عوده الى كرسى الاعتراف مع د amira

[محمد سمير]

السلام عليكم ورحمة الله وبركاته

عوده الى كرسى الاعتراف مع د

amira

نظرا لان د بيبو جهازها بايظ وبيصلح ومش هتكون متواجده باستمرار اليومين دول

فانا قلت نكمل الكرسى بالعضوه اللى كانت بعد د بيبو فى الاصوات

وهيا د اميره ولما ترجع د بيبو نكمل موضوعها

طبعا د اميره

من الشخصيات المتعاونه والمحترمه جدا على المنتدى

والناس كلها تشهدلها بكده فى المنتدى

ويلا نبتدى فى الاعترافات

وقد تقرر منعها من الاكل والشرب على مدار الاسبوع ويجب عليها الاجابه على كل الاسئله دون هروب من اى سؤال
ونبدا بسم الله الرحمن الرحيم ( دي اسئلة التعارف فبتبقى بسيطة )
"اولا :البطاقة العائليه:-
الاسم سباعى :
السن:
الحاله الاجتماعيه (متزوجه ام عذباء):
عدد الاخوه والاخوات:
وظيفة الوالد والوالده :
حضرتك بتحبى كليه الصيدله ولا دخلتيها بالتنسيق:
لو حضرتك مدخلتيش كليه الصيدلة كنتى تحبى تدخل كليه ايه:
مين كاتم اسرارك:
ايه هى احلامك:
اكتر موضوع عجب حضرتك على المنتدى واكتر عضو بتعجبك مواضيعه (من حقك تقولى اكتر من اسم)



كفايه عليكى كده دلوقتى وهرجع تانى ان شاء الله ومستني اسئلة الدكاترة ان شاء الله

ملحوظه :- (حضرتك قاعده معانا على الكرسى ان شاء لحد يوم الجمعه الجايه )

[Amira]

السلام عليكم ورحمة الله وبركاته

وعليكم السلام ورحمة الله وبركاته

عوده الى كرسى الاعتراف مع د

amira

نظرا لان د بيبو جهازها بايظ وبيصلح ومش هتكون متواجده باستمرار اليومين دول
الله يسامحها

فانا قلت نكمل الكرسى بالعضوه اللى كانت بعد د بيبو فى الاصوات

وهيا د اميره ولما ترجع د بيبو نكمل موضوعها

طبعا د اميره

من الشخصيات المتعاونه والمحترمه جدا على المنتدى

والناس كلها تشهدلها بكده فى المنتدى

شكــراً يا د.محمد ...الله يكرمك

ويلا نبتدى فى الاعترافات
الله المستعان
ربنا يستر

وقد تقرر منعها من الاكل والشرب على مدار الاسبوع ويجب عليها الاجابه على كل الاسئله دون هروب من اى سؤال
ونبدا بسم الله الرحمن الرحيم ( دي اسئلة التعارف فبتبقى بسيطة )
"اولا :البطاقة العائليه:-

الاسم سباعى : انا اسمى كله 5 بس
أميره محمد ...كفايه كده

السن: 21 سنه و شهرين وشويه ايام

الحاله الاجتماعيه (متزوجه ام عذباء): عذباء

عدد الاخوه والاخوات: أخت و أخ

وظيفة الوالد والوالده : الاتنين فى التربيه والتعليم

حضرتك بتحبى كليه الصيدله ولا دخلتيها بالتنسيق: بحبها و دخلتها تنسيق برضو
الحمدلله كنت عاوزه ادخلها ومجموعى جاب صيدله الزقازيق

لو حضرتك مدخلتيش كليه الصيدلة كنتى تحبى تدخل كليه ايه: لانى كنت بحب الانجليزى فممكن تربيه انجليزى "بس ده كان كلام عيال يعنى دلوقت عمرى ما افكر ادخلها ابدا "

