عفوا............. زوجتي امرأة عاملة

[monmona]

قديما كانت المرأة التي تعمل هي من تضطرها الظروف لذلك قد تكون ارملة او فتاة تعول امها واخواتها الايتام

او.................. او................... وكانت هذه تتعرض لانتقادات لاذعة

في وقتنا الحالي احتلت المرأة المناصب العليا وتربعت علي عرش الاعمال
بل من النادر الان ان تتعلم الفتاة ولاتبحث عن عمل ................لماذا؟؟؟؟

لا أعلم

هل هذا تغير حدث في المجتمع ام انه من دواعي الظروف الاقتصادية التي نمر بها

نعم دعونا نعترف ان عمل المرأة واختلاطها بمجتمع الرجال ومنافستها لهم ومحاولتها التسابق معهم للحصول علي المناصب العليا قد غير كثيرا من طبيعتها

هل تقبل ان تعمل زوجتك وان تتشاركك في المصاريف وعندما تقبل ذلك هل يكون لظروف اقتصادية
وعندما تقبل ذلك هل تقبل ان تشاركها في الاعمال المنزلية ليدق جرس الباب في احد الايام وتفتحه وانت ترتدي مريلة المطبخ وتمسك بيدك الكرنيب وتقول ...............

عفوا ................. زوجتي امرأة عاملة

هل انت مع الرأي الذي يقول ان خروج المرأة للعمل اثر علي المجتمع بالسلب وادي لانتشار الجرائم والبطالة وانها قد اخذت مكان شاب عاطل اتخذ طريقه للاجرام لانه لم يجد ما ينفق منه علي اسرته او لانه لم يستطيع تزوج خطيبته لانه لم يستطيع تحمل نفقات الزواج مهو عاطل ومعندوش ورث ولاحاجة

واذا رفضت عمل زوجتك سيكون ذلك لكي تكون انت الرجل الذي ينفق ومن ثم لاتستطيع انت تقول لك
ما انا زي زيك ماهي بتساعدك في المصاريف وبعدين بقولك ايه انا تعبانة في الشغل ومش ناقصاك

او انك سترفض لكي تحافظ عليها و لكي يكون اهتمامها الاول والاخير لك ولبيتها
او انك سترفض لتشعر بسيادتك ماهو انت اللي بتصرف
اوانك ستوافق علي عملها بمعاييييييييييييييير ستضعا لها وشروط يجب اتباعها

وانتي ايتها الفتاة لماذا ستخرجين للعمل اعترافا منك بان الرجل كالمرأة سواء وانك سوف تفوقي عليه اوانك تريدي ان تتخلصي من احساسك بالضعف الذي يكمن بداخل كل فتاة

ولكن يقال ان قوة المرأة تكمن في ضعفها

او انك سترفضي العمل وتتفرغي لبيتك وزوجك وتري ان نجاح زوجي افضل نجاح

وهل ستشاركي في النفقات اذا عملتي وهل ستعملي لانك تعبتي في المذاكرة وفي الدراسة والاخر عايزني ما اشتغلش ليه

الموضوع مطروح للمناقشة ولو سمحتم اللي يقول رأيه يحترم آراء الآخرين

[احمد شبند]

السلام عليكم ورحمة الله

انا لست مع عمل المراة اصلا لان شايف ان ده تحميل فوق القدر بجد المراة خلقت لاداء وظيفة لا يمكن ان تؤديها الا هى فاذا خرجت عن طبيعتها لا تسعد نقول المراة خرجت واشتغلت وجابت فلوس وساعدة جوزها فى المصاريف وفرحت بكدا وبعدين ايه بعد كدا وصلنا لايه الاولاد معلش مخدوش حقهم فى التربية الام معملتش الامور الاساسية فى البيت البيت باظ مفيش حاجة فى مكنها بنتها عندها مشكلة امها مش موجودة خلاص تكلم صاحبتها ويا عالم صاحبتها عاملةازاى الولد بيغيب من درسة مين يسال عليه لا لا شرب سجاير من يا ادرى............

