عملي ولا شيت ... شيت ولا عملي ؟؟؟

[Anas]

السلام عليكم و رحمة الله و بركاته



أدام الله عليكم الصحة و العافية



في آخر تيرم في آخر سنة لينا في الكلية

عاوزين نستمتع بكل حاجة بنعملها ... و مفيش حاجة تحصل غصب عننا

و مفيش حاجة تتعمل تعكر مزاجنا على آخر التيرم

-------

طبعا احنا امتحننا عملي التوكسو الترم الأول شيت

و قالولنا التيرم التاني هيبقى امتحان عملي على تجارب التيرمين

نفس اللي حصل في الأساي السنة اللي فاتت

امبارح في السكشن اتقالنا خبر ان احتمال يكون الترم ده شيت برضه !!!

و آراء الناس انقسمت ما بين شيت و عملي

في ناس عاوزة شيت عشان تجمع درجات أكتر من العملي

و ناس عاوزة عملي عشان تجمع درجات أكتر من الشيت !!!

و اتقال كمان ان محدش يضمن الشيت يكون زي التيرم الأول

...

ف دلوقتي في استفتاء في أول الموضوع

عاوزين أكبر عدد من الدفعة يشارك فيه خلال اليومين دول

بحيث نشوف الرأي المناسب لأكتر عدد من الدفعة ايه

زي ما عملنا في جدول الامتحانات في محاضرة الصناعية ...

[@Noh]

بصراحة موضوع مهم قوى بس أنا مش قادرة أقرر , السنة اللى فاتت متحنا عملى بس كان فى فيران والوضع كان صعب جدا وكمان الشيتات مش مضمونة , معلش ممكن تقولنا اللى قال الخبر ده وجهة نظره ايه ؟ أو ايه السبب اللى خلاهم عاوزين يعملوا شيت بس؟

[Anas]

بصراحة موضوع مهم قوى بس أنا مش قادرة أقرر , السنة اللى فاتت متحنا عملى بس كان فى فيران والوضع كان صعب جدا وكمان الشيتات مش مضمونة , معلش ممكن تقولنا اللى قال الخبر ده وجهة نظره ايه ؟ أو ايه السبب اللى خلاهم عاوزين يعملوا شيت بس؟

بالنسبة لموضوع الفيران فـ السنة دي معندناش الا تجربتين بس اللي فيهم فيران

اللي هما الـ PTZ و الـ Organophosporous

و 2 تانيين تجارب على ضفادع اللي هما Cyanide و Nicotine

مش فاكر إذا كان في حاجة تانية ولا لأ

و ممكن يكون في العملي يتعرض حاجات من الأطباق بتاعت الـ corrosives

و موجود صور و فيديوهات لكل حاجة في العملي بس منتظر يتحدد نوع الامتحان بالضبط

[البرنسيسة]

بجد نفسى يكون الامتحان عبارة عن شيت وكمان بيلم درجات اكثر

[عبدالله عبدالرحمن]

هو احنا أخذنا عملى عشان نمتحن عليه
الا اذا جابوا لنا المعدة المقرحة والأمعاء المتقطعة

اللى شفناها فى سكاشن الترم ده
طبعا الشيت مش بيبقى ظريف
بس على الأقل الواحد يقدر يتحكم فيه بشكل ما

[Anas]

أنا شخصيا لو أضمن إن د/طارق اللي هيحط الشيت ... يبقى اديها شيت

[mohanad]

شيت ولازم يبقي شيت احنا مشتغلناش عملي أصلا !!!!ولا ايه . الأساي السنة اللي فاتت وقولنا ماشي بس كنا اشتغلنا

[Bright_Eyes]

الشيت افضل بالنسبه لنا بكتير من وجهة نظرى المتواضعه ؛لأننا هنزاكر ومعانا الhand out بتاع السكاشن وعارفين ايه الى هيجى ؛اللى حصل الترم الاول ان فى حاجات ما اتشرحتش ولا شفناها قبل كده واول مره نشوفها كان فى الشيت الترم ده وضعه مختلف ؛وما اظنش ان شيت الترم الاول ممكن يتكرر
؛فى حاجات كتير اتغيرت الترم ده ما بقاش نفس النظام وأظن ان لو كان الامتحان شيت هيبقى افضل للكل ؛خصوصا ان فى ناس عندها مشكله مع الفيران والضفادع ؛فى حين ان اللى وصل لسنه رابعه ما اظنش عنده مشكله فى انه يزاكر شوية سكاشن ومنها حاجات اصلا اخدناها قبل كده .

[queen]

احنا فعلا مشتغلناش بايدينا فى السكاشن
ويتهيألى مفيش شيت هيكون زى بتاع الترم الاول
خلاص احنا اتغيرنا
يبقى شيت فقط من وجهة نظرى هو الافضل
وزى ما قالو زمايبلنا هنلم فيه درجات وان شاء الله يكون كويس

[...مصر...]

هي التجارب كانت بتطلع مع المعيدين عشان تطلع معانا .. شيت أحسن