مين كاتم اسرارك: اختى و بيبو ونيره وهند

ايه هى احلامك: اتخرج على خير ان شاء الله وبعد كده حسب الظروف ان فى شغل ولا لا

اكتر موضوع عجب حضرتك على المنتدى واكتر عضو بتعجبك مواضيعه (من حقك تقولى اكتر من اسم)
بلغوا عنى ولو آيه
ومواضيع تانيه كتييير
بحب اقرأ مواضيع :
د.محمد على سلام
د.رامى
د.احمد شبند
نيره
بنبونه
DR/HULK
وناس كتير كمان لانى بقرا الموضوع من غير مااخد بالى من العضو غير بعد ما اخلص قراءه

كفايه عليكى كده دلوقتى وهرجع تانى ان شاء الله ومستني اسئلة الدكاترة ان شاء الله

ربنا يسهل
ملحوظه :- (حضرتك قاعده معانا على الكرسى ان شاء لحد يوم الجمعه الجايه )

الله يسامحك يا بيبو

[dr emy.hassan]

اولا / كل سنه وحضرتك طيبه دكتورة اميرة
انا اول مره اسأل حد على فكره بس لما لقيت حضرتك اتشجعت وقولت اسألك شويه اسئله ده لو معندكيش مانع
بسم الله

ايه اجمل سنه مرت عليكى ؟؟؟؟


اكتر برامج بتحبى تشوفيها ؟؟


شخصيتك (عصبيه - طيبه- رومانسيه -............)؟؟


ايه هو لونك المفضل ؟؟؟؟


بتحلمى بايه؟؟

ايه المكان اللى نفسك تزوريه ؟؟؟

ايه اكتر حاجة بتفرحك واكتر حاجة بتزعلك ؟؟؟

ايه رأيك فى فكرة الخطوبة أثناء الدراسه ؟؟؟


ايه مواصفات فارس احلامك؟؟


كفايه كده واتمنى اسئلتى تكون سهله

[Amira]

اولا / كل سنه وحضرتك طيبه دكتورة اميرة
وانتى طيبه يا مـوون
انا اول مره اسأل حد على فكره بس لما لقيت حضرتك اتشجعت وقولت اسألك شويه اسئله ده لو معندكيش مانع
لا طبعا معنديش مانع
تنورى فى أى وقت
بسم الله

ايه اجمل سنه مرت عليكى ؟؟؟؟
مفيش سنه محدده يعنى كل سنه عندى فيها الحلو والوحش
بس ممكن السنادى لانى قربت من ناس اصحابى اكتر


اكتر برامج بتحبى تشوفيها ؟؟
مبحبش البرامج كلللها ... ناس رغايه انا بحب المختصر المفيد
بس احيانا بشوف العاشره مساءً
ولو لقيت اى برنامج للشيخ محمد حسان او عمرو خالد بتفرج عليهم


شخصيتك (عصبيه - طيبه- رومانسيه -............)؟؟
عصبيه بس بتعصب لما افضل ساكته ساكته والاخر اتعصب بقى "اتق شر الحليم اذا غضب "
بتصالح بسرعه جدا الحمدلله
يقال انى طيبه برضو
عنديه مع بعض الناس


ايه هو لونك المفضل ؟؟؟؟
الازرق


بتحلمى بايه؟؟
اتخرج على خير ان شاء الله وبعد كده ان كان فى شغل خير وبركه لو مفيش برضو خير وبركه على حسب ظروفى ساعتها
وانى ان شاء الله اربى اولادى كويس

ايه المكان اللى نفسك تزوريه ؟؟؟
السعوديه

ايه اكتر حاجة بتفرحك واكتر حاجة بتزعلك ؟؟؟
بيفرحنى لما بساعد حد او بحس انى محبوبه بين الناس
بيزعلنى لما حد يخلينى اعمل حاجه غصبا عنى
او حد يتجاهلنى او يحرجنى

