هو ليه مش بنذاكر............

[drpinkysnow]

انا عن نفسى متعوده على كده

التيرم الاول بأبقى نشيطه جدا وبأذاكر جدا

التيرم التانى مش بأفتح كتاب .... يعنى العكس تماما

كل الناس من اول ما بدأنا مسيره التعليم يقولوا انهم زادوا كتير فى التيرم التانى

انا بقى لأ... بأضيع اللى عملته فى التيرم الاول باللى بأعمله فى التيرم التانى

فمش مستغربه قوى يعنى حالتى دى.,

انا زيك تمام يادكتورة بقدر التيرم الاول والتيرم الثانى بنزل جامد لانى بكون مليت وبدات ازهق

[le pharmacien]

لما اجى اذاكر بحط فى دماغى انها عباده والسبيل فيها هيه ارضاء ربنا مش اكتر والله
بقول دعاء المذاكره وايه بحبها جدا(قل ان صلاتى ونسكى ومحياى ومماتى لله رب العالمين)
حتى لما بلعب كوره بقولها
وبرضوا دعاء تاليفى كده (ربى انى لاحب ذكرك وان كلامك لاحب الى فاكتب لى بكل حرف اذاكره حسنه )
دى اكتر حاجه بتعينى على المذاكره

[مهداه]

لما اجى اذاكر بحط فى دماغى انها عباده والسبيل فيها هيه ارضاء ربنا مش اكتر والله
بقول دعاء المذاكره وايه بحبها جدا(قل ان صلاتى ونسكى ومحياى ومماتى لله رب العالمين)
حتى لما بلعب كوره بقولها
وبرضوا دعاء تاليفى كده (ربى انى لاحب ذكرك وان كلامك لاحب الى فاكتب لى بكل حرف اذاكره حسنه )
دى اكتر حاجه بتعينى على المذاكره

جميل اوى
ربنا يبارك فيكم

[Nada Radwan]

هو احنا ليه مش بنذاكر؟؟؟؟؟؟؟؟

سؤال حيوي
بس مش عارفه اجابته بصراحه..
كل اللى اعرفه ان كل ماربنا يهدينى واقعد عشان اذاكر
الاقي النوم كابس عليا
والله ساعات بابقي لسه صاحيه م النوم..نقول ايه بقي
افضل اقنع ف نفسي انى اذاكر ومفيش فايده
ف الاخر بامسك الكشكول
واقوم عامله جدول مذاكره"يبدأ من بكره طبعا"
واقنع نفسي ان كل شيء تمااااام..
وكل يوم باقعد أرحل ف الجدول يوم لغايه مايصفصف على مفيش
بس عامة.
أنا م الناس اللى بيذاكروا ف التيرم الاولانى اكتر م التانى
ومع ذلك محصلة التانى بتبقي أفضل..ربنا يستر السنه دى بقي

[Dr\Emy]

هو احنا مش بنذاكر ليه؟؟؟
لان المذاكرة مملة ومرهقة للدماغ ومع الجو الحر ده دمار
وبعدين انا بذاكر وانا عارفة اني بذاكر للامتحان فببقي خايفةوانا بذاكر وحاسة ملل
يعني مثلا لو جربت انك تقرا مادة من موادك في الاجازة هتلاقيك حاببها وعايزة تفهمها لانك مش خايف
من وقت ولا امتحانات
هي دي المشكلة ان احنا بنذاكر عشان مش حابين لا عشان مجبرين للامتحانات

[Dr/HULK]

واقوم عامله جدول مذاكره"يبدأ من بكره طبعا"

انا كاتب يافطة عليها

هبدأ مذاكرة بكره

فكل يوم اصحى اشوفها فاقتنع انى هذاكر بكره

لحد مالامتحانات جات اليافطة لواحدها اتقلبت وبقت ماذكرتش ليه امبارح

ساعتها طبعا كأى انسان عادى قعدت افكر انى لو كنت بدأت بدرى كنت ممكن اخلص

وفعلا خلصت لكن خلصت اليوم الباقى قبل الامتحانات فى التفكير فى اللى فات

وبكده ضيعت الحاضر والمستقبل دا غير الماضى اللى ضاع (حلوة الجملة دى )

لا بجد انا مبدأتش اذركز فى المذاكرة غير بعد مااتخانقت مع اخويا بسبب الكمبيوتر واللى اتقفل بسبب الخناقة دى لمدة 3 ايام خلصت فيهم حاجات كنت باخد فيها شهر مذاكرة

لأ والجميل انى فاكر كويس اللى ذاكرته

والنهاردة عملت هدنة عشان افتحه عشان اعرف شوية اخبار

الهدف من الكلام ده ان كل واحد فينا فيه حاجة بتضيعله وقته ابعد عنها بس يومين هتلاقى بقى عندك وقت

كبيييييييييييييييييييييييييييييييييييييييييييييييي ييييييييييييييييييييييييييير جدا انت نفسك مش هتصدق ان اليوم بقى طويل كده

اما حكاية النوم دى فدى فى الاول عشان كده ابدأ بمذاكرة المواد السهلة عشان تثبت على الكتاب شوية وهتلاقى نفسك بقيت انشط وخصوصا انك هتلاقى الموضوع بدأ يمشى معاك والمذاكرة كل مرة بتبقى اسهل

وربنا يوفقنا كلنا باذن الله