الكيمياء المهلبية .. العضوية سابقا

[ameer]

الفين سلام وتحية
للكيمياء العضوية
دة انا بحسد اي واحد
بيحب المادة دي
كلاكيع وميت مركب
ومعادلة لولبية
اسمع كلام جديد
وسيب الدوشة دية
شوف العلم الجديد
كيميا المهلبية
كربونة ياعيني سارحة
ورايحة ورا الخلية
بتجيب كربونة تانية
ما القاعدة مستوية
اهو H جاي بيجري
بيتشطر علي البقية
عامل بالN مركب
والOXY عاملها بلية
حلقات بنزين وطايرة
ولافاهمة اية القضية
بيقولوا الكيمياء بطلت
قلبوها خيار ولوبية
الS باعوة بقرش
والSTEREO في الكلونيا
CHIRAL عملوها كفتة
واهي طلعت مستوية
VSEPR دي مرات سي مرسي
والقصة ماسوية
مش لاقية BOND فاضية
ولا هدمة للولية
ومراتة جابتلة TITRANT
امورة مش شقية
سيبك م الدوشة دية
ما القصة منتهية
ضيفلك فوسفات وبوتاسيوم
وفاعلهم ميه ميه
تديك كتاكيت تنونو
وشوية بامية نية
ياناس دماغي باظت
من كتر الكيمياء دية
بيقولوا الواد دة كاره
الكيمياء العضوية




اكيد منقول بس واضح اننا هنشوف ايام سودة الترم التاني

[dano_90]

ههههههه

لاء بجد جامــــــــــــد المودوع

انا مره كنت بزاكر عضويه لقيت اخويا بيقولى على حلقات البنزين ايه خليه النحل دى هههههههههههه




//

[muna7assan]

ههههههههههههههههههههه
دا على اساس انك شفت ايه يا د.امير من العضويه علشان تقول عليها كده
والله العضويه دى هيا اللى مأدبانى
بس والله جميله وبأحب اذاكرها
اذاكرها بس
امتحنها لأ

[D.NOOR]

جميل اوى يادوك
بس ياريت دة ميحصلش معانا

[Messi]

لسه بدري علينا.............ايه ده احنا وصلنا.........حمدلله علي السلامه

[Amira]

انتوا لسه شوفتوا حاجه من العضويه

امال احنا نقول ايه "انا اتعقدت والله" بحب اذاكرها جدااا ....لكن امتحانات وكلام من ده مفيش

اهى حصلت التحليليه "عقدتى من اعدادى صيدله "

دا انتوا لسه هتشوفوا ايااااااام

[muna7assan]

لالالالالا يا اميره
دى العضويه حلوه خااااالص وجميله
اقولكم ايه بس فى حلاوتها
دى طيبه جدا يا جماعه
مش بتعض
شفتوا الطيبه

[S!lent Tear]

[simsimstar]

الموضوع جميل خالص يا دكتور
بس بجد والله الكيمياء العضوية لذيذة جدا
وهتحبها والله
وإن شاء الله الترم التانى يبقى تمام خالص
مع الكيمياء العضوية

[بسطامى]

إيه يادكتور بتبشرنا بالترم التانى قبل مايبتدى
عامة مشكور يادكتور وأكيد دى حقائق