ايه رأيك فى فكرة الخطوبة أثناء الدراسه ؟؟؟
مفيهاش مشكله طالما مش هتاثر على الدراسه


ايه مواصفات فارس احلامك؟؟
اهم حاجه متدين " مش متشدد " و طيب و مرح

كفايه كده واتمنى اسئلتى تكون سهله

سهله الحمدلله يا moon

[dr emy.hassan]

سهله الحمدلله يا moon

طب الحمد لله ربنا يحققلك كل احلامك ان شاء الله

[ELANDALEEB]

السلام عليكم

اولا : ألف مبروك يا د amira على النجاح ، ومن تفوق لتفوق باذن الله
ثانيا : انا هستغل فرصة ان حضرتك مستعدة لإجابة أى سؤال ، وارسم صورة خيالية عن حضرتك

الأسئلة ممكن تحمل اكتر من معنى ، لكن حضرتك تجاوبى عنها بالمعنى اللى يناسبك ، ويارب اكون ضيف خفيف يادكتور ومسببش لحضرتك أى ازعاج او قلق .

ونبتدى الأسئلة :

1- ياترى شايفة العالم اللى حواليكى ده ازاى ؟ وشايفة نفسك فى العالم ده ايه ؟
2- ياترى تقدرى تاخدى قرار لوحدك ؟ ( نعم أو لا )
3- لو حد اتسبب لحضرتك فى آلم ، هتحرصى انك تؤلميه ( سياسة الانتقام يعنى ) ؟
4- ازاى تقدرى تبنى افكارك وثقافتك العامة ؟
5- تقدر تتخطى الخطوط الحمراء فى العلم ؟ ( سؤال اختيارى ممكن متجاوبيش عليه )
6- طفل / شمس / جبل " ايه معنى المصطلحات دى من شخصيتك ؟
7- هل يشفع بكاء من ظلمك فى قلبك ؟
8- ازاى تقدرى تخرجى من موقف محرج ؟
9- من هو الرجل ؟
10- ايه اول حاجة جت فى بالك اول ما قرأتى اسئلتى ؟ " بأمانة "

الهروب من الاجابة غير مسموح ، والإجابة تكون صريحة بدون لف ودوران



سلام

[N00R EL _SHAMS]

با هلاا يا هلاا

انتى وصلتى بالسلامه للكرسى يا ميرووو
دا انا هضحك ضحك بقى على كده

انا معنديش اساله طبعا
انا اى حاجه عايزه اعرفها مش محتاجه كرسى اعتراف

بس هتفرج عليكى بس
بالراحه عيها يا جماعه

[تابعة محمد]

بسم الله الرحمن الرحيم
اهلا بيكى يا أميرة وكل سنة وانتى طيبة و مبروووووووووووووووك النجاح .

واتفضلى الاول الهدية ديه علشان مش اضمن بعد كده هترضى عنا ولا



وقلت اجبلك كرسى اخر حلاوة علشان تاجبى برحتك وتتانتخى زى ما انتى عايزة



بس ربنا يستر ومش يعملوا فيكى حاجة ، او تكون اخرة عصبيتك هى



يلا سلام ........... ديه المقدمة بس ، ولسه الاسئلة هتيجى بعدين .

[NeScaFE]

/

ههههههه .. فرق السما من الارض بينه وبين الكرسى اللى قبله

يا ساتر عليكم

[تابعة محمد]

ههههههه .. فرق السما من الارض بينه وبين الكرسى اللى قبله

يا ساتر عليكم

ما انا قلت اطمنها و بعد كده اصدمها .
وبعدين ربنا يكون فى عونها ، مشاركتين من دوك سامح ، وهتبوظ جهازها وتقطع النت كمان .

يلا بقى شدوا حيلكم عايزين نظيطها ونروق عليها .
يا حسارة عليها ما جت رجليها ............. ورونا شغل راية وسكينة وحصب الله .