امسـك فلــول الدقهليــة

[Mouri Ran]

السـلام عليكــم ورحمــة الله وبركاتــه



فيه آلاف ضحوا بحياتهم وأعضائهم وعيونهم عشان نختار اللي يمثل مصر بجد مش اللي خربوها

واحنا المفروض لينا دور كمان نوعي الناس ونعرفهم دي أقل حاجة نعملها لمصر

اللي عارف حد من الفلول كان مترشح قبل كدا ومتأكد يا ريت يقول عليه



والأول: بيقــــــــولك !

بيقولك : مش معنى إنه كان حزب وطني إنه فلول .. مش يمكن كان في الحزب عشان مصالحه تتقضي

بنقوله .. اللي يرضى يكون وسط ناس فاسدين عشان مصالحه تتقضي .. هيرضى يعمل كده برضه ف مجلس الشعب



بيقولك : ده دخل الحزب الوطني غصب عنه

بنقوله .. وهو برضه اللي يتغصب ده .. ازاي تستأمنه على بلدك .. وازاي يدخل مجلس الشعب الجاي ..

المجلس الجاي محتاج اللي يدخله يكون راجل .. يكون قوي على الباطل والظلم



بيقولك : هو كان في الحزب الوطني صحيح .. بس كان بيخدم أهل دايرته

بنقوله .. كان بيخدم أهل دايرته وبيخرب مصر

كان بيخدم أهل دايرته .. بفلوس مسروقة أساسا .. والجنيه اللي دفعه لأهل دايرته .. كان كسبان قصاده 100 جنيه



بيقولك : كان في الحزب الوطني صحيح .. بس راجل طيب وكويس وكل الناس تشهدله بالخير والصلاح

نقوله .. من عاشر القوم 40 يوما صار منهم .. وبعدين خيره وصلاحه ده ما هينفعناش في مجلس الشعب ..

احنا محتاجين حد قوي وأمين يعرف يقول للظالم لأ وما يخافش .. يعرف مين بيضحك علينا ومين بيسرقنا ويمنعه..

مش حد طيب وابن حلال وقلبه أبيض







امســك فلــول الدقهلية


-المصدر صفحة امسك فلول وطبعا انا جبت اللي متأكدة منه وعارفاه بنفسي-

1

محمد عوض شبارة - فردي عمال وفلاحين - مرشح حزب النور - الدايرة الأولى

ودا دعاية انتخابية ليه من انتخابات 2010 وممكن ترجعوا للتاريخ والحزب اعترف انه من الفلول لكن برر تبرير

كل اللي أقدر أقوله عليه (عذر أقبح من ذنب)

+ YouTube Video

2

وحيد فودة - فردي عمال - الدايرة الأولى

أعتقد دا مفيش حد مش عارفه هو وأخوه -ممدوح فودة-





3

الفاتح / توفيق عكاشة - الدايرة الأولي - على رأس قايمة حزب مصر القومي

معهد خدمه اجتماعيه .. تقدير مقبول فل عالمي

مش محتاجين صور ولا أي حاجة


4

حسن المير - الدائرة الأولى - فئات - حزب المصرى القومى

بردو من المعروفين في الحزب الوطني وعضو مجلس شعب من زمااااان





5


إلهامي عجينة - الدائرة الثانية - نائب بسنديلة السابق عن الحزب الواطي

وصاحب القضية الشهيرة بتاع ازدواج الجنسية وانه حاصل علي الجنسية الهولندية

نازل المرة دي مستقل عن دائرة نبروه - بلقاس - طلخا





6

رفعت بسيوني .. عضو مجلس الشعب عن الحزب الواطي 2005 ( دائرة نبروة - دقهلية )

نازل المرة دي مستقل ... في دائره المدعو : قذافي مصر - توفيق عكاشه - .





7

ليلى التليس





8

هيام عامر - الدائرة الاولى بلقاس على قائمه حزب الحرية (من غير عدالة)





9

مصطفى محروس - عمال مستقل رمز الترس





المصدر تاني -امسك فلول- واللي عنده إضافة يا ريت يضيفها

[Dr Deya]

[Mouri Ran]

كنت عايزة أضيف خالد حماد النهاردة بس ما شاء الله الصورة مش سايبة


شكرًا يا د ضياء

[ليليان]

حلو اوى الشغل ده بجد بس ياريت لو حد يتكرم ويعمل موضوع عن فلول الغربية عشان نفهم
شكرا ليكو

[Mouri Ran]

ماشي إن شاء الله أعمل واحد للغربية

النهاردة أجازة بقى ^_^

[Mohamed7755]

اللى كان من الحزب الوطنى السنين اللى فاتت ورشحه نفسه السنادى ده لا يقال عليه سوى بجح

ولكن برده نسيبه يرشح نفسه ونشوف فى الانتخابات الغير مزورة هياخد كام صوت

أعتقد أنه صوته بس اللى هياخده واشك فى كده لإنه مش هيعرف ازاى يعطى صوته لإنه أول مرة ينتخب بجد

هو كان متعود قبل كده ان الصناديق جايه متأفلة له سواء كان اللى بينتخب حى او ميت او لسه طفل

موعدنا 3 و 4 يناير كله لازم ينزل ويعطى صوته لمن يستحقه وحتى لو مش شايف إن حد يستحقه ينزل برده و مينتخبش حد أهم حاجة لازم يكون له موقف

[same7]

اللى كان من الحزب الوطنى السنين اللى فاتت ورشحه نفسه السنادى ده لا يقال عليه سوى بجح
ولكن برده نسيبه يرشح نفسه ونشوف فى الانتخابات الغير مزورة هياخد كام صوت
أعتقد أنه صوته بس اللى هياخده واشك فى كده لإنه مش هيعرف ازاى يعطى صوته لإنه أول مرة ينتخب بجد
هو كان متعود قبل كده ان الصناديق جايه متأفلة له سواء كان اللى بينتخب حى او ميت او لسه طفل
موعدنا 3 و 4 يناير كله لازم ينزل ويعطى صوته لمن يستحقه وحتى لو مش شايف إن حد يستحقه ينزل برده و مينتخبش حد أهم حاجة لازم يكون له موقف

وحيد فوده من الناس المرشحه يكسبوا فى الفردى
وفل وزى الفل
وناس كتير بتشكر فيه

بتقول انه راجل خدوم

على اساس الضرب والبلطجيه فى انتخابات السنه اللى فاتت مكنش له دعوه بيهم

[ahmed djo]

الموضوع حلو بس انا مش تبع الدواير دي انا من ميت غمر ياريت حد يكتب عنها

[تابعة محمد]

بسم الله الرحمن الرحيم
ومتنسوش عيلة حماد كلها ........... كانوا متخصصين مجلس شورى لكن اترقوا المرة ديه و هينزلوا تبع مجلس الشعب .

[Mouri Ran]

بسم الله الرحمن الرحيم
ومتنسوش عيلة حماد كلها ........... كانوا متخصصين مجلس شورى لكن اترقوا المرة ديه و هينزلوا تبع مجلس الشعب .

أيوا فعلا انا نسيت حسن حماد وكنت هضيفه بس لقيته في الصورة اللي ضافها د ضياء