كفايه بقه ... حرام كده .. عاوزين نشوف مصر احسن

[محمد سمير]

بجد اللى يحصل من الشرطه ده مهزله

كأن ما فيش ثوره اتعملت

ايه اللى بيحصل من الشرطه والكر والفر ده

لازم كل من يعطى اوامر لجنود الامن المركزى باطلاق الرصاص المطاطى والخرطوش والرصاص الحى ان يحاسب

والحكومه تطلع وتقول ونشكر الداخليه على استخدامها ضبط النفس لاقصى درجه مع المتظاهرين

بتضحكوا على مين يعنى

ما كل حاجه واضحه ومتصوره فى الفضائيات والاخبار بتنقلها

الواحد بيشوف المناظر والضرب فى التليفزيون بيتعصب اوى

ادى اخرة المماطله وتسكين الناس بشوية كلام

ايه التغييرات اللى حصلت بعد الثوره

تغييرات ليست لها قيمه

الشعب مش هيسكت على القمع بالصوره دى واستخدام القوه المفرطه دى

ونتيجة كده
رجع المتظاهرين للاعتصام فى التحرير وفى الاسكندريه وقنا والسويس وبورسعيد والمنصوره واسوان ومختلف المحافظات

لازم يعنى يحصل اعتصام ومظاهرات عشان القرارات تتاخد

مش هنرجع تانى لما قبل 25 يناير

حرام يعنى كده

المجلس العسكرى لازم يتكلم و يحدد موعد اقصاه ابريل 2012 لتسليم السلطه الى رئيس منتخب من الشعب

ما يسبش الامور عايمه

ويقول سنسلم السلطه قبل نهاية 2012

كفايه تأخير بقه

المجلس العسكرى عامل ذى طفل مسك فى لعبه ومش عاوز يسيبها

بس الحاجه اللى ماسكه فى ايده المجلس العسكرى مش لعبه

دى مصر

وكل شويه نحن حريصون على تسليم السلطه والعوده لثكناتنا

زهقنا من الكلام

عاوزين افعال

[**mahasen mohamed fouad**]

مع حضرتك كل حق يا دوك والله بجد الى بيحصل دى اسمه مهزله ومعدتش باين للوضع ده نهايه ربنا يسترها علينا

[khokha]

فعلا والله المشير ده طلعت نيته وحشه وكل حاجه بانت...واللي نفسي اعرفه فين عصام شرف من ده كله؟؟
بجد اعصابنا تعبت بقي امتي البلد تهدي ...

يااااااااااااااااااااااااارب

[Nayroz]

جوايا احساس بدأ يتأكد إن الموضوع كله كان لعبة علينا من الاول
مش لعبة و حليت فى عنيهم ....
الموضوع شكله كان مترتبله من الاول ....
اللى بيسألوا عن الحكومة ... مفيش حكومة ... المجلس هو الحكومة ...
و المجلس الوجه الاخر أو يمكن نفس وجه المخلوع اللى حقيقى لسة متخلعش ...
و اللى بيحصل ده مهزلة ...
وظيفتهم كلهم دلوقتى انهم يظهروا وقت ما يحبوا يعجننونا و يسحلونا ..
لكن يتشطروا على البلطجة لاء ....
هما و البلطجة عملة واحدة ....
حسبى الله و نعم الوكيل ......

[محمد سمير]

الأمن المركزي يسحب جثمان أحد الشهداء ويضعه بالقرب من صناديق القمامة

في اعتداء إجرامي قام أحد أفراد الامن بسحب جثمان أحد الشهداء في ميدان التحرير اليوم ليلقي به بجانب صناديق القمامة.
وذلك بعد أن اقتحمت أفراد الداخلية والشرطة العسكرية ميدان التحرير والاعتداء على المتظاهرين بالضرب بالعصي والحجارة والقنابل المسيلة للدموع، وخلفت 4 قتلى ومئات المصابين حتى الآن.

