كلمة شكر لا تكفينى......

[Dr/HULK]

طبعا العنوان مش موضح المطلوب من الموضوع

بس الموضوع ده انا عامله عشان اعرف ارائكم فى حاجة شاغلة بالى



ياترى لما اى حد فينا بيعمل موضوع بيكون مستنى من وراه ايه


طبعا فى ناس كتير وانا منهم بتبقى مستنية رد باقى الاعضاء على الموضوع


بس دلوقتى ياترى ايه اهمية الرد لو كان زى معظم الردود

موضوع جميل
شكرا
thanks.......

ياترى الردود اللى من النوعية دى بتفرق معاك

انا عن نفسى بيكون عندى عدم الرد افضل من الردود دى

لان ممكن الواحد يكتب الرد ده وهو اساسا لم يقرأ الموضوع
(يعنى هدف كتابة الموضوع انتهت)

عشان كده انا بحب جدا الرد اللى يكون تعبير عن وجهة نظرك فى الموضوع
لأن ده دليل على قرأتك للموضوع

مثلا فى منتدى الصحة اكتر الردود دى بنشوفها
طب ازاى تقرأ مثلا موضوع طبى من غير ماتبدى اى ملاحظة عليه
وتكتفى بكلمة شكر


ياريت تكون وجهة نظرى وصلت


لانى مش مركز دلوقتى

ياريت اعرف رأيكوا

[Chimera]

مشكور ..












ههههههههههههه

دي يا دوك بتعتمد ع الموضوع .. و كاتب الموضوع برضو
يعني مثلاً واحد كاتب خواطر او خبر او فكاهه و ما إلى ذلك .. مفهوش نقاش
او صاحب الموضوع نفسه مش حاطط نقط للنقاش ف موضوعه
او اسئلة او اي شيء
فبتكون الردود كده

يعني واحد كاتب ف المنتدى الصحي خبر او معلومة
بقراها و اقوله شكراً

انما لو كاتب نقط محددة للنقاش تحت الموضوع
الوضع هيتغير
.,,

[Mohamed Al Gohary]

هو اكيد طبعا انت معاك حق .. بس ساعات الواحد بيقرا موضوع ومش بيكون في دماغه تعليق كامل عن الموضوع .. فممكن يكتب كلمة شكر لصاحب التوبيك او كده .. مش لمجرد انه بيشارك مشاركه وخلاص ..

عموما اكيد ده برضه زى ما الدكتور شيمرا قال انه بيعتمد على الموضوع نفسه وطريقة كتابته ..

[Dr/HULK]

مشكور ..












ههههههههههههه

دي يا دوك بتعتمد ع الموضوع .. و كاتب الموضوع برضو

يعني مثلاً واحد كاتب خواطر او خبر او فكاهه و ما إلى ذلك .. مفهوش نقاش
او صاحب الموضوع نفسه مش حاطط نقط للنقاش ف موضوعه
او اسئلة او اي شيء
فبتكون الردود كده

يعني واحد كاتب ف المنتدى الصحي خبر او معلومة
بقراها و اقوله شكراً

انما لو كاتب نقط محددة للنقاش تحت الموضوع
الوضع هيتغير
.,,

وجهة نظر جميلة اقتنعت بيها

بس انت دلوقتى لما بتقرا موضوع بيتهيألى ان كل واحد اكيد عنده ملاحظة على الموضوع

يعنى مثلا طريقة عرض الموضوع
او المعلومة دى مهمة ولالأ او كمان تنقد الموضوع وتقول على اللى مش عاجبك فيه
وحاجات يعنى زى كده

لان التعليقات دى بتكون عامل مساعد فى ان كاتب الموضوع يقدر بعد كده يطور من اساليب مواضيع ويعرف الاخطاء اللى بعد كده تخليه يخرج بموضوع شيق يعجب اللى بيقرأه

هو اكيد طبعا انت معاك حق .. بس ساعات الواحد بيقرا موضوع ومش بيكون في دماغه تعليق كامل عن الموضوع .. فممكن يكتب كلمة شكر لصاحب التوبيك او كده .. مش لمجرد انه بيشارك مشاركه وخلاص ..

عموما اكيد ده برضه زى ما الدكتور شيمرا قال انه بيعتمد على الموضوع نفسه وطريقة كتابته ..

انا معاك ان ساعات الواحد بيشوف موضوع متكامل لدرحة انه مبيقدرش يسيب اى تعليق غير انه موضوع جميل او يقراه ويخرج من غير تعليقات لانه بيحس انه لو رد هيبقى رده اقل بكتير من قوة الموضوع

بس مش دى النقطة اللى انا بتكلم فيها

انا بتكلم عن راى اللى كتب الموضوع نفسه
لو لقى مثلا ان موضوع ليه فيه حوالى 40 رد كلهم شكرا وموضوع جميل يبقى ده افضل ليه ولا اذالقى مثلا 5ردود بتعبر عن وجهة نظرهم فى الموضوع