الدروس الخصوصية

[DoAa_RESALA]

كنت عايزة من فترة كبيرة ادخل في الموضوع ده لأني عارفة اهميته وبشكرك يا دكتور على طرحه وعلى اهتمامك بمعرفة آراء الطلبة في الموضوع ده
بس انا بصراحة يا دكتور انا بختلف مع حضرتك في الجزء ده

برغم انى أعرف ان نسبة الطلبة الذين يتعاطونها لايزيد عن 50% من المجموع و هم لايحصلون فى معظم الأحوال على محتوى علمى أصيل أو عميق و بالتالى لا يحصلون على تقديرات عالية خاصة عندما تكون الأسئلة مهدفة.

انا أعتقد ان نسبة الطلبة اللي بيلجأوا للدروس الخصوصية أكتر من 50% أما بالنسبة للتقدير ده مش مرتبط خالص بواحد بياخد درس او لا لأني اعرف ناس كتير مش بس بتجيب تقدير لكن كمان بترتب
انا مش بقول ان كل الاوائل كده لكن في ناس كتير منهم كده
حكاية ان الواحد يلجأ للمكتبة او النت ويحاول يتوسع في المعلومات دي انا شايفة انها مرتبطة بالشخص نفسه هو عايز فعلا يفهم او مجرد عايز يعدي ويتخرج من الكلية
ومش بعيد يكون واحد بياخد درس بس علشان يعرف طريقة الحل في الامتحان وفي نفس الوقت يبحث في حاجة على النت.. يعني مش كل اللي بياخدوا دروس مش كلهم بيلجأوا ليها بالطريقة اللي كنا كلنا بنعملها في ثانوية عامة

هناك سؤال أود أن اعرف اجابته من أحبابنا: هل كل من دخل مجال الصيدلة و يتعاطى الدروس دخلها بحب أم استخسارا للمجموع أم بضغوط المجتمع. اسف لهذه الأسئلة و لكن يسعدنى كثيرا مشاركتكم الكريمة فتفضلوا.

اعتقد ان فيهم كده وفيهم كده وده مرتبط بإنهم في وقت من الاوقات حسوا انهم مش عارفين يجمعوا مادة معينة او مش عارفين يحلوا اسئلتها كويس او خايفين من الامتحان ومش عارفين نظام الدكتور بتاع المادة دي كويس