+ YouTube Video

حسبى الله ونعم الوكيل

ربنا يهد كل ظالم

ما فيش رحمة فى قلوبكم خالص

[محمد سمير]

بيان حركه شباب 6 إبريل بخصوص الاحداث الحاليه

إلى المجلس العسكرى ... إلى حكومه عصام شرف ... إرحلو

بعد ماحدث بالأمس من قيام قوات الامن المركزى بفض اعتصام مصابى الثوره بطريقه وحشيه والأستخدام المفرط للقوه وهو الوضع الذى نرفضه شكلا وموضوعا والذى يعود بينا الى عهد ماقبل ثوره 25 يناير
... حيث كان يمنع الاعتصامات السلميه وكل وسائل التعبير السلمى عن الرأى


ولكننا لم نستغرب مايحدث الان لأن نظام مبارك مازال قائما حتى الأن ولم يسقط إلا رأسه فقط
اليوم أيضا قد تكرر ماحدث بالأمس لكن بصوره أكثر وحشيه من قبل قوات الشرطه العسكريه بعد الهجوم المفاجئ على الميدان والذى أسفر عن وجود عدد كبير من المصابيين من بين شباب الثوره المتواجدين بالميدان منذ الأمس
وبعد تصريحات اللواء محسن الفنجرى بالأمس أيضا والتى اتهم فيها المتواجدين بالميدان بالعماله وانهم أصحاب اجندات ويريدون إسقاط الدوله وهى ماتجعل لسان حالنا يقول ( ماأشبه الليله بالبارحه ) فهذه التصريحات نفسها هى ماكان يطلقها مبارك وزبانيته فى أوائل أيام الثوره وهى ماأطلقها أيضا اللواء الروينى فى اتهاماته الكاذبه ضد حركه 6 ابريل وشباب الثوره والتى إتضح للجميع كذبها بعد تقرير لجنه تقصى الحقائق التى شكلتها وزاره العدل
ومن الملاحظ أن استمرار المجلس العسكرى فى الحكم هو مايؤدى الى احتقان الأوضاع وتدهورها يوما بعد يوم
وبوجود تلك الحكومه الهزيله الضعيفه التى لا تعبر عن الثوره ولا مطالبها يزداد الوضع سواء يوما بعد يوم
ولذلك تعلن حركه شباب 6 إبريل استمرار اعتصامها بميدان التحرير كل ميادين مصر حتى يتحقق الاتى

1 الإعلان الفورى عن موعد انتخابات الرئاسه والتى ستكون بحد أقصى شهر إبريل المقبل
2 – اقاله حكومه عصام شرف فورا
3 – تعيين حكومه إنقاذ وطنى ممثله لكل القوى الوطنيه لإداره المرحله القادمه مع اعطائها كافه الصلاحيات التنفذيه والتى تساعدها فى اداره المرحله المقبله
4- فتح باب التحقيق الفورى فى الأحداث التى تمت بميدان التحرير ومحاسبه المتورطبن فيها



حفظ الله مصر وشعبها

حركة شباب 6 ابريل

[Mouri Ran]

هتعدي إن شاء الله

من أول الثورة والأمن هو اللي بيساعد في استكمالها

هما اللي بينبهونا ان مفيش حاجة اتغيرت وان الثورة لازم تكمل



يا مصر هانت وبانت كلها كام يوم .. نهارنا نادي ونهار الندل مش باين

[Mouri Ran]

وجاي لهم قلب بعد دا كله يقولوا الشرطة في أقصى درجات ضبط النفس ومضربوش أي نوع رصاص

+ YouTube Video

+ YouTube Video

+ YouTube Video

يا رب انتقم منهم يا رب

[محمد سمير]

اللهم امين

انا مش عارف هما بيضحكوا على مين بكلامهم ده

انا مؤيد لاعتصام اخواتنا فى الميدان ولابد من استمراره كورقة ضغط على المجلس العسكرى حتى ينفذ الاهداف والمبادىء اللى قامت من اجلها الثوره

حرام الثوره دى تضيع بعد كل الشهدا والمصابين دول

[Mouri Ran]

أكيد لازم الاعتصام ولازم يكون في كل المحافظات مش القاهرة واسكندرية والسويس بس

يا رب احمي مصر يا رب وانتقم من اللي بيحاول يخربها