انا هحكى قصة واقعية عن ام واب واحد صحبى حبيبى اوى اوى بيقولى :

امى صيدلانية تخرجت وابى كان يعمل طبيبا فى الاسكندرية ولا يا اتى الا كل اسبوع مرة وامى كانت بتزهق من الجلوس لوحدا لانها مش بتشتغل وكانو ا لسة مجبوش اولا فقالت لابى انها لازم تشتغل لانها تعب وزهقت قالها خلاص برحتك انا كنت عاوز اريحك خلاص اما ت ادمت فى التامين الصحى وكانت بتنزل يوميا الشغل وبعديت ابويا خلص شغلة فى اسكندرية والحمد لله فتح عيادة وبعديها بسنتيت ربنا كرمه وفتح صيدلية لولدتى بدا الجد بقى امى اصبحت لاتاتى البت نهائيا اصبحت استيقذ من النوم لمدة 4 سا عات كاملة لا اجد احد بالبيت حتى انى اتذكر مرة انى اخذت اخى الصغير كان عنده 3 سنوات وانا 4 وقلنا ننزل ندور عليهم وكنا ش نعرف ندور عليهم فين المهم مشينا ووحنا مشين اتفاجانا ان كل الناس متشاور علينا من العربيات كله بيقو حاسب اوعة اكتشفنا فى الاخر اننا ماشين فى وسط طريق سريييييييع والعربيات ماشيا حولينا كان ممكن نموت طبعا احنا تهنا امى بترجع على الدهر ملقتناش امى اتصلت با بى تقوله العيال تاهو سمعها هو ماتوا يقولها الاتنين تقوله ايوة الاتنين ابويا من صدمته فقد عاله فى لحظة تعب جدا واغمى عليه

انا ضربت مثل بس طبعا فى عيووووووووووووووب كتير جدا بس انا ذكرت موقف واحد حد هيقول بس هى كان ممكن توفا بين وقتها ووقت البيت بس فعلا هما كانوا فلا تحدى كبير جدا لازم ينجحوا لانهم كانوا بداين تحت الصفر بكتير لدرجة انا ختى فى ايام كانت بتمرض مكنش بيلاقى فلوس يجيب دوا .

المهم بعد ما فات عشرين سنة واصبح عندهم اكبر صيدلة فى البلد وابويا اصبح اكبر دكتور تاريبا على مستوى المحافظة لدرجو والله العظم ناس جم يكشفوا عنده من ايطاليا والله من ايطاليا

كنت جالس مع امى وبشتكلها عن الى هما حرمونى منه قالتى والله يا ابنى انا حاسة انى معشتش بجد انا ضيعت عمرى قال ايه كنت عاوزة اشتغل جالى ايه من الشغل بقى عمرى ضاع وولادى محستش بيهم وبكرة يتجوزوا ولا يسالو عنى

[monmona]

جزاك الله خير عن المشاركة يادكتور وشكرا علي رايك

[موظفه طموحه]

اولا شكرا جزيلا على الموضوع كل ماطرح بالموضوع واقعيا تماما ولكن نحن الان اصبحنا فى زمن لابد فيه من مساعدة الزوجه لزوجها وذلك نظرا لظروف الحياه الصعبه والعيشه المرفهه اللتى يتمنى كل اب وكل ام ان يتمتع بها اولادهم
ولكن صدقونى وهذا عن تجربه الام اللتى تعمل وعندها الحرص على تربية اولادها تربية صحيحة يكون ثمنه صحتها واعصابها مثلا انا احد الزوجات العاملات اعمل لانى
اعشق طبيعة عملى اولا
احب تحقيق ذاتى
احب ان يستفيد منى المجتمع واستفيد انا ايضا
وفى نفس الوقت افيد اولادى جدا الحمد لله
ومن خروجى لعملى اعطى لاولادى النصيحه اللتى تتماشى مع الدنيا الجديده اللتى نعيش فيها الان وايضا تحتاج كل الحرص فى المعامله
وايضا اعمل بكل ضمير واتقان شديد واعامل ربنا فى عملى ويعلم الله هذا ...........ولكن فى نفس الوقت اعطى اولادى حقهم فى كل لحظه اتواجد معهم وفى كل يوم اجلسه معهم والحمد لله اعلمهم كل شىء اى نعم هذا مجهود خارق لكن والله والله اشعر بسعاده غامره وانا بين عملى وبيتى واولادى يارب يديم هذه السعاده ولا اتخيل نفسى بدون هذا الرتم

[pharmacistina]

فعلا ..

بجد لو عمل المرأة هيطلع بيت مفكك و أولاد ضايعين سواء أخلاقيا أو دراسيا أو عاطفيا ..

بلاش منه ألف مرة ..


لأن قدام ربنا هي مسئولة عن البيت دة ولازم تقوم بدورها تجاهه ..

أما الشغل فدة حاجة مايحاسبهاش عليها ربنابمعنى انها مش ضرورة ..

لكن برده بأكد ..

المرأة اذا لم تعمل فلابد أن تعلم ..

