عوده الى كرسى الاعتراف مع AbU ElKhAiR-Let`s Go

[محمد سمير]

السلام عليكم ورحمة الله وبركاته

عوده الى كرسى الاعتراف مع

AbU ElKhAiR-Let`s Go

من الشخصيات المحترمه واللى بحبها جدا

ويلا


ندخل بقه على الجد


وقد تقرر منعه من الاكل والشرب على مدار الاسبوع ويجب عليه الاجابه على كل الاسئله دون هروب من اى سؤال

ونبدا بسم الله الرحمن الرحيم

الاسم سباعى :
السن:
الحاله الاجتماعيه(متزوج او اعذب):
عدد الاخوه والاخوات:
وظيفة الوالد والوالده :
بتحب كليه الصيدله ولا دخلتها بالتنسيق:
لو مدخلتش كليه الصيدلة كنت تحب تدخل كليه ايه:
مين كاتم اسرارك:
ايه هى احلامك:
اكتر المواضيع اللى بتعجبك على المنتدى واكتر اعضاء بتعجبك مواضيعهم


كفايه كده مؤقتا عشان نسيب المجال للى عاوز يسأل

[AbU ElKhAiR-Let`s Go]

السلام عليكم ورحمة الله وبركاته

وعليكم السلام ورحمة الله وبركاته

عوده الى كرسى الاعتراف مع

AbU ElKhAiR-Let`s Go

طبعا إنت ما صدقك قلتلك ماشى وانت طبعا قلت تخلع إنت وتدبسنى
أنا
بس على فكره أنا ما عنديش اعترافات عشان أعترف بيها أساسا يعنى

من الشخصيات المحترمه واللى بحبها جدا

ربنا يكرمك يارب
وانا لو بحب حضرتك جدا

ويلا


ندخل بقه على الجد


وقد تقرر منعه من الاكل والشرب على مدار الاسبوع ويجب عليه الاجابه على كل الاسئله دون هروب من اى سؤال

ونبدا بسم الله الرحمن الرحيم

الاسم سباعى :

محمود على محمود على أبو الخير (دا اللى أعرفه والله يا فندم )

السن:

يوم 25/8/2011 اللى جاى يكون عدى من عمرى 19 سنه بالتمام والكمال

الحاله الاجتماعيه(متزوج او اعذب):
عدد الاخوه والاخوات:
وظيفة الوالد والوالده :

الاتنين وظيفه واحده
إدارين فى التربيه والتعليم
والدتى مردسه فنيه بنات
ووالدى فى مدرسه ابتدائى

بتحب كليه الصيدله ولا دخلتها بالتنسيق:

ممكن تقول بالاتنين مع بعض
كانت هدف بديل بالنسبه ليا

لو مدخلتش كليه الصيدلة كنت تحب تدخل كليه ايه:

طب أو علوم

مين كاتم اسرارك:
ايه هى احلامك:
اكتر المواضيع اللى بتعجبك على المنتدى واكتر اعضاء بتعجبك مواضيعهم

مواضيع كتير اوى مش هفتكرها كلها يعنى
وفى أعضاء كتير أوى أعرفهم شخصيا وبحبهم جدا
وبحب كل اللى مش عارفهم جدا برضه لانهم كلهم بتعلم منهم

كفايه كده مؤقتا عشان نسيب المجال للى عاوز يسأل

تحت امر أى حد
بس خدوا بالكوا أنا غلبان والله

[محمد سمير]

بس على فكره أنا ما عنديش اعترافات عشان أعترف بيها أساسا يعنى

كله هيبان

محمود على محمود على أبو الخير (دا اللى أعرفه والله يا فندم )

مصدقك

الحاله الاجتماعيه(متزوج او اعذب):
عدد الاخوه والاخوات:
مين كاتم اسرارك:
ايه هى احلامك:

فين اجابات الاسئله دى

ركز شويه

[AbU ElKhAiR-Let`s Go]

[

COLOR="black"]

الحاله الاجتماعيه(متزوج او اعذب):

إنت شايف إيه ؟

عدد الاخوه والاخوات:

سؤال صعب جدا على فكره لأنى مش بعرف أعدهم

لأن ما فيش أساسا

أنا مش ليا أخوات لا بنات ولا صبيان حقيقين لكن فى ناس أغلى عندى بكتير أوى وبعتبرهم اكتر من إخواتى وهما
AESAMA

مين كاتم اسرارك:

ماجد صاحبى
وعلى هشام

ايه هى احلامك:

