مش فاهمة؟؟؟

[الفراشة الرقيقة]

أصلا نظام الكتاب الجامعى كله دش و لا أظن إن فيه حد بيعرف يذاكر من الكتاب أصلا و الكتاب الجامعى محتاج لحاجتين أولا إنه يتطور علشان حتى نتشجع إننا نشتريه و ثانيا إن سعره يبقى رمزى زى باقى الكليات اللى عندهم الكتاب ب 15 جنيه

[طيور الجنه]

وبلاش ننقلل اوى من كليتنا يادكاترة ولا من الدكاترة اللى بيدرسوا لينا
وكمان انتم قصدوا دكاترة بجد محترمين وانا بفهم منهم كويس جدا ومش انا لوحدى
مع ان فيه دكاترة تانية مش بنفهم منهم ولا كلمة ولا حد اتكلم عليهم

احنا كل اللى بنعمله ده بنحاول بيه نرتقى بالكلية وبدكاترتنا اللى بنعتز بيهم جدااااا
ليس ابدا تقليل من شان كليتنا ولا دكاترتنا
الخطأ وانا قولته قبل كده فى مفهوم المطالبة بالحق
اللى كتير بيعتبروه خطأ لا يغفر فى حق الدكاترة
وهو مفهوم خاطىء جدا بناه السكوت عن الحق
لكن احنا على قد ما هنقدر هنحاول نصلحه

بالنسبة للدكاترة اللى انتى بتقولى اننا قصدناهم وانك بتفهمى منهم
احنا ما اتكلمناش عن فهم خالص ولا شرح الا عن د/عادل
د/عبد المنعم اختلفنا معاه على الكتاب ومفيش اى حد اتكلم على شرحة لانه ماشاء الله ممتاز
وحضرتك اللى اتكلمتى عن د/حسن وبرضة احنا لم نتعرض اطلاقا لشرحة ولا اتكلمنا عنه اصلا

يعنى حضرتك ينفع نقول للدكتور بعد اذن حضرتك

احنا مش عايزين كتاب حضرتك
لاننا هنعتمد ع الورق الخارجى

بأى منطق يعنى
وخصوصا اذا كانت المادة نظرى زى الصيدلانيات
يعنى كويس جدا ان اى حد ممكن يفهمها من الكتاب

ايوة طبعا ينفع
لو الكتاب لا يصلح للمذاكرة عند معظمنا وانا مش محتاجاه
وعندى مصدر تانى شيك وشكله حلو وبيقدم المعلومة بطريقة ابسط واوفر للوقت

ده فى الحالة دى كل المناطق هتؤيدنى
لان مفيش منطق بيقول انى اشترى كتاب اول السنة بمبلغ مبالغ فيه ( مقارنة بحالته )
وآجى آخر السنة ابيعة بالكيلو !!!!
ولو حضرتك مش بتعملى كدة غيرك كتيييييييير بيعمل

يعنى عايزة افهم اذا كانت الثورة دى مش اتعملت كان برده ده كان هيبقى رد فعلنا

ما هى علشان الثورة اتعملت احنا صحينا
ولا هنقوم بثورة ومش هنتعلم منها ازاى نطلب حقنا ونوعى اللى مش عارف يطلب واللى خايف يطلب ان خلاص بقى كل الحواجز دى اتكسرت

يا جماعة لازم نلتمس العذر للدكاترة

ولا كل واحد خلاص بيقول هو كده وخلاص

حد هيقولى طيب ليه الدكاترة مش تلتمس العذر لينا

تلتمس العذر ازاى ؟؟؟؟؟؟؟

واحنا بنقول اننا نقدر نشترى بدل الكتاب عشرة
بس احنا مش مجبرين على حاجة

وهم فعلا ملتمسين العذر بدليل ان فيه بحث اجتماعى
واذا حضرتك مش عملته ممكن تطلب ده من اى دكتور ومش عيب واكيد الدكتور هيحترمك ومش يقلل من قيمتك

هو لية دايما الموضوع يتحور ونعيد نفس الكلام تانى !!!

انا وضحت قبل كدة فكرة الاجبار على الكتب دى ومش هعيد الكلام تانى
وبرضة قولت قبل كدة اننا مش محتاجين علشان ناخد الكتاب مجانا

يا جماعة
اذا الدكتور شايف ان حضرته اذا فصل الكتاب مش يضره اكيد هيفصل الكتاب

اكيد مش يتأخر .....عناد وخلاص
اكيد احنا مش وصلنا للمرحلة دى يعنى

طيب وهو مش شايف انه بيضر بكدة 1000 طال باعتبار ان 200 بيذاكروا من الكتاب

هو كل حد فينا مقتنع بوجهة نظره...اوك......مش مشكلة
بس بلاش يتحول لصراع
فى الاخر احنا هدفنا واحد

الهدف واحد بس مش فاهمين آراء بعض يبقى مش هنوصل لحاجة
بدليل اننا قاعدين نعيد ونزيد فى كلام قولناه قبل كدة
وواضح ان الكلام ما وصلش
دلوقتى خلاص احنا مضينا شكوى من 400 طالب تقريبا وهتتعرض على العميدة
ومش هنشترى الكتاب وهنكتب فى كشكول لحين اشعار آخر
واعتقد ان الكلام فى التوبيك ده تانى لا هيودى ولا هيجيب