رجاء خاص

[Amira]

الامتحان كانت اسئلته كويسه ومعروفه "فى المجموعه اللى امتحنت فيها"

لكن اللى بجد حرام عليهم فيه هو وقت الوقوف على الشريحه فى بعض المجموعات

انا بردو الحمدلله الوقت عندى كان معقول لانى كنت عارفه الاسئله فكنت بجاوبها على طول

لكن فى ناس اصحابى كانوا عارفين الاجابه ومالحقوش يكتبوا

طب ليه معمول جدول ان الامتحان ساعه ونص و فى الاخر كل طالب ياخد 10 دقايق فى امتحان فيه 10 شرايح و4 اكمل على كل شريحه؟؟؟؟؟؟؟؟؟؟

لازم يراعوا التوتر اللى بعض الناس بتبقى فيه

اللى يضايق ان الواحد يبقى عارف الاجابه ومايلحقش يكتبها

بس بكرر تانى انى الحمدلله الوقت كان مكفى معايا والاسئله كانت كلها معروفه باستثناء حاجه واحده او اتنين بالكتير

[~AnaLgEs!A~]

و عليكم السلام با sanfora.

عندى سؤال:

هل كان الوقت المخصص لكل شريحة دقيقة واحدة؟ وإن كان كذلك فكم سؤال كان مطلوب اجابته خلال تلك المدة؟ ياريت مثال على الأسئلة.

الوقت كان دقيقة واحدة يا دكتور .........

و الأسئلة
فمثلا شريحة زى الـ Capsicum

كان المطلوب منها This is TS of Capsicium seed Origen dried ripe fruit of capsicum minimum
Family solanacea The pungent taste is due to capsicin alkaloids

يا دكتور هوا انا جهاز بالكهرباء تضغط علي الزرار يطلع معلومات . لو حتى انا عارفة المعلومات دى

مفيش وقت أكتب كل الكوبليت دة

فى سكاشن أخدت حقها و زيادة .... بس احنا كنا آخر مجموعة
و الله احنا علطوووووول مظلومين

[Dr. Atallah F. Ahmed]

من خلال مشاركتكم واضح ان وقع الإمتحان كان مختلفا من طالب الى اخر و هذا طبيعة الإمتحانات عموما. نعم سرعة تذكر كل انسان مختلفة عن الاخر و الأصل حساب الوقت من أول نظر الطالب الى الشريحة (التى تستدعى صورتها من الذاكرة من المعامل السابقة) الى النظر الى الأسئلة المكتوبة و إدراك المطلوب منها على وجه الدقة ثم الإجابة و يكون مجموع تلك الأوقات متماشى مع الدقيقة المحددة لكل شريحة. الأصل الثانى هو تثبيت الزمن و ذلك بإستخدام ساعة إيقاف الكترونية. طبعا إذا كان المعمل الأخير متضرر من شيىء ما و كان هذا رأى جماعى فعلى طلاب تلك المجموعة مقابلة المشرف على العملى د/سحر جدارة و إطلاعها على الأمر اذا كانت هناك دلائل ملموسة عليه حتى تتفهمه و تعتبره.

تمنياتى بالتوفيق

[sanfora]

يا دكتور المعمل الأخير بتاع يوم التلات ده اصلا عدده كبير جدا حتى الدكاترة كانوا قايلين اللى عاوز يحضر فى سكشن تانى يحضر لأنه كان فى السكشن العادى صعب التعامل مع العدد كله كان المفروض بقى يقسمونا فى الامتحان بس مفيش حاجة حصلت والامتحان كان عندنا اللى مش فاكر الشريحة أو لسه هيفتكر دى تبع ايه كان خلاص الاسئلة راحت ومش هيركز حتى فى اللى بعده مشكلتنا كلها كانت فى الوقت واحنا اتظلمنا بجد فى المجموعة دى.

[Dr. Atallah F. Ahmed]

يا دكتور المعمل الأخير بتاع يوم التلات ده اصلا عدده كبير جدا حتى الدكاترة كانوا قايلين اللى عاوز يحضر فى سكشن تانى يحضر لأنه كان فى السكشن العادى صعب التعامل مع العدد كله كان المفروض بقى يقسمونا فى الامتحان بس مفيش حاجة حصلت والامتحان كان عندنا اللى مش فاكر الشريحة أو لسه هيفتكر دى تبع ايه كان خلاص الاسئلة راحت ومش هيركز حتى فى اللى بعده مشكلتنا كلها كانت فى الوقت واحنا اتظلمنا بجد فى المجموعة دى.

تانى ... كمان مرة

إذا كان المعمل الأخير متضرر من شيىء ما و كان هذا رأى جماعى فعلى طلاب تلك المجموعة مقابلة المشرف على العملى د/سحر جدارة و إطلاعها على الأمر اذا كانت هناك دلائل ملموسة عليه حتى تتفهمه و تعتبره.

[MANS_SALOMAI]

بعد سلامى وتحياتى لدكتور عطاالله
انا بشكر حضرتك جدا يادكتور .
انا بس حبيت اقول قدر الله وما شاء فعل وكل انسان هياخد اللى ربنا كتبهوله.
المشكلة الرئيسية فعلا كانت الوقت؛ لكن الامتحان مضى والحمد لله وترك ماترك من آثر.
انا كنت متضايقة جدا من الامتحان وحبيت اخرج الشحنة اللى جوايا وبجد آسفة يادكتور ..........
ومهما سيكون لا يتغير ماكان؟؟؟؟؟؟؟؟؟؟؟؟؟؟فما مضى لن يعود...
انا بشكر حضرتك يادكتور وبشكر كل دكاترتى د.أمل ؛د.سحر ؛د.منى ؛د.صفوت وكل المعيدين خاصة د.ولاء أنا بحبها جدا

ويارب التوفيق لى ولكل زملائى مع تمنياتى للجميع بالسعادة....

[Hope1]

ايوه انا كنت كده بردو و هديت تاني يوم علي طول
و ان شاء الله ناوية اكمل مسيرة هيا نحب العقاقير

[*محبة رسول الله*]

السلام عليكم

انا بردو كنت متضايقة جدا من الامتحان
لان احنا بجد اتظلمنا
من اول الترم واحنا بنعانى من مشكلة العدد الكبير فى المجموعه واشتراك اكتر من حد فى الميكروسكوب

لكن.........
قدر الله وما شاء فعل

بس انا عاوزة انبه لحاجة مهمة
يا دكتور انا بس عاوزة اقول لمعيدة عندنا فى القسم ان الظلم ده حاجة صعبة جدا

يعنى انا لو مش متأكده من حاجة المفروض انى مظلمش انسان كده بالظن

لان كان فيه بنت فى الدفعه واقفه جمبى وفجاة الدكتورة قالتلها هاتى ورقتك وعلمت على الورقه
البنت حلفتلها انها متكلمتش وهى فعلا متكلمتش
قالتلها كلمة صعبة جداااااااااا

قالتلها:
انا بفترى عليكى

المفروض يا دكتور ان الانسان كل ما يزيد علمه يزيد تواضعه والنظام ده مش حضارى بالمرة

يا ريت يا دكتور يكون فيه نوع من الصداقة بينا وبين المعيدين اكتر من كده

جزاكم الله خيرا