كتير أوى أوى
أولها أدخل الجنه وأرضى ربنا فى كل حياتى
ثانيا اتخرج بتقدير محترم
أشتغل فى المكان اللى أنا عايزه
أعمل صيدله فى خلال سنه على الأكثر
ربنا يجمعنى بأكتر ناس عندى فى حياتى ومش بينا أبدا وهما سته
AESAMA

[/COLOR]

معلش مكنتش مركز امبارح بس
آسف جدا

[محمد سمير]

السلام عليكم ورحمة الله وبركاته

مين توأم روحك

مين الشخص اللى مش ممكن ترفضله طلب

إيه هى أجمل فترة فى حياتك

موقف لاتنساه

شخص إستطاع جرحك

من أعز صحابك

هل تثق فى أحد ثقة عمياء ؟ولو فى يبقى مين؟

إيه أول صفة بتلفت إنتباهك فى الشخص إللى قدامك؟

مميزاتك وعيوبك من وجهة نظرك

الحياة فى 3 كلمات

ماذا تعلمت من الحياة حتى الان

مكان تشعر فيه بالأمان

من أكتر لاعب بتحبه

بتحب تسمع قرآن لمين

لو جتلك بنت وقالتلك انا بحبك هتتصرف ازاى

أكبر مغامرة حصلتلك في حياتك

اخر عمل خير عملته امتى؟

كفايه كده مؤقتا

[A.Elrayes]

منور يا حودا
مين هما دول بقي بالاسماء؟
AESAMA

[د/دعاء]

السلام عليكم ورحمة الله وبركاته

ممكن اسأل شوية اسئلة ؟؟

ليك ورد يومى من القرآن طول السنة ولا مش بتقرأ غير ف رمضان بس ؟
بتقول"ان هدفك رضا ربنا " طيب ايه اكتر عمل بتحس فيه ان ربنا راضى عنك؟
ايه أكتر دعوة بتدعيها الايام دى عند الفطار ؟
ايه اكتر أيه بتأثر فيك كل ما بتقرأها؟
انت قلت "أنا معندش اعترافات اعترف بيها اساسا" ولما سألناك مين كاتم أسرارك قلت"ماجد صاحبى وعلى هشام" يبقى ازاى فيه أسرار من غير اعترافات؟

[AbU ElKhAiR-Let`s Go]

السلام عليكم ورحمة الله وبركاته
إزيك يا دكتور محمد
بجد أنا آسف جدا جدا جدا جدا جدا جدا على عدم دخولى المنتدى والله العظيم غصب عنى
بجد ماكنتش أقدر أدخل نت الفتره اللى فاتت دى نهائى لأسباب كتيره جدا
أتمنى إنك تقبل اعتذراى
ثانيا حاليا أنا داخل بسرعه وهخرج على طول فمش هقدر أرد على الأسئله دى حاليا
ولو عايزنى أرد ما فيش أى مشكله هرد النهارده أو بكره بالكتير إن شاء الله
ولو مش مهم يبقى مش مشكله باه
وبجد أنا آسف جدا
وياريت بجد تدعيلى وكل الأعضاء يدعولى
شكرا

[محمد سمير]

السلام عليكم ورحمة الله وبركاته
إزيك يا دكتور محمد
بجد أنا آسف جدا جدا جدا جدا جدا جدا على عدم دخولى المنتدى والله العظيم غصب عنى
بجد ماكنتش أقدر أدخل نت الفتره اللى فاتت دى نهائى لأسباب كتيره جدا
أتمنى إنك تقبل اعتذراى
ثانيا حاليا أنا داخل بسرعه وهخرج على طول فمش هقدر أرد على الأسئله دى حاليا
ولو عايزنى أرد ما فيش أى مشكله هرد النهارده أو بكره بالكتير إن شاء الله
ولو مش مهم يبقى مش مشكله باه
وبجد أنا آسف جدا
وياريت بجد تدعيلى وكل الأعضاء يدعولى
شكرا

وعليكم السلام ورحمة الله وبركاته

منتظرين تكمل اجاباتك

ما رضتش اخلى حد تانى يقعد الا لما تخلص الاسئله

وربنا يوفقك ويسهلك الامور

[AbU ElKhAiR-Let`s Go]

السلام عليكم ورحمة الله وبركاته

مين توأم روحك

ماااااااااااااااجد

[SIZE=4
] مين الشخص اللى مش ممكن ترفضله طلب

ست أشخاص هما
AESAMA
بشرط إن ما تكونش حاجه تغضب ربنا غير كده ما اعتقدش إنهم ممكن يطلبوا حاجه منى وأنا هقدر أعملها وممكن أفكر أعملها ولا لأ لأن هعملها بدون تفكير طبعا

