لازم تِتْهَان
مفيش واحده زَيِك تَستَاهل
عشانك كنت ف حُبِّى بَتْسَاهِل
لقيتك واخده الحِكَاية بالسَّاهِل
ومِشْ هَدِّى ليكى ف يوم أَمَان
-------------------------------
نسيتى إنِّى حَبْيتَك فى يوم
سبتينى ومش قَابَلَه إنِّى أَلُوم
مشيتى وخلاص عرفت النوم
عشان مبقاش فى قلبى مكان
-----------------------------
بِعْتِى حُبِّى و قُولْتَى خَايِن
وأَنا ف حُبِّك كنت مْآمِن
قولْتِى بَحِبَّك ومكانش بَايِن
ومِشْ هَيْنْفَع أَكُون نَدْمَان
--------------------------
لما قولتى
خَلاص أنا مش لِيكى
مش ليَّا دّمْعِة عنيكى
عُمرى ضَاع ف هَوَاك
مِش عَايْزِه أكُون وِيَّاك
ومُسْتَحِيل أعِيش مَعَاك
كُنْت فَاكِر دَايمَاً إنِك
مش هتنسى اللى كان
----------------------------
كنت ناوى أعيشلك حياتى
كنت عايز أشوفك قصادى
بس حبى طلع ع الفاضى
وقولت خلاص بقى ماضى
مبقاش ليكى ده كان زمان
-----------------------------
قولت لنفسى
مش هشوفك غصب عنك
بقيت لوحدى
وهقدر أعيش بعد منك
جرحت قلبى
وعرفت دلوقتى اللى زيك
مينفعش يتقال عليه انسان
--------------------------
مش هيهمنى تبقى معايا
ولا حتى تنسى هوايا
و مش هتكونى ويايا
كنت حاسسها من البدايه
قلبى مش هيجيلك راكع
ولا عمره كانلك خاضع
حبى ليكى مكانش نافع
ده قلبك حتى طلع جبان
-------------------------
كنت مع نفسى ف تحدى
عقلى يوميها كان ضدى
وانتى اللى هتكونى بعدى
مجرد واحده لازم تتهان
--------------------------
هنسالك اكيد اللى فات
وعمرى كله والذكريات
ده حتى قلبى اللى مات
كره الحب وقال غلطان
Mimo Atef
رد مع اقتباس