هدوء من فضلكم

[...مصر...]

عارفين إن خلال الساعتين اللي لجنتنا كانت بتمتحن فيها أكثر من 16 شخص من الدكاترة والموظفين عدوا عليها .. أنا كنت بعد !!
دا من غير ما أحسب الطلبة اللي بيخرجوا بدري .... مع الأصوات الغريبة اللي حوالينا ... والعمال ... دا غير المجموعة الي كانت بتراقب علينا وكفاية بس إن العامل يعدي يسلم على واحد ولا اتنين من اللي بيراقبوا والحاجة السخنة اللي بتجيلهم وحسابها .. والراجل اللي كان بيعدي عشان المنتقبات ده معرفش أقول إيه هي الكلية ممكن توصيهم يسكتوا بقه ولا نشتكيهم لتسعين دقيقة ولا العاشرة مساء عشان الكلية تاخد موقف .. احنا ممكن نعمل طرائف على اللي بيحصل واحنا بنمتحن

[dr /roka]

فعلا عندك حق انا فعلا مش باعرف اركز من الزن والنميمه اللى جنب ودانى

[Mohamed Al Gohary]

لجان الطرقة ؟؟

[Anas]

للأسف أنا في لجنة الطرقة دي
الوضع سيء للغاية
ده رابع تيرم أمتحن في الطرقة

لحد الساعة 9 و ربع أو أكتر الطلبة طالعين يمتحنو
و من أول نص الوقت ما يعدي يبدأو ينزلو خارجين

و طول الوقت المراقبين و الموظفين بيصبحو على بعض
و بيطلبو شاي و مشروبات و عايشين حياتهم عالآخر

يا ريت يكون في حل بأي طريقة ... الكلية مضاقتش يعني

[Mohamed Al Gohary]

التيرم الجاي .. نقدم طلب رسمي للادارة بإلغاء لجان الطرقة .. ويكون بمطلب عدد كبير من الطلبة عشان أنا مقدرتش السنه اللى فاتت ..

[Anas]

دلوقتي تقريبا عندك 8 لجان في الطرقة

يعني 160 طالب في كل دفعة

يعني 640 طالب في الأربع دفعات

شوف بقى الموضوع دي ممكن ننسقه ازاي
أنا مثلا لجنتي و اللجنة اللي بعدي سهل أوصلهم

[SmSm]

انا اول مره امتحن ف الطرقه
بجد حسبي الله ونعم الوكيل
لجنتي ف الدور الخامس والصراحه هي مش لجنه حاسه اني قاعده ف الشارع فعلا
يعني ايه مراقب تليفونه يرن ف اللجنه اصلا ؟؟!! والله كل خمس دقايق وياسلام بقه وهو بيرد الدنيا كلها بتعرف هو بيقول في ايه واحتمال تخمن هو بيكلم مين!!! و الكلام ده بيحصل من المعيدين و الموظفين و الدكاتره كمان
مفيش اي احساس بالمسؤليه
ده غير العمال بيعدو يصبحو .. سلامو عليكو يا جماعه !! ازيكو !!
في اول امتحان المراقبين مبطلوش كلام بس انا ساعتها مااشتكيتش عشان كان صوتهم هادي متقدرش تفسر هما بيقولو ايه وبالتالي مفيش ضرر عليا
لكن اخر ماده كانت مهزله .. وكل ماحد يعلي صوته اقوله لو سمحت مش عارفه اركز ومفيش اي رد فعل ..حاضر معلش وخلاص!!!
لدرجه اني كنت هعيط ف الامتحان وبجد كنت خايفه اخرج عن شعوري واغلط في حد


كل ده كوم و ان الدكتورة المشرفه على لجان الدور الخامس و الرابع هي نفسها اللي مش موفره لينا جو مناسب للتركيز والحل !!!!!!!!!!!!!!

يعني لو محدش عدى من العمال وقدرت اني الاقي خمس دقايق هدوء من المراقبين بلاقي الدكتوره ماشيه تنده على الناس وكل ماتقابل حد يقفو يتكلمو بصوت عالي جدااااا و يضحكو ولا كأن في بني آدمين بيمتحنو!!!!!
بستغرب جدا من السلوك ده ... لو حتى مش واخدين بالهم .. معندهعمش اولاد بيمتحنو ؟؟ ولا دول هيبقو ولاد الدكاتره .. ومينفعش يمتحو ف الطرقه؟؟!!

[Amira]

امتحنت فيها ترم او ترمين وكنت اشتكيت ايام ما الدكتور محمود موجود بس مفيش حاجه اتغيرت
الحمدلله السنادى اترحمت منها
ربنا معاكو وتقدروا تغيروا الحكايه دى
بجد حاجه صعبه جدااااا الامتحانات فى الطرقه دى...تهريج والله ماسموش امتحان خالص

[Sincerity]

هههههههههههههههههه
تصدقوا بالله انا جوا مدرج وبكون سامعه كلام الناس اللى قاعده تنم على الصبح دى
بحس انهم بيتوشوشوا بس صوتهم بردوا واصلى
الله يكون فى عونكم والله

[@Noh]

المشكلة مش فى لجان الطرقة بس, المشكلة فى الناس مش المكان.