[/SIZE]

إيه هى أجمل فترة فى حياتك

أجمل فتره فى حياتى
سؤال صعب بجد
لكن ممكن نقول إجازه العام الماضى
وعلى فكره أى حد لما يعدى أى مرحله فى حياته بيحس إنها كانت جميله ونفسه يرجعلها

موقف لاتنساه

لما قابلت ماجد لأنى يومها كانت هتخانق معاه
وكان احتمال تكون مجزره
بعدها أصبح أفضل صديق فى حياتى
كمان يوم ما قابلت والد على هشام فى التقديم وبعدها بشهرين تقريبا أقابل على بالصدفه فى المدينه واتعرف عليه
وبرضه يكون أفضل صديق ليا فى الجامعه
كمان فى مره وانا فى الابتدائى مدرسة الفصل طلبت مننا نجيب عصايه عشان اللى يتكلم ينضرب بيها طبعا انا بأه جبت حته عصايه ورحت مبسوط بأه المدرسه وبفضل الله كان أول واحد اتضرب هوا أنا
وفى مواقف تانيه كتير

شخص إستطاع جرحك

أنا
بصراحه مافيش حد لكن غالبا أنا اللى بزعل من نفسى

من أعز صحابك

هوا السؤال ده اتسأل قبل كده ولا أنا بيتهيألى
لكن عموما هما أغلى اتنين عندى ماجد وعلى
وفى ناس كتيييييييير أوى بحبهم جدا وغالين عندى جدا منهم على كشك أحمد الجوهرى محمود فريد محمد على محمد غريب أحمد القفاص

هل تثق فى أحد ثقة عمياء ؟
ولو فى يبقى مين؟

أيوه وثقت فى شخص ما قبل كده مع أنى مكنتش أعرف عنه أى حاجه والحمد لله الثقه كانت فى محلها تماما وأصبح واحد من أغلى وأهم الشخصيات فى حياتى وبجد اتعلمت منه حاجات كتيييييييييييير أوى
وعلى فكره لغاية مش عارف إيه السبب اللى دفعنى أثق فى شخص عمرى ما عرفته

إيه أول صفة بتلفت إنتباهك فى الشخص إللى قدامك؟

الهدوء والرزانه

مميزاتك وعيوبك من وجهة نظرك

مميزاتى
متفااااااااااااااااائل لأبعد الحدود وأزعم إن التفاؤل ده مش كلام فقط لكن بينعكس على الأفعال
مش بتنازل عن حاجه بسهوله مهما كانت صعبه بحاول أجيب آخرى فى أى حاجه
طموح لأبعد الحدود
أظن إنى إنسان بجد مهما حاولت أكون قاسى أو شديد مش بينفع لأنى أول مالاقى حد محتاج حاجه بجد أيا كان مش بحاول أفكر
بحب الناس كلها وعايزيهم كلهم يكونوا سعدا
أما بالنسبه لعيوبى ودى كتيره أوى
إنى عصبى جدا لكن بهدى بسرعه يعنى
متهور جدا ومتسرع بطريقه رهيبه
دايما بستعجل الزمن وعايز أحقق كل حاجه فورا وبدون انتظار
دايما بفكر فى حاجات كتييييييير أوى فى وقت واحد
غالبا ما تكون الخطوه الأخيره فى أى طريق لهدف ودا بيخلنى أوصل لكل أو أغلب أهدافى لكن فى النهايه يا إما أضيعها يا إما أحققها بس مش بالصوره اللى أنا عايزها
عاطفى زياده عن اللزوم وفى بعض الحاجات فى حياته مع أنها شئ ملازمه له
لكن بقاله 19 سنه ومش قادر يتكيف معاها ودايما بتعمله مشاكل
وأكيد فى أكتر من كده بكتير فربنا يسترنا يارب ويوفقنى لإصلاح كل ده

الحياة فى 3 كلمات

حب
أمل
إعداد واجتهاد

ماذا تعلمت من الحياة حتى الان

ياااااااااااااااااااااااااااااااه
حاجات كتير أوى
منها مثلا جمله اتقالت لى من فتره
(مش هيمسح دمعتك غير نفسك )
وغيرها كتير

