من انهاردة هذاكر من ال pharmacopia

[ABO El-DAHAB]

خبر سار لكل طلبة رابعة صيدلة : يا جماعة الكلية كانت بتهزر معانا بس ... انتوا امتحنتوا صيدلانيات و نصف الابلايد فقط (جزء د.هاني) ... الباقي كان علي سبيل الدعابة مش اكتر و ان شاء الله هنمتحن البارا و الباثولوجي و الميدسينال و باقي الابلايد في آخر شهر 2 ... دي كانت امتحانات تجريبية بس ...

ايه سياسة احلل درجات المادة دي ... يعني ايه سؤال بنصف درجة ؟! ...
لأ و ايه ينفع اكتر من اجابة ... يعني ممكن آخد ربع ... ياااه ده علشان اجيب درجة و نص هتعب قوي

هو مش وضع الامتحان ده حاجة مفروض الكلية تعتني بيها ؟! ولا هو اي 5000 سؤال في ورقة و يبقي اسمه امتحان ؟! ... كل مرة ما بحسش اني امتحنت

والله حاجة تحرق الدم .... و يعني ايه يجيبوا حاجات ما خدنهاش !!! ... هو احنا بنحل الي خدناه عدل علشان احل الي ما اخدتوش ؟! ...ده علي اساس اني اذاكر من الفارماكوبيا و من المراجع ؟!!!!!!!!
هو فيين الامتحانات يا جدعان ؟! انا مش حاسس اني بمتحن ... احنا بنخرج اول 5 دقايق مقفولين من الامتحان و بعد كده بنضحك علي الامتحان ...

ربنا يعوضنا خير ان شاء الله

[asfourelgana]

نحن قوم لا تهزنا الرياح العواتي

فكيف بورقه كتب عليها اجب عن السؤال الاتي
-----
خلاص انا بقيت بخلي اهلى يدعولي وانا داخله الامتحانات

لأني متاكده ان عمر ما مذاكرتي هتنجحني

يعني لما اذاكر اللي الكاترة بيشرحوه واحل اللي بعرفه في الامتحان

ييجي نموذج الاجابة يأكدلى انى كنت غبيه

امال يعني الدكاترة هما اللي مش بيلتزمو

اكيد العيب فينا احنا ولا اييييييه؟

[اسماء3]

بجد حاجة تحرق الدم وقال جودة واعتماد ابقوا قابلونى لو اخدناها والله تهريج يعنى ايه اصلا اتصدم من امتحان زى ده لا وايه طالب رسومات وكمان اسئلة اصلا لاول مرة نشوفها اصلا احنا معندناش رقابة تقريبا احنا امتحنا باثولوجى بس والله طب دى كلية محترمة لكن احنا معقدين ازاى مفيش رقابة عالامتحانات ولا فيه لايحة ثابتة للامتحانات مفيش نظام

نشكى لمين غير لربنا الشكوى لغيره مذلة واحنا من ساعت ماحطينا رجلينا فى الكلية دى مشوفناش يوم عدل حسبى الله ونعم الوكيل مش عايزين يسيبولنا زكرى حلوة نفتكر ايامنا فى الكلية بيها كل حياتنا مأساة وتعقيد
بيتفننوا ازاى يعجزونا عايزينا نندم اننا دخلناها اقول ايه واعيد ايه ماهى بايظة بايظة

[Mohamed Al Gohary]

يابنى الموضوع بسيط اوى .. الفكرة كلها ان الكليه بتعتبرنا في سنه رابعه .. يعني عارفين كل الكلام

[asfourelgana]

يابنى الموضوع بسيط اوى .. الفكرة كلها ان الكليه بتعتبرنا في سنه رابعه .. يعني عارفين كل الكلام

طب مهو احنا عارفين كل الكلام فعلاااااااااااا

بس هما لا يعرفون اننا نعرف

والمطلوب اننا نعرفهم ان اللي يعرفوه عننا هو غير اللي احنا نعرفه

يبقى ايه الحل؟

فكر معانا لغاية ما يتحرق دمك وبردو مش هتوصل

ولو وصلت هنجيبلك امتحان تانى يعرفك انك متعرفش حاجة

[ahmed helmy]

الباقي كان علي سبيل الدعابة مش اكتر و ان شاء الله هنمتحن البارا و الباثولوجي و الميدسينال و باقي الابلايد في آخر شهر 2 ... دي كانت امتحانات تجريبية بس ...

طيب الحمد لله
اصل محلتش في الحاجات اللي انت قولتها دي
كويس اننا هنمتحنها تاني
بس ياريت يبقي في شهر 2 فعلا (مش شهر تاني)
سيبوها لله ياجدعان هتعدي زي اللي قبلها ما عدت

[AhmadRaed]

المشكلة الكبيرة اللي عاملة الأزمة دي في رأيي

إزاي اللي يحط أسئلة الإمتحان مش هو دكتور المادة اللي شرحها !!!!!!

ما هو الموضوع ده له حل من 2 مالهمش ثالث:

1- نبقى زي الناس المتقدمة و لما يبقى في منهج محدد ( ثااااااابت و بالأمثلة ) من الأول كله يتشرح بنفس الأهمية و نفس الأسلوب و كل حاجة فيه تكون مهمة بحيث إننا نذاكر كل حاجة
و بالتالي لو أي عضو من أعضاء هيئة شرح المنهج الإختلاف بس هيكون في أسلوب الشرح و ليس المحتوى و المفروض الموضوع يكمل بإمتحان يغطي كل المنهج و توزيع عادل للدرجاااات

في أوروبا و الدول المتقدمة بيعملوا كده

بلاااااااااااااااااش

2- عضو هيئة التدريس يدخل بشرح اللي هو شايفه مهم و يركز على حاجات اللي هو عايزها و يدي أمثلة
بس يحط هو الإمتحاااان

مش هو يشرح و يركز على حاجات و يعطي أمثلة و يجيي إمتحان تاني خاااالص

و بعدين مش علشان إحنا رابعة و خبرة يعني نمتحن عضوية في إمتحان الصيدلانيات مثلاً

تحياتي لجودت و أم إعتماد