يعني تفضل تقرأ و تفضل مثقفة و تقدر تعمل دة في البيت ..

شكرا ع الموضوع المهم جداااا

[دينا سالم]

يا جماعة يعني انا اتعلم وادخل كلية صيدلة و الآخر اقعد ف البيت
وايه المانع ان الواحدة تقدر توفق بين ده وده وتاقلم حياتها وولادها وتختار ولو كان مثلا شغل بسيط
ولو الساعات اللي هيبقي الزوج ف العمل والولاد ف المدرسة وتقدر ترجع قبلهم كمان
وكمان اكيد التعليم اللي ضيعت من عمري 22سنة مش هقعد بيهم ف البيت
و كمان طول ما كان الشغل ده هتفيد بيه ناس كتير وتقدر تعمل حاجة هتفيد الا سلام والمسلمين
مفيش مشاكل ان شاء الله
الا اذا كان بأةحد من المشايخحرم عمل المرأة بالشروط الصحيحة والضوابط

[white light]

جزاكى الله خيرا على الموضوع
انا من راى ان عمل المراه ملوش لازمه
لان الله خلق المراه لتربيه الاولاد وخلق الرجل للعمل وطلب الرزق
بس الزمن اللى احنا فيه بيجبر المراه على العمل لان ظروف المعيشه صعبه
بس نرجع ونقول يعنى انا اتعب نفسى فى المذاكرة واخش كليه صعبه وفى الاخر مشتغلش بيها وانسى اللى ذاكرته
بس لو المراه تستطيع انها تراعى زوجها واولادها ومتقصر فى حقهم وبرده تراعى شغلها يبقى مفيهاش حاجه

[Sincerity]

والله يا جماعه ما هيا حكايه تعليم ولا كلام من ده ... لو كل واحده قالت انا تعبت كذا سنه ف التعليم واتصرف عليا اد كده ... لازم أشتغل بقى وأثبت نفسى وان ده كله مش يروح على الفاضى ...
والله انا شايفه ان نجاح المرأه ف بيتها أحسن ألف مره من نجاحها ف عملها ... لما تاخد بالها من أطفالها وزوجها ...يكون عندها نجاح زوجها ف عمله بمثابه نجاح ليها ... لما تعرف تربى أطفالها تربيه اسلاميه صحيحه ... بجد كل ما تشوف ده أدامها هتحس بنجاح ليها هيا ...
أنا جايز كنت ف الأول مع عمل المرأه وان مثلا ناس صيادله زينا اتبهدلو 5 سنين ف الكليه انهم لازم يشتغلوا ويثبتوا نفسهم بس بجد فكرت لقيت ان بالنسبه لى نجاح زوجى ف عمله وان أطفالى يكونوا متربين تربيه كويسه أحسن عندى ألف مره من نجاحى ف شغلى ...
حتى لو قلنا ان المرأه هتقدر توفق بين شغلها وبيتها برضه مش هتقدر تعطى أولادها وزوجها الاهتمام الكافى وبجد هيبقى حمل جامد جدا عليها ...
أنا برضه مع فارماسستينا فى جملتها
المرأة اذا لم تعمل فلابد أن تعلم ..
حتى لو انا مش اشتغلت وقعدت ف البيت أحاول مش أنسى اللى اتعلمته وأحاول أجدد معلوماتى دايما وأبقى مثقفه ...

ده كان رأيى بصراحه
موضوع رائع ...تسلمى عليه

[Anas]

تاني الموضوع ده ... يا معين يا رب

هل تقبل ان تعمل زوجتك وان تتشاركك في المصاريف وعندما تقبل ذلك هل يكون لظروف اقتصادية

مبدأيا لا أقبل ... انما لو لا قدر الله الظروف الاقتصادية مش مناسبة ف ممكن أوافق ساعتها

بس هتبقى موافقة عارضة الى أن يزول السبب

عندما تقبل ذلك هل تقبل ان تشاركها في الاعمال المنزلية ليدق جرس الباب في احد الايام وتفتحه وانت ترتدي مريلة المطبخ وتمسك بيدك الكرنيب وتقول ...............

