انا عن نفسي ممكن ما اشتغلش لو طلع زوجي قادر ماديا
وعلي فكرة مش هبقي زعلانه بالعكس دي حاجه تفرحني
مهما كان الشغل ده فهو اكيد بياثر علي المراه بشكل ما
لان المرأه كيان واحد والعاطفه عندها غلابه يعني اي حاجه بتتعرض لها في الشغل بتاثر عليها في بيتها
ده غير التعب و الارهاق اللي في كتير من الاوقات مش معمول حسابهم من ناحيه الزوج سواء لطلباته او اطفالها
بجد والله البيت مملكه المرأه فيه تقدر المرأه تثبت نفسها
هيا الزوجه العظيمه اللي كانت السبب في نجاح الزوج و تفوقه في مجال عمله فبتصبح في عينيه جوهرة
وهيا الام الحنونه المعطاءه المعلمه لاطفالها في شتي مناحي الحياه
و اكيد بتميز اولادها في الاخلاق وفي الدراسه بيرجع ليها الفضل في تربيه جيل جديد يقدر يغير المجتمع بجد
والاجمل من كده يكونوا سبب في دخولها الجنه(و ولد صالح يدعو له)
انا عن نفسي شايفه اني ممكن اسيب الشغل فترة من الزمن وهيا الفترة اللي يكونوا اولادي فيها لسه اطفال
وممكن ارجع تاني بعد دخولهم المدرسه ولازم في فترة الغياب دي ما ابعدش عن مجالي لا افضل متابعه برده
بحيث ان الوقت اللي هما فيه بره انا بكون في الشغل يعني ما يحسوش اني بعيده عنهم وانا كمان ما اقدرش اصلا اني اسيبهم لواحدهم طبعا اخاف عليهم هههههههه باعتبار ما سيكون
و اخر حاجه بقي هل فعلا البنت بتاخد محل شاب كان اولي انه يشتغل؟
فدي قضيه ليها ابعاد كتير لازم نحط في الحسبان نوع العمل و الحاله الاجتماعيه و السن و الحاله الماديه و الاعاله
وانا اسفه جدااااااااااا للاطاله بس الموضوع شدني لاني كتير بفكر فيه
تسلمي يا مني علي الموضوع الحلو ده
رد مع اقتباس