اقتراح علي الاداره بخصوص المدرج

[Messi]

بسم الرحمن الرحيم

كل سنه وانتم وبخير بمناسبه عيد الفطر


وطبعا كلها كام يوم وهنرجع تاني لايام الدراسه والصحيان و النوم بدري وتعود الامور لطبيعتها وهذه هي سنه الحياه


اكيييييييد

معظمنا تشوق للدراسه عشان اصحابه وكده

لكن هوه بس من اول اسبوع الواحد بيرجع يقول (هو لسه كتير علي الاجازه؟؟؟؟؟؟؟)





المهم.........


هندخل في الموضوع علي طول


طبعا كلنا عرفنا ان عدد الفرقه الاولي حوالي 1100 طالب تقريبا

طبعا كلهم مش بيحضروا

يعني حوالي 900 مثلا من الالف و ميه بيحضروا وال200 مش بيحضروا بانتظام

وطبعا احنا هنتقسم لجروبين ا و ب

مش تلاته زي السنه الي فاتت

يعني الكثافه بتاعتنا هتزيد


وفي نفس الوقت السعه بتاعت المدرج الجديد(اولي) اقل من السعه بتاعت المدرج القديم (اعدادي)..


وزي ما احنا عارفين ان عدد دفعه اعدادي السنه دي هتكون قليله جدا



فايه المانع لو نبدل ؟؟؟؟؟؟؟؟؟؟؟؟؟؟؟؟




احنا ناخد مدرج اعدادي واعدادي ياخدوا المدرج بتاعنا ؟؟؟؟؟؟؟؟؟

وكده نبقي حلينا مشكله الاعداد الكبيره وكلنا ناخد راحتنا

وفي نفس الوقت اعدادي مش خسرانين حاجه




وطبعا انا عارف ان اداره الكليه مش بتتأخر عننا ابدا في اي حاجه
وبتنفذ اي حاجه لمصلحتنا والدليل السنه الي فاتت

فياريت لو تفكر في الاقتراح ده قبل ما تدخل في مشكله الزحمه كمان اسبوع



بالتوفيق

[dr emy.hassan]

هو اقتراح كويس بس مدرج اولى فى الدور الارضى واعدادى فى الرابع

[Messi]

هو اقتراح كويس بس مدرج اولى فى الدور الارضى واعدادى فى الرابع

بس مدرج اولي هيكون زحمه جدا جدا

مش هنلاقي اماكن

وهنتشاكل علي الاماكن الي في الامام

والي بيلبس نضاره مش هيشوف

وهنقعد مخنوقينو الجو حر اساسا ومش هنركز وهنتعب بسرعه





اما في مدرج اعدادي .......هناخد راحتنا شويه
والاضائه جميله
وهنركز اكتر



انا فاكر لما كان فيه محاضره مراجعه لدكتوره ماجده نصر اخر السنه

نص الناس قامت ومكنش فيه مكان واحد

وطلعنا جبنا كراسي من الدور الاول

ود.ماجده قالت مش هينفع كده و قسمتنا





ولو علي المكان

ممكن الاداره ترجعنا لمدرج اولي كمان شهر ونص
يكون العدد قل شويه

[asmaa2010]

بصراحه انا مش حابه ان الاقتراح ده يتنفذ لا احنا زهقنا من المدرج بتاعنا وكمان فى الرابع
وبعدين احنا محتاجين تغير علشان نبعد الملل ودا مجرد رأى

[muna7assan]

فكره حلوه ., لو مفيش مشكله بالنسبه للاداره اكيد هتتنفذ

ولو على فكره انكم هتحسوا بملل وانه فى الدور الرابع ., دا هيكون اهون بكتير من تعب الوقوف فى المحاضرات لأن مدرج اولى تقريبا اصغر مدرج ومش هيستوعب كل العدد دا

ما تخلوش حاجه زى الملل والزهق تأثر عليكم .

[noor 2010]

انا شايفة ان البروجكتور بتاع مدرج الفرقة الاولى اوضح من بتاع مدرج الفرقة الاعدادى علشان انا فاكرة انى كنت مابشوفش حاجة خالص فى مدرج اعدادى بسبب الموضوع ده

[Messi]

انا شايفة ان البروجكتور بتاع مدرج الفرقة الاولى اوضح من بتاع مدرج الفرقة الاعدادى علشان انا فاكرة انى كنت مابشوفش حاجة خالص فى مدرج اعدادى بسبب الموضوع ده

بس مدرج الفرقه الاعداديه كان مكيف اكتر ......
كان الاضائه اكتر......
كان الاتساع اكتر.....

+

اكيد الاداره ظبطت موضوع البروجكتور في الفتره الي فاتت.

[Dr\ Eman Ibrahim]

انا موافقة ع الفكرة بس لو البروجيكتور اتصلح
رغم اننا هنكون ف الدور الرابع بس افضل من الوقفة ,بس فيه استفسار هو الجدول ممكن يتغير ولامفيش امل لانى بجد كده مش هاعرف اروح. ياريت حد يرد عليا

[AbU ElKhAiR-Let`s Go]

فكره جميله أتمنى تتنفذ وخصوصا ان فعلا عددنا هيبقى كبيييييييييييير

[Dr.Dina ELBeltagy]

لا فكرة حلوة والله