عفوا ................. زوجتي امرأة عاملة

أشارك في اعمال البيت اه ... و ده الطبيعي حتى لو هيا مش بتشتغل ... و الرسول عليه الصلاة و السلام كان في خدمة أهله

انما بإذن الله عمر ما اليوم هييجي و أضطر أقول الكلمة اللي بالأحمر دي

هل انت مع الرأي الذي يقول ان خروج المرأة للعمل اثر علي المجتمع بالسلب وادي لانتشار الجرائم والبطالة وانها قد اخذت مكان شاب عاطل اتخذ طريقه للاجرام لانه لم يجد ما ينفق منه علي اسرته او لانه لم يستطيع تزوج خطيبته لانه لم يستطيع تحمل نفقات الزواج مهو عاطل ومعندوش ورث ولاحاجة

أنا مش مع الرأي ده بالكامل ... لان فعلا عمل المرأة بيضيع فرص عمل كتير للشباب هم أولى بيها
لان البنت أو المرأة عمنوما ربنا يسر لها الرجل اللي يصرف عليها من لحظة الولادة الى أن يقضي الله امرا كان مفعولا
أيا كان الرجل ده ... أب أو أخ أو زوج أو أي حد من أولياء أمورها ... ف بأي حال من الأحوال أمورها متدبرة و ربنا يسر لها اللي يراعيها
انما الشاب بيكون مسؤل بداية عن نفسه و عن أسرته اللي عايش فيها و بيكون عاوز يجهز نفسه للزواج

ف لو قارنا ببساطة كده بين المنافع اللي بتعود من وراء عمل امراة و المنافع المتوقعة لو استبدلنا في مكانها شاب

هنلاقي ان المرأة بتفيد نفسها بس - غالبا - بالفلوس اللي بتكسبها من العمل ده
أما الرجل بيفيد نفسه و غيره بيها ... و بنفس المبلغ ... و ده طبيعة الانسان اللي ربنا خلقه عليها

و مش قصدي أقول ان المرأة لما تشتغل بتكون انانية أو مش بتفكر في الا في نفسها
لان المرأة طول عمرها مصدر للعطاء أيا كانت ام او أخت أو زوجة ...

انما اللي أقصده من كلامي هو ان الفايدة بتعم اكتر في حالة الرجل

واذا رفضت عمل زوجتك سيكون ذلك لكي تكون انت الرجل الذي ينفق ومن ثم لاتستطيع انت تقول لك ما انا زي زيك ماهي بتساعدك في المصاريف وبعدين بقولك ايه انا تعبانة في الشغل ومش ناقصاك

أولا مفيش حاجة اسمها " ما انا زيي زيك " دي خالص ... لان كل واحد له مهمته و احنا الاتنين في النهاية بنكمل بعض

ثانيا بقه و ده الأهم ... لو هي قالت الكلمة اللي بالأحمر دي ... يبقى جابت الدليل على نفسها ان شغلها مأثر على اهم حاجة في حياتها - ده المفروض - و هو زوجها ... يبقى من نفسها طالما اعترفت بكده تسيب شغلها لحد ما تعرف توفق بين الاتنين ... أو تفضل في شغلها اذا كانت شايفة انه أهم من مراعاتها لزوجها ... لان كل واحد له أولوياته !!!

والرسول قال " أعط كل ذي حق حقه " ... يبقى لو الشغل هيأثر على البيت و هو الاهم يبقى بلاها شغل

او انك سترفض لكي تحافظ عليها و لكي يكون اهتمامها الاول والاخير لك ولبيتها

ده والله أكتر ما يهمني ... و الكلام اللي بأحمر ده يلخص رأيي كله ... و اظن ده من ابسط حقوقي

او انك سترفض لتشعر بسيادتك ماهو انت اللي بتصرف
اوانك ستوافق علي عملها بمعاييييييييييييييير ستضع لها وشروط يجب اتباعها

هو أنا ممكن أوافق فعلا ... لان مبدأي ان مفيش قرار مطلق ... و ان كل حاجة مهما كانت قابلة للنقاش " ما لم يرد فيها نص واضه بامر أو نهي من القرآن أو السنة "
ف حتة الشغل دي من الأمور اللي لاااااااازم يتم الاتفاق عليها قبل الزواج ... و ممكن الظروف في بداية الزواج بتكون متطلبة ان الزوجة تشتغل ...

و ايا كان السبب في عمل المرأة ... ف لاااااااااازم يكون بضوابط و قواعد بس مش أنا - أو الزوج يعني - اللي بيضعها ... انما دي ضوابط شرعية معروفة لنا جميعا ... و بتحكم خروج المرأة للمجتم عامة للتعليم أو للعمل أو لقضاء أي من أمورها


حلو الموضوع ؛

[drsherbiny]

هل تقبل ان تعمل زوجتك وان تتشاركك في المصاريف وعندما تقبل ذلك هل يكون لظروف اقتصادية

اقبل طبعا الا ازا اقتدرت ماديا وحسب رغبتها