اللى كنت محطوطة فية والناس بتتفرج
اللى حصل مع البطلة ياجماعة

[صاحبة القلم الحائر]

هههههههههههههههه
سامحينى يا قلبى والله ما قدرتش
امسك نفسى من الضحك
بس بعد كدا اوعى تركبى عجلة ربنا ستر المرة الاولى
فعلا موقف صعب اوى
جزاكى ربى خيرا

[asfourelgana]

معلش هصدعكم بموقف حصلي قريب

هو مش مضحك بس غريب الى حد ما

قبل الامتاحانات باسبوع تقريبا كنت ف الكليه وقولت اشترى ورق

عااااااااااااااااااااااااااااااااااااادي جدا كلنا بنعمل كده

وبما انى بقه ملتزمه وبجيب ورق يوم ويما قولت الورق اخره5 جنيه

روحت جيبت ورق ب 16 جنيه

ده عااااااادي بردو مفيش مشكله( لغاية دلوقتي)

المهم عايزة اروح بقه فركبت العربيه وبطلع الاجرة اللي هى 175 قرش

اوبس ملقتش معايا غير جنيه ونص

لا متتخضوش انا اقصد هما اللي فكه يعني

قولت طبعا لا داعي للاحراج وافك المجمد وخلاص بس للاسف

ده مكنش مجمد بتاع مواصلات المهم طلعتها ودفعتها واذا هى ال 200 جنيه

اديتها لعمو اللي قدامي طبعا باشمئزاز فظيع قاللي مفيش فكه؟

قولتله لا والله وفي شاب تاني سألنى بردو قولتله والله ما معايا غير جنيه ونص

ونسأل يا اخواننا عايزين فكه لا حد من الركاب ولا السواق نفسه معاه

ليه يعني البلد كلها افتقرت بعد الثورة؟ ماعلينا المهم ان ف النهايه

الشاب قاللي هاتى الجنيه ونص وخلاص بس كان شكلي وحـــــــــــــــش

قاعد بقه جنبي ولد وبنت ربنا يهديهم الاتنين وانا شايفه وضعهم ومستاءه

بس طبيعي جدا ابقى ساكته

تقوم البنت تيجي وهى نازله تقول شكلها مزورة اصلا

قولت يلا ربنا يسامحها وخليكي يا ** عاقله

وعدى اليوم على خيــــــــــــــــر والحمد لله

ومعلش بقه صدعتكم

[DR.BIBO]

ههههههههههههه موضوع جميل جدا يالفلى هيرت
بجد ادينا بنضحك ونستفيد بمواقف بعض

الموقف ده حصل لى من حوالى شهر
كان موقف بايخ أوى أوى
اليكم التفاصيل
مره كنت خارجه أنا ومامتى فقابلت واحده
صاحبتى مشوفتهاش من تانيه ثانوى
ف سلمنا على بعض وبالاحضان بقى وكده يعنى
المهم بقى انها قامت قايله لى جيبى رقم
موبايلك فخدته وأنا أخدت رقم موبايلها
المشكله بقى انى ناسيه اسمها خالص
اسمها دا رايح من دماغى خالص وأنا عايزه
اسجل اسمها على الموبايل قامت بتقولى
خلاص بقى يا حبيبتى عايزه حاجه قمت صدمتها
بقى وقلت لها هو أنتى اسمك ايه أصل أنا نسيته
ملحوظه: احنا تقريبا كنا أصحاب جامد جدا
قامت هى زعلت جدا جدا ووشها نزل عليه
غضب ربنا ومنطقتش ولا كلمه وسابتنى ومشت
قمت قلت طب اعمل ايه دلوقتى فلما روحت
كلمت واحده صاحبتى تانيه وسألتها على اسم
صاحبتى دى اللى حصل معاها الموقف البايخ ده
فقالت لى عليه الغريب بقى انى كنت فاكره
اسم باباها واسم عيلتها ولكن ناسيه اسمها هى
المهم بقى كلمتها واعتزرت لها وقلت لها انى
كنت فاكره اسمها بس كانت غلطه وخلاص تقبلت
الاعتذار بس كان موقف بايخ جدا جدا

الموقف ده حصلى حاجة شبهه بس انا قابلت صحبتى اللى ما قابلتهاش من سنين وعماله تقول لصاحبتها اللى معاها اد ايه احنا اصحاب اوى واد ايه احنا كان لينا ذكريات كتير مع بعض
المشكله بقى انى عارفة الشكل كويس بس ياريتنى مش عارفة الاسم بس ده انا بكلمها على انها واحده تانيه واذيك يابنتى ووحشانى وبقالك كام يوم فى بالى ومش عارف ايه واللى زود الخبطه ان البنتين ليهم اخت فى صيدله بقولها اخبار اختك ايه فى صيدله كملت كلام عادى
لقيتها بتقول احنا كنا مع بعض فى اعدادى قلت لا البنت اللى انا فاكراها هيه مكنتش معايا فى اعدادى شويه
وشويه لقيتها بتتكلم عن كليه الطب والبهدله اللى هما فيها قلت ايه ده البنت التانيه فى علوم فجاه كده اكتشفت انى بتكلم مع واحده على انها واحده تانيه واخيرا افتكرتها وفعلا كنا اصحاب جدا بس انى افتكر اسمها ابدا
هاتى نمرة موبايلك اسجل باسم مين معرفش فقلتها تحب اسجلك باسم ايه قالتلى اسمها وشكلها فهمت بس طنشت بس كان حته موقف مبتساهوش ابدا

[Amira]

هاتى نمرة موبايلك اسجل باسم مين معرفش فقلتها تحب اسجلك باسم ايه قالتلى اسمها وشكلها فهمت بس طنشت بس كان حته موقف مبتساهوش ابدا

ههههههههههههههههههه فكره برضو

[DR.BIBO]

ههههههههههههههههههه فكره برضو

ههههههههه منا مكنتش عارفة اعمل ايه يا اميرة وبعدين مهو فى ناس كتير بتحب تسجل اساميها بااسامى مميزة ولا ايه