حملة النظافة المستمره .. كليتنا دوماً نظيفة

[@Noh]

السلام عليكم الفكرة رائعة وبالنسبة للتوعية بعدم رمى الزبالة فى الارض فاعتقد ان أصغر فرد فى الكلية مش محتاجها المفروض الطفلاللى عنده 5 سنوات يكون متعود على النظافة المشكلة ان فى ناس بترمى باعتبار ان النظافة دى بقى مسئولية العمال اما هما فدكاترة وياريت كده وبس انا لما اقوم ارمى حاجة فى السلة بيتريقوا كأنى أنا اللى غلط بس لو كل الناس رمت فى الارض أنا مش هارمى ولو اتيح لى اشترك فى الحملة هاشترك ان شاء الله.

[Mohamed Al Gohary]

كل اللى يحب انه يشترك معانا اهلا وسهلا بيه .. ويقدر يتواصل مع الدكتور سري .. فى المبنى الاداري الدور الرابع ..

[زهرة الياسمين]

الي بجد محتاج نظافة واهتمام الحماماااااااااااااات
المفروض فعلا تتنظف اكتر من مرة يوميا
الاحواض مش مسدودة
وسلات القمامة في الحمامات زي ما أ/ منى قالت
وياريت لو يكون فيه صابون

[Mohamed Al Gohary]

الحمامات كانت اولى اهتماماتنا .. وكتبنا عنها حاجات كتير ..

لكن بمناسبة الصابون .. الدكتوره ماجده الشربيني بنفسها جابت صابون وحطته فى الحمام وطلعت محاضرة للفرقة الرابعه ونزلت ملقتش ولا صابونه واحده

[موظفه طموحه]

الحمامات كانت اولى اهتماماتنا .. وكتبنا عنها حاجات كتير ..

لكن بمناسبة الصابون .. الدكتوره ماجده الشربيني بنفسها جابت صابون وحطته فى الحمام وطلعت محاضرة للفرقة الرابعه ونزلت ملقتش ولا صابونه واحده

ياريت يتوفر ماكينات الصابون السائل
وليس الصابون العادى دلوقتى الماكينات دى متوفره فى المدارس ابتدائى واعدادى وهتكون احسن وافضل ان شاء الله

[Mohamed Al Gohary]

وهو ده اللى قلناه يا استاذه منى .. بس فى نفس الوقت الماكينات دي برضه محتاجه معامله خاصه وبحرص عشان متبوظش ..

للاسف ادارة الكليه فاقده الثقه فى الطلاب .. وللاسف معاهم حق ..

[موظفه طموحه]

معلشى يكون فيه لافتات توعيه وارشادات للحفاظ عليها بس احنا بنطور وهذا احسن وكمان فى مدارس الاطفال موجوده وبيحافظو عليها بصراحه انا مش عرفه اقول ايه

[Amira Said]

بالنسبة للصابون فأنا مش شايفة انها مهمة الكلية بصراحة، يعني احنا نعمل اللي علينا و نحافظ على نظافة الحمامات و يبقى معانا الصابون بتاعنا، زي ما بنشيل مناديل نشيل صابونة صغيرة عادي، المطلوب من الكلية بس اننا نلاقي الحمامات نظيفة و لائقة من ناحية السباكة مثلا و سلال المهملات
ربنا يكرمكم

[تابعة محمد]

بالنسبة للصابون فأنا مش شايفة انها مهمة الكلية بصراحة، يعني احنا نعمل اللي علينا و نحافظ على نظافة الحمامات و يبقى معانا الصابون بتاعنا، زي ما بنشيل مناديل نشيل صابونة صغيرة عادي، المطلوب من الكلية بس اننا نلاقي الحمامات نظيفة و لائقة من ناحية السباكة مثلا و سلال المهملات

ربنا يكرمكم

بسم الله الرحمن الرحيم
متفقة معاكى فى الراى تماما و لو هنستخدمها علشان الانفلونزا اصلا احنا بتوضى فمن وجهة نظرى انها حاجة كماليه و لكن اكتر حاجة محتاجنها حمامات نظيفة و يتكون مفتوحة علشان مش معقول اتوضى فى الدور الاول و اطلع اصلى فى الدور الخامس .
ملحوظة :- كنت هجى يوم الخميس بس للاسف كنت مضطرة احضر محاضرات فى ميعاد الاجتماع فلو فى اجتماع يوم الخميس القادم هجى باذن الله .

[Mohamed Al Gohary]

معدش فيه اجتماعات .. فيه تنفيذ على طول للمعسكر