6 مواد فى 10 ايام

[ShEriF EzzELdiN]

طبعاً يا جماعة عنوان الموضوع واضح
تقريبا ده خيال علمى
حتى ادارة الاعمال 100 درجة ومنتهية وقبلها يوم واحد طيب ازاى

ياريت اللى عنده اى افكار نعمل ايه او نحدد اجزاء فى كل مادة مهمة نبدأها مع بعض

من الاخر اللى يعرف يحل المعادلة دى بقى يبقى يقول الحل


10Days=6 Subjects

ياريت محدش يبص جنبه ومش عايزين غش المعادلة سهلة وواضحة جداً

وحسبى الله ونعم الوكيل

[sama6644]

انا عن نفسي هبدا من النهارده حتي امتحان الباثولوجي بالبارا والتوكسو لانهم اكبر ورق معايا وبعد الامتحان يومين طبيه ويومين صيدلانيات ويومين ادراه اعمال وعقاقير(المفروض ان احنا قرانا نصها قبل كده) واخر خمسه ايام صناعيه والموضوع قابل للتعديل وربنا يستر

[ShEriF EzzELdiN]

والله يا دكتورة انا ان شاء الله هبدأ بالصيدلانيات وبعدين التوكسو عشان البار دى اخرها معايا بصراحة يوم ونص انا كارها اصلا

[The Princess]

اولا المعاددله كده مش مظبوطه لانهم 12 يوم مش عشرة المفروض اننا نسيب للصناعيه 4 ايام بس لانها متذاكره كلها تقريبا و مش محتاجه الوقت ده كله يبقى فاضل خمس مواد على 12 يوم نقسمهم بقى 3 مديسنال و 2 ابلايد و 2 توكسو و واحد بارا و واحد باثولوجى و 2 صيدلانيات و ادارة الاعمال تتذاكر قبل الامتحان و خلاص و يفعل الله ما يريد لان مالهاش حل غير كده و ربنا يسهل

[heba541]

أنا اتفق مع الدكتوره فى الرأى لان الصناعيه خدت اكتر من حقها .........بس ممكن يا دكتوره نزاكر فى اليوم مادتين علشان ننجز وعلشان الزهق ونخلى بالنا ان نعود نفسنا ان المواد هتتزاكر فى وقت اقلل أيام الامتحانات

[Monaliza]

هو فاضل 10 أيام بس مش 12 يا برنسيس
ابتداء من النهارده

والموضوع يدوخ بصراحة .. يعني لما نشوف ان ورانا كل استركشرات المديسنال دي .. يبقى حقنا نترعب !

بس هل من رأيكم فعلا نأجل المديسنال لبعد امتحان الباثولوجي ؟؟؟؟

والصيدلانيات تستحق اننا نفتحها ولا مش كفاية عليها يومين ؟؟؟

[dr mayooya]

لا انا رايي ان الصيدلانيات مش كفايه عليها يومين طبعا..ولو فتحناها دلوقتي يبقي افضل حتي لو قرايه من عالوش كده كل يوم صفحتين تلاته ..بس يبقي اسمنا عدينا عليها قبل كده..الصناعيه بصراحه ماتستحقش اكتر من 3 ايام ..البارا يوم ونص يومين بالكتير والباثولوجي كذلك..الابلايد فيها جزء كنا بنذاكره ايام الشيتات ف المعامل وباقي جزئين يمكن مش كبار اوي لكن كل واحد فيهم محتاج يومين ع الاقل عشان يتلم صح..التوكسو كل جزء محتاج يومين ع الاقل برضه. الميديسنال محتاجه من يومين ل تلاته...واداره الاعمال مش هعلق بصراحه عليها لاني معرفش هي بتتكلم عن ايه بس اللي اعرفه ان دا مش وقتها وكل اللي قبلنا ذاكروها ف اليوم ونص اللي قبل الامتحان فسيبونا منها دلوقتي..
كده لو حسبنا عدد الايام هنلاقي ان فيه عجز..فالحل الامثل والمنطقي اننا نذاكر مادتين ف اليوم..وكل واحد وطاقته ياجماعه..المهم محدش يكسل وكلنا نعمل اللي علينا وربنا هيكرمنا

[pharmacistina]

أنا اللي مزعلني ..

اننا كنا الأول كلنا بنذاكر حاجة واحدة و مركزين , تيجي حاجة منتيش فاهماها تلاقي ألف من يدلك ..

لكن دلوقت كل واحد في وادي ..

محناش عارفين نبدأ بايه ..




عايزين جدول مذاكرة موحد يا جماعة و نلتزم بيه كلنا .. يااااريت
-----

حتى ادارة الاعمال 100 درجة ومنتهية وقبلها يوم واحد طيب ازاى

ادارة الأعمال كمان دي حكاية هي كمان ..

المشكلة انها منتهية ..


منتهية

من

تهية

[eiman84]

الحل ان الصيدلانيات وادارة الاعمال نمشيهم مع المواد والباقى كل مادة يومين

[pharma sh]

هتعدي ان شاء الله علي خير وربنا يسترها معانا ان شاء الله زي كل سنة بس المشكلة السنة ديه في التقدير