مكان تشعر فيه بالأمان

غالبا حجرتى

ولما أقعد مع والدتى أتكلم معاها فى أى حاجه وخصوصا لما بكلمها عن همومى

وبرضه أما أقعد مع والدى

بجد بتكون من أسعد فترات حياتى

من أكتر لاعب بتحبه

محمد أبو تريكه
لأنه شخصيه جميله
عنده أخلاق هادى وأنا بحب الهاديين

بتحب تسمع قرآن لمين

الشيخ أحمد العجمى
والشيخ محمد حسان

لو جتلك بنت وقالتلك انا بحبك هتتصرف ازاى

ههههههههههههههههههه
طيب ليه الإحراج ده بس
بصراحه مش عارف
بقالى ساعه بفكر هرد إزاى رد يكون حكيم لكن مش عارف
لكن غالبا هحاول أفهمها إن اللى هيا تقصده دا غلط وممكن أى تصرف تانى مش عارف بصراحه
إن شاء الله ما اتحطش فى الموقف دا

أكبر مغامرة حصلتلك في حياتك

مغامره
كبيره أوى الكلمه دى أصل مغامره دى حاجه غير عاديه
أما أنا عادى جدا وكل تصرفاتى عاديه جدا
لكن ممكن نقول إن بنت عمى (إيمان ربنا يرحمها يارب هيا اللى كانت حياتها كلها مغامرات وهيا دى كانت أكبر مغامره فى حياتى)

اخر عمل خير عملته امتى؟

مش عارف
بس يارب تكون كل أعمالى فى الخير وأعمال خير

كفايه كده مؤقتا

هوا لسه فيها مؤقتا ولا إيه ؟

منور يا حودا

دا نورك يا دوك

مين هما دول بقي بالاسماء؟


AESAMA

......................
دول يا سيدى أغلى سته أشخاص فى حياتى
والحقيقه إن ما فيش حد يعرفهم غير هما السته
يعنى كل واحد فيهم يعرف الباقين كلهم
غير كده ماحدش يعرفهم وما أظنش إن فى حد ممكن يعرف إلا لو انضم للمجموعه دى

السلام عليكم ورحمة الله وبركاته

وعليكم السلام ورحمة الله وبركاته

ممكن اسأل شوية اسئلة ؟؟

اتفضلى يا فندم
تحت أمر حضرتك

ليك ورد يومى من القرآن طول السنة ولا مش بتقرأ غير ف رمضان بس ؟

فى غير رمضان فى ورد ويومى
بس مش محدد يعنى بيزيد وينقص
أما فى رمضان فثابت الحمد لله

بتقول"ان هدفك رضا ربنا " طيب ايه اكتر عمل بتحس فيه ان ربنا راضى عنك؟

لما أعمل أى حاجه ويكون هدفى الأول منها هوا رضى ربنا مش بعمل عشان أى حاجه تانيه أو لأى حد تانى

[COLOR=red]ايه أكتر دعوة بتدعيها الايام دى عند الفطار ؟

ربنا يوفقنى ويدخلنى الفردوس الأعلى
ويريح بالى
ويخليلى والدى ووالدتى
ويوفق كل الناس اللى بحبهم ويجمعنى دايما بأغلى ناس فى حياتى
ومش يفرق بينها وغيرها كتير
[/

COLOR]
ايه اكتر أيه بتأثر فيك كل ما بتقرأها؟

بسم الله الرحمن الرحيم
(أَلَمْ يَأْنِ لِلَّذِينَ آمَنُوا أَنْ تَخْشَعَ قُلُوبُهُمْ لِذِكْرِ اللَّهِ وَمَا نَزَلَ مِنَ الْحَقِّ وَلَا يَكُونُوا كَالَّذِينَ أُوتُوا الْكِتَابَ مِنْ قَبْلُ فَطَالَ عَلَيْهِمُ الْأَمَدُ فَقَسَتْ قُلُوبُهُمْ وَكَثِيرٌ مِنْهُمْ فَاسِقُونَ. اعْلَمُوا أَنَّ اللَّهَ يُحْيِي الْأَرْضَ بَعْدَ مَوْتِهَا قَدْ بَيَّنَّا لَكُمُ الْآيَاتِ لَعَلَّكُمْ تَعْقِلُونَ.)

انت قلت "أنا معندش اعترافات اعترف بيها اساسا" ولما سألناك مين كاتم أسرارك قلت"ماجد صاحبى وعلى هشام" يبقى ازاى فيه أسرار من غير اعترافات؟

لا ما هما كاتم الأسرار فى المستقبل أما يبقى فى أسرار


سؤال جميل جدا

وعليكم السلام ورحمة الله وبركاته

منتظرين تكمل اجاباتك

ما رضتش اخلى حد تانى يقعد الا لما تخلص الاسئله

وربنا يوفقك ويسهلك الامور

يارب
شكرا جدا دكتور محمد
سلام عليكم