عايزين مكافأة الثانوية العامة

[الفراشة الرقيقة]

يا جماعة المفروض من حق كل طالب فى كلية الصيدلة ياخد مكافأة الثانوية العامة و كل كليات طب و أسنان أخدوها إشمعنى إحنا لأ ؟؟؟ و كمان مكافأة التفوق المفروض مش يتحدد لها آخر معاد يوم كذا يعنى من حق الطالب يروح ياخدها فى أى وقت لأنها من حقه صح و لا غلط ؟؟؟

[dr...meshmesha]

صح يا باشا وانا معاكى قشطه

[eman mohammed]

تمام التمام معاكى يادكتور

[juman]

هما ليه مستخسرين فينا حتى 80 جنيه مكافاه ده السعوديه بتدى كل طالب علمى فى الكليه 2000 ريال شهريا
وبعدين كل الكليات خدتها الا احنا دايما كده مغضوب علينا

[dr_orchida]

يسسسسسسسسس فين مكافاة الثانوية العامة
بما ان الواحد بدأ يطحن فدرجاته ومعتش بيجيب تقدير علشان يااخد حاجة
فنتمسك بالفلوس اللي حلتنا بقي بتاعة الثانوية
بس علي فكرة واحدة صاحبتي فطب لسه بتسألني علي المكافأة لانهم مبياخدوش حاجة ولا ثانوية ولا تقدير
وقعدوا يعملوا مظاهرات واعتصامات علشان يدوهم المكافا’ة وفالااخر قالولهم الامتياز 70 باين والجيد جدا 50
حاجة كده تقريبا !!!!!!!!!!!!!!!!!!!!!؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[ameer]

سمعت ان مكافأه الثانويه كانت اتلغت
بس ده كان قبل الثوره

[AbU ElKhAiR-Let`s Go]

هيا المفروض تتلغى بصراحه يا امير

أو قوانينها تتعدل

نقول اللى لينا واللى علينا

بس بما انها فى اللايحه يبقى المفروض ناخدها

[dr/M.Eldesoki]

أنا عن نفسى متبرع بالمكافئة بتاعتى للكلية

[د///*مطحونة*\\\]

أنا عن نفسى متبرع بالمكافئة بتاعتى للكلية

متقلقش حضرتك
هما خدوها من غير مانتكلم

-----

انتوا عارفين يا جماعة
تخيلوا لو فى الدفعة مثلا 700 هياخدوا المكافاة
وقولوا ان المكافئة 80 جنية مثلا
الناتج=جنية!!!!!!!!56000
دة لو على الارقام اللى انا كاتباها دى!!!!!!
وطبعا الكلام دة على دفعة واحدة
فمابالكم لو دفعتين مخدوش المكافاة
وعلى فكرة انا زمايلى اللى قدى خدوها بقالهم 3 سنين فى كل الكليات وفى دكاترة بيقولوا ان المكافاة بتيجى من الوزارة وانها مجاتش لدفعتنا طب هى الوزارة استقصدت دفعتنا اللى فى صيدلة دونا عن باقى الكليات بس بالنسبة لدفعتكم يمكن الكلام دة يكون صح فممكن تسالوا عنها وشوفوا التاخير منين هل هى جت الكلية ولا الوزارة اصلا مبعتتهاش
احمدوا ربنا انكم لسة فى اولى ومتعملوش زينا وتتنازلوا عن فلوسكم
كل واحد لازم ياخد حقه

[طيور الجنه]

بس بالنسبة لدفعتكم يمكن الكلام دة يكون صح فممكن تسالوا عنها وشوفوا التاخير منين هل هى جت الكلية ولا الوزارة اصلا مبعتتهاش
احمدوا ربنا انكم لسة فى اولى ومتعملوش زينا وتتنازلوا عن فلوسكم
كل واحد لازم ياخد حقه

لا الوزارة بعتت واصحابى فى اسنان وعلوم أخدوها من زماااااااان بقالهم سنة

انا آخر مرة سألت ودى من زمااااان جدا كان قالى انها لسة ما وصلتش
ولما سألنا العميدة عنها فى لقاء طلابى قبل الثورة قالت ان ميزانية الكلية لا تسمح !!!!

ده على أساس ان الكلية اللى بتدفع من جيبها